金麥泰泰國菜館 (已搬遷) 新店位置

今日三個人去食晚飯，叫咗生個蝦刺身，糯米釀雞翼，炒椰菜苗，濕炒牛肉河，燒雞翼同串燒，金柚沙律。生蝦刺身唔夠以前爽甜，糯米釀雞翼炸得唔夠香脆而且舊舊切唔斷都連著，炒椰菜苗嘅味道勁怪，好重花生醬味😑，個濕炒牛河係最難食，嗰個河粉簡直係用花生醬炒出來咁樣勁奇怪😒，燒雞翼同串燒就冇乜特別，個泰色金柚沙律勁奇怪居然有蕃茄，完全唔係以前食開嘅味道，食食吓發現廚房整沙律嗰個已經唔係泰國人係一個香港女人，仲加埋屋企個賓妹定印尼妹落嚟幫手，所以我懷疑呢間舖頭已經轉咗老闆，以前個泰國肥老闆娘唔見咗，怪唔得所有夥計都唔同晒人，其實轉老闆冇關係，問題係啲嘢已經唔好食😑下次唔會再去幫襯。

這店我光顧了2x年，不過我前幾年已知道已轉手，但由於新宋皇臺站出口直達我再來試試，真係唔會有下次了。所有食物太咸，最簡單嘅芒果沙冰都唔好飲，真係好睇唔好味。我不是打手，我是真食家。

愛食泰國菜，所以九龍城差不多成了我的飯堂，今晚又來到九龍城 ，選擇食這間金麥泰泰國菜館。餐廳裝修企理舒適，來到見到已有很多人。餐牌一大本，有很多菜式。泰式老虎笑$98泰式老虎笑，原來是燒牛肉，切得比較厚，有點咬口，跟配上的特製辣醬，值得一讚，令燒牛肉入口帶油香之余，更帶辣及香口，更帶出牛肉的鮮味！泰式鹽燒鰂魚$168我很愛食燒鰂魚，所以今晚又揀了燒鰂魚食，燒鰂魚很大條，面上一處處的鹽燒痕跡，份外吸引，魚肉燒得嫩滑可口，點上跟配的秘製酸辣醬汁 ，令嫩滑的魚用更鮮美可口！泰式濕炒牛肉河 $60泰式濕炒牛河裏面份外多雜菜，裏面有芥蘭、椰菜花、西蘭花、秀珍菇、椰菜及紅蘿蔔……，當然份量最多的是牛肉及細細條的河粉。河粉很細條，切得差不多與麵條一樣大， 湯汁濃傑度適中，令河粉很可口。牛肉切得很大件，炒得很腍滑。泰式椒絲通菜$48通菜炒得腍中帶爽的，炒得較為入味。配返個可樂，食得頗美味！

大家都知屯馬線啱啱開通，我同朋友即刻走過來試搭呢條線🤣🤣好方便可以去到九龍城食泰國嘢添😍😍 串燒沙嗲 ($12 一串）差唔多係泰國菜必食嘅串燒😍😍呢間嘅豬肉燒得好軟滑，好難得一啲都唔鞋，雞肉亦燒到好香，佢個沙嗲汁比較稀同埋少少甜，不過好香好濃郁😋😋仲可以一串串咁叫好方便唔同人數 泰式燒豬頸肉沙律 ($76)好特別嘅豬頸肉沙律🐷🐷佢係切到一片片嘅豬頸肉，但係個煮法有少少似泰式生菜包咁樣🤤🤤嗰醬係酸酸辣辣的，夾喺生菜入邊食就超級開胃☺️☺️ 泰式炸拼盤 (小$92)想食小食又唔知食邊款好🤣🤣就一於揀拼盤啦，有晒蝦餅、魚餅、兩款春卷同埋葉包雞，一次過滿足哂幾個願望 泰式炒金邊粉 ($55)🍤🍤炒金邊粉炒到好開胃，佢d 粉比較碎，但好方便夾，酸酸甜甜咁樣配埋d 大蝦好好味😍😍 芒果糯米飯 ($50)🥭🥭好甜既芒芒配上香濃椰汁煮成既糯米飯😆😆可能因為我哋太晏去，食都尾聲準備上甜品嘅時候，店員話俾我哋聽白色糯米飯已經賣晒😢所以我哋成碟都係黑糯米，不過仍然都係好好味道，食埋個甜品成晚就滿足哂啦😚😚 椰青 ($30)珍多冰（$22)兩種飲品都好好飲，珍多冰唔會過甜幾好👍🏻👍🏻 ps 佢個餐牌有好多已經

想食泰國菜首選一定係嚟九龍城，咁多間都幾難揀，最後揀咗一間價錢平平哋的。雖然環境有啲舊，但係更加突顯地道嘅感覺，除咗正常嘅餐牌，仲有一本相簿裏面set好晒唔同價錢之下嘅套餐，對唔想散嗌又唔想煩嘅人就岩晒。《泰式炸蝦餅》$75炸蝦餅係食泰國菜必點嘅小食，蝦餅炸得外皮酥脆，內裡彈牙，好味。《泰式鳳翼釀珍珠》$55呢個即係雞翼釀糯米，糯米煎過所以食起嚟唔單止有咬口煙韌，仲脆脆地，口感唔錯。《泰式香葉炒牛肉》$88牛肉炒得好入味，而且份量都幾多，辣辣地再混合埋香葉嘅味道，正！《泰式乾咖喱蝦球》$90泰式咖喱一直係我嘅最愛，送飯一流，同蝦球簡直絕配。 總括嚟講，你間泰國菜行平民路線，雖然嘢食唔算超好味，但係都符合預期，可以一試。

我真係好鍾意食泰國菜架～所以間唔中都會去九龍城，不過今次想揾一間環境比較地道和價格相宜的泰國餐廳，行吓行吓就來到呢度。一坐低，看到四周貼上滿有泰國風情的海報，仲有一些寫有中英泰文的菜式圖片。因為天氣真係好熱，所以老公都忍唔住飲冰凍汽水，而我就飲椰青，為炎炎夏日消消暑。泰式炸蝦餅這是我們其中一個 favourite~蝦餅大大隻，咬落好熱，外脆內軟，點埋醬汁十分惹味。泰式燒豬頸肉豬頸肉外面微焦，食落帶點香口，而裡面帶點咬口。泰式菠蘿焗飯焗飯好足料，索哂菠蘿的香味，食落酸酸甜甜，帶點開胃。泰式鐵板蝦通常鐵板都係配紅肉，但鐵板蝦都係第一次，真係好特別。拌泰式菠蘿焗飯係幾夾的。

金麥泰泰國菜館 Golden Wheat Thai Restaurant+ 泰國菜🏠overall/環境/ 服務:+ 家庭式經營feel 雖然冇好華麗嘅裝修 不過就係果種可以正正經經食正宗泰國菜嘅餐廳 + 不過招呼周到 老老實實咁+ 講最吸引嘅地方 絕對係價錢 大部分菜式都好抵 又大碟‼️泰式脫骨鳯爪 大 $58好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 細同大都係差五蚊 就當然叫大✅ 經典嘅味道 少少酸 配合辣椒同魚露 係我去親泰國菜都必點嘅開胃菜‼️ 老虎笑 $ 98好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 見到個名咁得意就決定try try✅ 其實就係泰式燒牛肉 雖然有少少根位 不過燒到around 五成熟 少少紅 保持到肉汁 同 唔韌 加埋秘製醬汁 係可以encore‼️ 乾炒金邊粉 $55好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️⭐️✅ 好老實$55 大大碟 係宜家其他泰國菜館 好難搵到呢個價錢✅ 每條金邊粉都有酸甜醬汁 配料十足 芽菜、花生碎、蝦✅ 略嫌少少濕 個人鐘意更

上年11月中個陣嚟食過一次，用餐經濟實在唔錯，今日有經，決定要encore一吓金麥泰嘅高質泰菜❤️乾炒金邊粉 ($55)- 金邊粉炒得幾香口，酸甜醬汁完美沾滿每條金邊粉，仲有滿滿嘅配料，有芽菜、蛋碎、蝦，滋味滿溢😝泰式燒豬頸肉 ($82)- 豬頸肉都燒得好正，外圍香脆，內裏嫩滑唔乾，調味香鹹惹味，配搭埋酸酸鹹鹹嘅醬汁，味道層次好多元😚泰式脫骨鳳爪(大) ($58)- 脫骨鳳爪果然都好高質，酸酸辣辣超級過癮，而且鳳爪已脫晒骨，食落好方便，而且鳳爪好索汁，勁級惹味🥰泰式鐵板魷魚 ($85)- 一上檯就jaja 聲香氣迎面而來，好誘人啊，魷魚新鮮香軟，都有咬口，配搭紅椒、菠蘿、洋蔥等等，口感層次好多元😋芒果糯米飯 ($50)- 作為芒果糯米飯狂迷，次次食泰菜都會點，芒果香軟甜蜜，雙色糯米飯煙韌有咬口，非常推薦💕椰青 ($30/1)- 椰青果然係泰菜頭號飲品，椰青水清甜解膩，椰肉雪白軟滑，甜甜嘅椰香味喺口腔爆發，幸福指數爆登💯老闆同員工依然都係咁friendly，食物水準依舊都係高水準嘅發揮，一個字—正☺️

今晚想食泰國野，九龍城梗係不二之選！🍽<泰式酸辣椰汁雞湯 (小)/$68>平時通常都叫冬陰功湯🥘但今日見到酸辣配椰汁🥥即管試吓佢。雖然係細碗但其實份量都好多，兩個人平均每人飲到兩個飯碗咁多，椰奶香濃郁，雞件大又滑！🍽<泰式老虎笑/$98>原來老虎笑係一個牛扒，佢嘅辣唔係西式黑椒嘅辣，而係泰式酸辣，所以就好似食緊泰式辣配西式牛扒好特別！👍🏻🍽<泰式椒鹽軟殼蟹/$138>呢個軟殼蟹🦀絕對值得食！因為佢真係好大件同好多件，完全估唔到佢係有一隻蟹定兩隻蟹，而且每一件都啖啖肉！加上佢嘅配菜好足料，有好多洋蔥🧅同炸蒜，一啲都唔馬虎！所以都真係幾抵食！💯🍽<泰式牛筋腩炆通菜/$70>喺Menu竟然見到牛筋腩配通菜，覺得好少見就試咗佢！一出到嚟同平時嘅通菜真係好唔同，並不似通菜炒牛肉咁樣碟上，佢係湯浸通菜配牛筋腩，而且一啲都唔油膩，湯汁仲可以飲！好有特色！🍽<芒果糯米飯/$50>完全勾起左我去泰國🇹🇭嘅回憶，好似去咗次旅行咁！但係都好似去旅遊咁滿足！🈵🍹<即製芒果沙冰/$28>超大杯又抵飲！不過佢有少少似芒

.九龍城❣️地道泰菜想食泰國菜，一定係去九龍地搵啦！放工後既九龍城到到都要等位，一於試間未食過既🤭係九龍城點都有啲質素既，唔怕！最欣賞既係，佢有好多好多好多套餐，岩哂啲有選擇困難症既….我🤪📍泰式生蝦刺身新鮮👍🏻最出色係佢個自家製既汁📍冬陰功湯酸味同辣味平衡到，唔會大家搶大家🤤仲要有兩隻好大既蝦，仲彈牙好新鮮既感覺📍泰式炸拼盤蝦餅，香葉雞，蝦春卷，芋絲春卷，魚餅！好香口又無炸過龍👍🏻📍泰式燒豬頸肉燒完既豬頸肉都仲好juicy 🤤 加埋個秘製醬汁，又香又辣！📍泰式炒金邊粉金邊粉唔會太淋，炒得好有鑊氣！📍泰式燕窩椰汁再加泰國碎燕窩🥰滋陰養顏，椰汁好香，又唔會太甜👍🏻家庭式經營既餐廳，一家人打理，每個人都好有禮貌☺️ 值得加分！！雖一係人一多餐廳就會好嘈，但又係好事黎既，生意興隆😎好味指數：8.5/10金麥泰泰國菜館九龍城南角道34號地下——————#九龍城美食 #泰國菜

收工想食泰國菜，於是約埋朋友去岀名多泰國餐廳嘅九龍城。經過呢間餐廳，睇到入面都幾多客人，決定入去試一試。同朋友叫咗泰式串燒(雞，豬)，泰式三味生魚，泰式干炒蝦河同椰汁西米糕。飲品方面，叫咗泰式奶茶同龍眼冰。~~泰式串燒 (雞，豬)燒得好香，雞同豬都好嫩滑，食落都好juicy，唔會好乾，配埋沙嗲汁好惹味。~~泰式三味生魚生魚好大條。炸得好香脆，配埋個汁，酸酸甜甜，好開胃。~~泰式干炒蝦河好大碟。有好多配料，包括西蘭花，椰菜花同芥蘭等等。d河吸曬d汁，好入味。~~椰汁西米糕好香椰汁味，入面有粟米同西米粒，食落有層次同香滑。~~泰式奶茶飲落好香滑，唔會好甜。~~龍眼冰好多龍眼肉，唔會好甜。好解渴。餐廳冇加一服務費。但服務都好好，讚。

九龍城是泰國菜之城，相信沒有人否認，就在九龍城站開幕之前，又一家新泰菜店開張了！性價比滿高的，值得關注一下，那我就來嚐嚐新吧店內算乾淨，地下沒有油立立，新店來說合格了選擇非常多，而且部分菜色還滿有創意的呢泰式酸辣鳳爪$1很便宜的每天之選！爽爽彈彈的酸甜好吃！冬陰功湯（小） $75有蝦兩隻，香茅味濃，秀珍菇彈牙而且湯底夠酸，滿開胃的！泰式醃燒牛肉沙律$98意想不到的超像生菜包，牛肉軟稔帶辛辣，雖然味道不錯，生菜也夠爽脆，但名字可以改一下嗎?泰式明爐芥蘭炆鴨 半隻$95很有氣勢的一道菜，有足半隻鴨在，加上大量的芥蘭，爽脆香甜沒有渣，獻汁夠濃，有夠中式的呢！泰式咖喱牛筋腩$78四方的牛筋腩有夠多，煙煙韌韌的口感加上超濃郁的椰汁，真的非常不錯！芒果椰汁黑白糯米$50鮮甜的芒果味道沒話說，如果更有水份就更好了，黑白糯米一軟一硬，甜中帶咸非常好吃！

金麥泰泰國菜屋企人話要去九龍城食泰國菜，好多人食呀呢間餐廳，好彩等咗一陣就有位，正宗嘅泰國菜。冬陰功湯小$75裏面有兩隻大蝦同菇，湯味好濃郁有椰香味，味道正宗。泰式豬頸肉炒芥蘭$68芥蘭新鮮爽口，豬頸肉嫩滑，用蒜蓉炒，好味開胃。泰式咖喱炒蟹肉蟹$298大大隻蟹而且多肉，咖喱汁甜甜地，裏面有洋蔥、芹菜、蒜頭、紅椒，蒜蓉包好鬆脆，點咖喱汁食一流。泰式生蝦刺身$88生蝦好大隻而且仲好新鮮，點泰式辣醬食。龍眼冰$20鮮甜可口，有好多粒龍眼肉。芒果沙冰$28呢個不得了，係用泰國新鮮芒果製成嘅沙冰，十級推薦，一定要飲。整體而言唔錯，係家庭式嘅泰國餐廳，好有人情味，食物煮得好好味，好多街坊喺度食，所以係一個親切嘅食嘢環境。

#九龍城#抵食之選#泰國菜⬇️《金麥泰泰國菜館 》🇹🇭🥢🧉🗯係人都知九龍城有好多間泰國菜….不過對於n年都唔入呢區一次既人都唔知食咩好，經過見到呢間唔使等位就入去試試，好彩都冇中伏。餐廳裝修好懷舊住家feel，價錢唔貴，份量十足，都幾抵食❗️如果成日去呢區食嘢既人可以有多一個選擇。1.#泰式串燒串燒🍢（豬雞牛)終於食到d真係炭火燒既串燒…(因為平時去餐廳食個啲都覺得係炸)，食落乾爽唔油膩，3款肉都唔鞋好咬，軟硬度適中帶碳烤焦香，連牛肉都唔會韌，些微脂肪夾雜在內，如果可以再熱d就更好。個沙嗲醬加左唔少椰漿，椰味既清甜都幾搶戲。👅：8.7/10💰：$12-$14 per串 (4串起) 2. #泰式金邊粉🥘😯粉既份量驚人，炒得頗濕身，粉質爽口帶點韌勁，大量🥜粒，由於炒得唔算乾身，mix埋啲帶粉狀既🥜食落帶小小糊感，如果🥜碎大粒啲成碟野口感會更好。個甜酸味都係比較平均，唔算好濃烈。👅：8/10💰：$553.#冬陰功湯河🍲有啲蝦同菇，係椰奶味較重既冬陰公湯底，飲落香滑溫順，闊河粉唔會好碎散。👅：8/10💰：$45

講起九龍城第一時間諗到泰國菜因為疾情關係嘅限制只可以四個人用餐而家設係嘅餐廳係比較平民少少我哋今次由於地下有人包場，所以被安排入坐上層而點餐方面，泰國菜點少得咖喱，串燒，金邊粉青咖喱雞 ($68) 蒜蓉包 ($32)味道: 🌕🌕🌕🌗🌑咖喱質地稀身左少少, 不過同蒜蓉包一齊食都唔錯蒜蓉包外脆內軟, 價錢又唔貴泰式炸蝦餅 ($75)味道: 🌕🌕🌕🌕🌘分量都幾多, 有6件炸蝦餅口慼幾彈牙, 配泰式辣醬好食泰式串燒豬肉/雞肉 ($12串)味道: 🌕🌕🌕🌕🌗通常每間餐廳都會固定6串或8串但依間無限制, 每串計值得一讚泰式豬頸肉炒芥蘭陽 ($68)味道: 🌕🌕🌕🌑🌑豬頸肉比想像多, 對得起價錢乾炒金邊河粉 ($55)味道: 🌕🌕🌕🌗🌑金邊河粉比較濕少少, 但有配花生都唔錯如果有青檸會更好, 食慾會增加泰式椒鹽軟殼蟹 ($138)味道: 🌕🌕🌕🌑🌑分量勁多, 足足有2隻蟹, 但粉漿太厚身, 有點失色, 味道就唔太差總括平民價既泰國菜，CP值算中高上而閣樓位置都適合一班人分枱食，無計限聚令🙊