金龍泰國菜 (已結業)

走過鬧市一角，"金龍泰國菜"給了我一個好味道的驚喜🌟。呢間唔起眼嘅街邊餐廳裏面，藏有一股無國界嘅地道泰式風味。今次我揀咗三樣餐牌上嘅長青擂台手，每一樣都讓我回味無窮。首先，海鮮冬陰公🍲，湯底辣辣哋，湯頭酸酸地，飲一啖心頭一暖，啖啖海鮮，齊齊整整在湯匙上浮呀。鮮蝦彈牙，蘑菇鮮嫩，無一個元素係多餘嘅。跟住，馬拉盞炒通菜🥬。嗯，通菜crunchy嘅口感加上馬拉盞嘅鹹香，清新同濃烈間嘅完美拍擋，令呢碟青菜都咁引人入勝。重頭戲來咗，香辣肉碎炒飯🍚。粒粒分明嘅飯粒混合炒得啱啱好嘅肉碎，每一啖都夾雜住嘢味香口嘅誘惑，令人一啖接一啖，停唔到口。金龍，你冇錯過！落嘴夠哂味，價錢公道，食物賣相滿分，真心推介喇。下次再來，我一定要再次挑戰你嘅每一道美味！👍👍👍

啲食物真係好有驚喜！🍴先講個泰式冬炎公湯，湯底鮮美得嚟夠晒辣夠晒香，飲一啖真係過癮！再嚟個綠咖喱雞，雞肉嫩滑得嚟咖喱醬汁夠哂味，辣中帶香，薯仔仲吸滿咗咖喱汁嘅精華，入口即溶咁滑。配飯食真係正！🍛未完，佢哋個泰式炒河又點少得，啲河粉爽口得滯，每條都包住嗮酸甜鹹香，我食到停唔到口！睇到我都開心掛？店嘅裝修樸素，但一坐低就覺得好親切，店員服務都親民得黎好有耐性，你叫到啲咩都會細心介紹一輪。睇得出佢哋都幾緊張食客嘅感受，每樣食物都做到手工藝水準。而家好多地方都係量多質次，但呢到真係唔同樣，量足質又正，值得推薦！👍最後，雖然我冇乜鐘意講評分，但呢間我真係要比個掂，無論係食客嘅口味定係服務質素都一流！

今晚又想食泰菜 滿足下個慾望先•黑椒炒魷魚魷魚炒得好入味仲超級辣但辣得黎好惹味 好好味 又夠熱 唔錯•炸魚餅呢個我都好鍾意 個魚餅又係辣辣辣好好味 正•泰式炒芥蘭又係辣辣地 個芥蘭炒到林林地 惹味易入口🔥•雞肉濕炒河好耐冇食過濕炒河 個汁唔會太咸 雞肉都好滑又入味

我都未試過食一間野要講住粗口咁行出嚟。呢間野既邏輯就係，只要出面有客等緊，那管你碟野嚟左唔夠十分鐘，你都好起身俾番出枱出嚟。如果強行收你碟未食完既飯唔成功，就會直接大聲呼喝你食快啲。注意佢並非客氣地叫，或者同你講幫幫手之類，而係大聲指責你要食快啲。我心諗你出食物時間唔平均關我鬼事，我既同伴碟野早黎咁多，你指責我食得慢？？？生意難做我可以理解，但小家到咁再加咁既服務態度我真係未見識過。幾好食都無用，唔會再幫襯。

今日來到太古站工作，發現原來附近都有幾間泰國菜，就挑了一間來用午餐。時間剛踏入午飯時間，餐廳迅速坐滿，幸好我只是一人所以很快就可以入座。要留意的地方是餐廳空間較狹窄，可以擺放的座位亦有限，客人必須要有心理準備要搭檯：例如我一人就搭了一檯三位客人的檯，湊夠四人，如介意就不建議來用餐了。餐牌上的是正路泰國菜有的菜式，就這樣看沒有太港式的感覺；餐牌後面還有一些粉麵類午餐，因此午餐來說選擇都很足夠的。夏日炎炎，當然要點一杯凍泰式奶茶過過癮，價錢已包括了這款飲品所以不需要額外加錢。奶茶茶底香濃，與奶味平衡得不錯，而甜味是剛好的不會太甜，既清爽又消暑，跟在泰國當地飲到的味道很是相近呢 經過一陣的選擇困難症發作後，是次我點了泰式乾炒雞河($62)。剛上菜就聞到隨蒸汽飄出的陣陣香氣和鑊氣。河粉的濕度剛好，加入了適量的食油讓河粉不會黏在一齊，也不會加得太多以致太肥膩。基本上我吃泰式炒粉都需要額外從檯面的調味架上加入魚露、白醋等調味料，不過這裡的炒河可以完全不需要額外加入，廚房已經把味道調教得很到位，而那種鑊氣更是為菜式增添了不少風味 裡面的配料有蔬菜、蛋和雞柳，雞肉份量略少蔬菜較多，可是蔬菜都吸收了不少

住喺附近，好一排無㴝，之前睇comment 知道轉左手就未試過。但係，竟然有驚喜。賣相ok，味道好，對比附近泰國菜館，直情出眾。當然呢啲小鋪，環境預咗一般。要左個冬蔭公扎肉河粉，湯底多料，唔會孤孤寒寒，味道恰到好處，粉夠滑，at least 合我口味。另外一個香辣肉碎炒飯，係出面食，其本上都唔會太差，不過亦唔會expect 有咩驚喜。但佢呢碟，真心讚，色香味都水準之上。D相係食左兩啖先影，因無諗過寫食評，但食完之後，不得不寫，請見諒。

未轉手前由大坑追舊老細追到黎太古，但就越做越hea，越整越難食，而且無論你幾點黎都係9點就趕你走要close。最近經過反正耐無食就心思思睇下有無改進，點知轉左手一食就知咩料啦，好食好多，材料新鮮，尤其生蝦同沙律，同我係曼谷食既味好相似！老闆娘都係泰國人，冬陰功湯味就可能家鄉唔同，味唔同左但起碼隻蝦唔係霉爛先👏🏻依家d野好食左，又無人夠鐘就趕你走，會再翻兜👅

其實佢哋已經轉咗手， 老細同伙記，都唔同咗人, Menu都唔同左㗎啦. 海南雞飯個海南雞，都仲幾好食嘅。但係我叫過雞絲湯河，都唔知做乜佢要「審」啲胡椒粉落去(仲要係淺啡色嗰啲，不是黑椒粉），九唔搭八。前兩日食過肉碎粉絲湯，又係用胡椒粉在上面, 半點都不地道。之前係幾好食㗎。今年我都食過三至四次。但近期真係唔好食。沒有下次了!

已轉左手，不再是之前的泰國人開，食物普通，因只食了午餐，海南雞飯同雞肉炒金邊粉兩杯飲品，共$125.-。食物偏鹹，飲品已經調哂甜味，沒有無糖飲品，我點了檸檬水可以無糖，但因有檸檬要加$5.- 。我同老公食完都覺得唔會有下次幫襯，不是我們的口味。

午飯時間，和同事發掘一下公司附近未食過的餐廳⋯ 素聞「怪獸大廈」內有很多街坊食肆，決定先去試試泰菜。我們大概12點半左右到達，不用排隊等位。一直見到有人來買外賣⋯ 店的面積不大，有做基本防疫措施，每2人一塊隔板。很多枱食客都是1人來的⋯ 所以不算擠擁。看看午市餐牌，有套餐連飲品。可惜我當天不吃肉類，所以我點了主餐牌的冬蔭公蝦轉粉絲。原來跟河粉的是$58，因為我改粉絲需另加$5。點粉絲的原因是可以吸收更多湯汁，才可以每口都喝上冬蔭公湯😆相比其他店的冬蔭公，這裡的味道明顯酸味較重，辣味較少，亦沒有加入椰奶的濃厚感。給予的是香茅蕃茄檸檬葉等香料味道⋯ 粉絲是爽身不糊口的，跟這清爽的湯頭很搭配。蝦是雪蝦，所以沒有味道⋯ 同事點的冬蔭公扎肉會較好。另一位同事點的是Pad Thai 泰式炒金邊粉，爽身不油膩，同事說也很好吃😋相信我們會再幫襯的。

今日屋企人上黎食飯， 避免出洋相都係搵下外援好， 所以叫左屋企附近泰國菜。我地叫左3個main courses 同1個appetizer。pad thai － 外賣冇花生碎同青檸有少少失望， 因為冇左陣香味。炒粉冇痴到1舊舊， 有蝦仁， 味道唔錯。菠蘿炒飯－菠蘿比較少， 我自己就食唔到1粒， 可能冇夾中， 但個飯就太夠味， 有d淡。粉絲炒蛋－最鍾意係lee個送， 好有蛋香， 簡單但好味。串燒雞＆豬－我試左豬係豬頸肉， 好爽但唔油膩， 個汁係花生醬沙嗲。 叫4樣野食都係259蚊， 真心抵。

第一次黎食，中午～12點幾，唔會好多人，心諗唔知好唔好食。見午餐餐牌都幾多野㨂，或一$58，連飲品。我地叫左個粉絲肉碎炒蛋同咖喱斑腩飯，飲品叫左龍眼冰。粉絲肉碎炒蛋食得出有鑊氣，味道啱啱好，唔會咸，唔會油，好味😋咖喱斑腩飯，有好多洋䓤，魚肉都多，有咖喱味，但唔會好濃味，味道都👌🏼。龍眼冰就淡淡地，無咩龍眼味。

今日同同事3人黎試下哩間泰國野, 價錢公道, $58 有埋泰式奶茶飲, 仲想點似係家族生意, 女人主理樓面, 男人同一個再老d 既奶奶o係廚房, 佢地私下溝通係講泰文, 所以都唔係港式扮泰式, 之於有冇再調過做港式口味就係後話我叫左個香葉燒肉飯, 同香葉肉碎飯既分別係少左隻蛋都幾濃味, 同泰國口味都似, d 燒肉都ok, 但係就好有朕豬羶味, 即係豬屎味泰式奶茶既茶味幾香, 但就唔太夠甜, 事頭婆落單水吧一腳踢, 都明佢忙, 所以沖出黎可能有d 參差食到中間有3個人入黎, 事頭婆叫我地3個坐埋一邊首先佢張枱雖然有6張凳, 但其實係張4人枱黎, 坐埋一邊真係手貼手其次係我同事係肥仔, 我地根本真係冇可能坐埋一邊最後o個3個人坐左另外一張枱但隨後有個單獨男人過黎同我地搭枱依家正值武漢肺炎高峰期, 我知道你有生意冇理由唔做, 但咁樣做生意法真係好冇公德為左賺錢可以唔理人交叉感染, 我有理由相信間野係藍

呢間野係其他太古人推薦我食，佢位置唔係好起眼，間舖唔係好大嘅，但係星期日晚係完全坐到滿曬嘅！！佢應該係兩個泰國人嚟嘅，自己生意，正宗泰國野！食物嘅選擇都有好多嘅，咖哩呀， 冬陰功呀，炸春捲豬頸肉嗰啲拼盤呀，鳳爪etc.見到隔離枱嗰個海南雞好正，所以我哋都嗌咗。呢度係半隻，但係都好足料，而且係煮到啱啱好熟咁樣嘅，好嫩！雞係非常之肥嘅，但係好食呢個係冬陰功湯麵，我地揀咗粉絲，仲可以揀河粉或者係金邊粉。佢係偏酸味啲，雖然睇上去好多辣椒，但食落唔會好辣。 反而係另外一個泰式炒通菜(唔記得咗影相)就真係有啲辣。食泰國菜一定要食泰式炒金邊粉！佢都係比較濕潤嗰種，味道偏甜，但係我鍾意濃味嘢所以就覺得好好味，但係就冇青檸同埋花生粉畀我哋囉，有埋青檸就perfect! 呢一個係菠蘿炒飯，但係睇落去呢勁似係星洲炒米嘅飯版本。似係有啲咖哩粉咁樣炒，同平時食啲菠蘿炒飯唔係好一樣。呢個就覺得係一般，但係其他食物都覺得好好味。，人哋話呢度豬手好好食，但係因為我哋今日去呢豬手英已賣曬，下次試下先得。

星期日訓到黃朝八晏先至起身諗住搵番啲comfort food食下，點知明明已經兩點幾但係原本想去嗰間粥舖仲大排長龍！@@結果就去咗街尾呢間泰國嘢，之前去做gym個教練都已經提過話幾好食，仲唔趁機 試下？坐低咗我哋好快就決定到食咩，我就叫咗個泰式辣肉碎嘅飯，再share咗一個燒肉炒椰菜苗。個飯非常之好食，啲肉碎粒粒分明，唔會有啲大忽啲有啲細粒啲，重要好入味。辣度嚟講，其實就算對於我呢啲食得辣嘅人嚟講都有啲勁，食到一半已經開始出汗啦。這蛋黃篤爆咗之後撈埋啲肉碎真係一流！椰菜苗當然都好有鑊氣，係油咗少少咁啦，不過叫得燒肉就預咗會轉口味啲架啦～埋單大家都係$100左右，仲有嘢飲所以都真係ok~ 如果唔叫個菜share係輕鬆 $60 搞掂嘅！以後都應該會多多幫襯下，不過就趁人少先啦，如果唔係個爐頭應該唔夠用!