金鶴拉麵 (蜆殼街)

营业中

休息中

又係因為疫情關係， 今日午餐唯有繼續叫外賣。 喺炮台山蜆殼街的金鶴拉麵平時路過都有日本人去食， 日本人都幫襯應該唔會差得去邊。 而家叫外賣自取重有優惠添。是日外賣午餐:北海道極濃蟹湯拉麵雞白湯拉麵黑蒜醬油拉麵北海道極濃蟹湯拉麵， 蟹湯味極濃， 蟹肉超多， 蟹肉一絲一絲， 又食到蟹的海鮮味， 值得推薦， 另外， 拉麵麵身爽口， 硬度合我口味， 我就唔鍾意食太林的麵。雞白湯拉麵， 震店之選， 雞白湯味亦係超濃， 好似飲緊雞湯咁， 雞肉又滑又大塊， 而且煮得好林， 入口即溶。黑蒜醬油拉麵， 第一次叫呢款湯底， 估唔到又幾好味， 有d醬油拉麵得個咸字， 一係就淡如水， 呢個黑蒜醬油簡簡單單又幾好味， 湯底清清地， 唔會太油， 加上好多配料， 將個拉麵昇華， 义燒又係又大又厚， 今日非常滿足

今晚公司要OT, 同事提議食拉麵🍜 附近金鶴拉麵宜家外賣自取有8折，所以我地就決定去金鶴拉麵買外賣, 齊齊喺公司食拉麵🍜🌟雞白湯拉麵🍜 $98～ 佢嘅外賣好貼心，將雞湯同埋拉麵分開裝👍🏻絕對唔會因為運送過程而整淋左d麵質。雞白湯用赤雞熬足6個鐘，湯底好濃郁又唔會油膩。最滿意係佢隻溏心蛋🥚真係一流😍佢嘅雞肉同埋叉燒都好好食，肉質好嫩滑😚如果堂食的話仲會有炸牛蒡，外賣就會用紫菜代替。🌟黑蒜醬油湯拉麵🍜 $98～ 麵和配料都同雞白湯拉麵一樣，有叉燒、溏心蛋同埋蔬菜。拉麵軟硬適中，非常掛湯。個湯底用左黑蒜醬油，味道偏重，啱晒鍾意重口味的我🌟豬頸肉厚切串 $48～ 兩串好大串的串燒豬頸肉，豬頸肉好厚身，燒得好香又有肉汁，配埋特製燒烤醬味道一流😋🌟海鹽燒雞中翼 $48～ 雞中翼燒得好香口，雞皮脆雞肉好juicy, 海鹽帶起雞中翼既肉味，鹹鹹地好惹味🤤📍金鶴拉麵 (蜆殼街) (天后)天后炮台山蜆殼街6-16號寶榮大廈地下E號舖

🌃 餐廳為日式拉麵店風格， 以木質顏色為主調， 牆上有多幅日式和風雀鳥壁畫。.👨‍👩‍👧‍👧以下為3人份參考（💲人均$4x) (下午茶).🐔 金鶴雞白湯拉麵💲 98/ 份 ( 指定訂座平台半價 $ 49 )👉 炸牛蒡幾吸睛， 雞湯好鮮甜同creamy， 仲有兩塊低溫慢煮雞胸肉及叉燒，但保留到雞胸肉嫩滑嘅口感， 溏心蛋質感唔錯。* 拉麵附送半隻溏心蛋， 另外一隻溏心蛋以會員積分兌換。.🍲 鹽味拉麵💲 88 ( 指定訂座平台半價 $44 )👉 鹽味嘅鰹魚湯感覺， 冇乜特別， 配料一樣。 🍲 黑蒜醬油拉麵💲 98 ( 指定訂座平台半價 $49 )👉 呢個湯底幾有驚喜， 感覺比雞白湯更濃味， 黑蒜味好重， 配料有很多洋蔥絲， 喜歡重口味必選。.🍗 唐揚炸雞💲 會員積分兌換👉 有三大件， 幾酥脆， 有岩鹽 同檸檬汁 調味。.🤠 通粉 foodie 食評總結 :👉 以拉麵連鎖店黎講， 呢間餐廳仲keep住中上水準， 另外指定平台特別時段仲有半價添， 非常之抵食。* 如果想知道指定訂座平台 的名稱，歡迎dm小編。.🕍金鶴拉麵 (蜆殼街)天后炮台山蜆殼街6-16號寶榮大廈地下E號舖.

天氣凍到咁，見到熱辣辣嘅湯麵都會好想買🤩行過聞到啲湯嘅味道，加上見到外賣自取有8折，所以一於決定試下。 金鶴雞白湯拉麵 $98呢間嘅招牌麵款一定要試下💁‍♀️雞湯底濃郁又唔痴口，一飲就知道同平時啲hea調味水唔同。睇餐牌寫係用赤雞熬製6小時以上製成，食落都似真係😆😆堂食會有個好靚嘅牛蒡裝飾，外賣會轉做紫菜，店員都有特別提醒。雞肉份量都夠多，唔錯。 瀨戶內海蠔湯拉麵 $138呢個蠔湯都好濃稠，蠔味充足，好似平時收百幾蚊嘅西湯咁香，用嚟做湯底真係奢侈🤓入面有個軟綿綿嘅蟹肉球，襯哂個湯底。 黑豚肉串2串 $48醬油滿佈豚肉嘅每一寸位置，肉質帶少少嘅脂肪😊價錢正常。

路過見到入拉麵店，外賣又有優惠，就買返去試吓二人餐 $256🐓極濃雞白湯拉麵（+$20）店員話係王牌，於是就加咗錢試吓。隻湯底cream味都幾重，滑身，同拉麵配合得好細緻幼滑🥰，有少少似忌廉雞湯，比另一隻湯底稍為濃稠少少🤏🏻🧄黑蒜油拉麵呢隻真係香到成條街都聞到，外賣自取一路返屋企，就香足全程😂人唔到口好想快啲食佢～入口蒜油味都好濃，食拉麵一定要食埋黑蒜油😋就算唔係王牌，都非常驚艷另外拉麵本身已經跟咗叉燒、溫泉蛋、蔬菜😍，而且湯底同面分開上，唔怕喺運送過程中整淋晒碗拉麵🍜🍗唐揚炸雞本身以為套餐得一嚿仔雞做跟餐小食，點知都幾多，有三大件，即使外賣返到去都冇淋晒，依然脆卜卜😚🥟炸日式餃子餃子亦係極脆，用嚟送拉麵一流再跟埋汽水，成餐非常飽飽👍🏻俾個like，味道分量都非常好

《足料外賣拉麵🎏》———————————————#金鶴拉麵 🍜-疫情爆到周圍都係，邊度都唔敢去，又禁堂食，都係外賣自取比較穩陣，咁啱見到呢間平時食開嘅拉麵店做自取八折，就買埋屋企食啦🏡 -無諗到外賣返屋企，仍然保持到質素，拉麵水準好唔錯☺️ 留係屋企，都enjoy到日式風味🇯🇵-🦀 北海道極濃蟹湯拉麵呢款期間限定嘅湯底超濃蟹味，蟹肉極多，可以一啖麵一啖蟹肉，大大塊慢煮叉燒好嫩滑，帶少量油脂，唔會好肥膩😋 麵條好有彈性，完全做到掛湯嘅效果😚-🐥 極濃雞白湯拉麵呢款拉麵不嬲都係主打菜，湯面充滿了骨膠原，味道夠哂creamy 濃郁，好似飲緊忌廉雞湯咁🥰 特別中意個兩塊薄切雞胸肉，口感一啲都唔柴，鮮味突出😎-🔥 唐揚炸赤雞日式店揚炸雞整得好出色，嫩滑唔會乾，炸到外皮脆卜卜❤️-⭐價錢參考：北海道極濃蟹湯拉麵：$138極濃雞白湯拉麵：$138唐揚炸赤雞：$38🍌抵deal 指數：7/10💰人均消費：$160

農曆新年呢段時間天氣有d凍， 又開始爆爆地疫情， 都係外賣自取比較穩陣， 小朋友話想食拉麵， 於是近近地行去蜆殼街的金鶴拉麵買麵食。是日外賣午餐北海道極濃蟹湯拉麵 ($138)雞白湯拉麵 ($98)辛味拉麵 ($88)北海道極濃蟹湯拉麵， 湯底充滿超濃蟹味， 蟹肉極多， 真係一啖麵就一啖蟹肉。 重有大大塊义燒， 呢款期間限定， 好好食。雞白湯拉麵， 呢款拉麵不嬲都係主打菜， 雞湯味超濃， 真係可以當湯飲， 另外， 雞肉同埋义燒， 又滑又軟， 好食。辛味拉麵 ($88)， 外賣的麵身都唔會漲哂， 重係硬身爽口， 辛辣味搶口， 但唔會太辣， 幾香， 如果加碗白飯， 真係好似韓式辣湯飯。

無得晚市堂食，想食拉麵唯有叫外賣之食過佐敦嘅金鶴拉麵外賣非常正今次試下屋企附近嘅天后店平時食開佢嘅雞白湯拉麵，湯底濃郁，雞胸肉非常嫩滑今次試下🦀北海道極濃蟹湯拉麵🍜同埋🦐北海道極濃蝦湯拉麵🍜拎返到屋企湯底仍然好熱，好似堂食嘅溫度湯同拉麵分開，唔會糊曬🦀北海道極濃蟹湯拉麵🍜湯底依舊濃稠，似係用雞白湯做底再調味蟹肉🦀好足料🤤，唔會兩三啖就食晒麵條好掛湯，入口啖啖蟹味！塊豚肉片好大塊🥩好溏心蛋好入味！仲有紫菜🦐北海道極濃蝦湯拉麵🍜湯底似係醬油湯底，比蟹個碗更重口濃稠估計係因為多咗櫻花蝦🦐🦐🦐吊味因為櫻花蝦🦐🦐🦐都俾得好多，而且都有好多蟹肉🦀重口之友啱曬！感覺好似仲抵食D 🥟日式餃子🥟最後食埋外脆內嫩嘅日式餃子，豚肉鮮嫩多汁！完美！

如題抵食有2個原因1. 拉麵配料份量多2. 會員儲分計劃可以換食物之前都想黎試，所以一場黎到天后（為咗買湯圓😂）就黎食了極濃雞白湯拉麵 $138湯既顏色係濃既，但味道唔濃拉麵份量多且彈牙，不過唔係好掛湯，食到最後因為淡口所以食唔晒炸牛蒡好香好好食雞肉都好嫩滑適合唔重口味既人黎食北海道激濃蟹湯拉麵 $138味道濃，蟹肉份量多期間限定感覺仲出色過主打仲叫咗啲豚肉串、帆立貝串燒、燒黑椒牛舌都好惹味我地食咗$500（$1/1分）再加開立會員送既100分一共600分就已經可以換到好多小食

自從禁堂食，屋企本身又少煮飯，唯有四周周圍買外賣，太掛住日本拉麵，於是嚟到金鶴拉麵買外賣拉麵返屋企食。呢度拉麵主打雞白湯，另外仲有好多唔同湯底。期間限定仲有蠔湯、蟹湯同埋海老湯。除咗拉麵之外，仲有小食同飯等等。而逢星期一至五都有拉麵套餐優惠。。北海道海老濃厚拉麵一打開個蓋，就聞到好香蝦味，海老湯色澤呈橙紅色，感覺好足料，先飲一啖湯，蝦味濃郁，鮮甜濃厚。配料方面，有叉燒、櫻花蝦同埋蟹肉，叉燒厚薄適中，肉質夠淋，蟹肉同櫻花蝦嘅份量都好多，令整體口感同層次感提升，而拉麵軟硬適中，有咬口，口感煙韌，本身拉麵已經有半隻糖心蛋，不過個人超鍾意食糖心蛋，所以另外加多隻，蛋黃味道濃郁又香，熟度啱啱好，好正。北海道花咲蟹濃厚拉麵蟹湯濃而不咸，飲晒成碗湯都唔會覺得口渴，蟹肉分量多，而且鮮甜，拉麵彈牙，有咬口，好掛湯汁，非常入味。

間唔中都係想食下拉麵，一食拉麵就好自然會諗起金鶴拉麵，自己本身就唔係太鍾意食醬油味嘅湯底，所以就比較鍾意食用肉或者骨熬製而成嘅湯底拉麵店。其實都唔係第一次食金鶴㗎啦，但係每一次去唔同分店都發現原來每一間金鶴煮出嚟嘅拉麵都唔同，我自己就比較鍾意去蜆殼街呢間。一如既往我都淨係嗌左佢哋嘅招牌白湯雞肉拉麵，白湯口感濃稠但味道唔會好鹹，或者會好口渴，仲配上大大塊嘅雞肉，點綴就一定係炸牛蒡，成件事Perfect池！食完簡直飽到上心口😋🤤

可能因為omicron 成間店一個人都無叫左個招牌【金鶴雞白湯拉面】套餐有配個【唐楊炸雞】+ 【可樂】雖然擺盤係幾唔錯，似足出名既拉面店。但拉面既湯頭比較淡，唔套吸引到我。唐楊炸雞夠熱夠脆，但食完面已經好飽，食左2塊仲有一塊剩低。仲有一個好嘅地方係佢每一台都會有消毒酒精搓手液同埋紙巾。

一早已經聽過金鶴拉麵🍜白雞湯好好味終於有機會試下有幾好食白雞湯味道濃郁又creamy🤤脆炸牛蒡睇得又食得有兩塊慢煮雞肉 兩塊叉燒 溏心蛋性價比高 👍🏼另外追加咗四塊慢煮雞肉 🐓係真係幾滑 配埋雞白湯好好味 飯後甜品必點🍵 抹茶jelly 煙韌有口感金鶴拉麵致力打造環境高尚、舒適、放鬆、乾淨、衛生，保持優質出品，優質服務，讓人有與別不同感受的拉麵店😍牆上有signature o既金鶴牆紙 加埋日本酒 lego小擺設好似去左旅行 去左日本拉麵小店咁

行行下街突然好掛住日本即刻揾左間日本拉面黎食呢間金鶴拉面店如其名全鋪都係用鶴黎做主題有鶴嘅鵰刻 另外仲用左黑色黎做主調 令到成間鋪充滿神秘感黎到拉面店點可以唔叫拉面呢第一個拉面要左個金鶴雞白湯拉面呢個拉面嘅湯面係用左赤雞熬製左6個鐘而成嘅個口感一啲都唔漏 有好濃濃嘅雞香味而且湯嘅質感好順滑 味道黎講唔會太鹹 飲曬成個湯都唔口乾就知佢係真材實料佢配搭左一塊肩肉同埋2塊雞胸肉本身以為雞胸肉會好鞋點知係我食過最滑嘅雞胸打破左我對雞胸嘅刻板印象至於肩肉就好足料 厚身第二個拉面係北海道極濃蟹湯拉面湯底的確係幾濃但係點到即止嘅濃 唔會過漏蟹肉方面都好足料啖啖肉 要廚師逐塊肉meet落黎個人工都唔惹少 $138食到算係好抵另外每碗拉面都會送個溏心蛋 個溏心蛋質感一流不過可能因為本人重口味少少所以如果個溏心蛋調味再濃啲會更佳

好掛住金鶴拉麵啊🍜又心思思想去食啦但由於疫情近排嚴重 所以選擇外賣🥡而且仲有外賣自取優惠添！唔少得梗係叫招牌菜 金鶴雞白湯拉麵🍜啦餐廳會湯上 避免拉麵浸得太耐過淋 好細心啊~外賣會少咗炸牛蒡，但其他配料同堂食嘅一樣啊低溫雞肉口感超滑夠哂嫩😋雞肉用低溫技術去煮 keep到雞肉嘅鮮嫩 超好食啊2塊豚肉半肥瘦 口感淋身 都好高質啊！湯底用赤雞熬6個鐘 湯味好濃郁 又唔油膩 真係忍唔住飲咗幾啖😽拉麵軟硬度適中 非常掛汁 每啖都食到香濃郁白雞湯味！另外叫咗黑蒜醬油拉麵配料同樣有慢煮雞胸、叉燒、溏心蛋、紫菜雞胸食得出原汁原味 真心正😋拉麵軟硬度適中 口感爽彈而且掛湯👏🏻👏🏻黑蒜醬油湯底好出色 黑蒜味超香濃🤩配醬油湯底甜甜地唔會好鹹第一次叫咖哩炸雞飯唐揚炸雞炸至金黃色 即叫即炸口感外脆內軟 肉質Juicy！沾咖喱汁送飯一流呀😚