金龍泰國菜 (已結業)

今次lunch time黎食，地方細細，但野食唔錯，位於鰂魚涌屋邨的附近既小店，價錢相宜煎蛋肉碎飯比較辣d，幾野味，鐘意食辣既朋友仔可試下，隻蛋煎得唔錯，有個焦邊泰式炒金邊粉味道略甜，本人唔太鐘意，但食落又幾惹味，整體唔太差，如果可以辣多少少會好食d，份量都唔少，細食既女仔可能會食唔晒佢午餐包樽裝可樂，超鐘意，夠晒氣，可樂配泰式野真係一流十分期待佢個晚市小菜，睇相非常吸引如果大家係附近返工既 值得一試

星期天工人姐姐放假，又要外出搵食，鰂魚涌區都好多選擇，今次去試下呢間泰國菜先，座位不算多，但也幾整潔，正宗泰國人主理！三人食，點咗海南雞半只，馬拉盞炒通菜，濕炒豬頸肉河粉，同理鷄肉豬肉串燒！海南鷄，鷄肉嫩滑，有鮮味，蘸醬汁食，好味，但雞皮好多羔油，建議唔好食皮！馬拉盞通菜，味道幾好，但D菜似乎唔啱季節，所以較硬身！要咀嚼多幾下！豬頸肉濕炒河粉，D肉質輭滑入味，可惜河粉太多汁了，好似湯咁！串燒，豬鷄各三件，都幾稔滑夠味，點醬汁食幾可口，四道菜三人食，份量好夠了，埋單二百七，幾抵食！

首領今日唔得閒，靚媽又話要去鬆一鬆😴 唯有由 #小秘書 我帶隊去食飯🍚 見人少少，今日就行遠啲... 去到鰂魚涌巴士總站附近嘅 #金龍 食泰式set lunch。唔好見佢地方小小、裝修又噏噏耷耷，但係就吸引咗唔少鰂魚涌附近嘅白領嚟幫襯👀 我哋今日就叫咗 #黃咖喱班腩飯+#香葉辣椒燒肉飯 做午餐🍴 #小秘書 好鍾意師傅整嘅黃咖哩汁㗎，用嚟撈飯食認真一流👍🏻 為食嘅 #小秘書 仲偷咗同事一塊燒肉嚟食，口感都唔錯，肉質亦唔會好似一般泰式燒肉咁乾身，味道都ok wow！$55套餐仲會包一支可樂做餐飲，係咪拈先？！😉

下雨天好耐冇食呢間, 一於懷舊下以前食開都係算抵同okay, 1年幾冇食又要光臨返星期五既lunch time 快2點都有位, 見到menu就覺得好吸引喇, 我叫左冬陰功雞河, 冬陰功只有扎肉同雞揀, 兩樣都唔係我喜愛, 但我記得呢度好多人食海南雞, 所以我期待雞會滑滑地朋友叫左泰式乾抄河加奶茶飲品好快就到喇, 朋友杯奶茶係茶,奶, 甜極不平衡, 係完全冇茶味同極重奶同甜味, 我朋友好少食剩野, 今次飲剩一半我叫左凍菊花蜜, 飲落係暖, 淡淡地有少少甜, 都係叫汽水穩陣我碗冬陰功好快就到左喇, 見到咁紅咁多辣椒就後悔, 總之叫小辣, 食落竟然係甜既? 唔辣唔咸既? 湯好多渣, 一係連渣食, 一係挑d河出黎, d雞好老, overcook, 屬中下之作, 唔合格, 我要加魚露同辣椒先夠味我朋友碗河我都唔清楚, 但我假設情況相似呢個裝修係舊舊地, 你唔會期待有咩服務, 但連食物都唔好味既話, 我下次會揀第二間

香港人一向識飲識食😛我用自己為例子，為左食好野，可以不顧一切捐窿捐罅✌🏻今日就黎到鰂魚涌搵食。位置相當方便，係116巴士站格離岀地鐵站都係行5分鐘就到今晚去到已經9點拿拿聲叫野食小店多數唔會開太夜落單/樓面都係得一個人(應該係泰國人老闆娘)廚房都係一個人 (可能夜既關係)食到九點幾仲有兩個人入黎我地兩個人食三樣野，超飽😁味道唔會話太咸 幾好環境企理 清靜Lunch 都好多人食架繼續支持小店👍🏻👍🏻

祐民街是鰂魚涌的美食小街，雖然有點隱蔽但其實整條街都是不同的食店。今次來到了金龍泰國菜，位置是在整條街的最後最後，說他是真正的秘店也不為過。店鋪沒有華麗的裝潢，也沒有浮誇的餐牌，卻是真正由泰國人整的泰國食物，卻是最踏實樸素的泰國美食。點了一個青咖哩雞飯，份量非常足夠，味道也很好。青咖哩汁非常香、雞肉口感很嫩、滲透汁的茄子更是把整個飯昇華至另一個層次！另外還要了一杯凍檸茶，原本以為只是其他連鎖泰國餐廳的普通港式凍檸茶，怎料到味道非常特別，竟是真正的泰式凍檸茶！午餐價只是＄5x，但吃到真正由泰國人整的泰國菜，感到值回票價了。

香港的泰國菜館, 很多也是泰國人開的, 因此很多也有泰國人坐陣。今次去的金龍泰國菜也是一樣, 全店的職員也是泰國人, 操流利泰文! 所以, 在這餐廳吃飯, 也像到泰國旅遊時吃飯的感覺一樣, 當然, 感覺更舒適自在!在鰂魚涌的小巷裡, 有很多小店, 你不會想到金龍是傳統的泰菜。我點了一客泰式炒金邊粉, 朋友點了一客青咖哩雞飯。炒金邊粉的香料味道不會過濃, 很適合香港人口味, 如果份量可以加大一點, 則更好!青咖啡雞飯, 味道辛辣, 如果是愛吃辣的朋友, 應該十分喜歡!

今日忽然好想食泰國野 咁啱係鰂魚涌行行下見到有間唔係好起眼嘅泰國餐廳佢個位置喺116巴士總站隔離完全唔起眼又係街尾一定要行到過去先會見到！喺門口見到入邊地方雖然細但係全部職員都係泰國人所以就入去試吓！我哋四個人叫左四碟逐碟分享下！泰式金邊粉味道夠正宗，有花生碎，識落唔會太油膩，金邊粉有煙韌有口感！好食！香葉辣肉碎煎蛋飯依個菜式係我最鍾意食嘅泰國菜。佢都冇令我失望，香葉都好香而且夠辣！味道十分！菠蘿炒飯味道唔錯，但係同頭先兩個比較就差左少少。原因係菠蘿唔夠香甜，應該係鑵頭菠蘿。青咖哩牛飯好重椰香又夠辣，仲有茄子係入面。超有泰國既感覺！依間泰國菜可以話超地道又夠平，港島既朋友要去試下！

隨著香港踏入夏季，又悶熱又潮濕嘅天氣令人食慾不振，谷妹決定去食又酸又辣嘅泰國菜刺激下胃口，所以今日嚟到呢間位於鰂魚涌嘅金龍泰國菜。雖然係平日午飯時間12點幾去到，但係唔使等位，一去到就有得坐低。裝修頗有thai feelings，店員全部都係泰國人，直頭去咗金邊咁呀！坐低嗰陣店員雖然準備緊材料，但係都好爽快咁即刻過嚟同谷妹落order。谷妹要咗冬蔭功雞湯河，而友人則要咗泰式炒金邊粉（泰國最遠近馳名嘅菜式，又名pad Thai with Chicken)。菜式來到個陣，賣相都算ok。但係一擺入口到就發覺大！事！不！妙！ 冬蔭功真係好難食，名副其實好陰功呀！對泰菜素來有些少硏究嘅谷妹，知道冬蔭功嘅三大要素係香茅（lemongrass），青檸葉（kaffir lime leaves)，同南疆（galangal），但係呢個所謂『冬蔭功』係得陣魚露味，一種香料都冇落！！谷妹火到差d想叫店員嚟問一問，明明我叫嘅係冬陰公，點解會比咗個辣魚露湯河我。講真要飲魚露嘅，我去超市買一大支，10蚊都唔洗就有得飲飽佢啦！友人的泰式金邊粉尚算合格，基本嘅味道都叫做係返度。  要批評嘅話，就要話下佢炒得有啲油，同埋

媽媽已經出發去旅行，要開始自己吃自己的時間XD這天午飯約了同事~由她帶路來到一家吃泰國菜的。在這區工作了一段時間，但這個位置倒是一直沒有踏足過~舖不大再加上這家原來也頗多人吃，等位是當然的吧。幸好我們只有兩個人和早了少少等位，所以都算快可以入座跟很多餐廳一樣，這店也有午市套餐^^泰式炒金邊粉 ($50) 炒得很香，不算太油膩。調味方面很甜，吃到最尾的一啖又突然很鹹Orz有炒蛋、雞肉、蔥等。炒蛋不會太老，但雞肉很"鞋"口，有少少乾。餐飲點了 - 凍菜蜜。都是好甜，而且冰很多 >_____< 但就算冰溶了還沒有沖淡那甜味。反倒同事叫熱的那杯好像更好?! 杯子一樣，而且是暖。

一間簡單嘅泰式鋪頭, 款式唔多但每樣都好味. 而我就最愛香葉辣椒肉碎飯. 其實, 炒金邊粉都好好味. 香葉辣椒肉碎飯, 辣辣地肉碎加一隻半生熟太陽蛋配搭得幾好, 好香好味又好好餸飯. 一碟簡單嘅肉碎飯, 令我每當想食泰式野時就想起呢碟肉碎飯. 

今晚想食d辣嘅嘢，所以去咗試吓金龍，入到去位唔多，要企係門口等 。今晚我地叫咗:-海南雞飯 - 雞好滑，d雞飯唔油膩👍蝦餅 - 好新鮮，好有蝦味，唔覺油膩👍泰式豬腳飯 - 味道一般，沒有驚喜😯泰式炒通菜 - 夠野味，但好似份量少咗d😋東陰公豬扒湯河 - 呢個湯底真係值得一提，好濃，夠味，不過我覺得d豬扒有少少油👍菊花蜜 - 好少泰國菜館有，好似好解辣，但味道較淡😔

呢間位於鰂魚窿不起眼嘅泰國菜一入鋪已經好有泰國feel 泰皇嘅相、四面佛，而最重要係廚師、伙記全部都係泰國人環境唔算乾淨、鋪頭好細，最多應該只可以容納二十人好多好有特色嘅泰國菜，有冬蔭公最後我同個fd揀左蝦炒金邊粉、海南雞飯同馬拉盞通菜三樣都好食仲有一個湯送，味道清清地，有冬瓜、芫荽，但同行嘅女仔fd話有味精海南雞飯我嫌個油飯麻麻地，唔入味、雞就好嫩滑馬拉盞通菜好食，好夠味，又唔太鹹金邊粉都還可以但我哋都嫌三樣嘢太油膩，食完好滯

星期六七點到達，無需等位馬上入座，所有員工均是泰國人，兩人柯打了：泰式海南鳮反套歺，雞肉嫩滑配上泰式辣汁及味反，不算太特別但是可以一試！泰式鹹魚炒椰菜仔，味道不錯，但是不辣。串燒雞肉半打，可以食出是即燒的，雞肉嫩滑焼得恰到好處。青木瓜沙律非常新鮮，但又是不辣且較酸！一杯青檸梳打，非常好味道，比很多歺館做得好！埋單共213，整體上價錢公道，味道不差但感覺上缺少了泰國菜味道，可能因為遷就港人口味而減少了辣！食完離開才發現門口已經要等位及連門口位也坐滿了。下次再去會試炸蝦餅，燒魚及鹵朱手反，因為見到其他人柯打賣相不差！

今天搬完屋，第一次來這條街找吃的，看見這泰國菜館，大家就試試這裏。裏面座位不多，約有20吧，餐牌上有不少食品，而午餐全部都是$38元，品種算多。我們四人，有的選了冬陰公雞絲湯粉、鹵水豬手飯、海南雞飯，而我就選了鍾情的咖喱牛腩飯，還有一杯熱飲，他們都選了菜蜜，我就選了咖啡。他們的食物來時的賣相都不錯，我的咖喱牛腩賣相也不差，有紅綠椒、香葉和薯仔，也聞到咖喱的香味，牛腩頗腍，份量也多，味道豐富，並不是普通茶餐廳的螢光飯，薯仔可能是兩段時間弄出來的，腍硬有別，當然腍的較美味，但已十分滿意。咖啡都算有香味，但已落糖，對於不加糖的我，這有點美中不足。其他的食品，家人們也讚賞，其中一位喜歡這裏的原因是店員全是泰國人。接著第二天，家人們又來試多一次，可見這真是開飯之選。