金鳳茶餐廳

营业中

休息中

路過灣仔本來想食好多年無食的檀島，見到佢openrice而家評分低迷，都係幫襯間高分d0既金鳳。裡面都係舊式茶仔佈局，坐就當然唔舒服，唔緊要，諗住食物搭救...叫左個餐蛋菠蘿包餐加凍奶茶...咁就盛惠37蚊..可是包是凍的，怎可說是招牌...比起太子金華差多了...倒是太陽蛋餐肉煎得不錯...凍奶茶就幾好，似太興個冰奶茶...鄰座食的肉丁面賣相很乾，一堆的發水大光面配上小量肉丁並不吸引...結論是除非見到佢有新鮮熱辣出爐包點，不會幫襯。

在玩具街買完野，諗起不如請同事食個蛋撻。諗住去附近泰昌買，朋友提議不如去金鳳，因為之前食過的菠蘿油也不錯。金鳳的店面是傳統茶餐廳的格局，裝修實而不華，令我想起中環的蛇竇。$5/個熱呼呼的蛋撻泰昌都$5.50啦! support 傳統老店 買6個以上先有盒，咁就要6個啦！最喜歡吃蛋撻那拿起來還在晃的蛋漿，這一點金鳳很成功啊！酥皮也不賴，牛油味甚重（令我覺得很 guilty...）請同事吃蛋撻，見到佢地食得津津有味，好似抵過請食$4x-5x一舊的cake 啦! 

這家也是在家附近，因為很知名常常很多人在用餐時間（尤其早晨）所以想說來試試看。點的不是知名的菠蘿油而是雞蛋午餐肉三明治。多士很軟，雞蛋很香不過並無特別之處，好吃歸好吃不過不是驚艷的美食。

最近很努力尋找生炸雞脾，不過眼前的金鳳並沒有這道小吃。金鳳這個名字總令我想起另一間同名字的扒房，每次經過灣仔金鳳都會見到人龍，難得今日比較少人，便打算一試。環顧四周，全店滿座的環境、零距離的卡座和圓檯，令人感到很壓迫。更誇張的是卡座的檯只闊一尺有多，店員在我這邊放下一份茶餐連飲品後，旁邊和另一邊其實已經放不下其他東西了。點了一份火腿奄列配菠蘿包餐，感覺前者只是一塊薄薄的蛋皮包着火腿絲，表面有很多漆黑的鑊屎。轉菠蘿油需要加$3，表皮脆脆的，包身細小卻有三寸高，拿在手上已經沒有什麼溫度，中間夾着厚厚的牛油片帶着半溶的痕跡，如果包身能熱一點會更好。對於西多士、熱谷古的味道都沒有很深刻的印象，只記得大家都吃得很匆忙，還有記得的是我們把砂糖和鹽搞錯，然後灑在奶茶裡...

35蚊一份早餐，區內唔算貴，但野食只屬普通，唔特別好食，唯一讚既係火腿係厚切食左一份早餐A火腿通粉太林煎雙蛋 竟然有厚切火腿做底係驚喜既，不過味道一般奶茶只屬普通茶餐唔算難食，不過好普通，唔會再食

今日2人入去坐，張圓抬細到但係要坐5個人，逼到救命。張圓抬仲要係o係隔離張卡位隔離，我相信呢間野堪稱全球最逼既餐廳，可以拿埋健力士全世界最逼餐廳一定得。點左個五香肉丁麵，菠蘿油，煎雙蛋。個肉丁麵叫個侍應將d麵整生d，估唔到上碟睇落去，連湯都冇，因為d碟要做到極細先放到上抬，自己以為食緊肉丁撈麵。煎雙蛋上碟係凍仲要係冇蛋味。最後個菠蘿油上碟係冰凍既，咬左一淡已經放棄繼續食，因為太難食！！！真係好懷疑香港人對普通食物既要求，點解呢間野可以難食成咁都有人排隊？！？唔同佢地係冇味蕾？我會永久blacklist呢間野！

十一月上旬快到午飯時段, 人潮初現, 在這種買少見少的茶記午膳, 搭台是好正常的要了個常餐($33): 沙爹牛米, 波蘿包 及 茶走沙爹牛米份量不多, 味道偏向甜, 湯水亦令味道變淡, 整體普通波蘿包碟旁有牛油一小塊, 可惜包本身是凍的, 凍麵包不用多說甚麼吧~~相對之下茶走是比較出色的, 不過甜, 奶和茶平衡得好人潮湧現, 快快結賬離開

都有十年八年沒有來光顧金鳳, 是次路過, 有點意外, 沒人排在門口, 裡面亦有位 其實有點兒失望, 我記憶裡的招牌奶茶去了那裡, 我不敢批評是否遜息了, 反正我沒有覺得很美味而令至我非飲完不可呢..炒蛋不過不失, 但沒什麼香味, 不過沒有炒至全熟是讚的, 可惜那個餐包十分過份, 完全是冷冰冰的, 真的是有冰感的, 太不像樣有傳統茶餐廰味道的沙嗲牛肉, 終於似樣了, 有沙茶香, 牛肉片亦彈牙, 不過不夠熱, 通粉沒出錯, 軟硬剛好

今日好想食沙嗲牛肉麵，一諗就諗到黎金鳳😋朋友話：地溝油wo！so? 之前長期響大陸做野既我已經成肚係😂只要好食就算啦😅今日叫左午餐$37 （加牛油$3，凍飲$2）一般茶餐廳邊有咁大份呀？先黎大大個菠蘿油，個「菠蘿」位又香又脆，個包雖然唔係好熱，但都暖暖地加埋舊牛油岩岩好慢慢溶佢😋正到呢（半夜打呢篇野諗起好痛苦，好想食😢），之後沙嗲牛麵就到，一大堆牛肉好入味，又唔會好咸，平時果d會咸到好口渴，呢道唔會，不過個麵有d煮過龍，好冧，咁唔得，下次叫意粉😅其實食左大半菠蘿油已經飽飽地，食埋個麵都飽左7成，忽然醒起仲有2隻煎蛋（今日想食太陽蛋，但炒蛋係好食d既）真係好大堆頭既午餐，我本身係想叫奶茶，但一日冇杯凍檸茶落肚唔自在，下次再飲👍

金鳳茶餐的確出色，沙爹牛肉麵味道濃郁多汁，麵不黏之餘還十分彈牙。最出色的莫過於菠蘿油，菠蘿皮之鬆脆，一試難忘。麵包的熱力將牛油融化，只咬一口便有鬆脆和香滑的感覺。還有凍奶茶也相當出色，餐廳將奶茶雪凍而不會加冰，故奶茶的味道不會被溝淡。奶和茶的比例還算可以接受，但這個不加冰的做法相當值得嘉許。

若咖啡是cafe的靈魂，那麼港式茶餐廳/冰室私靈魂必定是奶茶。來到港式茶餐廳/冰室，一杯奶茶即使不是成敗的關鍵，也是判斷水準高低的其中一個標準，說不定還是維持餐廳生意的「靈丹炒藥」。〈金鳳茶餐廳〉的「無冰凍奶茶」正好為餐廳挽回分數。早聞常現人龍，特意挑選星期五兩時正，午飯過後的時間，不用等位，坐下選了一個常餐，包括沙爹鮮牛肉通粉、前雙蛋、波蘿包及無冰凍奶茶。沙爹牛肉通粉：份量不算太多，正常男生應該覺得剛剛好。沙爹味不算香濃，反而帶點甜味，醬汁濃稠，撈勻後卻因湯水太多而變得乏味，未見突出。煎雙蛋：連同波蘿包一起上碟，我明白小店節省清洗碗碟的特色，但當煎雙蛋的鹹味、波蘿包的甜味互相影響，實在難言美味。加上煎雙蛋有陣陣燶味，建議還是配奄列較好。菠蘿包：菠蘿包是這裡另一皇牌，但與幾間出色的冰室相比，如金華，這裡的菠蘿包偏凍，脆皮香脆度一般，質感尚算香軟，水準中規中矩。無冰凍奶茶：整個常餐就是靠這杯無冰凍奶茶「護駕」，下單後，待應已經快速地在我旁邊，從膠桶中倒出奶茶，看似不甚雅觀，但味道卻出奇地好。沒有冰的凍奶茶已經是噱頭，喝一口後，味道偏甜，奶味略重，但之後感到茶味回甘，瀰漫口腔。加上沒有冰的

考試接近，想relax下，約咗同學食早餐，吹下水，盡量揾啲舊式茶餐廳，貪佢有feel啲，食下嗰環境。由於去到已经十一點半，唔洗等直接入去，無得再叫早餐，見佢常餐同早餐一樣價錢，一樣嘢食，就見咗兩份常餐D。1.食物一份叫咗五香通，一份叫沙爹牛意，一杯凍啡，一杯茶走，兩個都加錢食菠蘿油。唔夠兩分鐘，已經到哂，真係快到一個點。可惜食第一啖意粉，已經覺得中伏，啲意粉好似一碗啫喱，變咗一條條咁，嗰湯淡到喊，如果無沙爹汁，直頭可以即刻俾返佢。至於嗰五香通，嗰湯一樣淡到喊，通粉又係煮到勁爛。嗰菠蘿油外皮都夠鬆，内裏都好鬆軟,都唔會係一定要讚囉。2.飲品基於我對飲品無乜要求，奶茶只要有奶味都接受到，不過不失啦。3.總結如果佢肯上心啲，唔好咁求其，就算等幾耐都有人食，價錢嚟講唔會話"嘩！真係好抵食喎"咁囉，只等説食環境就一定有，就好嘢就麻麻啦。

行街路過, 買少少嘢邊行邊食凍奶茶 ($18): 原杯雪凍無加冰, 夠茶味, 甜度算適中; 個人覺得只係普通港式茶餐廳奶茶味, 唔加冰保原味亦唔係得佢至有雞批 ($10): 雖然批皮夠牛油味, 但皮厚餡少, 個人覺得有D 失望因為整體食味普通, 行開街幫襯下無妨, 唔會專登走去食

一早起身去書展的一天，趁著時間尚早，特地來這間口碑不差的港式茶餐廳食早餐。來到的時候，正是上午八時多，最多人吃完早餐上班的時候，茶餐廳內幾近座無虛設，我只能勉強找到一個單人卡位食早餐，感覺並不太好。叫的是店中有名的「雞批」和「無冰凍奶茶」。「無冰凍奶茶」是好的，有茶味得來不會太甜，因為沒有加冰，所以也不會愈喝愈淡。但「雞批」卻沒有想像中好，一來不夠熱，二來批皮雖然鬆化，但鬆化程度不算十分高，而且味道也不是特別出色。相比起自己較常吃到的，位於旺角的「康年餐廳」的「雞批」，我就覺得「康年」的出品更勝一籌了。

 見呢間出面有人排隊, 以為應該唔錯,就試下啦 雞批,無乜特別 雪菜肉絲麵,D湯凍地咁, 面浮的, 火腿庵列,好鞋一d都唔得香滑, 自己炒蛋好過佢幾百倍,波羅油,包凍唔在講..仲完全唔脆,中間夾塊油..唔明點解要排隊.