金鳳大餐廳 (D2 Place TWO)

营业中

休息中

今日放假偷閑去下午茶，路過馳名的金鳳，決定入去食個茶餐。佢個茶餐都幾誇張，有成A至O 15個選擇，真係眼花撩亂。老老實實，其實我未食晏，心思思諗緊食意粉類定係鋸個扒，點知突然之間掃個餐牌到落尾，竟然見到我最愛嘅心太軟😍，大佬呀包埋嘢飲只係$35 ！我冇可能唔叫嚟食囉！我都知呢個甜品係需時製作的，所以我一邊扮文青睇下書，一邊耐心等候。終於嚟啦，劏開個朱古力蛋糕，啲朱古力湧出嚟，真係好療癒☺️。然後我再慢慢嘆埋杯嘢飲繼續扮文青！我真係好想講，平日嚟親都人山人海嘅金鳳，估唔到除咗鋸扒好味，佢嘅下午茶都咁正，既多選擇又抵食。下次會再嚟！👍🏻👍🏻👍🏻

一心諗住到D2 Place影下飄雪 點知去到已經夠鐘 冇得睇了☹️ 唯有係個商場到睇下有咩好食！ 兜下兜下 傳來一陣陣既香味 原來係係金鳳大餐廳傳來的！ 又一次被佢深深咁吸引住 上到要等位 都幾多人食下！等左大約5分鐘就有位了！被安排坐普通位 因為湊住小朋友 有點不方便呢！環境都幾舒適，可惜服務同食物都麻麻。服務方面：眼見剛剛有張卡位，就問侍應可唔可以調過去坐 得到既竟然係嫌你麻煩 即黑你面 仲大大聲同第二個侍應講 佢地要調過去”喎”想點？？？野食黎到 個鐵板竟然可以唔熱既！淋汁上去既時候一啲聲都冇😡 格離枱果啲就sasa 聲 唉，搞到一啲feel都冇！另外加左個淨意粉，食落同橡筋冇分別 點解可以咁差☹️好失望😞下次都係去返最原先果間食罷了！

大大塊鐵板牛扒餐荔枝角岀名美食多今日同朋友去左位於D2 place既金鳳大餐廳呢間鋪頭平時都好多人排隊等左大約二十分鐘就入座呢度主打菜式係鐵板牛扒餐咁我就叫咗個西冷牛扒鐵板七成熟而我朋友就叫咗個什扒鐵板餐晚餐呢就會包括一碗湯，牛油餐包同飲品咁我地就叫左一紅一白湯落左單5分鐘左右就送上牛油餐包同新鮮熱辣既湯羅宋湯配料都幾豐富，味道都幾濃郁唔似其他餐廳d湯咁稀飲落係稠身同濃郁而白湯就係蘑菇忌廉湯味道都係好濃郁，好creamy 整得幾好飲！因為呢度上菜都比較快飲湯飲到一半佢地已經送上鐵板餐我個西冷牛扒到啦淋黑椒汁之後我就開始食啦呢塊西冷牛扒肉質鬆軟切落同埋食落都唔會有筋加上好Juicy嘅黑椒汁口感都幾豐富西冷牛扒下邊有一啲薯菜薯條就比較林其他航同菜味道都ok而我朋友食嗰個什扒餐有豬扒，牛扒，兩隻雞翼，腸仔同埋火腿呢個餐好適合一啲食極都唔飽嘅人超多肉！豬扒味道都幾入味口感都幾鬆軟，肉質唔會好鞋雞翼同火腿肉質都OK而牛扒係一塊薄身嘅牛扒食完呢個什扒餐包你一定話飽！最後埋單兩人200蚊呢間餐廳雖然每次都好多人但當你好肚餓嗰陣你就可以喺度食得好飽！

十多年來保持一貫水準 性價比非常高 食品質素保持 超水準水平 雖然地方狹窄 每日都要排隊 但係好嘢自不然 多人 幫襯唯一唔同咗 就係以前加蒜蓉嘅份量會比依家多 其他嘢就冇得挑剔㗎啦以前 水吧嘅出品係完全唔得嘅 近幾年都已經完全改善埋呢個問題 好多人比較過 喺呢間分店嘅出品係會最好但我個人認為冇乜分別 相反嚟講山林道嘅分店會坐得比較舒服啲 起碼 食完行出門口唔會成身油煙味 當然呢間舖 歷史比較悠久 裝修一定冇咁 輝煌總括嚟講 性價比 絕對可以令你 一試再試 做忠實客戶

幾次行過呢間餐廳都好多人幫襯，同商場嘅人流成反比。開業以來未試過，今日專程來吃個下午茶。下午茶選擇都算多，但價錢就偏貴，最平多士都要廿八蚊，一般都要四拾幾伍拾，媲美午餐嘅價錢。點咗個吉列豬排配朱古力西多士半份＆ 吉列魚柳配朱古力西多士半份豬扒和魚柳都炸得好香脆，皮好薄唔會食到成口脆漿和油，豬扒夠淋味道似曾相識，應該係用咗美極調味！可惜塊魚枊超細，size 比隻叉大小小。🤨整體嚟講食物質素唔錯，價格貴咗少少！

我熊貓一向鍾意食牛，今日就為大家介紹金鳳。呢間金鳳位於D2，去開呢頭嘅朋友，都知道其實附近有好多嘢食。但係因為熊貓糧尾關係，只能夠食啲經濟嘅嘢食。所以選擇咗金鳳。首先介紹餐湯，熊貓就揀咗羅宋湯。呢個湯味道普普通通，冇乜特別。主菜方面我就食牛扒。以呢個價錢黎計，呢個牛扒幾好食。而且佢分量十足，適合好似我呢啲嘅大胃王。如果大家係呢頭，想搵啲性價比高嘅餐廳，我就推薦呢間。不過提提大家，通常七點之後，就好多人等位。所以建議大家早啲嚟。

去開荔枝角D2做嘢，見到新開左呢間金鳳大餐廳，門口都有啲人等下，就滿懷期待咁試下佢啦～點知結果係……😅 我地分別叫左 1.西冷牛扒(上) 2.蘇格蘭牛扒(下) 配黑椒汁 五成熟.🌟份量十足，我地叫嘅兩款牛扒都接近2cm厚👍同埋好大塊~$9x(未計加一)黎講係抵食嘅~但大塊係咪等於好食呢？請睇埋落去……🌟叫扒類係會自動跟餐嘅，有餐包餐湯同餐飲，餐湯有紅湯白湯可選，味道都唔錯。餐包似係用焗爐焗熱，幾香幾好味，比起花園餐廳用微波爐叮熱好得多👍🔸比較之下，蘇格蘭牛扒比較有牛味，雖然肉質都焾，但西冷會比佢更焾身，而相對地西冷嘅肉味亦都淡啲💢雖然話係預左食港式豉油西餐，但呢度醃肉嘅調味料真係太重手，食第一啖已經感覺太重味，好想飲水，餐飲都未上就已經忍唔住要叫左先😥因為真係好鹹好鹹好鹹! #重要的事要講三次💢其實仲食得出佢應該落左好多鬆肉粉，得個焾字，正常一塊牛扒唔會咁焾💢服務唔掂，我地個餐湯同餐包只係食左少少，已經急住上塊扒，大佬呀你張枱又細，成堆嘢係張枱度仲要淋鐵板汁，變相要避開啲汁彈上黎時又飲唔到湯😒 呢個服務連花園餐廳都做得好過佢啦～💢都係講服務，其實真係無咩服務可言，餐廳裡面都好嘈下，落

之前聽屋企人話呢間好出名，好多人食，藉住今日咁肚餓未食lunch, 就試一試佢個下午茶! 先黎左餐飲先，朋友叫左阿華田，味道正常，唔淡唔濃，但係我叫嗰杯咖啡就有啲失望 唔知係太多奶定唔夠咖啡，總之飲左=飲水咁，冇味嘅 之後就先上西冷扒餐 ($52)，可以揀配飯/意粉/薯格，最後揀左薯格，份量都唔算細，相比起出面某啲地方塊扒已經偏大，試左一舊，肉質都唔錯，都幾軟身。我就叫左迷你芝士焗肉醬意粉 ($40)，唔知係咪我太肚餓，覺得好好味! 肉醬就偏甜，不過個人接受到，幾好食，仲要一啲都唔少，有時好怕會意粉多過醬... 份量都算適中，啱啱好 整體黎講，其實食物係唔差嘅，係杯咖啡有啲失望囉....

男朋友公司在荔枝角, 早2日因為我在太子金鳳食過Lunch, send左相畀男朋友睇, 搞到佢心思思想食金鳳, 所以今晚就去左荔枝角搵佢, 去D2 Place食~咁呢, 其實佢係有set dinner嘅, 但set dinner就唔係鐵板上的~所以我地冇叫~  我地2個都叫左鐵板蘇格蘭牛扒餐~(@$93)其實之前問過, 蘇格蘭牛扒, 姐係肉眼扒~ 肉眼扒會比西冷扒林滑D, 當然要再進一級, 就係牛柳了~首先來嘅係牛油餐包~ 暖, 軟身~ 好食~!餐湯~ 我地叫左一紅一白~ 個人認為就紅湯好飲D嘅~ 但白湯味道都可以的~蘇格蘭牛扒餐配蒜蓉汁  加蒜蓉 ($95)呢個係我嘅, 我要左蒜蓉汁, 再加左$2要加蒜蓉~識食當然要加蒜蓉!!! 蒜泥加埋牛扒一齊食! 好好食!直程係有種食緊蒜泥白肉嘅感覺! 當然個肉而家變左牛扒~但個人認為真係好好味, 咁樣食好似仲感覺冇咁膩添。蒜蓉汁有少少甜甜地~ 好食!鐵板上左枱佢先會淋汁, 鐵板超熱的~要小心唔好掂到!然後你要打開塊餐紙, 擋住~ 記得要擋好呀!上次我試過坐風口, 張餐紙噝擋汁時吹起左, 搞到D衫污糟左牛扒佢真係整得好靚,  我叫5成熟的~ 牛肉

今晚我們第一次來到這家D2Two金鳳餐廳。本懷着興奮的心情前來吃，卻換來一肚氣。首先:佢同食客嘈，話我地走開咗約十張，才回來要我地重新排過。由本來7:30取飛，最後9:10才有枱！之後，終於等到有枱佢地職員開始輪住玩野: 先是要求唔準我地先坐低睇餐牌，竟然說公司規矩要set好所有餐具才可入坐。其實職员只顧忙着其set好4 份餐貝，只剩下2份餐具久久未放好，要老人家和小孩再久等多。跟着我地要白湯，卻沒有白湯。但其他遲來的其他客一早已喝緊白湯我地叫嘅鐵板餐遲遲到未上，眼見遲來嘅幾枱客全都上餐，但我地未有要雜扒餐又被職員弄跌咗落地由於佢地serve 得太慢，攪到我地只用30分鐘便說要打烊。嘩！我地貼錢買難受！真係唔會再去！

香港的廣東人去餐廳吃牛扒、豬扒都會稱之為“鋸扒”，而港式鋸扒亦有別於洋人的做法，除了淋上濃稠的醬汁及蒜泥外，較豪華的會以燒熱的鐵板上菜，在送到客前時才淋上醬汁，讓醬汁接觸高溫的鐵板時發出滋滋聲響，同時產生大量蒸汽和肉香散發到四周，何其壯觀啊！香港屹立至今的懷舊港式鋸扒西餐廳有太子金鳳、深水埗飛鷹、灣仔波士頓等，若論九龍區平民扒房的始祖就非金鳳大餐廳莫屬。金鳳創立於1969年，迄立了半世紀，由人稱「阿叔牛扒大王」的林先生主理，以人人食得起的港式扒餐和平價鐵板餐作招徠。近五、六年阿叔已很少在太子總店打躉，目前由他兩位女兒打理。這段時間金鳳積極在香港和廣東中山開設數間分店，而最新的分店是位於荔枝角D2 Place之中。金鳳荔枝角D2 Place分店於2018年2月6日隆重開幕，環境雖然沒有總店那麼懷舊，店內面積不算大，有些枱放置橫跨店內店外，但勝在環境乾淨，加上商場內環境好又有冷氣，等位時也比較舒服。餐牌亦新增多款升級版新品，有美國安格斯牛扒、鐵板鮑魚/帶子牛扒、活藍青口扁意粉、炸脆薯格、巨形懷舊香蕉船等，迎合年青一輩客人口味。每晚都有人龍等候入座，人氣很高。(文章介紹：金鳳大餐廳太子總店

週末來食午餐，好多客人，好在我地一去到就有位坐，而且俾左個4人位我地2個人坐，真係坐得好舒服!不過後來發現出面要等位....白湯有磨成粒粒的蘑菇，味道好濃郁紅湯少少辣，多多菜，都唔錯。不過本人少少辣都食唔到，所以飲左一啖就無飲到。呢個炸魚扒真係有驚喜!唔係龍脷柳，但我又食唔出係咩魚，比龍脷柳好好多，無咁“淋”，多多肉，無魚腥味，但就有少少“鞋”。佢上面那個有少少綠色的蘆筍汁好淡，食唔到有味。牛扒超好食，入口即融咁濟，好“淋”，份量都剛剛好。

本來就因為去開荔枝角，想試新野，所以簡左e間…但由等位到埋單，整餐晚飯都令我黑哂面，真心唔推薦。等位…好吧，公平d講香港人那有一天不等位？我6點半去到，5個人食，等位就一定，今咪等囉…但等位還等位，越等就覺得越有問題，點解叫極都係2/3/4人台既呢？仔細一睇，間餐廳明明有6人台，但都拆哂做2/3/4人台坐，即使係迫埋一齊既6人台，都要硬塞d 2/3/4人入去，變左多過5人既台就點叫都叫唔到…姐係我食今多間餐廳，我明白2/3/4人台因為比例上佔得多，而且食得快，所以好快可以食完走一台，從商業角度睇係冇問題既，但有冇必要刻意將d大台拆做細台坐？仲要當時應該仲有2-3台大台等緊？都算啦，咪繼續等囉，但問題又黎啦，行去問個叫飛既仲有幾耐，佢既答覆係“我有張拍牆既4人卡位你坐唔坐？”…其實係我講得唔清楚定係佢唔識數目字？都唔好話坐唔坐到，冇咪冇囉，你咪直接答我冇台要等囉，答咩野拍牆4人卡位姐你？哎，未入去食飯都已經嘔緊血，但鬼叫同行既人唔想轉咩咪唯有繼續等lo好啦，終於等到入去啦，叫完野食，上菜速度最好，但d野食飲品，由味道到口感，可以話係極品…今我就叫左個紅湯(羅宋湯)+鐵板西冷+凍檸水個湯…

這次去的是位於D2 place的金鳳大餐廳，商場裡環境更好。🔸黑椒汁蒜蓉牛柳餐金鳳的套餐配有餐包、餐湯和餐飲。而這間的蒜蓉牛柳真的很推介，牛柳很厚身和有滿滿的肉汁，加蒜蓉要另外加兩蚊，兩者加起來好好吃😋加了蒜蓉之後更香口～是港式扒房的味道～而底下的薯菜就有點油膩，都吸光了油，一個牛柳餐就很滿足了😊

果日白天同小朋友們，參觀駐香港部隊開放日！上周參觀完部隊表演，坐小巴44號到金鳳餐廳食鋸扒！我點左三份午餐，一份A餐蒜容牛仔扒餐，可能係快餐汁有D咸！牛仔扒有的硬身！咬唔動，我有的小失望😞！不過後面的C餐焗烤豬排飯，唔記得影相加上濃濃的芝士！仔仔食過時仲拉的好長！好濃的芝士味！孩子們的評價非常好味，我有試少少，味道加分！還有一道西冷牛扒餐，我要了五分熟！肉質鮮嫩多汁，咬落去口感很喜歡💕！其實我以前經常去太子果邊食金鳳，我都算係佢地個粉絲啦！