金麥泰泰國菜館 (已搬遷) 新店位置

這間九龍城的泰菜，就在我隔離街，今晚貪近，便選擇了這裏。泰式柚子沙律$58，這個沙律比其他泰國食肆的柚子沙律的份量多出很多，除了有很多柚子之外，還有蕃茄、花生粒和泰式酸辣汁，味道非常有泰國特色。芒果糯米飯$50，芒果有差不多一個之多，分量十足，配上白糯米和黑糯米，再加上椰漿的鮮味，稱得上是一道正正式式的泰國甜品。以價錢來說是全九龍城最平的，性價比很高，是必點的一道飯後甜品。泰式鹽燒鯽魚$168，鯽魚很大，泰式香料，已經被魚肉吸收了，魚肉味道更加鮮甜，沒有腥味，加上用粗鹽的燒烤，更加令魚肉味道提升。泰式炭燒豬肉/雞肉每串$12，豬肉和雞肉的味道都不錯，其中以豬肉最為鮮甜美味，加上沙嗲醬的味道就更佳。芒果沙冰$28，以芒果打這的沙冰，甜到適中，喝完之後感覺非常冰凍。青島啤酒$23，冰凍的啤酒，一向是吃泰菜的最佳伴侶。

今日熱辣辣, 令人很想食D酸辣野, 就一於出城搵食啦, 經友人推介下, 到了南角道的金麥泰泰國菜館, 因6時多便開餐的關係, 故店內食客不多, 即刻搵番個靚位坐低開餐先~#泰式鐵板烙蠔仔蛋味香濃煎得很厚, 蠔仔肉新鮮飽滿, 師傅調味得宜, 味道相當唔錯.#紅咖哩蝦球咖哩跟椰香味道十分香濃, 蝦球新鮮質感彈牙香口, 香甜惹味，滋味無窮! #泰式鹽燒鰂魚店員先會幫我們切開魚皮, 打開熱辣辣, 聞到很香魚味, 鰂魚肉質鮮嫩沒有腥味, 點埋附加的酸辣汁, 很惹味開胃~黎番2支象啤就是完美嘅晚餐啦☺️！

呢日同朋友去咗九龍城覓食，近年系多咗去九龍城，食泰國菜必去嘅地方☺️自己本身喺呢頭都食過幾間都覺得質素幾高。今次同朋友搵咗一間喺九龍城有好多年歷史嘅泰國餐廳，一於去try try。非常值得一讚嘅系，食物嘅款式價錢都好實惠，好多款都系一百蚊以下。冬蔭功湯有分細中大size，兩個人食叫細size都夠曬。香茅味好重，泰國人好中意落好多香料，味道超濃😋最緊要吾會太辣。裡面仲有蝦肉，新鮮爽口。泰式嘅燒物都系好香口，次次去泰國餐廳都會食豬頸肉咁滯😛每一塊都好長，夠乾身又吾會over，咬落系幾爽口，炭燒味都好明顯，竟然仲食到啲甜味，好滿意。生菜豬肉包就食得多，生菜牛肉包真系未食過😆仲有生菜豬肉包揀，真系第一次見。揀咗生菜牛肉包，啲牛肉嘅大小恰到好處，個樣好似滑牛，質感都幾爽口，牛肉味好鮮，偏辣，食戈陣會刺激味蕾🤣同埋生菜食絕配😋朋友叫咗杯龍眼冰，龍眼甜甜哋好味，夏天飲杯冰凍嘅飲品清涼一下，有少少偏甜不過勝在夠清新。自己叫咗杯椰青，椰青堅系好大個😂好似相比起其他泰國餐廳嘅椰青系大個啲，味道仲好清甜😍成塊椰肉幫客人掀起咗打卡靚又食得😝

🥢泰式生菜包（豬肉） $68豬肉碎肥瘦比例均勻。九層塔香氣好重，加上紅蔥頭、蔥花、辣椒籽，整體香辣惹味🌶️。🥢泰式酸辣椰汁雞湯 $68酸辣開胃，又有好重香茅味。加入大量椰漿，口感香滑。雞肉仲好嫩滑。🥢泰式燒豬頸肉 $82表層燒得香脆又唔會燶，但肉質保持彈性，又多肉汁。呢度嘅燒豬頸肉超大份，而且冇其他餐廳嘅咁油膩。🥢芒果糯米飯 $50芒果份量超多，而且香甜又冇渣。是日黑糯米煮得比白糯米軟熟，仲帶點天然甜味，味道同椰漿好夾😋。

今晚來到九龍城，當然是想食泰國菜了，來到南角道，見到這間金麥泰泰國菜館門口招牌有每日一元優惠，今日的一$1優惠竟然是我愛食的泰式酸辣鳳爪，抵食喎。Menu有非常多的 200至300元的 套餐選擇，不過最後我被這個泰式辣椒膏炒蟹吸引住了，所以放棄了食二人餐。泰式辣椒膏炒肉蟹$298平時食泰國菜都比較少食蟹，今日比這個泰式辣椒膏炒蟹吸引住了。辣椒膏炒蟹味道小辣，蟹肉鮮甜，配著辣椒膏的味道，鮮甜美味。泰式鳳爪$1泰式鳳爪用一個造型很美橙色的樹葉形的碟裝著，份量雖然不是很多，但$1元來說很抵食。鳳爪醃得真的很入味，連配菜都很入味，酸酸辣辣的刺激著味蕾，非常惹味！！泰式香葉肉碎飯$58有時食肉碎飯，見到裏面都有很多肥豬肉粒，而這個泰式香葉肉碎，就沒有這個現象了，廚師調味特別的入味，香辣鹹的調得特別惹味，伴著白飯食得頗滋味！泰式椒絲腐乳通菜$48簡單的一碟腐乳通菜，廚師也炒得很爽口很入味。食完感覺廚師廚藝有水準，價錢平民，夠抵食！！

我決定要試晒九龍城泰國菜，見到呢間泰國菜好大間，座得好舒服，今晚就試下你先😋炎炎夏日想吃點開胃的食物，牛肉生菜包是你最好的選擇，將牛肉炒香🤩香濃惹味的肉碎，加上各式香料的點綴，口感豐富又刺激，再捲好，清爽可口的生菜包裹香辣惹味，簡單，清新又美味❤ 醒胃度101分🤩串燒牛肉，豬肉，雞肉，泰式雜錦串燒拼盤(豬肉,雞肉,牛肉)(共4串)，帶爽脆牛肉串燒😜有咬口雞肉串燒，肉質柔軟，串燒肉嫩保留到肉汁，燒得不錯，醒埋沙爹醬相當夠味喔👍泰式鹽燒鰂魚，強烈推介這個鰂魚，即叫即燒, 需時架😋 而魚肚放著香茅蔥之類的香料，魚肉的原汁原全封存起來，職員細心咁揭起左魚皮，方便實用，魚肉出煙，熱度岩岩好😋好嫩口喔。泰式老虎笑，見嗰名好得意，原來係燒牛肉，配酸辣泰式汁，燒牛肉大概有八成熟，肉質非常軟腍，濃郁的燒牛肉，香嫩可口👅👅最後仲有泰式甜品送俾我哋食真係好貼心喔，職員好有禮貌，好有愛呀😜

九龍城好多間泰菜今次幫櫬呢間係，由泰國華橋開設的泰國菜館🇹🇭，感覺有啲似家庭式經營，全部都係泰國人態度友善有禮，落單後仲會鞠躬🙇‍♀️⋯⋯⤑除咗餐牌上可以單點，餐廳仲有好多唔同套餐選擇，價格都幾化算✔️！⤑🔸冬陰功湯 $75 （小）基本上食泰國嘢我都會試吓個間餐廳嘅冬陰功😛，叫小嘅份量都已經足夠兩三個人飲，味道地道夠正宗，配料十足而且有三隻大蝦，夠酸夠辣好開胃🌶！⤑🔸泰式老虎笑 $98店員姐姐大力推薦的，開頭諗緊乜叫🐯笑，原來係一碟燒牛肉，燒得七成熟口感軟嫩牛味出眾，果然沒推介錯🤩！加上個秘製泰式辣汁，辣得惹味！必叫👍🏻！⤑🔸泰式串燒 豬肉雞肉 $12 / 1串🔸燒雞全翼 $17 串燒燒得焦香，尤其推薦雞肉🤤，配上濃郁的沙嗲醬，帶點花生香，真係食唔停口😬！⤑🔸泰式乾炒雞肉河 $53河粉係用闊身個款炒得勁香勁有鑊氣😍，每條都非常乾身，雞肉亦唔孤寒！⤑🔸 芒果糯米飯 $50有齊黑白糯米兩款，重點夠熱而且煙煙韌韌，椰漿甜度適中，加上呂宋芒絕配🥭！⤑🔸珍多冰$22🔸椰青$30椰青味道清甜，內裏嘅椰肉都唔少啊～珍多冰椰汁非常濃郁，配料好豐富比坊間個啲多，夠晒真材實料！⤑總括味道相當有保證，食物都比同

香港人對泰國菜嘅喜愛真係好犀利，我自己亦都係其中一位，定時定候都要去食泰國菜止下癮。今日突然癮起想食泰國菜，所以放工就約同事落香港小泰國九龍城食返餐。九龍城泰國餐廳林立，我本人都仲有好多泰國餐廳都從未試過，今日係九龍城揀咗一間叫金麥泰泰國菜館，揀呢間餐廳其中一個原因係望落地方大，環境寬敞坐得舒服入到餐廳坐低咗打開menu，見到入面有好多款式，又有套餐相集，思前想後，我今日叫咗四款菜式嘆下▪️泰式生蝦刺身泰式生蝦刺身係我必點嘅菜式之一，第一啖食落去好鮮味，蝦肉新鮮食落肉質彈牙，加埋個酸辣醬汁，滋味無窮▪️泰式燒豬頸肉豬頸肉即叫即製，所以上枱嗰陣仲熱辣辣。肉質燒得啱啱好，不會太乾，仲好juicy。本身豬頸肉都已經好入味，再蘸上泰式醬汁，味道更加豐富更加有層次▪️泰式鐵板烙蠔仔呢樣泰國菜式係我第一次食，佢唔係一般蠔仔煎蛋咁簡單，因為經過鋪頭調味，再利用鐵板上菜，變得不一樣，蠔仔又大又新鮮，而且蛋味香濃，味道的確唔錯▪️泰式明爐烏梅子烏頭大大條烏頭上枱，未食都覺得值回票價。烏頭食落肉質都算嫩滑，爐上魚湯酸酸甜甜好醒胃，再配上泰式醬汁一齊食，無得彈

去九龍城絕對可以搵到唔少隱世泰國菜🤩 呢個同朋友試咗呢間泰國餐廳！滿足一下回鄉癮🥲🇹🇭冬陰功湯（小）呢度嘅冬陰功好正宗！夠酸夠辣超惹味🤩 湯裏面仲有好多配料，值得一提嘅係蝦肉都幾爽口彈牙🥳泰式菠蘿焗飯（$75）店員將原個菠蘿遞上🍍冇諗過個菠蘿炒飯有咁大個🤩食落有肉鬆、腰果、鮮蝦、臘腸等，仲有勁多菠蘿🥳超級足料！不過個飯如果乾身啲會再正啲泰式馬拉盞通菜（$53）一上碟已經聞到勁香😋小編更鍾意馬拉盞&通菜呢個組合🤩不過好似唔係好夠鑊氣🥲芒果糯米飯（$50）餐廳供應兩色糯米，紫米食落比較腍身，白糯米就相對有咬口，旁邊仲有好多芒果🥰芒果一啲都唔會酸，如果再juicy啲就更好啦🥭西米椰汁糕（$24）呢度嘅西米糕無班蘭葉包住，不過味道依然出色👍每食一啖都充滿椰香，椰汁糕下面仲有粟米粒同西米增加口感😚泰式豬肉生菜包（$68）食泰國菜點少得生菜包🥬 肉碎炒得幾香，如果辣啲會更加好，生菜好新鮮！椰青（$30）食完啲咁重口味嘅野，飲返啖椰青就最啱🥰椰青水超甜，仲要夠凍！啲椰子肉好容易就刮到出黎，好清甜🥳

今日中午時間嚟到金麥泰醫肚。今次冇乜新意又係叫返上次食過既椰菜苗同埋老虎笑。上次因為朋友極力推介老虎笑，但試既時候覺得一般，今次俾多次機會試多次（因為朋友講到必食咁款）。記得上次食既果份係好多筋同埋好多肥肉，所以唔識咬筋位既我趙極都趙唔到。今次食既就少咗筋位（可能有機會份份唔一樣），肥肉就一半半所以今次食得尚算ok。但我覺得就唔係話好食到必食喇🤣另外叫咗個魚肚湯羹，都唔錯。兩個人叫個細都每人食到三碗以上。本來想叫多杯野飲，然後發現原來有午餐。$4x就多個炒粉麵，抵過剩係叫杯野飲啦。不過最後變成太多野食食唔晒🤣下次都係睇清楚先叫🙈

疫情期間 這間有人得來又不是太滿座食得放心叫左個冬陰公最值得讚係隻🦐超爽味道係 ok 因為唔係好肚餓 所以都係叫小食可以雙拼 滿足為食又肚細的人😁最後叫左蝦餅加魚餅蝦餅都彈牙 但又不是太驚喜不過店員好細心給我們兩碟甜酸汁疫情間 好衞生食得放心也叫了串燒牛肉 豬肉 雞翼不過全部也不是太驚喜反而個沙爹汁幾好味

今日lunch好想食泰國菜，特登去左九龍城，行過南角道見到呢間金麥泰泰國菜館接近滿座，咁多食客，應該唔錯，一於試下。有好抵食既午市特價套餐，仲有其他超值套餐，亦可散叫。星期一至日消費滿HK$200仲可以加HK$1換購唔同食品，好吸引啊!泰式生菜包(豬肉)食泰國菜必點菜式之一，生菜新鮮爽脆，肉碎香料味濃，包埋一齊食，香辣惹味，滋味無窮!泰式柚子沙律酸酸甜甜帶點微辣，好開胃，仲有香脆花生碎，好有咬口。泰式海南雞飯皮爽肉滑，雞味十足，食落軟腍有彈性，油飯粒粒分明，調味剛好。泰式明爐梅子生魚有大量香茅、南薑等作調味，魚肉肥美鮮甜，湯頭酸辣醒胃。加HK$1換購泰式酸辣鳳爪口感清爽，混合酸甜辣味道，好入味。

九龍城雲集很多泰國餐廳，由正宗泰國人主理，而且大部份價位不太高，這次朋友推介這家餐廳吃晚飯。雖然門口位置跟裡面沒有華麗裝潢，但是勝在價錢比一般的便宜，而且每款的份量都大份，整體性價比高。泰式鐵板烙蠔仔鐵板上的煎蠔餅，比油炸的健康少油。大大塊的蠔仔蛋， 不論是雞蛋或是蠔仔，都很多且厚片；蠔仔肉也很飽滿。泰式馬拉盞椰菜苗每次到泰國餐廳總會點馬拉盞炒菜，尤其喜歡椰菜苗，質感硬身，有口感，而且以馬拉盞炒惹味十足。泰式干炒雞肉河主食方面，點了一份雞肉炒河，干炒味道香口，炒得有鑊氣，雞肉大塊，河粉寬條，調味及醬油都滲進麵條裡，所以後期少許鹹。凍芒果汁新鮮打成的果汁，真材實料。不過可能芒果不是季節，帶點酸酸的，反而我蠻喜歡的。最後還附送椰汁糕作甜品，很完美的一頓泰國菜。

冷盤：泰式酸辣無骨鳳，食泰國嘢必食推介串燒雞全翼串燒牛同串燒豬⋯最少要叫4串 （任選），店員好細心，一人一碟沙嗲花生醬，又係好好味，雞全翼最正泰式小食拼盤（小）：包括有泰式炸蝦餅😋😋丶泰式炸魚餅😋😋丶泰式炸芋絲春卷丶泰式炸蝦春卷同埋泰式香葉雞！ 泰式椒絲通菜，少少辣，唔錯唔錯！ 泰式菠蘿焗飯： 原個菠蘿上，d飯成座山咁高🤣🤣，料足，好似仲有有蠟腸…兩個人完全食唔晒丫🤣🤣龍眼冰同珍多冰，我比較喜歡珍多冰，唔會太甜，又有椰香味

好耐都無食過正宗泰國菜了，於是約了朋友放工在最多泰國餐廳的九龍城見面，最後選了呢間泰國餐廳坐低即刻點了椰青，吃泰國菜配椰青簡直是絕配頭盤點了生蝦刺身，配上生蒜頭同秘製醬汁，辣辣地好開胃為左健康d，點了生菜豬肉包，加左豬肉令到生菜生色不少，唔怕淨食菜咁寡，生菜都食多左幾塊泰式燒豬頸肉配上雞醬，酸酸甜甜好味泰式菠蘿炒飯，好足料，入面有幾隻蝦，仲有好多菠蘿，真正既菠蘿炒飯，第一次食到咁多菠蘿既菠蘿炒飯，好正，就算好飽都忍唔住食哂👍🏻串燒牛肉及雞肉，不錯總括而言，呢間泰國菜都幾好食，尤其是菠蘿炒飯，下次還會再來幫襯