金鷺湖

营业中

休息中

呢間位於紅林路2號白鷺湖互動中心地下A舖，叫金鷺湖，是一間中菜店，今日適逢農曆年初五，我地又好彩地訂到枱，來中午飲茶及團拜，呢間餐廳廳點心選有十三款，非常精緻、好味，介紹一下先。點心餐牌金鷺湖蝦餃，皮薄、好多蝦，真才實料。流心鵪鶉蛋燒賣，鵪鶉蛋在燒賣內，而鵪鶉蛋做到流心效果，非常好味。脆脆鮮蝦紅米腸，腸粉做到紅色、內裏是鬆化嘅春卷，味道非常夾。鹹水角啤梨仔，鹹水角外形做到有小小綠色，上面插小小百力支，真係幾似啤梨甘。田園蘿蔔絲酥，伴碟是碎朱古力曲奇餅，看似蘿蔔在泥土上，幾得意。蕃茄魚湯鮮竹卷，非常入味，味道好夾，加小小XO醬更好味。雙色馬拉糕，不會太甜，又不會太大件，好味。雪山竹炭叉燒餐包，包皮脆皮、個人覺得叉燒份量可以多d，就更好味。安格斯牛肉河粉，牛肉無得頂，河粉滑，必食。

大年初二中午過後，到過幾所食肆都爆滿，想起之前的小白鷺餐廳。 到了發覺一個驚喜，已經裝修了一間非常高級中菜食肆。以為無訂座，便要等很耐。點知接待員要求登記及安心出行即刻帶到坐位，裝修高雅。座枱與座枱 依足指引相隔超過2米，因餐廳做了不佈置給客人影相打卡，可惜有些食客魯莽不顧防疫安全，除下口罩到處遊玩拍攝。而餐廳職員忙於招呼客人沒有時間理會！坐下後，侍應招呼週到。點菜後，食物便很快到。鹹水角啤梨仔，夠熱夠水準，美中不足外型仿真度欠佳。材料美味。黑松露野菌餃鮮味足。鮮蝦紅米腸，新鮮蝦，油炸鬼脆口，口感佳，紅衣外型襯托出新春氣氛！百花煎釀蘿蔔糕，賣相不錯，味道偏淡！金鷺湖蝦餃，新鮮爽口，沒有特破！埋單也很快！值得推介的一間好餐廳。環境絕對優美。

平時點樣都訂唔到位，今日嚟到就有位，可能係疫情下，無落場時間………乜都唔駛睇，第一件事叫流心鵪鶉蛋燒賣😋😋這是最愛的，大大粒燒賣包住鵪鶉蛋，蛋係流心🤩🥳簡直係極品，蛋咁樣無咁熟、唔硬👍🏻👍🏻再食馬拉糕，鴛鴦雙色兩個味，不太甜，仲有兩個味好特別，細細件兩三啖食完✌🏻✌🏻✌🏻鮮竹卷好食，湯不多又唔稔，有口感😝😝平時唔會食既我也會讚👍🏻👍🏻腸粉爆料，啖啖有料非常足，堅好食😋😋因為有朋友生日加埋切餅費，叫枝花茶配，平均貴左……..無左呢兩樣，平均$140/位

大埔小白鷺Le Vow位於西餐廳Billow旁全白歐陸式建築，落地大玻璃透光，樓底極高⛪️ 西式建築但竟然係食中菜😮長期爆滿，建議早一個月book定weekend位，適合一家大細。仲有得免費泊車 🚗 食物方便，好適合打卡，味道竟然都唔錯👍🏻賣相亦十分精緻，Fancy得嚟但不失傳統味道！分量方面都算大，點心大大粒。員工服務都好好！價錢方面二三百蚊位，入嚟打卡都抵，值回票價👏🏻呢間餐廳將中菜推高至最高境界😋有時間一定會再嚟！

聖誕前同家人去食餐好嘅，揀左好有氣氛嘅金鷺湖。一泊好車就見到好多聖誕裝飾，有幾個大聖誕老人喺屋頂，週邊啲燈飾好靚，打卡一流胡麻醬雞絲粉皮粉皮同出面食嘅唔同。佢係一條攣攣地嘅狀態，可以卷晒啲麻醬，好正！好夠凍，一食就醒神晒，為之後嘅美食做準備菜膽竹笙燉花菇好清嘅燉湯，完全唔覺有味精。好香嘅花菇味，清清地醒下胃，又暖笠笠金不換三杯汁鱈魚鱈魚皮脆肉嫩，個汁好香嘅金不換香味，同個魚配合得好和諧蜜餞欖角脆香骨我最鍾意呢種甜甜嘅味道，脆香骨真係做到脆香，但入面好有肉汁，又唔「鞋」，好啱送飯呀羊肚菌紅燒豆腐煲好惹味嘅豆腐煲，配菜同主角都好食，成煲清晒。羊肚菌係珍貴食材黎架，咁樣食都幾特別，有種淡淡香味薑蔥花膠燴生麵簡單嘅薑蔥燴生麵係最能試出餐廳嘅質素，麵質口感適中，醬汁唔會太濃變得好膩，清清地，啱晒最後畫個句號。每個服務員都細心招待，我地有個bb 一齊去，佢地都好體貼安排擺放bb 車等用品

之前去過billow，今次就嚟試吓呢間新嘅中餐廳。位置幾好，但一入去餐廳個陣，有啲怪味（少臭），員工話可能係海水味🤔員工會推住一架酒水車，有得揀手工啤酒，有得揀茶（啤酒樽裝住）😂我覺得第一款peach earl grey 最好飲，其次就係pear lime cinnamon👍🏻散叫咗呢個黃金豆腐，都幾好食！然後叫咗佢哋嘅套餐，前菜有黑松露帶子。主菜有呢個牛腩。仲有糯米飯。甜品係桃膠燉蛋，其實成個套餐仲有其他餸。整體我覺得唔算好貴，個景係OK，係咁啱嗰日餐廳有陣怪味，有少少影響食慾。

百花煎釀蘿蔔糕 - 十分有創意嘅點心，平時較為少見，而佢做到外脆內軟，值得一讚鮑魚珍菌千層酥 - 啱啱好，一口就食到唔錯，而且鮑魚都有彈牙口感，鮑魚下面有適量嘅珍菌，好食流心鵪鶉蛋燒賣 - 好有心思嘅燒賣，入面粒鵪鶉蛋真係做到流心，而蝦肉係全熟，時間掌握好出色黑松露野菌餃 - 好好食，黑松露味唔會勁重，適當嘅黑松露味道提升左野菌餃嘅味道金麗湖蝦餃 - 蝦餃無話特別，但勝在高水準，蝦肉彈牙，皮薄，又係考功夫嘅點心鮮蝦水餃魚湯稻庭麵 - 水餃係出色嘅，但稻庭麵係唯一失準嘅地方，煮耐左少少，有一半嘅麵夾唔起職員介紹嘅手工啤，好飲，唯一缺點，佢貴左少少，但可以一試

金鷺湖金不換三杯汁鱈魚：立方切的鱈魚，一口咁嘅size，好易入口，滿足度增加，鱈魚被三杯汁嘅醬汁封住，外脆內軟，惹味又不失魚油香味。驚喜蜜餞欖角脆香骨：蜜味同欖角的鹽味互相平衡，不似坊間的偏鹹，而且肉嫩juicy, 仲做到骨肉分離，因為個人好鍾意食筋膜位，可以100%享受晒條脆香骨胡麻醬雞絲粉皮：重點係個醬汁唔會太「傑」，做到輕盈又輕掛，如果粉皮可以大/長多少少，口感大增。菜膽竹笙燉花菇：又厚又大既花菇，唔洗問都知正啦，而且好少食到脹卜卜既竹笙，食落口都知名貴。羊肚菌紅燒豆腐煲：羊肚菌煲湯就食得多，用黎紅燒，都係第一次咋，好好味呀，羊肚菌獨有的味道配合廚師出色的調味，停不了！薑蔥花膠燴生麵：我點左大部分偏濃味嘅菜式，所以揀返個偏清淡的主食，估唔到都有耳目一新的感覺，最難得既係花膠同生麵的口感相映成趣，讚！仲咁啱見到隔離Billow 有好可愛，超Eye-Catching 既聖誕裝飾添！

星期二的中午來到大埔的Lake House中餐廳「金鷺湖」品嚐精緻的點心，walk-in 即入座👍由於聖誕節將至，廳中放置一棵大聖誕樹，加上整體格局裝修完全唔似中式酒樓，感覺像在西餐廳食點心的感覺，與別不同👍除此之外，我很欣賞枱與枱之間有一段距離，不會感到侷促逼夾，不會聽到隔離枱的對話內容👍可以好好享受點心時光☺️這裡沒有點心紙，亦無點心車仔，只可以向侍應落單入正題，今餐2個人叫了幾款點心品嚐品嚐😋黑松露野菌餃 $68紫藍色的外皮包住黑松露野菌，味道不錯，黑松露味道突出，野菌新鮮，皮厚度適中推薦度：4/5脆脆鮮蝦紅米腸$78最驚喜係好脆，好香口，啖啖都有蝦。米腸皮薄軟滑，好好味😋推薦度5/5鮑魚真菌千層酥 $38/件千層酥十分酥脆層層分明，千層酥中間刮孔藏入真菌，而鮑魚口感味道亦正常，整體口感豐富，不太油膩推薦度4/5🍐咸水角啤梨仔$58賣相相當吸引，可愛，幾乎每枱都叫😃味道正常，同岀面酒樓差不多推薦度4/5胡麻醬雞絲粉皮 $98味道正常，同外面食的差不多，沒有太大驚喜推薦度3/5雙色花晶凍 $58賣相不錯，椰汁味濃，底層有紅豆，整體味道ok，但唯一有點失色位是食到花托位有強烈草青味推薦

很久前來過這餐廳，但現在大裝修後總算第一次，簡直是進入了夢境般夢幻，全橦大樓也佈滿發光燈泡，很壯觀！餐廳內部也很骨子，樓底高兼有多部大營幕，舉行派對絕對一流。眼見每枱也在吃金蟹，我們也不執輸點了一客金牌釀蟹蓋，賣相當然正啦！金黃色脆炸扮蟹殼，再放入蟹狀金色碟，真蟹一樣。切開蟹蓋，內裡裝有大量蟹絲，抵食兼飽肚呀！上海燻鱈魚真的估你唔到，以為上錯了煎釀三寶炸魚蛋，原來是魚肉切件再沾上炸粉炸至金黃色，再加少少甜味醬汁，非常美味，魚肉更是Juicy，不禁吃了一口又一口🤣甜梅菜銀魚蒸茄子其實是主食，份量多得尤如一座山，茄子一層一層疊高，面層再放上梅菜、薑絲及銀魚仔，靜食或送飯也是一流，真是創意無限的一道菜。川府宮保大花蝦用了四川麵豉醬為主調，這樣的配搭也是第一次，蝦肉紥實有咬口，下面的鍋巴又吸滿了橙色四川醬汁，口感難忘。楊枝甘露以透明雙層杯示人，柚子粒粒冰凍不酸，啖啖有渣喉嚨舒服，作為全晚的總結，完美！

最近經常在大埔出沒，這天終於有機會嘗試這間搭火車經常看到的湖邊餐廳，晚上到來時整座建築物也著了燈，仿如白雪皇宮般非常壯麗😍太美了！內裡裝修也很精緻優美，果真無嚟錯！先來一客金牌釀蟹蓋，金黃色的蟹型金碟，輕輕反射了一道金光到蟹身上，妙絕！蟹面脆炸至金黃色脹卜卜，打開全是條條蟹絲，熱辣辣的仿如正在吃真蟹一樣👍🏻川府宮保大花蝦賣相一絕，超大隻花蝦獨坐在鍋巴上，四川醬汁沾滿整隻蝦，黏身但微微辣，蝦身非常厚肉，是道特別的融合菜。上海燻鱈魚出奇的多汁好味，外表像炸魚蛋球，內裡魚身滑嫩而且還有魚汁，配少許酸甜的醬汁已很足夠。甜梅菜銀魚蒸茄子太大份了，是一座茄子山，很少以茄子作為主食，配搭梅菜及大量薑絲和銀魚仔，很有那些年的懷舊菜感覺，非常健康且飽肚。雙色花晶凍很精美，花瓣藏於透明果凍中，中層有椰汁糕而最底層有紅豆蓉，涼快且不太甜😋正!!! 環境舒適，服務員又體貼專業，很快會再光顧的。

今日心血來潮想去小白鷺食午餐，上次來過食西餐，今次想試一試佢嘅中菜，好好彩冇book枱都食到，環境清雅，唔算嘈，傾偈不錯。員工基本上都殷勤有禮。食物質素方面，叫完都好快來，賣相精緻，都算熱，味道大部份都可以，係啲茶以$22茶錢來講真係需要改進下，一d味都無，同唔太熱。希望下次來會有所改善。如果要坐窗邊位，記住要book枱，希望下次來可以坐到，相信感覺更寫意😆P.S.: 沒揸車的朋友，可以搭shuttle來回大埔墟火車站

好耐無放假好想好好地放鬆下，於是今日趁放假就同閨蜜安排咗a decent day out, 我地決定一早就去飲個早餐，又想去一個望到海嘅地方，所以就揀左去大埔再入嘅金鷺湖，一去到餐廳好快就安排咗我地入座，跟住就有哥哥過嚟同我地介紹菜單同開茶，喺等野食嘅同時我地周圍行下，餐廳環境相當唔錯，採光度好高，好適合擺婚宴，我地叫咗幾個點心金鷺湖蝦餃: 有一層金粉，皮薄蝦又多彈牙，感覺好矜貴古法胡椒餅: 我個人好喜歡呢個胡椒餅，辣辣地胡椒味好夠，辣得惹味雪山竹炭叉燒包: 雖然個包黑黑地，但咬落去脆卜卜，叉燒餡熱辣辣多汁叉燒腸: 腸粉皮唔會好厚，配埋蜜汁叉燒味道唔錯蕃茄魚湯鮮竹卷: 呢個系閨蜜至愛，魚湯味道鮮甜，餡料充足呢度環景唔錯，系relax嘅好地方

打卡好去處大埔小白鷺的純白歐陸風高級中菜廳「LeVow 金鷺湖」，中餐廳供應手工點心和新派中菜，地方舒適空間感十足，望住藍天白雲優美湖景，感覺真係好似去咗旅行渡假，真正嘅打卡Chill住慢慢品嘗精緻嘅美味中餐！講完環境，講吓食物質素先😉，一行二人，我哋叫咗👇🏻❤️金鷺湖蝦餃，蝦餃啖啖爽口鮮蝦，晶凝通透，皮薄餡靚，經典點心❤️百花煎釀蘿蔔糕，百花同蘿蔔糕原來好夾架，煎到金黃色，美味可口❤️黑松露野菌餃，黑松露嘅香氣真係令我一試難忘，讚不絕口❤️瑤柱金菇乾燒伊麵，不會好油膩，瑤柱嘅鮮味帶引出整碟伊麵嘅神韻❤️雙色花晶凍，以花花甜點作為完美一餐嘅句號prefect 😻

小白鷺向來是香港人的傳統景點，其裝潢富有歷史特色，而近年除了有著名的西餐廳落成，最近亦有新開業的中餐廳投入服務，加上疫情港人不得外出旅遊，因而此處更是成為受歡迎的郊外景點，所以我也趁着今天天朗氣清的日子，特意前來朝聖一番。餐廳面積寬廣闊大，裝潢以潔白的歐陸式風格為設計，店舖中間是長方形的偏廳，原意是用作擺酒招待嘉賓之用，而正廳是呈現橢圓形的，其上方四周均放置有電視機供賓客作觀禮用途，可見是相當貼心的婚宴設施。而食用餐具方面亦同樣著重細節，其擺碟均以白色、金色作為配搭交疊，賣相予人一股高貴感覺。流心鵪鶉蛋燒賣師傅將鵪鶉蛋放置入傳統燒賣內部，切開便可見其造型創新，而且蛋黃更是製作得呈現流心狀態，食用時口感鮮嫩彈牙，富有豬肉濃香，並散發微微蛋味。金鷺湖蝦餃金鷺湖蝦餃是主打款點心，其外觀飽滿並呈現出金黄、紅色的色澤，予人一種大紅大紫、矜貴高級的感覺。咀嚼時富有口感，彈牙爽脆，新鮮甜美。古法胡椒餅圓滾滾的胡椒餅外皮使用了黑、白芝麻包裹著，食用時是鹹香脆口，而內裏的胡椒雖然算不上出眾濃郁，但整體仍是可口美味。鮑魚真菌千層酥上層淋上醬汁的鮑魚煙韌彈牙，細嫩鮮香，下方的千層酥則是酥脆香濃，而兩者內部均