金鳳茶餐廳

营业中

休息中

有一段時間無食過這間，今日行到這邊覓食，又無其他店啱，於是食佢，快靚正，叫了佢個特價午餐，要沙嗲鮮牛肉通、火腿奄列、菠蘿包、熱菜蜜，好快上餐，啲沙嗲汁好濃稠、杰身的，但不會過䶢，即使未撈落啲湯度食也唔䶢，牛肉唔韌，尚算嫩滑，份量也足，個菠蘿包也不錯，尚算鬆軟，如果熱辣辣仲正，個火腿奄列好飽滿，內裡的火腿絲足料，味道剛好，個菜蜜比較甜，成個餐$49，食到好飽，服務態度也ok，但地方比較窄，出入唔太方便.

一心歡喜諗住經開灣仔食老店好耐都無來過食，以為老字號有水準菠蘿包全凍無味，伏味重奶茶無茶味，不香沙嗲牛肉烏冬烏冬碎上，沙嗲全水， 牛肉碎上老店都搞成甘，不再光顧了點解會搞成甘

成日都去灣仔 今次weekend係會展睇完野 就去食個tea星期日個條街好多野都冇開 唔多人 唔洗等位就入得 5 點幾食少少野 叫左個酥皮蛋撻 唔夠熱 但個酥皮好厚 個蛋面好滑 如果岩岩出爐就好味 跟住叫左個公司三文治 好大份 有咸牛肉煎蛋 餐肉 火腿 同埋烘左底 個咸牛肉好正 好入味 我加左杯凍零茶 唔飲得奶冇得叫奶茶gf就叫左個紙包蛋糕加熱奶茶 熱奶茶好滑同埋香 個茶底好濃 平時黎都係食茶餐 今次試d新野幾好 2 個人大約100 蚊 因為冇下tea set

好耐之前已聽聞金鳳嘅無冰奶茶好正，今日終於有機會去試吓喇！店裡面嘅餐牌都係茶記必有嘅食品，因為唔想食得太飽所以揀咗菠蘿油、火腿奄列同凍奶茶呢個餐。講吓菠蘿油先，佢地菠蘿包係舊式麵包店會買到嗰種，唔係脆皮嘅，但見佢地新鮮出爐都覺得好吸引！另外火腿奄列都係一般茶記水準，不過不失咁。重點係杯凍奶茶，用一個平平無奇嘅膠杯裝住，但飲一啖，發覺真係好好飲呀！奶茶香濃幼滑，茶同奶比例控制得好好，入口先感受到淡奶嘅幼滑，然後陣陣茶香味滲出，呢個完美配搭唔怪得咁受歡迎啦🤤

金鳳茶餐廳 (灣仔) 📍灣仔春園街41號春園大廈地舖今日剛好係灣仔春園街行街買野，行到好累😔，老老👩🏽話要搵地方食個下午茶☕️休息下。睇到呢間老字號面門「金鳳茶餐廳」決定入去一試。裝飾佈置非常懷舊，舊式冰室，配上數座卡位，光線充足，感覺乾淨衛生。酥皮蛋撻🥧（HKD 7): 酥皮食落夠曬酥脆，保溫效果做得好👍🏽一啖咬落去碎屑碎到一地😂蛋漿仲保持到流質質感，但奇就奇在吾會溢出✅脆皮菠蘿包🥯 （HKD 7): 外皮非常脆口，係食咁多間菠蘿包包面都無做得似佢咁脆，包質感覺比較扎實，不是坊間的空氣包難得黎到懷舊冰室，跟我👩🏽叫左杯蓮子蛋茶（HKD 25) ， 蓮子自家出品，用上糖水喂飽，粒粒扎實不散開，食落幾棉。生蛋搞拌勻，變出蛋花，美觀又養生。#懷舊冰室#灣仔#金鳳茶餐廳#蛋撻#下午茶#脆皮菠蘿包#蓮子蛋茶

你以為係大都市入面搵到一間小店點知 同你心目中嘅小店相差甚遠菠蘿包嘅溫度拍得上雪櫃出黎嘅牛油麵包質感厚實 的確係達到填飽肚皮嘅目的咬住毫無溫度嘅麵包 筆者頓然大悟其實 餐廳用心良苦小小一個菠蘿油 就可以比年輕一代體會到數十年前香港嘅實況學識知足常樂 努力拚搏 共建美好香港富有教育意義又或者係我一廂情願 諗多左純粹遊客生意太容易做。

沙爹牛肉麵， 牛肉凍的。个一冷冰冰既菠萝包要用力至咬到开，真系唔知佢放左几多日。我仲見到个老板娘 趕食客走，话出面有人等位。疫情下仲有 d咁既食物素质同服务，看来下波经济差時，就是呢类餐厅被 淘汰，我们食客才有好日子过

因為要去灣仔訓練，難得出港島！決定去食個醒神早餐叫左個沙嗲通 ,菠蘿包加鮮油！好好食！！！首先上菜時間好快！落單到上齊早餐 5分鐘都唔駛。岩晒食個早餐再去返工。味道高質！菠蘿包加鮮油真係好好食：）好鐘意依種style 既港式早餐店。

【特價午餐 $49】一向對茶餐廳通粉情有獨鍾，就是那種沒有坑紋、滑滑的通粉，不知道為什麼家裏怎樣都煮不出茶餐廳的味道。我喜愛到金鳯主要因為水準一直維持到，無論是沙嗲鮮牛肉或香腸、煎雙蛋或火腿蛋奄列，配搭香軟紥實的餐包或遠近馳名的菠蘿包，總是毫無違和感，喜愛地道美食的您千萬別錯過了😌而且更重要的是服務態度，即使金鳳已經非常受歡迎，而且客似雲來，侍應叔叔們態度仍舊非常好，沒有半點脾氣，而且非常細心，枱面面積小，總會把飲品較後才上桌

金鳳茶餐廳 - 好耐之前已經久仰大名!!最近間中係呢邊工作, 終於去會一會佢!一星期食左兩次, 一次係早餐時段、一次係午餐時段~先講講早餐個一次喇! 呢個SET叫豐富早餐B!我揀左沙嗲牛肉麵, 個餐包左煎蛋、菠蘿包(加$3轉菠蘿油)佢地既沙嗲牛肉絕對OK, 係個麵要扣少少分! 煎蛋就普通貨仔, 冇咩特別驚喜~講重點喇! 菠蘿油~~~~~~~呢度既包食落去好實在, 唔會一陣風個隻!菠蘿皮有夠厚有咬感!! 加埋塊油係中間真係邪惡至極!!食過呢度既, 其他都唔放在眼內了~熱檸茶 - 茶底OK,  檸檬足料! 比個LIKE佢!! 呢杯茶幫我好多, 幫助回魂呀!另一次食既營養快餐~ 揀左五香肉丁麵+菠蘿包!丁麵配佢呢一隻麵好食喎!! 菠蘿包會有一D牛油係碟邊比你自己搽, 我就冇搽到(因為食個包已經好OVER了!)總結: 茶記達人的我!! 絕對推介呀! 檸茶同埋菠蘿油必試!!!!!!

諗住老店會有好食既保證🤣加上見到成日坐滿人⋯點知都係不外如是T_T雞絲米，極淡味，好似醫院啲病人餐咁⋯沙嗲牛肉麵，望落個汁好深色諗住會夠味啦，點知都係無味⋯奶茶不過不失，可接受😗菠蘿油，包身偏乾⋯不推薦😰唔會再黎啦應該😭

聽聞金鳳在灣仔好出名，咁岩聞上經常，決定去試下。唔試都冇期待，一試真係唔會再去😢😢😢首先係：火腿通粉。湯底冇味，通粉超腍，火腿勁鹹😨😨😨一定自己整 都會整得好食過呢度。食左2啖已經唔想再放入口。再黎：炒蛋加火腿大家見唔見到個碟既油！！！！雖然炒蛋要落油就人所共知，但會唔會係浸到出晒黎！！！！！ 仲要蛋唔香，過老，唔滑！如果要keep fit,為左呢碟野而破戒真係喊三世！😰😰😰😰第三：佢最出名嘅菠蘿包疑似隔夜？因為又實、又凍、最頂果層係腍的！完全唔係鬆化既皮！🤯🤯🤯🤯🤯唯一叫可取既係杯奶茶，叫做正常一點。如果你好肚餓，想果腹，冇所謂。如果你係本住試好西既諗法，唔洗黎喇。

金鳯茶餐廳 Kam Fung Restaurant📍灣仔 Wan Chai.⭐️ 金鳯茶餐廳最岀名係佢哋新鮮岀爐嘅菠蘿油、蛋撻、雞批、凍奶茶❤️⭐️ 佢哋嘅菠蘿油皮酥內軟 牛油融化咗之後更加滋味 菠蘿包金黃色酥皮夠厚又脆 最值得讚嘅係麵包唔似岀面嘅連鎖麵包店賣空心麵包 所以絕對係真材實料👍🏻⭐️ 金鳯嘅香滑奶茶係有自己獨特嘅味道 用上玫瑰牌+立頓兩個品牌嘅紅茶葉沖成 奶茶入口順滑😋.⭐️ 豐富早餐B $40🍜 沙嗲鮮牛肉公仔麵🍳 奉送煎蛋一隻 🍞 菠蘿包 (加鮮油加$3)

金鳯一向出名食菠蘿油, 以前食過兩次都好驚喜, 今日同朋友行完山當然要放肆一返! 加上朋友未食過金鳳, 咁就更加要試啦~一坐底當然即刻叫個常餐, 加幾蚊轉菠蘿油。一個餐有碗沙爹牛肉米粉、煎雙蛋、菠蘿油及一杯飲品, 約$52。菠蘿油好正!!! 包面果層糖皮好鬆脆、包身軟又夠香、加上中間一層厚厚的牛油, 食起來好香滑, 口感非常豐富。同朋友一路咬一路齊齊讚「正啊」!!其他就不過不失。碗沙爹牛肉米粉, 味道唔係差, 牛肉算整得幾香, 但賣相就唔多友善; 煎雙蛋我以為係茶餐廳式的荷包蛋, 但實情煎得過乾又凍哂，相信係一早煎定, 呢樣有待改善。

又到下午茶要進補嘅時間 口痕就零舍想食啲冇乜益嘅嘢, 仲口淡淡想飲啲甜嘢㖭.. 行吓行吓就嚟到灣仔, 諗起呢間已經好耐都冇幫襯嘅茶餐廳, 記起佢啲撻同奶茶都唔錯嘅, 外賣整件先!! 蛋撻, 真心覺得味道只屬普普通通, 可能雞批好食啲?? 要等下次有機會再試..食撻梗係要飲返杯茶, 熱熱地就整返杯無冰凍奶茶, 成$21 都唔平㗎! 飲完真心覺得係抵讚嘅, 茶味香濃, 飲凍奶茶最唔鍾意有咁多冰, 沖淡晒啲茶味, 呢杯係啱啱好 唔錯唔錯!!