金鳳茶餐廳

营业中

休息中

金鳳茶餐廳系灣仔已經開左好耐噶啦，算系老字型大小餐廳了，平時都有好多老街坊去幫襯，味道一直都甘好，我平時就食個常餐，叉燒通粉加炒蛋多士，叉燒通粉一如既往甘好味，湯底好惹味，叉燒肥瘦適中，而通粉，我本身就好中意食，所以就覺得幾好味，整體來講都好合我心意噶。

和友人係灣仔出發行山，先去醫下肚仔先。第一次黎金鳳，見每抬都總有一個菠蘿包，所以點到叫個常餐包埋菠蘿包。常餐其實都幾多嘢食，先有個麵，今次叫左炸菜肉絲米，友人叫左沙嗲牛通， 貌相都幾吸引 但鑒於有啲熱氣所以冇叫到。 剛返肉絲米，份量足得黎湯底都吾錯， 感覺唔係味精湯底。 隨後上嘅有主打嘅菠蘿包同奄烈，由於奄烈用火腿有啲咸， 建議放喺麵上一齊食。至於菠蘿包，雖然吾係新鮮出爐（可能係緣份啦）但明顯食得出個包係真材實料，吾係出面既空氣包，食完好似食左空氣甘。菠蘿皮亦都好有口感，吾會話一咬啲皮就散哂，跌哂落枱。總结黎講，價錢吾算貴，食物質素可以，菠蘿包要睇缘份，環境干淨但坐位有啲窄。今次未飲佢個奶茶，見友人叫左涷既係冰鎮個呢（雪凍，冇冰係杯入面）下次有機會再黎一定會試！P.s. 菠蘿包本身都有牛油跟埋，菠蘿油只係牛油轉鮮油:）

金鳳茶餐廳系湾仔已经开左好耐噶啦，算系老字号餐厅了，平时都有好多老街坊去帮衬，味道一直都甘好，我平时就食个常餐，叉烧通粉加炒蛋多士，叉烧通粉一如既往甘好味，汤底好惹味，叉烧肥瘦适中，而通粉，我本身就好中意食，所以就觉得几好味，整体来讲都好合我心意噶。

今日真係不幸地入咗呢間茶餐廳，食咗一個好難食午餐，選擇已經少，價錢又不合理，重要係味道係唔好食，點樣唔好食，通粉又腍，好似浸咗2日，塊餐肉凍冰冰，個奄列，嘩……咸嘅，價錢49蚊，呢個其一，其次服務態度，一個字……差。我地2個人坐卡位，食食吓叫我坐番一邊，話有其他人要入坐，仲話出面排哂隊，結果埋單仝走，對面2個位都係空空如也，咁到底係咪趕客呢！真係只此一次，無，佢嘢……如果有冒險精神嘅，咁就去冒險下浪費咗我一個食嘢quota

呢間茶記係灣仔已經開超過半世紀‼️屹立不倒成為老字號總有原因💕今次同朋友一人叫左一個特價午餐🥢叫完先嚟後悔，因為真係好大份😳似乎 2 個女仔share一份食都唔過份呢個set 包一個麵食、火腿奄列 or 煎雙蛋、餐包 or 菠蘿包 再配飲品沙嗲牛肉通粉，沙嗲汁超濃郁！奄列唔知落左幾多隻蛋呢⁉️好大份😋菠蘿包最後食唔晒要打包走😂 返屋企叮翻熱食都好好味‼️超鬆軟，唔係空氣包👍🏻 無論係遊客定local，都一定要嚟試下！

話說以前o係附近番學，好鐘意去食金鳳茶餐廳。因為鐘意佢抵食加份量多，而且重點係平時d茶餐廳都係配多士，呢度係配菠蘿油真係好吸引架!所以今日一場黎到灣仔，就諗住帶朋友重拾舊風味。一嘗呢度ge常餐。點知.....唔知係咪因為夜晚ge關係，個質素比起之前真係差左好多，好令我失望。先講下個菠蘿包，第一令人唔開心係因為個包好凍。雖然我知道我夜晚黎食的確唔會食到新鮮出爐 ge 菠蘿包，但冇諗個連輕輕烘一烘都冇...真係一個冷冰冰ge一個包....然後到個奄列，蛋味唔夠濃都好正常。但連火腿都唔夠多就真係好sad...嗚嗚嗚好記得之前黎食個菠蘿包暖暖的，個奄列又大份又好食....最後就係呢個沙嗲牛肉烏冬，同平時d餐廳唔同ge係呢度有得揀烏冬食。唔洗成日食公仔麵或意粉，都係多一個選擇ge...而味道就同平時其他沙嗲牛肉一樣，冇話特別好食咁lor整體黎講，始終我帶住一個期望入去食。所以未能有預期的效果就難免有d失望架啦。但客觀黎講，就係一間普通ge舊式茶餐廳，而常餐可以配菠蘿包咁樣。而價錢經過呢幾年ge起伏，的確又加左唔少價。所以呢個價錢黎講，呢個常餐真係唔抵食!不過由於我對舊式茶餐廳一直都情有獨終，好鐘

今日在灣仔工作，聽人講個個都話金鳯奶茶好味，今日終於可以一嚐了。tea time 我同朋友一人叫左一杯冰奶茶，侍應話無冰既，一個蛋撻同埋一個波蘿油。先講杯奶茶，初初諗凍奶茶冇冰怪怪地，點知一飲落去，個茶好滑好濃味，仲有凍嘅感覺。適合而家啲女仔成日都話要小冰或者走冰。好耐冇飲過咁好味嘅奶茶。跟住試過蛋撻，我覺得個皮就一般，因為唔係十分脆比較厚，我就不是太喜歡個蛋黑蛋黑。至於個菠蘿油，好好味，頂層個皮好脆，個包好有舊式麵包個味道。👍🏻坐位比較窄，同埋感覺要快點食。

今日上山頂走了一圈，坐巴士回程在灣仔落車。順便去春園街走一轉😉此刻想起金鳯茶餐廳，一個充滿回憶的地方😘下午三點多來到，竟然不用等位👏🏻（可能是最近的政治因素影響），當然馬上入座啦😘下午茶時間，當然要食番件雞批🥧及飮杯招牌凍奶茶🥤雞批熱辣辣，非常鬆化，餡足料😋本人極喜歡飲此店的凍奶茶，用心製作，茶味香濃，把製作好嘅奶茶雪凍而不是加冰啊🙅‍♂️唯一不變的是坐位比較迫😅希望這種小店能繼續生存下去，支持用心小店👍🏻

真係好多年冇嚟金鳳, 因為每次經過都有好多人响門口排隊等位!今朝行完山, 可能早咗啲(9點左右)竟然見門口無人, 所以入去睇睇, 又見到唔太多人, 仲有卡位, 所以同Honey一個箭步就坐咗入去! 哈!哈!哈!點了一個麥片餐同一個奄列餐! 我哋不約而同都揀咗餐包而唔係菠蘿包(因為以過往經驗, 早餐出嘅菠蘿包都係响後欄攞出嚟-->凍同難食)但今次嘅餐包非常軟熟兼新鮮, 令我哋喜出望外喎! 再望吓隔離枱嘅跟餐菠蘿包, 睇落去都新鮮喎! 無見咁多年, 大有進步!我嘅牛奶麥片中規中矩啦！但脆邊流心煎雙蛋就一定要讚! 其實我最喜愛佢嘅熱奶茶, 依然咁有茶味, 同奶味配撘得天衣無縫! 如果凍奶茶可少甜就更加好!我Honey果份火腿奄列都要讚👍 非常有內涵, 好多火腿响裏面啊! 蛋又煎得啱啱好, 沒有過火!整體都比我哋有意外驚喜! 讚👍但唯一係坐位太迫"夾" 個卡位要坐四個人, 真係會唞唔到氣架! 但離開時先知出面有幾個人响度等緊位, 都唔好意思! 多得店員哥哥冇叫我哋讓坐, 等我哋舒舒服服咁食完個早餐, 認真多謝!下次一定會襯無咁多人再來幫襯架

今日黎到灣仔區搵早餐食，周圍都好多人排隊，經過開見到呢間充滿懷舊氣息的金鳳茶餐廳，決定入黎試下😍😍入面裝修同格局十分懷舊，唯一美中不足，係d位比較窄，加埋人多就差少少今次叫左早餐B，包括左煎蛋同餐包，個蛋煎得幾好，燶邊半生熟蛋，蛋汁配合番個餐包，好好食❗️❗️之後到主角❗️❗️❗️沙嗲牛肉公仔麵，沙嗲汁係食過咁多間入邊最濃，肉又淋公仔麵個人覺得軟硬岩岩好，當然都好睇個人口味，個人覺得值得一試❗️

因為睇咗唔同既餐廳推介網，就嚟試試。星期日中午，見到有2名少女係門口等緊位，我同朋友都乖乖排隊。等咗大約十分鐘，姐姐安排入座，4個人坐張細細卡位，真係身型再豐滿D 都坐唔到。沙爹牛麵賣相係吸引既，個湯係濃既，不過個公仔麵就真係有點強差人意，就有麵粉味，牛肉份量足，不過質感一般。火腿奄列火腿好足料，蛋味無特別。朋友叫嘅煎蛋好靚，外脆內流心。菠蘿油係最令人失望，從未食過一個無焗熱既菠蘿油，而且咬落去個包好似漏咗氣，菠蘿皮唔脆，個包仲有DD水氣，不致於食唔到，但就算有緣再嚟，都應該唔會叫。而+3蚊多塊鮮油夾係中間，即使唔加都有送pat牛油係碟邊，基於包無被整熱，哩個牛油真心無必要加。見到隔嚟枱位太太問店員有冇得加熱被拒絕，起初仲以為係個包擺低太耐而凍咗，店員拒絕再次加熱，但個包一嚟就已經係凍，仲差過屋邨麵包舖買到果D。奶茶係加分位，茶味令人舒服，奶既份量剛好，見到凍奶茶係雪凍既應該算係少有既有誠意做法。我同朋友都應為哩間食店有點名過於實，若非咁啱行經都真係唔建議專誠嚟食。

吃晚飯太早，經過春園街老公話去金鳳飲杯野，菠蘿油唔錯，如果剛出爐應該更好吃，但烏冬煮到太軟，湯好似滾水一樣，好在午餐肉好味，係咪揀錯咗？唔應該食烏冬，應該食公仔麵或米粉？咁出名的茶餐廳，咁嘅水準真有點失望。不過我見到旁邊的人都食得津津有味，係咪要俾多次機會佢呢？

中午到灣仔取香港身份證因此到了移民署附近，拿了排隊等了一段時間後也到中午，肚子也餓了。問了香港的朋友推薦了這家茶餐廳說是相當地道的本地茶餐廳，一到門口就聞到非常香的麵包味道，瞬間胃口大開，因為來的時間接近中午早茶套餐已經過了非常可惜，不然價格會很便宜點了午餐套餐就像照片顯示，有個麵包跟牛肉公仔麵還有一杯奶茶，麵包真的是我吃過最好吃的茶餐廳裡面最好吃的，非常的香然後裡面的奶油很甜，而且好像都是現做的熱騰騰，真的不是開玩笑的，跟其他店比起來好吃很多如果未來吃到更好的話我會做更新的，麵的話就一般了，就是公仔麵跟牛肉搭配那樣下次來灣仔附近這家店是我會在進來光顧的

銅鑼灣不乏新式美食，但有一間歷史悠久既傳統茶餐廳，總會令我隔一排就想返去。指定動作：沙爹鮮牛肉公仔麵🍜+ 菠蘿油 🧀 + 火腿奄列 🥓+ 冰鎮奶茶公仔麵雖然有點凍，但食得出鮮牛肉比坊間其他沙爹牛好食；火腿奄列好大份，入面仲好足料！無冰凍奶茶，唔洗多講，幾時都咁出色❤️

金鳳茶記開業超過半世紀絕對係灣仔區老字號🥇茶餐有馳名菠蘿油🍞皮脆牛油香 但係咪新鮮出爐就要睇好唔好彩💁🏻‍♀️雪菜肉絲米 雪菜既咸香一啲都唔hea 無冰凍奶茶又係必試既 茶底香濃加上幼滑既淡奶 係香港既味道😋人均消費：$52推介指數：👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10）