金麥泰泰國菜館 (已搬遷) 新店位置

🥢泰式生菜包（豬肉） $68豬肉碎肥瘦比例均勻。九層塔香氣好重，加上紅蔥頭、蔥花、辣椒籽，整體香辣惹味🌶️。🥢泰式酸辣椰汁雞湯 $68酸辣開胃，又有好重香茅味。加入大量椰漿，口感香滑。雞肉仲好嫩滑。🥢泰式燒豬頸肉 $82表層燒得香脆又唔會燶，但肉質保持彈性，又多肉汁。呢度嘅燒豬頸肉超大份，而且冇其他餐廳嘅咁油膩。🥢芒果糯米飯 $50芒果份量超多，而且香甜又冇渣。是日黑糯米煮得比白糯米軟熟，仲帶點天然甜味，味道同椰漿好夾😋。