金鳳茶餐廳

营业中

休息中

這日去金鳳吃件雞批（$8）和喝杯奶茶（$14）做下午茶緬懷一下港式味道。雞批微熱，但依舊皮鬆脆，香甜牛油香。餡料有雞肉和火腿，不過份量比例不算多。雖然這裡的無冰奶茶是雞批以外的另一名物，不過這次我要了杯熱的。奶茶很好喝，茶味很香和濃，又滑，水準之作。就這樣一件雞批加杯奶茶，滿足的下午茶！

上午到會展參加活動, 晏晝老公陪我到金鳳品嚐傳統美食。人龍不長, 好快攞到位。點左快餐 ~ 雪菜肉絲米+菠蘿包+凍奶茶, 再加招牌雞批。剛剛出爐的雞批, 酥皮好鬆化, 又足料, 真係好好吃 凍奶茶茶味濃郁、香滑, 好鍾意 雪菜肉絲米落足料, 但味道一般。可惜菠蘿已放涼了, 感受唔到有咩特別好食

金鳳的午餐, 我由 $23 一份食到今日 $35... 真係越來越貴, 但品質卻....不可說不好吃... 但和普通的茶餐廳有什麼分別...每次我也喜歡叫午餐的, 菠蘿包, 火腿奄列, 沙牛通, 凍奶茶, 基本選擇, 食完後, 應該唔會再有能力再食蛋撻/ 雞批了...菠蘿包: 凍了硬了... 不好吃了火腿奄列: 即煎的, 熱辣辣, 而且份量足夠沙牛通: 唔知點解, 沙牛通可以係涼的... 放了很久嗎??? 味道雖然是 OK, 沙嗲醬濃香, 不過涼的通粉... 唉...凍奶茶: 美味依然, 夠濃夠滑, 但現在四處都是冰鎮奶茶, 這已經不再是金鳳特色了...去過金鳳都知道, 地方淺窄, 坐得極不舒服, 卡位一坐落去, 肚腩頂全張枱, 快食快走... 前後15 分鐘走人...

今日去左灣仔金鳳，Ｄ野食實在太岩我口味；一定要即該寫低依種感覺。今日傾盆大雨差ｄ唔想番學，但係淨番幾堂就頂埋佢la ~16:30去到金鳳門口，人流甚多，都係懷舊冰室風格裝潢。由於要番學都係外賣好了，侍應們都好有禮貌。而且好好彩唔洗等。雞批：第一啖咬既時候只有少少雞肉，但係個皮香脆無比又夠鬆軟帶小小甜。再食Ｄ雞肉都夠滑，汁味適中；熱騰騰太好食了。奶茶係無冰凍奶茶，唔會因為Ｄ冰整淡杯奶茶，茶味夠濃夠香滑亦不太甜，非常岩我口味，以凍奶茶計絕對勝蘭芳園。（熱既都係蘭芳園好～）總括：一定要去試下

第一次入呢間餐廳 叫左一個沙爹牛肉面 餐包 凍奶茶，之後一睇見到有一個港式奶茶既獎係牆度我一諗，一間可以拿獎既茶餐廳，竟然可以一張名星相都無 係咪老闆唔鐘意沽名釣譽呢首先黎既係公仔面，一睇有D似福面既感覺，但又好似差少少，食左一啖，雖然覺得平平無奇既味道，但係環境影響下，開始有D似番左去細細個去茶餐廳個陣，講真真係好懷念另外直得讚既係，本身公仔面雖然唔係好好食個種，但睇得出落左心思係個面度，面小水 面無咁快發，沙爹牛肉完全沾不到湯，沙爹汁食落更濃，再來的是奶茶，沒冰的，奶茶一淡，味變差，餐包厚身，可能剛出爐，感覺好有實在感，同其它餐廳既普通餐包有一定既距離可能大家覺得奶茶係當中最出色，其它既野可能覺得普通，但請勿忘記用心作菜呢四個字，一間餐廳咁細心做左咁多野，唔會無人知的，只係可能有部份食家只注重味道上既評分如果大家問我呢間野D野食係咪真係好好食，我既答案係不過不失，但我會推薦大家去呢間餐廳食野個陣，留意同欣賞下佢地細心既地方。

周末下午路過金鳳，見排隊的人不多，於是買了雞批做下午茶點心，味道都算okay，外皮略厚，白汁豐富；前一日剛剛吃過泰昌的雞批，覺得泰昌的更加好食點，牛油香味更加濃郁，料更加豐富，相對白汁自然會少點。價格方面，$7.5一件，比泰昌貴左5毫子。專門來吃就不必了，路過的話嘗一次也無妨。

灣仔懷舊茶餐廳，莫過於金鳳及檀島，各擅勝場。但近年後者，每況愈下，茶太濃，有渣；咖啡苦，鴛鴦攞命，招呼更差，價錢也似直昇機，不斷提高。今來小試金鳳，下午四時半，人不多，坐得舒服點。叫了個ｃ餐，主要看奶茶有沒有走樣。波蘿油來了，皮稍脆，牛油一大塊，現代人都聞虎色變，我輩則吃得津津有味，如飽能再熱些就好。其實一個波蘿油已頂籠，他出名的雞批、蛋撻及椰撻，只有留待下回分解。煎蛋餐肉，一般，是變不出樣。奶茶來了，嘩！色靚，滑，就是滑，已可稱雄灣仔了。茶嫩，不苦不粗，真好，十年不變，大家快來嚐。似乎只有中環蘭芳園不相伯仲了。

一直認為, 最好的早餐, 係沙爹牛肉麵+火腿奄列;下午茶, 就係奶茶+菠蘿油, 灣仔既金鳳可以滿足哂我兩個願望先來名物菠蘿油和雞批, 雖然兩樣都唔係岩岩出爐, 但係都一樣咁好食菠蘿油夠脆而且唔會死甜, 雞批就好足料凍奶茶更是眼前一亮, 因為凍奶茶係就咁雪凍既 唔駛加冰而令到奶茶味變淡 所以比平時的更香濃香滑, 茶味充滿口腔而久久不散再黎一個 沙爹牛肉麵+火腿奄列, 火腿奄列雖然表面乾身, 但內裡充滿蛋汁和滿滿的火腿沙爹牛肉而做得好好, 牛肉有肉味而且有質感, 唔會好似一般茶仔咁落好多食粉去醃; 沙爹汁亦好香濃, 提升到成碗麵既味道如果我屋企係附近的話, 我真係想日日都食番次, 飲杯凍奶茶

朕認為一個好吃的蛋撻，只要是新鮮出爐，蛋夠滑溜就已經是無敵，叫誰都歡喜。新鮮出爐蛋撻與放涼了的分別，就妨如近日受「鹹豬咀」襲擊的某𡃁模化行妝與素顏開記招的分別一樣，完全是兩回事。。。若大路分辨的話，蛋撻一般可分為曲奇皮及酥皮。曲奇皮的牛油味重及較香脆，口感像吃餅乾；酥皮的則多是用豬油搓成，口感較鬆化，各有捧場客。酥皮界 - 金鳳金鳳的四大名物除了是無冰凍奶茶、鮮菠蘿油及雞批外，當然仲有新鮮出爐的酥皮蛋撻 ($4)。口感香脆酥化，蛋香亦足，只是酥皮較曲奇皮粗糙及較厚，感覺上蛋的餡料較少。學周杰倫話齋，「彈擺梳」，酥皮並非本少爺杯茶。

用叉撥鬆來吃，皮焗得香而帶甜脆，是砂糖蛋漿做的效果；雖然不少人投訴白汁肉餡份量也較坊間少，偷工減料芸芸，但啖真點，其實這裡的餡豐富得密不溜風，而又要做得鬆化是一點不易的值得來試。節錄的冰山一角。

記得去年COMMENT金鳳的那篇是"來飲奶茶就夠", 上星期再來吃, 感覺又好像不一樣!話說, 小妹有一個愛既港式食物的台灣老公。那天我跟這個遊客去灣仔, 因為在這之前已經攻過"再興"三寶飯飽飽地, 去到金鳳門口, 為了不要淨飲收$10, 決定婆仔D買1份餐去隔離個公園仔食。點了一份常餐---凍奶茶, 鮮菠蘿油, 丁麵, 火腿奄列, 老公的COMMENT是"超好味"!!!!!!不以為已的我, 搶過來吃, 咦, 又真係比堂食好味! 哈! (時為中午13:45左右)唔知關唔關堂食強勁的冷氣事? (吹凍晒D野食?)凍奶茶當然是一貫的好好飲, 今次驚喜地覺得半生熟的奄列好正! 招牌菠蘿油老公又話勁得! (<<<個人覺得包包唔夠熱唔得)丁麵就普普通通啦! (不過湯頭無味!!!????)這樣埋單是$36, 其實是幾貴, 不過偶然食下, 都不錯既仲有以後我真係寧願俾多$1買外賣! (5分鐘內有得拎啦)平反完畢

提起湾仔的老字号，不觉就会联想起金凤和永华。经常从春园街街口走过，去湾仔地铁站，可是很少走进巷子里。某天不觉走进一次，顿觉别有洞天。好几家老字号餐厅都坐落在这条街上。关于春园街，是有历史的。1840年代香港开埠初期，春园街有一个有水泉的花园而著名，而该街道本应译为泉园街，但由于英文Spring可以翻译作水泉，也可以称为春天，因此被误译为春园街。春园街沿道有不少唐楼、茶餐厅、士多、3间24小时便利店、还有数十年的大金龙麻雀馆及大型香港赛马会投注站。 它们之间关系共存。（摘自百度百科）今天又是Friday了，中午吃些啥呢？金凤，决定就是它了！午餐时间，人满为患。不过我们运气好，不用跟别人搭台，而且还是卡座！三个人每人一份D餐，包括一份沙爹牛肉/五香肉丁/雪菜肉丝+通粉/公仔面/乌冬面等等，一个菠萝包/餐包，一杯牛奶/咖啡/奶茶。我要了加牛油的菠萝包，超级超级好吃！！！！！！姐鸡冻了！姐沸腾了！菠萝包中间夹牛肉，又热又酥，口感极佳！我一直很讨厌吃菠萝包的，可能因为大陆的面包店做得不正宗，所以我从心底排斥菠萝包和水晶包（就是里面夹甜肥肉的包子）但是金凤的菠萝包颠覆了我心中的偏见。真的是强烈推荐

原本下午拖住老婆仔想去灣仔The East 間Dressed Salad翻食佢地个Ceaser Salad, 因為早两日响IFC頭一次試過佢地个Ceaser Salad覺得做得非常之出色, 況且近日極力嘗試瘦身減肚腩連泰拳都去学埋所以要食多Ｄ青菜之類嘅嘢！點知唔好彩原來佢地啱啱搬左去隔离幾个鋪重未裝修好所以冇得食, 拖住老婆仔行吓行吓经過金鳳茶餐廳記憶中都好似幾有名不如入去試一下, 其實N年前都試過但已经記不清楚剩係記得佢地嘅凍奶茶好出名, 坐落后我同老婆仔各自点左个快餐冇幾耐亦都送到枱面, 一開始食首先come to my mind就係两个字"大鑊"点解个火腿奄列冇疍味嘅！跟住嚟个火腿通粉个湯底oh my God直头係熱水加Ｄ鹽加Ｄ味精咁就算嘞！我俾多兩蚊要餐包加牛油点知个餐包好似啱啱响雪攞出嚟, 各位可以想像得到食一个凍冰冰而又硬硬干身嘅牛油餐包嘅滋沬！至於个杯凍奶茶, 可能因為其他食物嘅差勁影响亦變得失色, 好似太興嘅凍奶茶比佢好飲得多！快快食完出左門口老婆仔同我講冇第二次再嚟金鳳喇！一祥係出名嘅茶餐廳, 左頓道牛奶公司各種做法嘅火腿疍同通心嘅湯底都比金鳳好食得多多聲, 甚至乎我

一定都好鐘意金鳳O既雞派, 經過親灣仔一定去食, 新鮮出爐熱勁好食佢O既波羅包都好正, 加杯奶茶真係無得頂D阿叔勁pro 出餐超快唯一唔好O既就係太多人又要搭枱, 同埋有時專誠去到雞派賣晒...

每次早上過灣仔必系金鳳食早餐去金鳳絕對要點距d菠蘿包同埋凍奶茶啦！菠蘿包耶，今次點的菠蘿包系新鮮出爐的，咬下去仲可以感覺到麵包入邊系暖的呦！！菠蘿皮脆卜卜~上面脆下面軟，食到好享受！凍奶茶味道依然甘濃~沙爹牛肉面呢個一般般啦，因為牛肉同埋牛肉唔夠軟，沒我想像中好食~下次要試試距的雞批先得~