金麥泰泰國菜館 (已搬遷) 新店位置

屯馬線開通之後，一直都想黎九龍城食泰菜。。。今日終於抽到時間🤭 上網睇FB泰國菜關注組，牛扒關注組成日都介紹老虎笑(即燒牛肉)講到好正，同埋好多都係介紹"泰金國"，但就因為咁太多人去食，又多人又要限時。所以上網睇左一大輪，最終擇左呢間，食評幾好，中午又唔限時 (夜晚就唔知)泰式老虎笑 $98 嘩😍好正呀，第一次食泰菜嗌燒牛肉，肉味好香好惹味豬肉泰式生菜包 $68 肉碎偏咸泰式炸拼盤 (小) $92 款款都唔錯，夠熱夠脆炸皮蛋蝦餅 $75 皮蛋無泥味又糖心，蝦餅又脆口👍芒果沙冰 $28杯 大大杯，清甜芒果糯米飯 $50 鴛鴦糯米熱辣辣，一上枱仲出煙，芒果室溫，好甜難得出開九龍城，順便行去清滇牛肉館外賣咖哩羊腩夜晚食😂P.S. 埋單先發現免加一，扺食四眼老細同似老闆娘既泰國人都好好禮貌，加分

九龍城嘅泰國菜館開到成行成市，而自從屯馬線開通之後，去九龍城就更加方便，今日朋友就揀咗呢間金麥泰泰國菜館。都係果句，去食泰國菜一定要叫泰式炸蝦餅，而呢度嘅炸蝦餅我夠膽講係我食過嘅泰國菜館之中最抵食嘅一間，冇諗過呢個價錢可以有足足12件，而且係新鮮炸起，粒粒彈牙，性價比極高！泰式串燒價錢都唔貴，仲可以逐串揀，任你組合，我就揀咗雞全翼($18)、牛肉($14)、豬肉($12)、雞肉($12)，我自己就覺得雞翼同雞肉最好食，而佢嘅沙嗲醬都好香好夾。其實我本人次次淨係識叫菠蘿炒飯，今次係第一次試泰式椰青焗飯，原來係咁好食，炒飯底入面有海鮮同三色豆，而且已經混入咗椰漿，面層再有充滿椰青肉嘅厚厚一層椰漿，稍稍焗過之後再灑上豬肉鬆，真係啖啖充滿椰子嘅香味，而且仲要好大份，入面嘅炒飯真係深不可測，好不容易先挖得到落底部，呢個椰青炒飯絕對值得一讚！泰式馬拉盞通菜辣度適中，份量十足就唔使多講，混入咗馬拉盞嘅通菜十分香辣，非常惹味。雖然唔算好辣，但始終食辣嘢就會想飲吓凍飲，叫咗珍多冰($22)同龍眼冰($20)，兩杯飲品都真材實料又唔會太甜，食咗辣野飲番杯真心正！食泰國菜甜品揀芒果糯米飯是常識吧，呢度嘅芒果

接女友放工所以又在九龍城吃晚飯, 想找一家不用排隊, 又不用訂座的泰國菜餐廳, 於是選擇了這家. 它的裝修沒有走刻意的泰國風格, 就是一家甚為平民化的餐廳. 點了四道菜再加一支泰國象啤, 簡單但飽肚, 炎炎夏日點了泰式生蝦刺身作頭盤, 明知性價比較低, 但還是想點. 生蝦沒有雪藏味, 鮮度還可以, 醬汁魚露較重, 咸鮮比酸辣度重, 原來處理生蝦刺身同樣要額外申請處理刺身的牌照, 這家當然有, 也算吃得比較安心.它的燒豬頸肉和乾炒河粉也算做得不錯, 前者外面焦脆度和焦香也做得不錯, 內裡嫩滑之餘脂肉層次分佈平均, 肉的鮮香和油香味夠, 不用點醬. 炒河除了鑊氣ok外, 加上全蛋而非蛋黃去炒, 反而有荷包蛋燶邊的香脆, 簡單但令口感更豐富. 至於咖哩系列就一般, 辣度不夠且椰汁味有點搶, 還是炒和燒烤系列更出色.

這間位於九龍城的金麥泰泰國菜館，價錢便宜，食物大份，而且不用加一，所以晚市時間都很多人幫襯。叫了幾款小食送下酒。泰式生菜包生菜選了最嫩近菜心的菜葉，青綠又爽脆，豬肉碎加了些乾葱頭及香料爆炒，十分惹味。泰式炸拼盤拼盤有五款小食，炸蝦餅彈牙；魚餅香料味重；庶蝦及春卷炸得香脆；香葉雞較為乾身。泰式鹽燒烏頭原條烏頭釀入香茅等香料再燒至表面帶焦香，烏頭保留了魚肉鮮甜，肉質嫩滑不乾身。泰式海南雞飯海南雞已去骨，全部都啖啖肉，雞皮很薄脂肪不多，雞肉嫩滑，油飯溝了些糯米，有點煙韌。

從宋皇臺站出來，已經發覺附近的餐廳許多，同朋友去的這家泰國餐廳正是出站直行約三分鐘，實在方便。翻了餐牌，除了散叫，還有不少套餐，計算一下仲幾抵食。我們點了＄315套餐，包括了冬蔭公湯，沙嗲串燒雞肉和豬肉，泰式拼盤和大蝦菠蘿焗飯。先來冬蔭公湯，有兩隻大蝦和香菇，酸酸辣辣，口感豐富，十分醒胃。沙嗲串燒雞肉和豬肉，拼了燒雞肉和豬肉，配上沙嗲醬相當惹味。金黃香脆的泰式拼盤，香葉雞、春卷、魚餅，各款小食都充滿泰式本土的味道。大蝦菠蘿焗飯，用了原個菠蘿去焗飯，材料有蝦、腰果、肉鬆、雜豆及菠蘿肉粒，口感豐富，帶點酸甜。配了珍多冰，好香椰子味，裡邊有雜果肉條，口感爽甜。菜式由泰國人烹調，味道更為傳統、風味啊！

惹味的泰國菜我今晚又食啦，今晚食的是九龍城南角道的泰廚泰國菜館。餐廳有很多套餐選擇，不過我今晚揀了幾個喜愛的特別泰菜菜式。泰式脫骨鳳爪$53 很喜愛食泰式鳳爪，喜愛夠爽口，酸酸甜甜，夠惹味！泰式香葉肉碎飯$58惹味及最好拌飯的我覺得就是這個泰式香葉肉碎飯，拌飯真的好好味！泰式三味鰂魚$198泰式三味鰂魚上枱見到非常大份，廚師切得頗大件，裏面有菠蘿蔔、蕃茄及青瓜，廚師將魚起肉切成雙飛，經炸過，食落外脆內軟，味道酸酸甜甜好惹味！泰式馬拉盞通菜$53泰式菜蔬菜類不會很多款，我都是揀了最喜愛食的馬拉盞炒通菜，喜愛這個馬拉盞炒得夠入味，通菜夠爽口。今晚要了2個飲品，椰汁冰及可樂， 食得滿開心的。

在香港想吃泰菜第一時間會想起泰國店舖林立的九龍城晚飯時間路過這間金麥泰剛好有位就進去試甫進店映入眼簾的是陳年的裝修風格以及一些已經有點日子的菜式照片相信是店舖屹立九龍城多年的痕跡前菜我們點了泰式醃粉絲沙律一道酸酸辣辣的開胃菜正適合不過酸辣的程度我認為是適中微微刺激味蕾之餘容易入口加上原隻青口及鮮蝦襯托味道更加豐富再來是泰式老虎笑實為泰式烤牛肉之所以叫老虎笑背後是有典故的以前的泰國人習慣是叢林中烤牛肉香味引來老虎的垂涎但由於烤牛肉太燙老虎難受得像在哭泣泰國人於是將此菜稱為老虎哭及後又覺得名字不吉祥就改為老虎笑這道烤牛肉處理得實在了不起牛肉烤得外脆內軟表面散發焦香內裡嫩滑肉味齒頰留香生熟程度拿捏得宜絕對是高水平之作主菜是泰式咖喱炒軟殼蟹先值得一讚的是黃咖喱的椰香味濃加乘少許蛋汁更見香滑單是配白飯已經很美味軟殼蟹份量足炸過仍能保持脆身總體而言味道相當不錯食物份量實在性價比高不愧為屹立九龍城多年的老字號

今日難得約左friend係九龍城食飯，就梗係揀食泰國菜啦，畢竟九龍城係小泰國，所以就揀左間係地鐵站附近既，夠曬方便。1️⃣ 泰式菠蘿焗飯HKD 75焗飯係裝係半個挖空左嘅菠蘿入面，賣相好靚，飯上有滿滿嘅肉鬆同埋腰果，食落口超香超惹味，最令我驚喜嘅係入面啲菠蘿係甜嘅，成件事又多口感又juicy，好好味呀 2️⃣ 泰式老虎笑HKD 98📝呢碟燒牛肉不得了，不止份量多，燒到啱啱好，保持到極嫩滑，肥瘦適中，食落帶有焦香味，點埋必製嘅醬汁，酸酸甜甜，真心好正，係我同朋友心中嘅第一名！3️⃣泰式生菜包 （豬肉）HKD 68 📝生菜包超抵食，豬肉份量好多，3-4人份量甘濟，炒得好香，酸辣酸辣甘，包埋生菜食又係另一種風味，好refresh，係好開胃嘅一碟菜，不過要留意嘅係，調味偏辣，食唔到辣嘅朋友要注意啦4️⃣泰式炸蝦餅 HKD 75 📝 炸蝦餅又係份量超級多，黎到已經好貼心咁將佢每塊切開咗一半，蝦餅每塊好厚好足料，香脆又夠蝦味，好有口感5️⃣串燒（豬x1 雞x1）HKD 12/1 📝串燒味道不過不失，唔會燒到過龍，一啲都唔韌，配埋沙嗲醬啖啖肉令人好滿足6️⃣椰青HKD 30 📝椰青好大個，入面勁多汁嚇親我，飲落好清甜超解渴

第一次難食到要寫食評!叫左生蝦，燒牛肉沙律，炒椰菜苗，燒雞翼，兩碗粉兩碗粉味道ok，只系用左炒河一塊塊，不討好生蝦 - 未見過冰系鋪系生蝦上面，我要撥開哂啲冰先搵到我隻生蝦🙄不過都叫味道ok炒椰菜苗 - 無蒜蓉味，硬到食芥蘭咁燒雞翼 - 雞翼無醃味，皮吾脆+韌。似系預先燒熟左客人叫個時再加熱燒牛肉沙律 - 牛肉多肥膏，搵啲酸既醬撈埋一齊就叫沙律？另外俾左碟生菜我地。當韓燒咁食？最奇怪系佢個酸醬同塊生菜完全吾夾!夾埋一齊個生菜仲變得苦左🙄難食到無心情影相…吾知好評從何而來

九龍城出晒名多好嘢食♥️今日專登嚟搵好味既泰國嘢😎😎朋友仔就即刻帶我嚟試呢間野啦 hahaha 泰式燒豬頸肉 ~ 呢個咬落去肉質好爽脆！再配埋個泰式酸辣汁真係好正，夠囇開胃啊泰式串燒🍴 有牛肉串、豬肉串、雞肉串♥️ 每串熱辣辣上枱~點埋個沙嗲醬真係一百分💯🥰泰式明爐梅子魚🍴梅子魚熱辣辣原條上枱😜味道酸酸辣辣~湯底香濃惹味~~ 真係令人胃口大增！泰式招牌炒飯 🍴呢個飯充滿 滿滿嘅椰香~仲有勁多海鮮同肉鬆💓真係好特別既炒飯👍🏻芒果汁🍹番石榴汁🧃 熱辣辣嘅天氣行過去再飲返啖凍飲~真係舒服晒啊~

已經好耐無食泰國野喇，一諗起就口水流，所以今晚就約咗班朋友去小泰國——即係九龍城搵食。呢到出名多泰國餐廳，其實要揀食邊間都唔易。今次就憑感覺搵咗呢間鋪頭，就係鍾意佢嘅裝修有親切感，入面仲有個驚喜小擺設，哈哈，呢到唔講住，去到你就知。唔講咁多，入正題先！食飯一定要有菜，食泰國野就一定要叫馬拉盞通菜。一出碟，陣香味已經撲鼻而來，一啖食落去，味道好濃郁，好爽口，而且好有鑊氣。疫情成日食碟頭飯，真係好耐無食過咁有鑊氣嘅小菜。當然都唔會少得杯野飲啦，叫咗杯芒果沙冰同芒果汁比較下，個人比較鍾意飲沙冰，純粹夏天熱想涼快啲。呢杯就沒有又多驚喜，味道好自然，感覺唔似糖漿調味而成，而係淡甜微酸的，可以Refresh返個味蕾。接住係泰式咖哩牛筋腩，通常咖哩會比較濃稠，而且椰奶味重，好易食膩。但呢個咖哩有啲驚喜，口感係湯與羹之間，飲落有股冬蔭功風味，配合多樣脆口蔬菜，當湯飲又得，撈飯食又得，仲幾開胃添。之後就來咗碟蝦餅，我本來就一般般，不過朋友鍾意食，我都試咗舊味道同我預計差不多，唯一我欣賞嘅地方係外皮炸得香炸，唔會擺耐咗就變軟~厚度都適中，好易放入口，因為我就最怕擘到個口大一大先食到!來到主食，就係泰式乾炒

今日去到九龍城食泰菜。平時食黎食去都係大街果幾間，今日朋友帶我行入啲啲，試下呢間金麥泰。都未入門口，已經見到全場爆滿，坐低左都陸續有客入黎，好彩朋友事先book左位～呢地冇靚裝修，只係好普通茶餐廳咁，通常咁既環境都有咁多人黎食，佢地食物既味道實唔錯。Menu 款式正正常常，基本既泰菜都可以食到，價錢都好親民。🔹泰式燒豬頸肉沙律🔹豬頸肉份量非常多，燒香既肉非常爽口，配上酸辣開胃醬汁，一啲都唔膩！🔹冬陰公湯（小）🔹兩個人每人起碼有4~5碗，仲有兩隻爽脆大蝦，味道酸辣辛香。🔹乾炒金邊粉🔹完全好地道泰國風味，煙韌既金邊粉掛上甜甜酸酸既汁，加埋花生碎粒，一啲都唔heavy。🔹泰式串燒🔹試均牛肉、雞肉同豬肉，燒得焦香蘸上沙嗲醬，味道更加濃郁。🔹芒果糯米飯🔹必食甜品，香甜芒果配上淋上椰奶既糯米飯，軟軟糯糯，相當好味，CP值好高！🔹椰青、泰式奶茶🔹特別想讚泰式奶茶，甜度剛好，又濃茶味

又去左九龍城食泰國嘢啦，泰式無骨鳳瓜- 叫咗碟細嘅，份量算幾多，酸酸甜甜好味道牙！泰式冬陰公湯（細）- 細細碗內面竟然都有兩隻大蝦，味道香濃！泰式炒河 Pat-THai - 以前食襯泰國嘢都會叫架，今次當然唔會例外啦⋯⋯唔會炒到一pat pat ，但又唔會干爭爭咁😋 馬拉盞椰菜苗 - 嘩，又係好大碟架！未叫過呢樣野，原來都幾好味㗎喎！至筍至正嘅當然就係串燒啦 - 🐮🐷 同燒雞翼！🥳牛肉夠彈牙，豬肉就入味，兩樣都唔鞋口！ 燒雞翼用左d 好特別嘅香料 （但我又唔知係乜🤣），好惹味呀！飲品 - 大大個椰青，夠青甜！ 用叫咗個青檸梳打 兩個人食，又係飽到抱住個肚走！🤣太耐冇見嘅朋友，吹下水又食下野，咁就食左3粒鐘🤣🤣好彩冇俾人趕走咋 🤣🤣

九龍城不嬲出名泰國嘢，通咗屯馬線之後去九龍城新係超方便，中於可以好方便咁搭車去食高質既泰國嘢啦今次呢間係泰國華僑開既泰國餐廳，一去到餐廳見到好多菜名都貼左出黎方便揀嘢食就好有親切咁感覺😍我地叫左生菜包豬肉，真係好好味呀啲豬肉炒得好香🥰配埋生菜食真係好正！見到餐廳有串燒～ 我地叫左燒雞翼，燒豬肉串，燒牛肉串配沙嗲醬，個沙嗲醬好正呀，d串燒都燒得好香好好味見到有泰式生蝦立即叫左黎試😝個生蝦配埋泰式酸辣汁好正，生蝦係由泰國空運到港♥️蝦醬炒通菜，最鍾意食東南亞嘢嘅炒通菜，因為個醬會好入味好好食😁甜品我哋叫咗芒果糯米飯同埋泰式燕窩😀個燕窩真係好呀好好味呀！芒果糯米飯既芒果好新鮮好甜，個椰子醬配埋暖暖既糯米飯真係一流😀忍唔住不停食

等左陣位，入到去個叔叔帶完位就走開左無拎餐牌，又無放位問先由放暑假既小朋友拎餐牌過嚟同放位🥲小朋友落單，餐牌搵唔薄餅，諗住撈咖喱小朋友話無，叫我講單號咁唔緊要 搵大人再落落左個豬頸肉椰菜苗，小食拼盤，咖哩雞，生菜包同野飲。🙂感覺上應該正常一泥上左個薄餅先，睇落ok再上個小食拼盤，但嚟到已經唔多想食好似反炸再返炸咁，蝦餅又唔好食，唔彈個皮係林既，魚餅有骨 個皮巢到一個點個豬頸肉椰菜苗，個苗竟然可以老既豬頸肉唔好食🙈🙈🙈😮‍💨最正常係生菜包終於泥咖哩，係黃咖哩雞🤨咖哩無味，同店員講佢拎返入去再炒過不過都係唔好食到賣單，兩個人，500蚊左右個無味雞要$168店員話黃咖哩要168 但其他咖哩只要68 ，可能落單個陣有口誤，但都應該同我地講一下168就唔會食，而且真係好難食個店員仲不停解釋個咖哩滑好多......算，都比左錢 ，無下次🥱如果按餐牌價錢，食物係抵食既但唔好食之餘，仲要收貴左🥵🥵