金鷺湖

营业中

休息中

今天休假又同女友來大埔白鷺湖互動中心遊覽和茗茶。 對這裡的環境情有獨鍾，除了自然環境 清靜優美外，還有一座高雅漂亮白色歐陸式高級中菜廳相當有氣派加上食物高水準的配合，是吸引遊人和食客到來的原因。 我們茗茶後再沿着湖邊漫步，拍拍照多寫意！ 點心也很回味，值得公開分享一下～點心；鹹水角啤梨仔 啤梨造型很精緻，外層鬆脆軟糯，菇粒和肉粒餡料香十分爽脆香口。田園蘿蔔絲酥三棵蘿蔔造型的酥皮香脆，蘿蔔絲鮮甜濕潤，還有朱古力曲奇碎的泥土造型，脆脆的有牛油香味。蜜汁叉燒腸粉腸粉質地滑富彈性，叉燒鬆軟蜜味。流心鵪鶉蛋燒賣這個人氣點心每次來都必點！ 以鵪鶉蛋作餡料，切開蛋液流出，很獨特！蝦肉爽彈鮮甜，流心蛋黃滑溜！金瑤蛋白炒飯份量十足！爽囗鮮味！有蛋香！ 雖然， 點心定價稍偏高，但以環境，服務，食物的水準計，個人認為絕對是值的！很享受！

🇭🇰 金鷺湖 𝕃𝕖 𝕍𝕠𝕨 @ 𝕋𝕒𝕚 ℙ𝕠 Weekend一家人嚟到小白鷺嘅呢間新中菜飲茶🥢餐廳裝修超靚，用色主要木色及白色調🤎好舒服又多打卡位，單係門口擺放嘅櫈同乾花都已經可以影好多相📸餐廳冇咩人知，個個都係主要食外面間Billow，所以唔會好多人好嘈吵👍🏻（所以有的心想收埋😛）期間好多人嚟睇wedding venue, 靚到我都想係到搞婚禮👰🏻‍♀️🔸 鹹水角啤梨仔(三件) $𝟓𝟖外形好精緻嘅啤梨仔其實係鹹水角❕帶有淺淺嘅青色好像真，仲有條百力枝做個頂🍐保留咗鹹水角嘅煙韌，炸完冇油淋淋👍🏻外貌取勝🔸 黑松露野菌餃 (三件) $𝟔𝟖藍色嘅野菌餃好搶眼👀外皮薄薄加入咗蝶豆花，咬落好香黑松露味😋好啱鍾意食黑松露嘅朋友！🔸 鳳梨咕嚕肉 $𝟏𝟔𝟖當初冇抱太大期望點呢碟菜🍍估唔到咁有驚喜！肉粒炸到外皮脆卜卜，即使淋咗醬汁依然咁脆口😋🔸 雙色花晶凍 $𝟓𝟖呢個超適合打卡！食用花係透明啫喱入面，好靚😍入面仲有紅豆，增加咬口👍🏻🔸 蕃茄魚湯鮮竹卷 $𝟔𝟐🔸 𝐗𝐎醬爆京蔥安格斯牛柳條 $𝟐𝟔𝟖牛柳條炒完唔會好韌，好香又夠牛味👍🏻份量亦唔少，唔會過多京蔥。🔸 手拉蜜汁叉燒腸 $𝟔𝟐🔸 雪山竹炭叉燒餐包

今日媽咪生日，帶佢同埋老豆一齊黎試下呢道既中菜和點心。中餐館開左3個月到，環境好寧靜舒適同優雅。佢地午餐分2個時間 - 11.30 至1.30 或1.30後。試左佢地既點心，蝦餃好味個皮好特別係金粉紅色；燒賣有創意同心思，入而有粒鵪鶉蛋；蕃茄魚湯鮮竹卷，正，入面材料好足，味道好好食。櫻花蝦蟹籽海鮮炒飯，可以改善加多d唔同種類既海鮮但蟹籽係好足既。影左menu既相同今日食既野，大家可以睇下同check下價錢。茶價$22一位

生日想搵一間環境好少少嘅餐廳食飯，就揀左嚟金鷺湖飲早茶～真係冇令人失望呀！歐陸式建築，簡約又奢華，職員服務又好，熱情主動有禮。中菜廳樓底勁高，高級感滿滿，因為一早11:30就準時入座，被職員安排餐廳靠邊置中望住湖景，對住個落地大圓窗嘅位置，真係食環境已經值回票價，簡直四圍都係打卡影相位，好似去咗旅行咁！仲要有免費泊車，真係好加分～流心鵪鶉蛋燒賣（三件）$78本身望落去冇咩特別，普通燒賣咁，誰不知內有乾坤！一咬落去係流心嘅鵪鶉蛋，有包蛋汁嘅效果，好特別啊！雪山竹炭叉燒餐包（三件）$62黑色墨西哥皮微脆，餐包鬆軟，入面嘅餡料係半肥瘦叉燒，甜甜地好好味😋黑松露野菌餃（三件）$68藍色嘅水晶外皮，入面餡料係充滿黑松露香味嘅野菌，口感好有層次，而且賣相特別！脆脆鮮蝦紅米腸$78腸粉皮用紅米染成紅色，睇落又係好靚！入面係網紋春卷包鮮蝦同埋蔬菜。配搭埋辣椒醬超級惹味！鹹水角啤梨仔（三件）$58綠色嘅啤梨仔造型超可愛，口感煙煙韌韌，不過餡料如果可以濃味多少少就再好啲～蕃茄魚湯鮮竹卷$62鮮竹卷雖然浸喺蕃茄魚湯入邊，但係食得出好新鮮啱啱炸起嘅口感，外皮仲保留到少少脆，上面仲有幾條蘆筍添！環境咁chill

大埔小白鷺打卡熱點除了純白歐陸風西餐廳Billow, 旁邊新開的高級中菜廳「LeVow 金鷺湖」亦是其一。餐廳供應手工點心和新派中菜，跟西餐廳一樣坐落於一望無際的草地湖邊，特高樓底加上落地玻璃，採光度及空間感十足，以純白作為主調配木系裝潢及吊燈，令格調更高雅舒服。雖然地方都頗為偏僻，揸車會比較方便，更有5 小時免費泊車。下午時段供應手工點心款式雖然不算多，但每款都頗有特式，例如流心鵪鶉蛋燒賣、蝦餃、鮑魚珍菌千層酥、古法胡椒餅等，賣相擺盤都很精美。金鷺湖蝦餃（$78/3件）蝦餃皮帶有少許金箔粉，令賣相更加分，內邊是爽口彈牙的蝦肉。百花煎釀蘿蔔糕（$62), 蘿蔔糕切成三角形，釀上炸得香脆的蝦膠，令口感增加。千層鮑魚酥，$38件，1酥皮酥鬆化香脆，牛油香十足，放上野菌及原隻鮑魚，很有睇頭，咸咸香香，好味。古法胡椒餅（$62/3件）餅身鬆化，內邊的肉夠扎實，有肉汁，胡椒味香濃，微辣惹味。雙色原籠馬拉糕（$58), 熱辣辣而鬆軟的馬拉糕，除了基本的黃糖味，更配了朱古力味，仿佛變了一客甜品。蟹粉上湯灌湯餃（$128), 價錢雖然比較貴，但內邊的餡料混入蟹粉，食到啖啖蟹粉香，灌湯餃皮薄，上湯夠清，

餐廳是一座白色建築，門前有一片草地，感覺去了小旅行，悠閒寫意。餐廳格局以歐陸風格為主，室內環境優美，樓底很高，空間感十足，寬闊舒適。拱形窗，窗邊位可以望到湖景。無論室外及室內也可以打卡👍餐廳以中菜及點心為主，點心精緻美味😋我們叫了以下菜式：鹹水角啤梨仔 $ 58啤型造型好可愛😻，外層香脆、內裡香軟，十分美味。雪山竹炭叉燒包 $62竹炭包皮配上叉燒餡料，很合適。流心鵪鶉蛋燒賣 $78原粒鵪鶉蛋在燒賣裡面，還要是流心，好療癒💗黑松露野菌餃 $68松露味香濃，素食之選。田園蘿蔔絲酥 $78香脆可口。七味黃金豆腐粒 $88外脆內軟，吃不停口。

星期日, 悠悠閒閒入左去大埔小白鷺行下，裡面環境好優美，仲有個好靚既湖不只可以打卡，仲可以撐艇仔同埋玩水上活動。中午就係中餐廳金鷺湖飲茶，中餐廳裝修以歐陸風格為主，拱形窗外仲可以望到湖景，室內環境寬闊舒適，空間感十足，食都食得開心d😆另外服務很好，食物質數又不錯。雪山竹炭叉燒餐飽($ 68)~好特別的黑色叉燒餐飽，外層微脆，叉燒仲有有少少流心鹹水角啤梨仔 ($58)~造型非常吸睛既點心，外型有趣，鹹中帶甜，可惜糯米皮有點厚。鮮茄魚湯鮮竹卷 ($62)~蕃茄清新，魚湯味清甜，鮮竹卷餡料好好味。楊枝甘露 ($58)~好香芒果汁好足料，又係好鬼靚😍

大埔小白鷺湖互動中心的中餐廳金鷺湖果然名不虛傳，上午11:30開門，食客未開門已經在等候廳守候，很有旅遊感覺。餐廳很大，裝修華麗，落地玻璃可看見湖景，非常舒服。餐廳主打手工點心，蕃茄魚湯鮮竹卷$62，魚湯清甜，鮮竹卷又大條又足料。脆脆鮮蝦紅米腸$78，紅米腸裏面是用米紙包著鮮蝦炸成的脆脆，有點似炸兩。鹹水角啤梨仔三件$58，賣相可愛，鹹水角變身為啤梨仔。流沙壽桃三件$58，迷你壽桃包，內裡流心奶黃😋流心鵪鶉蛋燒賣三件$78，以為鵪鶉蛋不見了，原來鵪鶉蛋收藏在燒賣中間，而且是流心的，非常特別。

之前同屋企人慶祝生日已經食過一次，食物質素及服務都好好，這次特意帶朋友來試試。對著湖景食飯，環境寫意，日光感覺好舒服。茶芥 | $22/位喜歡這兒有龍井茶飲，聞起來清香。店員有時會幫忙加茶，服務很好。XO醬味道真的好香，可以請店員提供一碟，第二碟起要收費。田園蘿蔔絲酥 | $78就是為了它可愛的外型而點，蘿蔔絲酥插了一棵小葉，旁邊有些泥土，泥土是什麼要賣個關子😆，像剛出土的小蘿蔔。外面炸得脆，內裡的蘿蔔軟綿綿。鮮蝦紅米腸 | $78腸粉皮用了紅米漿做，中間包著脆脆及鮮蝦。蝦肉彈牙，豉油分開上不怕把脆脆整淋。流心鵪鶉蛋燒賣 | $78燒賣中包著鵪鶉蛋，但今次的鵪鶉蛋流心程度減少。鮮茄魚湯鮮竹卷 | $62鮮竹卷腐皮沒有浸到湯的部分仍有些脆，有不同口感，鮮竹卷細細條。店員貼心提供了碗仔可以裝鮮茄魚湯，邊食邊飲。蟹粉三皇餃 | $108午市限定的點心，賣相精緻，蝦肉大隻爽口，蟹粉味道不太突出。食完飯仲可以周圍影相，有好多打卡位。免費Shuttle Bus半小時一班出大埔，都幾方便。

餐廳優點：免費泊車五小時，停車位足夠環境清靜，飯後可行吓影相裝修現代簡潔，乾淨餐廳缺點：好難卜，午市提前一個月預訂，無waiting list基本服務做到，但唔算有heart食物賣相不錯，食材麻麻，尤其温度控制不善，上枱食物只做到微温，食味大打折扣總結：一間不會回頭嘅食肆

幾年前曾經去過小白鷺餐廳，好耐已經冇嚟過，今日再嚟發覺餐廳已經大翻新。餐廳仲提供一個非常之抵嘅匯豐信用卡專享優惠，今晚嘅晚餐真係物超所值。裝修擺設 - 新淨係要加分嘅，擺設配色都十分令人舒服。金牌釀蟹蓋 - 呢個菜式係大型酒店都食過無數次，但係今晚食嘅係咁多間最大份同埋最多蟹肉嘅。👍菜膽竹笙燉花菇 - 真材實料，冇用味精，花菇同埋竹笙都準備十足。羊肚菌燒大蝦 - 隻蝦真係好大，應該係燒巨蝦，雖則知道隻大蝦可能未必新鮮，但係師傅都整得好好食。蜜餞欖角脆香骨 - 個人最喜歡蜜糖，脆香骨熱辣辣，完全沒有油膩的感覺。蘆筍百合炒時菜 - 炒百合都幾高難度，欣賞師傅唔係一味落油落鹽，蔬菜炒得啱啱好。金瑤蛋白炒飯 - 美中不足嘅地方就係未食完前面嗰度菜已經拎咗嚟，溫度下降左就冇咁好食。楊枝甘露 - 正常發揮。

早在個多月前見雜誌介紹呢度，見景靚食物好似好正咁, 馬上就黎試下，當時環境以及出品都勁靚，試完後馬上訂位今日再來，可惜無論環境及食物質素都大不如前! 先說說環境，之前係湖境，區內裝修佈置都帶有歐陸氣息，今天到訪，湖水乾枯，周圍環境有如地盤，沙塵滾滾。去到室內，枱同枱之間已沒之前寬敞了，休閒地方亦都少了許多，不像之前到訪般清優雅緻, 真的令人非常失望。食物方面: 之前同今日嘅餐單沒有不同，但很可惜無論賣相及味道都比之前相差很遠了！之前酒店級嘅價錢，點心出品有酒店級嘅水準，但現在酒店級嘅價錢，大排檔都不如嘅出品，真是讓人失望透了！招牌流心鵪鶉蛋燒賣：之前食係爆蛋汁的，味鮮而蛋汁濃，今天食，大細不一，全不是流心的; 最離譜係個黑松露野菌餃，單睇賣相，相信冇人敢食，尤如中左毒嘅顏色咁;  百花釀蘿蔔糕，賣相唔靚都唔緊要，仲要冇味，百花餡又少又唔爽; 雙色馬拉糕，之前係原味同朱古力味，今日食係原味同類似老抽咁既味囉，又實又唔香。經本人明查暗訪後，原來是換了師傅，怪不得出品完全唔同啦。總結就是，沒有下次!!!

本身去小白鷺行下，入去飲個下午茶，原來要book任，好在仲有一張枱，唔係就要食自己或者去另一間西餐了。流心鵪鶉蛋燒賣，真係流心嫁，個燒賣本身上面蝦膠已好爽，再咬入去個鵪鶉蛋硬再啱開流心三重口感，一試難望。鴛鴦馬拉糕，其實係黑糖同乜味都唔係好分到，但個soft程度好啱，夠軟滑得黎，甜甜地，好啱我口味。分開食感受到一個甜D一個無咁甜，但又唔會好甜。呢個啤梨型咸水角，個外型又係打卡用，味道同出面咸水角無乜太大分別，但一D都唔油，爽身，料唔多，正常，細隻左少少啦！中高價係物超所值。無影個view添，單係望出去睇人玩水上活動，都幾過癮。坐係到雖然係飲茶，唔係飲啡high tea類，但感覺都好chill。值得再去

平日來到位於大埔「金鷺湖」，雖然地點唔係太就腳，但來嘆茶嘅客人也不少。來到這裏感覺與渡假一樣，整間中菜廰給我的感覺是高雅、簡潔、地方寬躺，空間感十足，絕對是高級婚宴場地。而且服務熨貼，服務員主動加茶、換碟，反應快，當我們的茶涼了，服務員主動走過來將我們兩壺茶更換，令我感覺非常窩心，而且他們是帶着笑面迎人，今時今日咁嘅服務先至係有溫度。食物方面無論賣相、味道也得到高分。「雙色馬拉糕」 $58馬拉糕熨手，入口鬆軟，雙色唔止只係顏色咁簡單,味道上亦有分別，分為原味和朱古力味，雖然兩款甜度都唔高，但個人較喜歡全統原味。「紅米脆皮腸」$78腸粉皮用咗紅米水上色， 以為裏便係炸倆就大錯特錯，原來用上網紋春卷包着鮮蝦和切碎左嘅菜，令到口感上相當豐富，真係又脆又爽又彈牙。「鮑魚珍菌千層酥」$38/粒因為我唔鍾意食鮑魚所以只係叫咗一粒，大廚喺碟上畫花，令到顏值爆燈。男友勁讚話好味鮑魚煮至超入味，又彈牙；鮑魚底下藏着切碎左嘅菇菌，其香味和鮑魚產生協同效應令成個味道更加昇華，加上酥脆酥皮，絕對係一個完美嘅組合，聽講「金鷺湖蝦餃」$78是必食嘅點心，蝦餃面灑上食用金粉，令到蝦餃閃閃生光，蝦餃皮薄有靭性，蝦仁爽

近排秋意漸濃，趁著天氣清涼老公專程揸車載我入大埔郊遊享受大自然。途徑小白鷺户外活動中心，得知此處最近翻新過順道入內參觀。週圍種滿花草樹木，旁邊湖景環境清幽非常寧靜。中心內有中菜廳和西餐供客人享用，裝修高雅寬敞；坐得舒適。服務員亦很專業和細心，經常關注客人所需。👍鮑魚珍菌千層酥  ＄38（一件）個酥皮真的有成千層多，很薄很酥香鬆脆；一口鮑魚好入味，超彈牙有口感。黑松露野菌餃    ＄68一隻隻藍色餃子外表特別，餃皮晶瑩通透和口感煙靱。內裹野菌爽口菌味香濃，加上黑松露更覺惹味，正。鹹水角啤梨仔    ＄58一個個啤梨造型嘅鹹水角十分cutie。 外面炸得鬆脆，內裏煙煙韌韌。味道鹹香惹味， 新鮮熱辣。蜜汁叉燒腸 ＄62腸粉皮又薄又滑，內裹充滿著蜜汁义燒；挺飽滿絕不欺場。鮮茄魚湯鮮竹卷  ＄62鮮竹卷應是即炸因腐皮就算給香濃嘅魚湯浸著食時仍然脆口。魚湯鮮甜加上蕃茄更覺開胃。古法胡椒餅  ＄62貌似煎堆仔比想像中唔同，表面滿佈黑白芝麻咬落非常酥脆香口。餡料牛肉以胡椒醃製固味道辣辣地充滿濃郁胡椒香味。