金鶴拉麵 (蜆殼街)

营业中

休息中

炮台山站附近似乎越來越多小餐廳，呢日同朋友一齊，佢話想食日式🇯🇵拉麵🍜，完全唔問我意見，二話不說，就掹咗我嚟呢間拉麵店😆- 我叫咗 $198嘅「伊勢海老らーめん 極濃龍蝦湯拉麵🍜配一隻龍蝦尾🦞」：龍蝦湯🦞好creamy😋，有好多泡泡喺面😆，直程係foamy 😋, 仲有啲 smoky 香味😋，味道真正濃郁🤗😋；「龍蝦尾」新鮮、肉質結實😋；每一啖拉麵都沾上龍蝦湯汁，正😋- 朋友叫咗 $88嘅「鹽味拉麵 Shio Ramen 塩らーめん」：餐牌咁樣介紹：「湯底是鰹魚高湯混合幾款日本海鹽熬製而成。這湯底比較清澈，和其他湯底相比，更能突出湯底材料本身的味道」。喺日本🇯🇵，鹽味拉麵多數係雞湯底（有時會加埋豬骨），呢度嘅鹽味拉麵🍜湯底用 鰹魚做，幾特別😋食完之後，我話俾朋友聽，其實呢間拉麵店🍜嘅幾間分店我都去過😆😆

週日本想到家附近的拉麵店午膳，發現正在裝修，於是多走兩步到蜆殼街的分店完成心願之前每次都吃招牌雞白湯拉麵，今天發現新推出的會員限定款式十分吸引，決定轉轉新口味極濃龍蝦湯拉麵配一隻龍蝦尾湯底鮮味濃郁，龍蝦肉質嫩滑清甜，配以彈牙的麵條，滋味滿分追求刺激感的可試辛味拉麵！高湯加了秘製辛辣香料調味，辛而不燥免費登記成為會員後，有迎新禮物100積分，可以換領一隻醬漬日本糖心蛋！半熟透有流心效果的蛋黃，配以特調的醃蛋醬汁，很棒的拉麵配菜

前排同事介紹過公司附近有間好好味嘅拉麵店，佢哋嘅雞白湯底做得好出色，所以今日放工就約埋同事一齊去食晚餐為雞白湯底而嚟，所以就叫咗碗 [ 史上極濃雞白湯拉麵 人氣 No.1 $138 ] 首先要食咗啲又香又脆嘅牛蒡，香濃雞湯湯底呈奶白色，湯底Creamy 又好飲，雞肉口感又嫩又滑，叉燒咬落又淋又煙韌，麵質彈牙好味，配埋隻流心糖心蛋而同事就叫咗呢個 [ 極濃龍蝦湯拉麵 配一隻龍蝦尾 $198 ] 用咗極濃龍蝦湯做湯底，鮮味濃郁嘅湯底真係好正 (同事飲湯飲到見碗底)，仲配咗一隻龍蝦尾，大大隻龍蝦尾肉質鮮甜，爽口彈牙，真係好惹味叫咗份即口即整嘅小食 [ 燒雞泡魚乾 $68 ] 泡魚乾以味醂醃製後烘乾，油脂清香，送酒一流金鶴拉麵 (蜆殼街) 天后炮台山蜆殼街6-16號寶榮大廈地下E號舖

今日放工同朋友食晚飯，大家都太掛住日本喇，所以我地打算去食日本野，行過蜆殼街呢間叫金鶴拉麵好似都幾吸引於是就入左去喇。見餐牌都有幾多拉麵款式選擇喎，店員同我地講佢地既雞白湯拉麵都幾出名，所以我地就一於揀雞白湯拉麵同極濃龍蝦湯拉麵，另外再叫左一份日式餃子試試先！金鶴雞白湯拉麵($98)湯底夠哂香濃，奶白色代表雞的精華同蛋白質都完全滲入哂係入面，雞肉又嫰又滑，牛蒡都好香脆可口，麵質方面都好彈牙！超正極濃龍蝦湯拉麵(配龍蝦尾)($198)龍蝦湯的蝦味非常濃郁，同蝦尾既蝦肉香真係完美融合係一齊，肉質方面亦都十分結實，而且配料都好豐富，叉燒夠淋夠煙韌，值得一試！👍🏼👍🏼（成碗湯忍唔住飲曬，就知幾正啦！）日式餃子4隻($38)餃子皮煎到金黃色咁，咬落去果然脆卜卜，正！入面仲鎖住肉汁，真係令人食指大動啊！🤤🤤

話說我喺隔離酒店隔離，所以就買沾麵外賣，點知呢間舖啲湯完全唔夠，打過佢仲話沾麵係咁，你鍾意嘅可以講返嚟我免費俾啲清湯你，香港同日本我都食過好多間拉麵舖，周圍嘅沾麵都食過唔少。真係未試過啲湯係一半都唔夠沾，我唔明點解其他人會話足料，可能依間啲拉麵同沾面真係又唔同質素，Anyway 永久black list ！！！亦都唔推介人買外賣同埋好似應該有紫菜筍嗰啲乜都冇所以我都唔知佢有冇真係比漏野都算最緊要係個湯底真係唔得！

第一次黎食金鶴拉麵，呢間拉麵店有幾間分店，揀左係天后呢間。知道雞白湯拉麵最多人推介，有超濃同揀，叫左個濃雞白湯拉麵$98十分喜歡牛蒡，浸湯前就香脆，浸完吸收左湯既精華，兩食都可。拉面湯底係濃郁既雞白湯，用心機同時間熬製既湯底果然不同，伴上拉麵十分滋味。黑蒜醬油拉麵$98黑蒜醬油湯底比起普通醬油湯更加出色，蒜香味道吸引，最喜歡既係除左日本叉燒，仲有自製靚雞肉，一次過試晒唔同質感。煎餃子$38日式餃子煎得香脆，咬開餡料有肉汁。唐掦炸雞(三件)$38炸雞伴上檸檬鹽，夠晒特別。件件足料外皮炸得金香爽脆，炸粉調味岩岩好。裡面的雞肉係幼嫩的，口感十足。

好掛住日本呀！提到日本，當然不能少了拉麵啦，其實香港都有好多拉麵選擇，今日近近地係屋企附近，試吓呢間都有好幾間分店嘅金鶴，聽聞佢哋嘅雞白湯好出色。原來除了拉麵，這裡更提供燒物，鰻魚飯等日式料理不過今次係為著目標而來，雞白湯底以赤雞熬製六個小時而成， 上枱時已聞到濃濃嘅雞香味，渴一口湯很像忌廉湯的質感，好濃郁又滿足。麵條質感夠煙韌，和雞白湯很合拍，吃完都唔會覺得口喝而且拉麵賣相相當有特色，炸牛蒡造型好有氣勢，店員還溫馨提示不要浸湯吃，脆卜卜很可口！拉麵還配有慢煮雞肉、豚肉叉燒，半熟玉子，葱絲等材料，大滿足另一款係黑蒜醬油拉麵，香噴噴嘅蒜香味道，香濃而不滯，令胃口大開。最後追加咗明太子燒雞翼，大家一定唔陌生、脹卜卜嘅雞翼入面釀入辛辣明太子，外皮甜甜脆脆的，入面少少辛辣，啖啖肉，無論大人細路都鍾意！

天氣炎熱最好食番啲濕濕地，如粉，麵之類食物。今日午餐跟同事一起想去食拉麵，嚟間拉麵店剛好在公司附近。極濃雞白湯拉麵湯底比起老火燉雞還要濃稠，嚐了一口己漿住嘴唇，可想而知熬製時間與心機。一堆好似藝術品的是炸牛蒡，非常脆口，好食過薯片，仲有益處。白雞完全不嚡口，軟熟無比。麵條掛湯力強勁，正啊！炸雞件有三大件，咬開一口，可見肉汁鮮嫩，啖啖肉香，不油膩。菠蘿味嘅波子汽水坊間好少見，清清的菠蘿香味，幾特別。

一路都有聽到朋友講金鶴好味 所以終於今日黎左食😋😋今期主打有北海道極濃蟹湯拉面同極濃龍蝦湯拉面🤩🤩🤩望到張相好吸引 諗住同朋友一人叫一個 可惜蟹湯拉面無貨了😩 所以最後我地揀左試佢既龍蝦湯拉面🍜加左龍蝦尾🦞一黎就試左個湯底 好濃郁🤤🤤 然後荀片都好脆口😋😋 拉面食落口吾會太淋😚喜歡💕 然後佢叉燒都好大塊 建議大家一路食面飲湯一路食 慣左最後先食餸既我 去到尾見到叉燒勁大塊🤣差啲食吾哂 今日既重點！龍蝦肉好嫩吾柴🤤🤤有一邊因爲最後食浸左湯汁仲正 入味🤩🤩 鋪頭仲好細心咁配左較剪比大家方便食用🥰🥰🥰 相信如果店家可以上湯前起定肉就更好😂 朋友話呢個系吾可以系男友前食既菜因為要雙手並用🤪有機會會狼狽😂😂最後叫左個小甜點 抹茶🍵軟凍 質地有啲似大菜糕 面頭灑左抹茶粉 但我食龍蝦湯面既味太濃郁 所以食抹茶凍既時候吾太重抹茶味 雖然佢放左好多綠茶粉 可惜了提提大家可以下載金鶴app 第一次做會員即送一百分然後仲可以即時用 我用積分換左一粒溏沁蛋🤤🤤🤤超好口感 會員系可以一蚊儲一分 外賣都可以儲 正！

有朋友勁推呢間金鶴，話湯底可以飲哂都冇問題。對於姐黎講拉麵的湯底唔肥膩唔厚油最緊要，但又要濃郁😌😌(講落都覺得自己好picky). 金鶴的湯底真係滿足到！極濃雞白湯拉麵-奶白的雞湯飲落就好似飲緊成隻雞的精華同蛋白質落肚咁，好濃雞味-慢煮下雞肉好嫩滑，完全唔鞋口，癲覆左姐對雞肉的口感極濃龍蝦拉麵-龍蝦湯好飲到可以係西餐廳當湯賣，龍蝦味好出，完全冇澀味冇苦味- 龍蝦燒得好出色，肉質新鮮爽口-拉麵係偏有咬口的麵質，大愛！除左拉麵外仲有串燒同清酒，下次晚巿一定再幫襯！

今日放工之後自己去左食拉麵，哩間拉麵店有吧枱位、二人及四人座位，裝修走日式風格，而且哩到既拉麵除左堂食，仲可以外賣。除左單點之外，仲有套餐可以選擇，拉麵店而家新推出期間限定北海道極濃蟹湯拉麵同埋會員限定極濃龍蝦湯，不過我最後都係揀左經典款～🍜極濃·雞白湯拉麵 $138湯底由赤雞熬製6小時而成，入口濃稠醇厚，口感順滑，但一啲都唔會油膩，濃稠既湯能夠依附係拉麵上面，面質粗身彈牙，配埋木耳絲、筍、炸過既牛蒡絲一齊食，更添口感，最特別即係哩碗拉麵唔係得叉燒，仲有兩塊雞肉，糖心蛋亦有水準。🐟蒲燒活鰻魚 $68鰻魚非常厚肉，入口新鮮彈牙，肉質鮮嫩夠肥美，亦富油脂香，好食推介👍🏻🐂黑椒燒牛舌串 $68牛舌大大塊，質感爽彈，牛味香濃，灑上鹽同胡椒，充滿黑椒香，非常惹味。🥤可樂 $12整體黎講，餐廳既拉麵質素唔錯，串燒更有驚喜，鍾意食拉麵同串燒既都可以試下。

相信不少食客都喜歡日式拉麵吧！傳統的日式拉麵彈牙有口感！再加上各式喜歡的食材和湯汁！對食客來說簡直就是一大享受！朋友推薦位於蜆殼街的這間千鶴拉麵店！拉麵店的裝修頗具特色，坐下也感舒適！多款拉麵任食客選擇，而我就選了餐廳的極濃白雞湯拉麵，朋友就叫了極鮮蟹湯拉麵這款極濃雞湯拉麵，只看賣相已立即吸引了眼球！香味也隨之而來足料的拉麵彈牙有口感，炸得香脆可口的牛蒡絲也令拉麵加分😋😋😋😋極濃雞湯喝起來特美味叉燒的份量也很足，入味的叉燒吃起來特別香！雞肉特嫩滑，與極濃的麵湯相得益彰！超正😋😋😋😋這款極濃蟹湯拉麵也很出色，湯底美味！蟹肉鮮美！同樣有夠份量的叉燒！特別推介給喜歡吃拉麵的食客👍👍👍👍日式煎餃！煎得皮脆的餃子裡面還保留著肉汁！味鮮

最近同朋友喺附近傾野，就揀返附近一間下午茶，發現呢間拉麵店下午時間都有開，成三點都差不多裏面坐無虛席，果然無揀錯。見到佢特色又蟹湯，好吸引！可惜海鮮敏感，食得海鮮嘅人不妨試吓，見到隔離有人叫喺度讚不絕口同店員分享個湯底點樣正法，呢個位就喺度心諗點解自己唔食得蟹呢⋯⋯ （唔好意思放咗負能量）講返正題，我哋主要嗌咗一款招牌湯麵：雞白湯拉麵share，另外都叫咗啲唔同嘅串燒，一路飲下茶傾吓計，店員仲話個茶係冇咖啡因，下午飲都唔怕瞓唔着。雞白湯拉麵係人都知佢好出名，都的確係好香濃，差唔多成碗湯飲晒！上面仲有慢煮雞胸肉同埋一般拉麵都有嘅豚肉，我覺得慢煮雞胸係特別出色，因為個口感係真係幾滑，自己一定整唔到。但我同樣欣賞佢個豚肉因為唔會太鹹，有啲整到好鬼鹹，而佢就比較Basic小小嘅鹹香。拉麵質感都彈牙，所以呢個價錢都合理值得推薦當然唔少得嗌咗好多款式串燒，起碼有幾十款俾你揀，我哋就主要揀咗雞同埋豬，例如雞肝、雞軟骨、免治雞肉及豬頸肉。雞肝好鮮味，另外雞軟骨口感香脆鹹香，免治雞肉配搭醬汁鹹香爽口，豬頸肉就比想像中瘦啲，但係都好爽口。

༺ 金鶴拉麵 ༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 金鶴拉麵 𖠚ᐝ極濃雞白湯拉麵 ($138)𖠚ᐝ 極濃龍蝦湯拉麵($138)⚑ 天后炮台山蜆殼街6-16號寶榮大廈地下E號舖☽‎⋆.•*¨¨¨¨¨¨¨¨¨食後感¨¨¨¨¨¨¨¨¨*•.⋆☽極濃雞白湯拉麵 ($138)一見到湯式有泡泡就知一定好勁🫧睇返原來係雞湯熬製6個鐘，再加入鰹魚魚介湯打到起泡🥰湯底好濃郁，而且飲落好厚身🥳估唔到日本拉麵都係有呢一種味！因為好厚身同味道濃郁，飲得多都有啲膩🤣配料有雞胸片，叉燒，溏心蛋，炸牛蒡，木耳同筍！雞胸片唔會好柴，炸牛蒡好特別，令到拉麵更加有層次感😆麵質啱啱好，都幾掛湯～極濃龍蝦湯拉麵($138)一黎到就已經聞到好香蝦味，湯底有好濃郁既蝦味🦞麵都好掛湯，就咁飲湯都唔會好油膩，好好味🥰叉燒係薄片，都幾嫩，溏心蛋煮得啱啱好～仲有啲木耳，蔥同筍！小店唔係好大，但keep住都有人入嚟食！如果唔想堂食，仲可以叫外賣添🥡

🥘🍲🍜🥟金鶴拉麵呢一間超出名，嗰日專程去試，果然冇令我失望🥰。極濃雞白湯拉麵 lunch set $138一攞上嚟我俾佢個size震撼到！超級大！最新奇嘅喺上面嗰啲好似藝術品咁嘅嘢，原來係炸茄子🍆一啲都唔油膩，反而好爽脆，超級鍾意呢樣嘢！個湯真係好濃郁，啱晒我呢啲重口味！面嘅口感亦都好彈牙，半熟蛋，叉燒都好好食。呢個餐仲包三件炸雞同埋一罐嘢飲，多到食唔晒呀！非常推薦價錢：$138地址：金鶴拉麵 (閩街) (佐敦)佐敦閩街3號地舖金鶴拉麵 (九龍城道) (土瓜灣)土瓜灣九龍城道10-16A號聯業大廈地下B舖金鶴拉麵 (蜆殼街) (天后)天后炮台山蜆殼街6-16號寶榮大廈地下E號舖金鶴拉麵 (荷李活道) (中環)中環荷李活道39號地舖#hkfoodie #foodiehk #foodie #foodinsta #foodinstagram #foodblogger #foodbloggerhk #foodhk #foodinhk #eatinhk #hkig #hkfood #hkfoodblogger #hkfoodinsta #whattoeatinhk #hkeat #eathk #