金鳳茶餐廳

营业中

休息中

約咗朋友系附近買野，2個人霖住隨便系街食D，首先位置係方便，就系路邊，都系排隊。排隊嘅時候，聽前面2個人講，NEE間蔡瀾食過推薦，我都唔知添。睇來蔡瀾真系帶旺好多餐廳。排左15分鐘左右，其實裡面都系唔大。Waiter態度唔算熱情。order個早餐B同C餐，（$35）普通午餐肉，雪菜肉絲粉，D粉就好似影相甘，無咩味，AND比較硬，人多泡一下就撈上來？唔知道了。菠蘿包雞蛋加奶茶。菠蘿包D酥皮，太厚，所以烤得唔脆，就系甜地，有D軟，菠蘿包唔系剛剛出爐，已經唔熱。奶茶就系奶茶，就系奶茶咯，無驚喜。總來講，就系SOSO，無驚喜，就系填飽下肚。

午餐(菠蘿包＋火腿奄列＋雞絲意粉)菠蘿包微暖，個包好軟熟，密度高，不是空心包，表層好脆！如果是新鮮出爐更好！奄列好厚，也不會油膩！可是意粉湯底淡如水！意粉好淋，而且大多意粉斷了，碎濕濕的！奶茶茶底都幾濃郁也滑口！雖然餐廳人來人往，卻沒有催促感！蛋撻不斷出爐，香氣撲鼻，有機會要試試！

好耐無早起身去飲過早茶喇，今日就做下孝順女同阿爸媽佢地去飯茶啦，佢地中意去D比較懷舊嘅茶餐廳，咁就同佢地去金鳳飲茶啦，早上比較早一般無咩人，再遲少少就要排隊，我地去到剛好有位。西多士覺得以前覺得幾好食，但今次覺得煎得太面耐喇，過左火候，口感變差左。嚟呢度一定要試下奶茶出品，連蔡瀾都話正，聞到好香，飲落試到好濃嘅茶味，又滑，佢呢度凍奶茶唔加冰塊，唔會整淡D奶茶味，比較用心去做，好香醇，一定唔好錯過。呢度嘅蛋撻唔同其他店嘅皮咁脆，但好酥，蛋液整得好滑，有奶香味，我都好中意呢度嘅蛋撻，唔錯。嚟茶餐廳梗系唔少得菠蘿油喇，剛剛出爐趁熱食最好食，包身做得好松軟，酥皮做得好香脆，加上新鮮牛油，簡直系一大享受，不過我就怕肥，一般唔加牛油，感覺就差少少。

雖然去過好多好高級噶餐廳，不過我都係鐘意茶餐廳噶氛圍多啲，可能呢度啲野食比唔上啲山珍海味，魚翅鮑魚，不過香港噶茶餐廳文化仲係非常濃厚噶。所以今日專登嚟感受以下。雞批，茶餐廳必備之一，幾乎每次嚟食早餐都會點，外面係又酥又脆噶外皮，再加埋入面包住非常鮮嫩多汁噶雞肉，而且雞肉同啲汁一齊腌得好入味，令到成個雞批噶味道提升咗一個層次。食完雞批，當然唔少得嚟翻杯絲襪奶茶啦。茶同奶噶比例啱啱好，聞落去好香，飲一啖好滑，甜度適中，而且奶同茶噶味道都非常濃郁。之後再嚟翻幾隻蛋撻，蛋撻焗到金黃金黃色，色澤均勻好靚，而且外層酥脆，入面噶蛋嫩滑，入口即溶。菠蘿包噶分量好重，不過可能因為唔係啱啱出爐，唔夠鬆軟，不過酥皮都係好好食噶

有廣州同事過左嚟香港總公司做嘢，佢話叫一定要帶佢試下香港本地嘅特色小食，香港茶餐廳最多，咁就決定帶佢去茶餐廳啦，去茶餐廳就梗系要食菠蘿油同絲襪奶茶啦，就近比較出名就帶佢去金鳳，一間唔起眼嘅老字號。蛋撻我同事話好好食，我都覺得OK，蛋液做得好滑，烤得時間又控制得好，皮做得好松，又層層松脆，又唔系好甜，食完一個都唔覺得膩。牛油菠蘿包，嚟呢度一定要試呢個啊，菠蘿包做得好好食，酥皮焗得剛剛好，香脆，包身又松軟，中間夾一塊牛油，同面包一起食，濃郁嘅牛油加菠蘿包，系一種享受。茶餐廳梗系唔少得奶茶喇，凍奶茶，茶味濃奶香醇，好香滑，適度適中，好好飲，嚟嘅朋友仔一定要試下絲襪奶茶，正。

記得之前在湾仔返工時常會來這裏食lunch,自從去了中環返工已經沒有幫襯喇，今天利用一小時嘅lunch時間坐電車去拜訪我非常掛住嘅金鳳，因為lunch時間門口已經有長長嘅人龍，我已經沒有時間等喇，所以就買了十八個推介之一嘅雞批，好野梗係要同同事一齊分享啦，同事食完當然讚不絕口外表同其他雞批沒甚麼分別，但食落皮很鬆化，滿滿嘅牛油味，內裏還有汁，一d都唔乾，正

以前在灣仔讀書的時候,常常會到金鳳食Lunch,而今日因為工作關係恰巧來到春園街,便來會它一會。這杯便是吸引我到來的無冰奶茶，茶不是非常濃，但奶跟茶的比例好，入口順滑充滿茶香。因為無加冰既源故，奶茶的味道沒有被沖淡，保留左奶茶既奶香同茶香。 奄列方面做得較出色，由於即Order即煮的關係，奄列夠晒新鮮，奄列入面有很多火腿絲，蛋皮邊位置煎得很香脆，一咬入面既蛋漿就會溢出，非常滋味。另外叫左五香肉丁烏冬，沒有太大驚喜，烏冬太過淋，五香肉丁就是一般五香肉丁罐頭的味道。最失望是菠蘿包，包是凍身的，菠蘿皮層既不脆亦不夠酥，麵包亦比較黏口，估計出爐一段時間。鋪頭方面，唔算寬敞，唔好預會坐得舒服，不過都係香港茶餐廳特色之一!

光顧了多年的茶餐廳，每逢外地友人來港必定極力推介的茶餐廳... 到底發生了什麼事😭以前途經灣仔，不論飽或餓，有空的話必定會繞路入春園街，到金鳳外賣凍奶茶及菠蘿油。蘭芳園的凍奶茶早就淪陷，而金鳳的卻屹立不倒。至於菠蘿油更是本人至愛，熱呼呼的舊式菠蘿包，拿在手裡有一定的重量及實在感，絕不是現時偷工減料的麵包店可以比擬，而內裡夾著冰冷的咸牛油，內心高呼膽固醇萬歲！今天興高采烈帶女朋友嚐一嚐心愛的菠蘿油，外加了凍奶茶、雞批及湯意粉... 此時，女朋友查一查openrice，說金鳳很久沒有正評，全都是什麼水準大跌... 一個字：我唔信邪！湯意粉先來，意粉發水發得厲害，湯不知是湯還是水，絕對是失敗中的失敗，但我沒有放在心內。我重視的是菠蘿油，我的熱呼呼菠蘿油！當它上來的時候，我指尖一觸，冷的... 不是牛油，而是菠蘿油的本身，我的心隨即下沈... 但我安慰自己可能不是新鮮出爐而已。當我拿它起來，熟悉的重量感沒有了，只剩下輕飄飄的麵包，我絕望了... 咬了一口，牛油沒有變，菠蘿包已經不是我認識的菠蘿包，我心目中的金鳳不會做出這種下等的空氣包... 想哭... 但我還是把它吃完，作為最後對金鳳的訣別。

金鳳茶餐廳 @灣仔午餐set(3.5/10)($38)#金鳳 係一間遠近馳名既#茶記. 😂😂，以前細細個食既時候真係覺得好好食😍😍，由其個菠蘿油特別好味😜。但今次食番，真係可以用#垃圾 黎形容😒😒😒😒😒😒。#菠蘿油 一啲面都唔脆😒，感覺似放左好耐，然後麵包一啲都唔鬆軟，真係唔好食😂，隨便搵間麵包舖都好食過佢。點解差左咁多，好差好差。然後，五香肉丁麵又係唔好食，極少湯😁，一間咁出名茶記搞到咁真係好失敗😂。#奄列 #奶茶 都只係普通。真係唔建議去食啦。地址：灣仔春園街41號春園大廈地下

呢間金鳳茶餐廳，系同事話嚟既，距話太餓了，唔想行咁遠穩嘢食，求其食D嘢！！見距好似咁急住食嘢，無理由叫距就我架，唯有我就就距啦。 呢個老式茶餐廳D嘢可以下既，附近都幾多人光顧，不過我地好彩D，唔使等位。一入嚟就聞到D面包味，都系新鮮出爐，好鬼香啊，搞到我同事餓到流曬口水！！嚟呢度食，一入門口就知叫距新鮮出爐既正啦，所以我其他嘢都無乜點。呢個面，真系再普通不過，就系D醬好小小。呢度既奶茶就夠香濃又滑，份量夠足，慢慢飲系一種享受。菠蘿油新鮮出爐，香到飛起，同事兩下搞掂一只，睇嚟距真系好餓！叫左份蛋撻，外皮都幾正既，不過最衰比D蛋影衰左，D蛋唔夠滑，唔夠香，估計系D蛋唔夠新鮮！！成餐野比距影響曬！

今日同阿P拍拖，去重建後的利東街參觀一吓。逛完後，阿P帶我去隔離的春園街吃茶餐。雖然我係港島人，但這是我第一次拜訪金鳳這遠近馳名的茶記(於1956年開業)，真是有點慚愧。店子細小，食客超多，好彩我們只等了3公鐘便有位，仲要係卡位...食物由阿P發板，他點了最出名的凍奶茶。聽聞金鳳的奶茶是用金玫瑰紅茶配Lipton錫蘭紅茶，唔怪得茶味可以這樣濃；淡奶採用荷蘭黑白奶。金鳳的凍奶茶是不會加冰的，可以說是無冰奶茶的始祖。熱奶茶相對沒凍奶茶出色。雞批是這裡的必食pastry，我們剛巧碰到新鮮出爐的時間，所以雞批上枱時非常燙手。雞批的批皮牛油味極重，非常鬆化，基本上只需輕輕一碰，這批皮會散開，所以吃金鳳的雞批，必須極温柔。菠蘿包亦是名物之一，我們沒加牛油，因為要留肚吃晚飯。菠蘿包微暖，酥皮好脆，size好大，包身有點乾，我諗加牛油應該會好味啲。埋單$51元，環境算乾淨企理。服務態度OK喎，起碼無不奈煩。

好耐冇食過就黎食下啦！先黎個波蘿油+奄列，一定係唔怕肥既選擇呀！新鮮熱辣既波蘿油最好食😌😌下面份奄列好鬼大份👍🏼👍🏼👍🏼👍🏼再黎個肉丁麵😆肉丁都幾多下架！肉丁同公仔麵係最夾既，由細食到大，始終鐘意佢！

點解個菠蘿油會變成感. 個面濃曬... 咬落去一D都唔鬆軟.. 好似無曬D豬油味... 點解會感架！諗番轉頭，個肉丁公仔面好似好「淋」，杯奶茶只有奶味，個茶底唔同左.. 食完完全無茶餐廳的感覺。我真係唔敢試雞批 /蛋達 /同熱奶茶... 好唔開心... 真係好唔開心... 究竟係我變左... 定係它變左...

So I got these pineapple buns to go the other day and when I ate it the next day, I noticed that the bun was much denser than before while the pineapple crust was thinner. The buns used to be really good here but seemed like something changed in the formula?

我唔係睇食評話好食就去試嘅人，不過之前聽同事講到好好食，今日經過，即管試試，嘩！啲麵又凍又乾又硬，菠蘿包又係又凍又硬，奄列同杯茶只係普通質素，我一向食嘢要求唔高，唔係太差，食得飽就算，但呢度實在難食，只係唔想浪費食物，先夾硬食埋個麵，其實真係覺得難以入口，唔會再去。