金麥泰泰國菜館 (已搬遷) 新店位置

金麥泰泰國菜館係位於九龍城，係一間歷史悠久嘅老店！泰式三味烏頭魚 $198嘩！超大條呀！好震撼！將整條烏頭起肉，分開一塊塊魚肉去炸！魚塊非常香脆可口，加上泰式甜酸辣三味汁，勁惹味！不過食嘅時候要小心，魚塊會有少量魚骨！泰式生蝦刺身 $88生蝦大大隻，新鮮彈牙又甜美，加埋酸辣汁，勁正！推介呀！泰式燒豬頸肉 $72好大碟呀！份量非常多！豬頸肉肉質爽彈，油香四溢，再配少少泰式辣汁，更美味！每日$1特選消費滿$200，就可以用$1買小食！每日有不同款式，勁抵食呀！必點！我今日係泰式炸春卷，好香脆，點少少泰式甜酸醬，仲滋味！咸檸七 $22凍芒果汁 $16甜品（送）

九龍城出名食泰菜， 呢一間泰國華僑開嘅正宗泰國餐廳原來唔經唔覺已經經營咗30年， 而且餸菜keep住平靚🤑， 唔怪得可以立立不倒😁炭燒豬頸肉: 招牌菜色果然唔同啲, 豬頸肉咬落去爽口， 而且香噴噴， 最重要係醃得出色❤️泰式鳳翼釀珍珠: 即係釀雞翼😗, 一咬開皮脆嘅雞翼後， 就食到口感軟糯嘅臘腸冬菇糯米飯， 多重口感🤤， 香氣四溢， 下次一定再encall⭐⭐泰式炸蝦餅: 做緊優惠, 加一蚊就食到😍, 咬落去好彈牙， 亦有陣陣蝦味。~~~~~~~~😋味道: 9/10📸賣相: 7/10🛋️環境：7/10💁‍♂️服務: 9/10💎性價比: 9/10💲人均：$150⏪回頭率：90%~~~~~📍金麥泰泰國菜館九龍城南角道34號地下~~~~~

如果要食好重口味既泰菜， 呢間未必岩你。。但如果你想食泰國菜，但又唔想食到咁咸， 呢間係幾好既選擇。。 我本人覺得味道幾岩我自己食叫左幾樣野， 2個人食，食夠200 蚊就可以加1蚊換野食， 今日星期五， 換燒豬頸肉❤️好多柚子既柚子沙律1蚊燒豬頸肉馬拉盞炒椰菜苗炸蝦餅皮蛋香葉乾炒河❤️最中意係炸蝦餅皮蛋， 個皮蛋芯冇死實實， 溶溶地少少流心的咁多樣野加埋都係2百幾蚊， 都算抵食。。重有得比信用卡埋單。。坐得都算舒服， 咁當然唔係啲好靚既環境啦， 但都算坐得鬆動

店鋪唔算起眼 名氣亦不及其他店舖 但食物味道卻非常唔錯！🥰——————————————.🔶晚市套餐 (約4-5人份量) $9xx有多款不同既晚市套餐價錢由二百幾到過千都有 呢個餐就包羅萬有 十分抵食😋特別推薦既食物有幾款：🔶泰式鳳爪鳳爪已去骨 食得方便👍🏻小辣既酸辣汁食得非常過癮😆作為開胃既前菜相當唔錯！—————————————🔶冬陰功湯底香辣得來有椰奶香味入面有蝦 草菇等配料味道香濃 又不會太辣👍🏻—————————————🔶咖哩蟹咖哩味道十分香濃 卻又唔會好辣要讚既係蟹肉非常飽滿結實😚咖喱汁點蒜蓉包都係一流👍🏻必食推介😍——————————————但餐另外仲有 炸物 明爐烏頭 菠蘿炒飯 （冇影相 但食落好香口！）炭燒豬頸肉 就乾身同瘦左少少水準都不錯！另外送左甜品比我地PS: 店舖每日都有得+ $1 就有多一份小食今次我地加左份魚餅 超級抵呀！！

九龍城既泰國菜真係永遠無得輸！平時食開果幾間都太多人，誤打唔撞入咗呢一間金麥泰泰國餐廳，第一大驚喜係餐牌上嘅大部份菜式嘅價錢都非常合理！當晚，最最最想食既泰式生蝦！就係因為見到佢哋有先入嚟，真係好滿足呀！另外一個我個人必食就緊係咖哩，今次試左佢地既咖哩牛腩牛筋，依個咖喱偏甜都算幾香，牛腩牛筋都煮得非常之入味而且非常之軟，近乎入口即溶嘅感覺！好味！珍珠釀雞翼炸得好香，中間既糯米令到我覺得好飽但係都好食嘅！最後講埋個通菜，都好夠火喉！ 除左薄餅之後，本身真係無得輸。。。但個薄餅真係比佢個貌相嚇左一跳😂 而味道口感都麻麻地，好彩有咖喱可以點來食！總結呢一餐我都食得好滿意！我覺得下次可以再嚟呢一間食！因為真係價廉物美！

其實之前都有食過不過今次無堂食外賣叫左都好多野叫左幾個午餐 (又唔記得影相)不過反而影左個餐牌其實都幾抵洋蔥豬頸肉飯個豬頸肉都幾厚紫蘇葉肉碎炒飯不過無咩紫蘇葉未咖哩牛腩飯唔，其實都無咩泰國特色海南雞普通雞肉炒飯OK另要了跟餐的椰汁西米露依個...反而同我想像有出入WOO我以為好多椰汁係白色個隻點知又唔係味道一般其實我覺得味道普普通通但價錢唔貴份量都夠所以OVERALL 係AVERAGE

Came here the other day before exploring kowloon walled city park. My friend told me that there were actually a lot of thai restaurants in this neighborhood, and she was right. There are tons of thai places in this neighborhood, though I have no idea why. We kinda just picked a restaurant and went for it. There weren't many people around on the day we visited, but that was likely due to a combination of it being chinese new year and the coronavirus scare. Anyway, I got three things: a pineapple

九龍城出名多泰國菜，就梗係搵間平靚正。見到好多有名氣的泰國菜館已經推高哂個價錢。行過見到呢間金麥泰泰國餐廳，地點唔算最當旺，但有好野食都寧願行過一條街食呢間。佢出面的午市餐牌好吸引，每樣都係九概$40，就去試下。今時今日呢個價錢真係好益食客，唔收加一，仲送西米露/湯/飲品 食果日仲要係星期日，咪額外收順，真係執到寶！叫左碟泰式雞肉炒金邊粉，好有鑊氣，最厲害係落單到上菜都只係10分鐘內！勁快手！！仲要好足料，雞肉好多，唔似其他大店雞肉變幾條雞絲。所以係抵讚。另外仲叫左個甜酸豬扒飯，又係好足料，豬扒質地軟硬適中，好好味份量多到夜晚都飽住。最後仲要飯後甜品椰汁西米露！見到佢用正宗泰國椰汁，唔怪得之咁香，又唔想太甜或者太膩，味道剛剛好！個西米露又係無欺場，西米多到似西米膏多過似西米露，好煙韌！成餐飯，兩個午餐，埋單都係$80，好抵！店主同店員態度和藹親切，好有禮貌，佢地仲要係食食下飯，食到一半都走過黎落單。今時今日食到性價比咁高的餐廳，真係要專登寫個好評俾佢！

原本去食過幾次嗰間，但今日休息想食一間去年食過，無冷氣，但西裝友都去飯，可惜唔記得咩名，又唔想找去了呢間，名字似讀書時期，搭的士去九龍城食lunch 唔貴喎，質素不錯，可再去食

2人晚餐，九龍城任選一間試食。九龍城是泰菜集中地，對香港人來說好似間間都係一樣，唔知食邊間好，我都有同樣疑惑，所以未食過的都會試一試。今晚揀左金麥泰，因為不用等位，即刻有位坐！坐低有兩本meun，一本係食物meun，一本有相既套餐相簿。套餐相簿真係好方便，例明晒價錢同食物，一睇相就知幾錢同有咩食！我地揀左一個$245既套餐，有4樣野食。第一樣係冬蔭功，大蝦大隻夠新鮮，仲有蝦膏，湯唔太辣，但夠酸又不太咸，好快兩個人就飲晒lu！第二樣係串燒，雞及牛各3串，牛肉偏咸，有少少牛味，雞肉燒得幾嫰，調味剛好。串燒正常冇咩驚喜。第三係蝦醬炒飯，比較細碟，但味道不錯，炒飯夠乾身，整體來說都幾好食！第四樣係木瓜沙律，沙律竟然係最遲上，份量都比較小！不過夠辣！價錢來說是比較便宜，但份量比較少，上菜速度好慢，見到餐廳都唔夠人手，耐何食物質素都ok可以接受。

第一次黎食金麥泰大慨係8年前,最鍾意呢度嘅招牌咖哩蟹+蒜蓉多士,個汁好濃好好味一試難忘今日咁啱有個朋友喺武漢黎左香港,佢未嚟過九龍城,一於決定帶佢嚟呢間試下。今日係星期六,晚上8點鐘左右嘅時間居然唔使等位,我哋叫咗一個泰式炒金邊粉,細冬陰功湯,炸蝦餅,泰式凍奶茶。由於朋友比較細食所以我哋就冇嗌到咖哩蟹,因為蟹嘅份量都相當多,叫左就試唔同其他野。首先嚟嘅係冬陰功湯,入面有隻大嘅開邊蝦,好多蘑菇,好香同埋少少辣,係我鍾意嘅味道呀🤩細Size大概都有三碗半左右。跟住就嚟咗泰式凍奶茶,泰式奶茶始終偏甜,同泰國飲嘅都幾相似。接住落嚟就係炸蝦餅,一如以往啖啖肉, 熱辣辣好香口,簡單兩個字,好食至於泰式炒金邊粉,我就覺得有啲唔夠乾身,雖然配料十足,裏面有好多隻蝦,但係相比其他我係度食過嘅餸菜,呢一味就普普通通,下次可以揀其他。本身仲好想食芒果糯米飯,奈何真係食唔落唯有下次啦。我地兩個人埋單都係二百幾蚊,相當抵。臨走之前同咗老闆娘傾咗幾句偈,因為我好好奇點解星期六都唔使等位,老闆娘就話畀我聽依家九龍城開咗好多間新嘅泰國菜,競爭大咗,而佢哋開左29年又冇落宣傳,只係靠口碑,客傳客。講真,香港好多食店都有

呢度的下午茶menu抵食，香港物價咁高，仲有三四十蚊有飯有麵揀，仲幾抵。落單後五至乾分鐘就差唔多上齊四個菜，速度好快，即叫即煮！最想食飛天通菜，唔算辣，仲要好入味，係泰國風味！叫左個泰式豬手飯，可惜味道偏淡，豬手係似平時煲完湯的湯肉味。泰式奶茶都唔錯，偏甜少少，但味道幾濃，有茶香。芒果糯米飯值得一讚！作為飯後甜品真係唔錯！芒果好難揀，但呢度的芒果好甜又香，唔會酸。糯米有齊兩款，白色同黑色，可以試到兩種不同味道。但如果可以加埋泰國當地的脆脆會更好味。跟店內的員工傾計，佢地都係泰國人，但都講得流利的廣東話。

之前都幫襯過呢間泰菜兩次，兩次都有驚喜，性價比高，樣樣都啱口味，正宗港式泰菜。今次同男朋友嚟到決定試新嘢，牆身貼滿食物相片，老虎笑名字有趣、樣子吸引，今次就試佢啦。另外仲嗌咗椰皇焗飯、紅咖哩雞、蒜蓉包。今日人多，菜都上得好慢。期待已久終於有餸上枱，我同男朋友都不約而同露出驚訝嘅表情，呢碟就係老虎笑？首先唔講佢同牆上相片顯示嘅相差好遠，連份量都無不令人懷疑，一碟手掌咁上下大小薄片全熟牛肉，賣接近100蚊，真係食半打串燒都無咁嬲雖然其他食物仍然保持水準，但係呢碟老虎笑，真係得啖笑，下次嚟九龍城試其他泰菜好過

2019年2月23日（星期六）舖面陳舊唔起眼，裝修欠奉，實行以實力取勝！推介抵食午餐豬手飯手機無法完全將豬手嘅色香味攝入鏡頭！一於用盡渾身解數同大家講解呢碟豬手飯嘅過人之處。豬手炆得好入味、又淋又滑、醬汁又滲著陣陣肉香，送飯一流！鹵蛋咬落鬆軟、香甜多汁同伴碟菜心屬開胃配菜！豬手飯賣相平平，卻堪稱鎮店之寶！香草肉碎煎蛋飯香草肉碎微辣好惹味，但只屬配角，用嚟襯托白飯同埋超好食嘅煎蛋！煎蛋邊有些少燶，但係就好香，淋上豉油，流心蛋汁加肉碎，叫人無法抗拒、欲罷不能！另加冬蔭公湯真材實料、香濃又帶椰汁清香，同屬佳品！小店屬家庭式經營，並非靠門面做生意！大家去九龍城食泰國嘢，就千祈唔好錯過喇！

自從搬到九龍城後，每日都要想吃甚麼，既然是要試，就試曬泰國菜先。這裏的裝修和座位設計都很正統，跟正常泰式餐廳有什麼分別。泰式辣肉碎炒河粉$40包餐飲，我要了熱奶茶☕️。熱奶茶☕️。味道偏甜，可能泰國人喜歡吃甜，所以奶茶比較甜。並且給了一根飲管俾我，覺得很特別。泰式辣肉碎炒河粉，辣道不算太高，河粉都很軟腍，肉碎吃落不算太辣，而味道尚可。值得一題，這裏的服務反應是比較慢，連上菜速度比較慢的。是正宗泰國人的慢活態度。