金鳳茶餐廳

营业中

休息中

金鳳茶餐廳，位於香港灣仔春園街41號，是一家歷史悠久的傳統港式茶餐廳。而且地點相當方便，灣仔地鐵站B2出口，步行約3分鐘便可到達。而且餐廳經常一早就已經人山人海。金鳳供應一般傳統茶餐廳食品，包括蛋撻、椰撻、雞批、菠蘿包等，尤其以不加冰的凍奶茶、咖啡最為出名。店內空間不大，但人氣相當旺，所以位同位之間比較擠迫。所提供的食品不算多，但勝左食品質數佳，早餐套餐有（火腿通，肉丁麵，牛奶麥片等等...）而且更有菠蘿包/餐包可配（可以加多$3加鮮油）呢個要加呀，多塊牛油差好遠！！今次叫了一個肉丁麵餐(加鮮油) $43，麵的麵質比較硬身，肉丁都算多(不似一些餐廳2-3舊就算)，撈埋麵一齊食相當惹味而且仲有煎蛋，邊位都很脆口，唔怕只得肉丁唔夠餸食。金鳳的奶茶則混合了玫瑰牌、立頓兩個品牌紅茶葉，茶味十足，而且相當滑口。而因我怕食得太飽，所以外賣了我的菠蘿油。菠蘿包皮酥內軟，酥皮夠厚而脆，鮮油稍為融化後，滋味更香濃，真材實料。

I finally tried this place recently and was a bit underwhelmed... I am a big fan of 冰室 style restaurants and I could eat a good ham macaroni with scrambled egg and a nice cup of milk tea all day, all week. This was exactly what I planned to order until I looked around and saw that apart from 沙嗲牛肉 （satay beef), everything else looked hella pale and I was worried that if I ordered ham macaroni it wouldn’t taste good. So I ended up ordering 沙嗲牛肉公仔麵 (satay beef with instant noodles) which came with

今日同朋友經開喜匯，醒起金鳳嘅菠蘿油，即刻趁住3點3 買返個菠蘿油做下午茶，嘆下。去到金鳳門口，見到都幾多人排隊堂食，亦有人排外賣。我哋揀咗外賣，我買了一個菠蘿油回家吃，味道不錯，熱辣辣香噴噴，塊牛油都是半軟，正

7點關門，我們6點半達陣到達茶餐廳，店內客人小貓數隻，看來店家真的快收鋪了，店員特意提醒每個踏入門口的客人7點便關門，有一兩枱客人見狀就不吃離開了，果然有名氣的食店不用留客。點了特價午餐，非常豐富，價錢相當實惠。首先上來的是菠蘿包及雙蛋/火腿奄列，菠蘿包口感不錯，外層皮脆內層不夠鬆軟，可惜不夠熱，亦因時至晚上，包亦非新鮮出爐，不夠香口。雙蛋普通正常，奄列煎得略嫌過火，太乾。我們兩人都點了牛肉粉麵，個人感覺米粉較好吃，煮得剛剛好，不會過軟/硬，唯獨牛肉是冷的.......有點失望。 公仔麵則太硬沒彈性，有點「生」。奶茶口感順滑，茶味回甘，朋友說有些微澀，但仍是本餐之亮點。總評：服務一般，座位狹小，人情味濃，味道尚可，份量十足，港味情懷，價格取勝。

一個落雨毛毛雨嘅4月啱啱先見完客行去灣仔當然係要食金鳳啊金鳳冇冰嘅奶茶同鮮菠蘿油呢兩個字主打鮮菠蘿油真係焗得啱啱好，唔會太濃除咗金鳳真係搵唔到第二間至於鮮牛米同茶走，屬於一半水準呢度真係食其他野食一陣就想走，鮮菠蘿油係唯一留住我個心嘅嘢

午餐去食大排長龍！！排左差唔多20分鐘先入座...店外又曬住... 想食好野真係要付出代價入到去，食客坐得密密麻麻。好彩俾我地坐到個卡位如果唔係一定要搭枱喇！即刻叫左個午餐沙爹鮮牛公仔麵🐮 菠蘿油🍞 維記樽裝鮮奶🥛$42沙爹牛麵正正常常啦～ 係茶記必食最期待係個菠蘿油菠蘿油新鮮出爐！！仲暖架🤤 夠脆夠香呀 減肥都唔理喇！！食哂成個至愛❤️樽裝鮮奶❤️ 維記樽裝鮮奶不過冇影到😅午餐都排哂長龍，想食又唔洗排隊真係要睇岩時間先好去喇

今天下午四時多到了灣仔金鳳茶餐廳一嚐傳統奶茶。這段時間人流不算多，靚姐安排了一張四人卡位給我(可能她見到我手中太多戰利品😆），真細心😊我點了一份午餐，包括沙爹牛肉米丶菠蘿包和熱鴦。沙牛爹牛肉味道甜甜的，有花生🥜味，牛肉咬下去鬆軟丶香滑，味道一流👍🏻這個汁配米粉妙絕了！至於菠蘿包，是我喜歡的口感，麵粉份量十分足料，未吃完一個，已有飽肚感覺，不像一般連鎖店的，吃兩個也不夠飽😆最後要歎的當然是熱鴦，香濃茶味，奶的比例亦剛好👍🏻坐了大約半小時，看見服務員和街坊打成一片，有說有笑，還細心的將他們買了的麵包放入街坊的袋中，相信這是老字號不敗之謎🥰

對上一次嚟應該都十年前了……今早去完香港公園，lunch都冇食，肚仔餓，由金鐘行去灣仔，J小姐話不如去金鳳，都好吖我都好耐冇去……去到都要排隊，我估旅遊書有介紹呢度，所以排隊嘅都係遊客，我見到有個遊客話買六個菠蘿包，帶返去星加坡（我心諗：駛吾駛呀）……入座後，我叫咗常餐~五香肉丁通粉，菠蘿油及凍奶茶……凍奶茶係最好飲，五香肉丁通粉一般，菠蘿油呢，一點也不好吃，得個“油“字，尤其係包底，包身及菠蘿皮一點也不脆，為何會出名呢？枉啲遊客仲買返新加坡？員工就比我想像中有禮貌，同啲遊客有講有笑，吾錯……

今日去左金鳳茶餐廳食午餐 每次都見到好多人排隊 今日因爲落雨關係 少左好多人等位 我地點了兩個午餐。不過d座位又比較窄，基本上是人貼人的午餐有沙爹牛肉通粉，火腿奄列/煎雙蛋，菠蘿包/餐包同一杯飲品，而我選了熱鮮奶要另加7元，熱鮮奶味好重😋菠蘿包同火腿奄列放在同一碟，碟邊會比牛油你搽菠蘿包，如果要菠蘿鮮油就要另加3元。菠蘿包唔會一陣風的，唔似平時d麵包店一樣，如果熱的話就好了。我好中意呢間茶餐廳既通粉 無紋的 軟硬度亦剛剛好👍👍 沙爹牛肉既汁好正

好鍾意周圍發掘香港嘅舊式茶餐廳又平又好食 效率又高😌好似金鳳咁 行過時候見到門口有十幾個人排緊隊原本我諗住放棄 點知唔使10分鐘就有得食🥳落單之後唔使3分鐘啲 嘢食就全部黎到佢哋出名菠蘿包同蛋撻熱辣辣一上枱即食 真係好正蛋撻個酥皮鬆化 菠蘿包外脆內軟 記得叫呀😋至於其他嘢食 好似雞絲通粉咁就一般質素 啲雞有啲鞋 而且個湯底冇味😂個奶茶亦都好一般 太甜 橙味同埋奶味都唔夠濃不過價錢方面真係無得輸一人一個茶餐再加多兩個蛋撻每人先四十幾蚊！抵到爛🤤

今日去灣仔，就想回味一下之前食過既茶記，掛住佢既奶茶，茶味濃又香滑，念念不忘既味道～～叫左一個午餐，揀左沙爹牛肉面，火腿奄列，菠蘿包，大大份，食晒真係超超飽！！呢個價錢有咁足料，真係好抵食，唔怪得咁多年黎都咁多人冒名而來黎食野～下午時間黎到都要排隊，仲有好多人買外賣蛋撻！今次仲叫左個雞批食，都好好味，外皮酥脆，內餡足料，抵食～～惟一美中不足係店面好細，位置相當迫，枱面放滿食物後，想郁動都好難...但要食好野，間唔中迫下都可接受啦～～

同媽媽行過灣仔 聽講好出名 入去試下啦講真話好驚喜 好好食咁一定唔會 普通冰室常餐 但食物味道一定不差 分量不少 奶茶好飲又唔會話好貴 蛋撻熱辣辣咁但都係人一份兒時回憶啦哈哈！！

老豆要灌輸一點所謂「童年回憶」阿仔阿囡，趁放假帶佢黎玩具街揀玩具，順便黎食下老豆眼中的老字號美食「金鳳」！鋪面古色古香，加上鄰桌食客的「不堪入耳」的三字經，都是香港最本土最巿井的社會教育。營養餐（$40）轉熱鮮奶（+$3）大大碟火腿奄列，加上一個飽肚的餐飽，足夠三人分享。蛋煎得香，奄列入面有火腿絲，中間部份十分嫩滑。餐包是舊香港真材實料的味道，小孩子沒有吃過那種結實而柔軟的餐包，可能將成為失傳的回憶。金鳳出爐蛋撻（$7）酥皮蛋撻香牛油味，燉蛋滑得來有濃濃蛋香，充滿昔日情懷。

今日襯還早，去了平日經常排長人龍的金鳳茶餐廳，等了5分鐘左右就可以入座。餐廳店面不大，會坐得比較逼。點了餐廳最出名的沙嗲牛肉公仔麵拼火腿奄列及菠蘿包。上餐速度非常快，下單後轉眼就上餐。沙嗲牛肉麵不錯，牛肉非常多，不過略嫌沙嗲味不夠濃。奄列中心仍然有蛋汁流心，十分抵讚。火腿絲的份量也不少。餐包上的菠蘿包皮脆，可惜並非碰上剛出爐，略覺得不夠熱。另外熱奶茶也不錯，非常香滑。如果不怕肥，菠蘿包還可以轉菠蘿油。

今日三點三下午茶時間，丫頭萬歲請食蛋撻，便去了金鳳茶餐廳。去到茶餐廳時，蛋撻剛好新鮮出爐，我們買了12個 x $7 = $84。蛋撻色澤金黃、芳香四溢、口感香脆，令人回味無窮。