金鳳大餐廳 (D2 Place TWO)

营业中

休息中

家住尖沙咀，金鳳真係由細食到大，係荔枝角做野幾年，都係同事講開先知。原來平時3點就轉下午茶，嗌左個下午茶m餐 扒飯或意粉，最終嗌左扒飯，問左姐姐可唔可以轉汁，姐姐話要加錢，再問佢要加幾錢，佢居然話唔好轉喇 麻鬼煩，嘩，咩態度。我唔怕俾錢，鋪頭居然驚麻煩😡好喇，朋友西多一到，佢即擺上台，問都唔問邊位，大佬我一行成9個人，態度好少少好嗎？最尾我個餐黎到，扒飯d飯凍既..我跟住搵侍應，佢地企埋晒一邊掛住吹水，都望cashier個客企左好耐都無人理佢，我雖有厚面皮大嗌唔該，個姐姐黑晒面過黎，一黎問我想點？真係不知所謂既態度，搞錯！絕對無下次,服務態度超級超級差！

路過肚餓揾嘢食，見到冇乜人排隊，環境又乾淨，於是便諗住試下。點了牛扒午餐，羅宋湯和餐包都可以，羅宋湯夠濃，餐包係和暖和少少脆口，感覺良好，但個牛扒👎🏻👎🏻👎🏻👎🏻，首先我叫佢汁另上，到上桌時D汁淋哂上面，於是叫佢換個份，好快第二份上桌，但係結果令我再次失望，因為塊扒煮成差不多只有3成熟，其實我都可以食到比較生的牛扒，但係因為太多根，切都切唔到！！！全份扒只可以切到少少食，最後我都係放棄唔食了。

之前都有聽過金鳳，知道喺荔枝角道近太子有分店，但可能係舊式餐廳，本人又不太喜愛食肉，所以冇試過。今次陪爸爸食，星期日七點左右都多人，等左四十分鐘左右。內部裝修都幾靚，有舊式餐廳既感覺再帶點modern我揀左西冷牛扒，記得加蒜蓉！好味好多！餐湯揀左紅湯。不過不失。到左扒既時候！好大好厚！肉質幾好，冇雪味。我揀左七成熟，口感幾好。而且鐵板夠熱，蒜蓉汁好濃不過味精重左d，我番到屋企好口渴總括而言，都算幾好，值得一試。

每次走過金鳳都見有好多客人,可能價錢比附近餐廳便宜吧,我本人就不是太喜歡它的牛扒質感,所以今次點了雞扒,個汁忘記了是甚麼汁,但酸酸甜甜,幾醒胃,又有餐湯,餐包,凍飲不用加錢,只係需要50元,真係ㄧ個字形容·········平........

一直有幫襯開太子的金鳳大餐廳，睇到店內 poster 宣傳新開張的，位於荔枝角 D2 Two 商場的分店，看到門口那色彩繽紛的霓虹燈大招牌及懷舊風格的裝修已經覺得好吸引，決定一定要去試一試。我同友人各點了一個晚市套餐，餐包送上來的時候仲係暖笠笠，搽了牛油之後好香口。我地點了白湯－周打魚湯，湯身好濃，入面有魚肉同西芹粒。主菜方面，第一個餐是牛扒+帶子。牛扒大大塊又夠厚，帶子都屬於幾厚身，味道一貫金鳳的水準，只是換了新包裝而已。西冷牛扒，又係好厚身，食完之後好飽。總括來講，新店比太子店坐得舒服，食物質素相約。

好友生日 本來book左日本菜同佢慶生點知佢同我講佢想喺屋企樓下呢間新開嘅港式扒房据扒我當然答應佢啦呢一到基本上所有鐵板餐都係配餐包餐湯同餐飲其實價錢都係平過＄150以下份量其實都唔少我自己個人就覺得非常抵食我哋兩個都叫咗羅宋湯羅宋湯嘅味道偏酸我覺得幾好飲而我就叫咗一個雞扒餐兩大塊雞扒配薯菜雞扒上仲有一大pat蒜蓉其實我自己其實好鍾意食蒜但覺得真係 多得滯雞扒嘅皮幾香口而肉質都算幾滑而朋友叫咗個美國安格斯肉眼我哋問點解唔係鐵板上佢就解釋原來呢一款牛比較靚為咗唔好影響肉質所以就係木板上我哋叫咗六成熟但切咗出嚟感覺似得三成熟但最重要一樣野中間個心完全係凍嘅我哋同班侍應講侍應就幫我地轉咗做鐵板都算一個好好嘅服務我自己覺得呢一度就中規中矩略嫌鐵板有一啲細如果大塊少少應該會更加好🤔

知道屋企附近開左金鳳大餐廳想去食好耐～Lunch 去過幾次都勁多人等位～見佢有set lunch都係大約$60～都好抵食～但lunch先得一個鐘等得位黎應該食唔切所以冇食～終於夜晚黎試左～點知夜晚得餐牌野食冇set dinner~價錢貴一大截～叫左個美國安格斯肉眼扒～一心黎食港式鐵板餐既我見佢上檯居然唔係鐵板上～好失落冇得聽炸一聲將汁淋上鐵板既聲音！講番塊扒～冇經醃製～好香安格斯牛味～味道還可以～加埋d薯格～正！

Happy Friday 同同事lunch當然去食餐好。見d2 two開左金鳳，前排想去都好多人。今次我地一於早少少去拎位！今日等左10分鐘就有位了。我叫左荷蘭豬排午餐。餐湯叫左羅宋湯，一般既味道，都足料既。餐飽就正正常常，如果熱d會好d，飽面有少少硬。輪到主菜，荷蘭豬排配意粉。汁有些似洋蔥汁既味道，豬排就軟硬適中，都幾大塊，ok既。意粉都彈牙，整體都夠熱，如果個汁多少少會好d。飲品，叫左個谷古。童年回憶。但有少少淡，無以前飲開咁濃郁。裝修都幾有懷舊風味，間唔中食下都可以既

近來D2愈黎愈多新食店, 估唔到開左金鳳, 但見到食評都好兩極, 都無咩期望咁去試, 反而食出驚喜平日既6點半黎到, 只係坐左幾枱客, 不過愈坐就愈多人, 最後仲要等位, 其實D2咁多餐廳選擇, 係平日夜晚時段要等位都算幾巴閉XD今次叫左3個扒餐, 分別係雜扒, 西冷, 同牛柳，都係around $88，最後竟然係覺得雜扒ENCORE指數最高!一如既往, 每個餐會有餐湯同餐包, 個羅宋湯帶微辣, 好飲! 餐包都暖既!雜扒好大份, 豬扒出奇地好味,而且塊牛扒都唔差喎, 唔算太薄!而西冷同牛柳都好林, 西冷既牛味仲重D, 而2塊扒都係依舊咁大塊不過唯一爭咁少少既係, 塊鐵板唔夠熱, 所以D汁"咋"得唔夠澎湃味道黎講, 其實同舊店無咩分別, 咪就係港式鋸扒既味道~ 但係環境好乾淨企理, 坐得好舒服, 就算要等位都等得開心D!服務態度方面, 雖然有位詞不達意既叔叔令我地比較費解之外, 有位後生哥哥都幾友善, 見我倒唔到茄汁就幫我係咁CHOK

兒時常去長沙湾本店，今天去午餐， 叫咗個咖哩牛腩， 但係 un到不得了，啲牛腩咬都咬唔入，咖哩又冇咖哩味，一個午餐要80蚊， 另外又叫咗個三文魚意粉，个汁同其他扒餐蒜蓉汁係一模一樣，又係 80蚊，另外又叫咗個煎羊扒，肉好啲不過好多脂肪， 整體而言我覺得物不所值

以前一直以為金鳳只有太子那總店，沒想到原來已經再開了三間分店～之前有試過太子總店，味道不錯但太迫太大油煙味😅所以見到商場中的金鳳當然要試試啦～當更雖然是平日，但七點多仍然很多人，等位等了大約半小時，被安排坐梳化位，正不清楚餐牌價錢是否和總店一樣，但什扒也是$88，絕對是抵食👍🏻野菌牛柳餐 - 原來野菌是指汁 😅，另外蒜茸，依然大大塊又夠厚美式什扒餐 - 超豐富，豬扒及牛扒夠大及厚身，火腿也不是超薄那種，超飽羅宋湯 - 有少少辣坐得比總店舒服，不過平日8點後就不用等位，但味精頗重，食完超口渴 😅

放假帶埋2個小朋友一齊去公園玩，晚餐就來左D2 食扒。老公之前來過話好食.2000來到好多人等緊，晚餐時間就等下.大約40分鐘就可以入去.叫左2個西冷set,加一個薯格比小朋友食.其實如果有兒童餐都幾好🤔🤔餐湯：要左白湯，味道👌🏻，餐包熱辣辣好軟扒（7成熟）：鐘意食蒜可以加生蒜蓉.我老公就好鐘意呢個配搭.我就覺得太多（見老公加我又加）.....整體都好好味薯格：炸得香脆（配千島醬）最後想叫香蕉船甜品，但睇到人地個個，都係唔好😏😏超大份又靚😍😍老公話食唔晒唯有留反下來先試啦。

D2 two開了多間新食店，金鳳大餐廳是其中一間，每日一到lunch time, 餐廳外佈滿等位的人，經試食後，我相信人多的原因應該是價錢便宜，一個午餐，有麵包，餐湯，主菜和餐飲，也只是$58左右。以這樣的價錢來說，跟食物品質算是平衡，正所謂一分錢 一分貨。我跟同事各點了不同的餐，麵包只是普通餐包，沒有特別，但優點是有點熱，搽上牛油還是可以的。同事點了周打魚湯，她說這湯味道尚可，湯身夠濃，不過就太creamy, 魚肉只有幾粒，西芹粒反而多一些。我則點了羅宋湯，味道正是我喜歡的舊式餐廳味道，茄汁味濃，帶少許辣，湯內蔬菜豐富，最重要是夠熱。至於主菜各點了黑椒汁雞扒飯及蒜蓉汁牛扒意粉，牛扒明顯用梳打粉奄過，肉質林但沒有牛肉味，意粉口感還可以，至少不會一夾就斷。至於雞扒則太鹹，飯不夠熱😔餐飲叫了凍檸茶，茶味ok, 算是夠濃，但不澀口😊食前沒抱有希望便不會失望😂

同事知道喺D2二期3樓開咗間金鳳大餐廳，聽講金鳳好出名，所以每日中午都超多人排隊，可能新開張無耐，大家都一窩蜂搶試，我哋為咗試下，仲同老闆申請2點先食晏，哈哈⋯⋯都話女人為咗食可以無所不用其極，我哋仲提早1:30就出來排隊，1:45來到門口，仲有好多人排隊，我哋都預咗要等，果然2點後好快就有位，午市套餐真係好抵食，我哋7個女同事各自點咗唔同套餐，我就㨂咗A西冷牛扒伴黑椒汁配薯菜，羅宋湯，熱辣辣，但味道偏咸，牛油餐包，好懷舊既味道，最正常黑椒牛扒配薯菜，薯條剛炸好好香，牛扒嗱到非常軟化，唔鍾意囉，不過$58喺荔枝角區好似咁既套餐已經算好超值，一分錢一分貸，唔好要求高級餐廳質素，檸檬茶都算ok，不過如果要排隊，應該唔會再來了

在屋苑 Facebook 群組見到 D2 Place Two 3/F 有新食肆開張，其中一間係以鋸扒聞名的金鳳。趁今日得閒，就同老婆去試下。先講環境，其實店面積不算大。有啲枱仲橫跨店內店外。但新裝修完，都好企理下。我哋只係叫咗兩樣嘢。一個係帶子 carbonara，另一個就係馳名的雜扒餐。順帶一提，新張期間送野飲。雜扒餐先上忌廉湯，賣相無特別，不過飲落偏鹹。飲完湯就上什扒餐，個雜扒餐真係輸人唔輸陣，啲扒堆到成座山咁高。有豬扒、牛扒、雞扒、火腿、香腸、薯格同埋翠玉瓜。 個人意見塊牛扒“拿”得勁嗰咗少少，其他扒都尚算可以，食完飽曬。至於我老婆嗰個帶子卡邦尼意粉，啲帶子就好薄，一開二。 味道都係偏鹹。總括來說，食物水準有再上升空間，期待下次再幫襯時可以改善食物偏鹹的問題。