金鳳大餐廳 (D2 Place TWO)

营业中

休息中

餐廳創立於1969年，當年西餐還是高檔消費，創始人林先生就開創了「人人都吃得起」的港式西餐，是一家被譽為「平民扒房」的老字號，至今深仍受食客喜愛。來到金鳳大餐廳，不得不點招牌鐵板套餐，套餐包括牛油麵包、羅宋湯或忌廉湯、扒類及餐飲，而且飲料冷熱同價。公牛造型的鑄鐵板，令人十分懷舊。它傳熱快，醬汁淋上後，高溫能製造「滋滋渣渣」的聲響，拉起餐紙放於身前阻擋四濺的醬汁。香噴噴的效果，可謂真正做到色香味俱全。醬汁方面，有濃郁的燒汁或黑椒汁任君選擇。蒜茸與牛扒味道特別契合，蒜茸研磨爆香後與肉扒同吃更添惹味。至於黑椒汁就十分濃郁。招牌牛柳餐兩大塊牛柳份量十足，肉質腍滑、肉香濃鬱，無論淋上哪款醬汁，都令人垂涎欲滴。美式雜扒餐幾乎蓋過整塊鐵板，包括有豬扒、牛扒、雞翼、香腸、火腿，食肉獸至愛，絕對物超所值！

👑 招牌牛柳套餐 $152牛柳煎得啱啱好，外香內嫩，配上香濃黑椒汁，味道惹味。最驚喜係粗粗的 crinkly cut 薯條，香脆唔油膩，啖啖都係童年回憶。餐包都超級好食，軟綿綿的，湯可選紅湯或白湯，我揀咗紅湯，酸酸甜甜，好有舊香港茶餐廳嘅味道。今日仲有免費升級鹹檸樂，冰涼透心，配牛柳一流！牛柳非常厚切，真係好多汁！🧄 西冷牛扒餐 $167蒜蓉汁香氣撲鼻，濃郁但唔搶味，啱啱好咁帶出牛扒肉香。牛扒煎得有水準，肉質結實但唔韌，咬落去仲有肉汁滲出。薯條依然係金鳳招牌 crinkly cut，香脆可口。西冷牛扒嘅牛肉味會比牛柳再強啲，我鍾意西冷多啲！ 整體食完好滿足，價錢親民，味道有誠意，值得一試！

平民扒房👉🏻 金鳳大餐廳🌟價錢親民，港式懷舊主題裝修，一直深受歡迎，長期都排晒長龍！西冷牛扒餐 配黑椒汁揀咗七成熟，牛扒肉味濃肉，肉質軟腍，整體性價比相當不錯！雜扒餐 配蒜蓉汁好豐富有齊豬扒、薄切牛扒、腸仔、雞翼同火腿！另外薯條都好好正！新鮮即炸脆卜卜，墊咗喺底索晒啲汁入晒味👍🏻跟餐有齊餐湯+餐包羅宋湯好飲！酸酸甜甜勁開胃，加上輕輕微辣，飲到停唔到口😋餐包夠熱！內層焗得微脆，內層鬆軟，不是空氣包～金鳳大餐廳 (荔枝角)荔枝角長順街15號D2 Place TWO 3樓312號舖

呢間係我其中一間黎開荔枝角就經常幫襯嘅餐廳，裝修好有懷舊風味，帶點港式茶餐廳feel，坐得舒服環境乾淨。餐廳主打性價比高嘅牛🐮扒餐，一路食一路聽到鐵板上枱嘅滋滋聲同埋濃烈嘅肉香，夠晒懷舊同經典。今次試咗貴族牛扒餐，牛扒叫咗6成熟煎得啱啱好，外層微焦，肉質保持嫩滑，咬落有肉汁，每啖都感受到牛味香濃。薯格亦炸得香脆，唔會太油膩，同牛扒一齊食又脆又軟好滋味。另外仲有招牌牛柳餐，牛柳切得厚身，肉質超嫩滑同埋彈牙，完全唔鞋口，配埋黑椒汁好惹味，而且一個鐵板有兩大塊牛柳，份量好足夠好滿足！餐飲方面，點咗餐廳推介嘅「紅牛」同埋「黑牛」。「紅牛」用利賓納做底，配士多啤梨🍓味雪糕，再倒埋梳打水落去，飲落好滑又好爽，估唔到呢個組合咁夾。「黑牛」就可樂配朱古力味雪糕，呢個組合唔洗我講都想像到有幾爽，夏天飲一流。總括嚟講，金鳳大餐廳食物有水準，價錢親民而且環境舒服，值得加落Encore List嘅餐廳。如果夜晚嚟食想避開排隊嘅人潮，就要早啲嚟啦。🫶🏻

趁住放假🏖️去到荔枝角嘅D2 Place除左行街，小編就同太太兩個人去鋸下扒😋當然就緊係要去老字號嘅「金鳳大餐廳」啦😬金鳳大餐廳創立於1969年，係一家被譽為“平民扒房”嘅老字號，創始人林先生被稱為“阿叔牛扒大王” 阿叔擁有五十多年嘅入廚經驗，曾經係五星級酒店工作，經過數十年嘅經營，如今係香港同中山都開設了多家分店👍係六七十年代，西餐仲係高檔消費，阿叔運用他嘅烹飪技巧，結合中國人嘅口味，開創左“人人都吃得起”嘅港式西餐，深受食客喜愛。港式牛扒嘅特點係肉質爽滑、肉香濃郁，搭配熱騰騰嘅鐵板，再淋上香濃嘅黑椒汁或燒汁，令人流哂口水🤤牛柳餐（五成熟）（黑椒汁） $152 + $18 餐升級白牛西冷牛扒餐（五成熟）（蒜蓉汁） $152 + $18 餐升級黑牛 (未計加一)黎到金鳳當然緊係要食牛扒啦😬 小編食牛扒🥩就一定要食五成熟😂 牛扒除咗大塊之外，仲好腍 好有牛味👍 而且儀式感滿滿，當店員將鐵板嘅牛扒上枱，準備幫你淋汁之際，將餐巾擋住沸騰嘅醬汁，真係童年回憶返晒嚟！

金鳳大餐廳以親民價格提供懷舊鐵板扒餐，整體性價比高。雖環境略擠逼，但充滿老香港風情，適合想體驗傳統港式西餐的食客。招牌牛柳餐（黑椒汁＋生蒜） $152金鳳大餐廳的招牌牛柳餐是經典港式鐵板扒的代表，牛柳厚切且肉質鬆軟，七成熟外層微焦，切開後中心仍帶粉嫩，肉汁豐盈。淋上濃郁黑椒汁時，「滋滋」作響的鐵板儀式感十足，香氣撲鼻。特別推薦加$2生蒜蓉，蒜香與牛柳的油脂甘香完美融合。 羅宋湯羅宋湯酸甜濃郁，湯底以番茄為主調，加入大量蔬菜如椰菜、紅蘿蔔，還帶微辣黑椒香氣。 餐包附送的牛油餐包外皮微脆，內裡鬆軟，趁熱塗上牛油後更香濃。吉列手指魚（2條） 跟餐送金鳳的吉列手指魚外層炸得金黃酥脆，魚肉細嫩無骨。 懷舊特飲：黑牛 & 白牛黑牛：可樂＋朱古力雪糕，甜中帶氣泡感。 白牛：雪碧＋雲呢拿雪糕，清爽解膩。

呢間平民扒房源自1968年，掘指一算，已經有56年歷史。記得廿十年前在舊店吃過，多蒜茸仍然令人難忘。今次在長沙灣的新店，同樣點了鐵板扒，有蒜蓉汁和黑椒汁選，蒜蓉汁不像舊店那般有生蒜了。牛柳餐$152，包括牛油餐包、餐湯及飲品。牛柳脂肪量較低，但肉質比較嫩滑，喜歡淋滑口感可以選。西冷牛扒餐$152西冷牛扒的骨質比較結實，口感比牛柳有嚼勁，牛肉味比較濃。一上枱熱氣騰騰，即時將醬汁加在熱淋淋的鐵板，熱煙四起，香味撲鼻，非常吸引食欲。跟餐加18元有特飲，帶來舊時的回憶，依家已經好少地方咁飲。雖然味道與細個有差別，但也不免值得懷念一番。

專登約咗朋友嚟呢個商場裏面間金鳳，真係耐唔耐會想起呢一個回憶中嘅牛扒，最出名嘅鐵板，同朋友一人點咗一個鐵板餐，朋友叫咗個鐵板西冷餐，我就叫咗個鐵板牛柳餐，都係叫咗紅湯，記憶中嘅羅宋湯味道，裏面好多蔬菜，味道濃郁得來唔會好誇張，再加埋軟綿綿嘅牛油餐包，絕配！主角出場，個鐵板燒到熱辣辣，啲黑椒汁倒在鐵板上，發出吱吱嘅聲音，仲有充滿黑椒嘅香氣，見到已經流晒口水，五成熟嘅肉眼同埋西冷，剛剛好，個牛柳切開，肉質鮮嫩，有牛肉味得來同個黑椒汁超夾，個西冷扒熟都係剛剛好，肉質較有質感，牛肉味較香濃，但係鍾意軟腍腍嘅，我都係鍾意牛柳，另外我最鍾意佢哋加兩蚊有一大堆特製香蒜喺牛扒上面，令到個牛扒味道更加昇華，香蒜味辛辣再加埋獨有嘅香氣，令到個牛扒更加刺激，加埋香港地道特飲檸檬茶，佢個茶底一啲都唔苦澀，清香得來加埋檸檬，超正，雖然都要等5分鐘先入到座，但係呢個等待真係絕對值得，塊扒都好大塊，呢個價錢，相同質素都算得上係牛扒中嘅天花板，食完真係超滿足，但係每次隔一段時間都會又想再嚟

專登約咗朋友嚟呢個商場裏面間金鳳，真係耐唔耐會想起呢一個回憶中嘅牛扒，最出名嘅鐵板，同朋友一人點咗一個鐵板餐，朋友叫咗個鐵板西冷餐，我就叫咗個鐵板牛柳餐，都係叫咗紅湯，記憶中嘅羅宋湯味道，裏面好多蔬菜，味道濃郁得來唔會好誇張，再加埋軟綿綿嘅牛油餐包，絕配！主角出場，個鐵板燒到熱辣辣，啲黑椒汁倒在鐵板上，發出吱吱嘅聲音，仲有充滿黑椒嘅香氣，見到已經流晒口水，五成熟嘅肉眼同埋西冷，剛剛好，個牛柳切開，肉質鮮嫩，有牛肉味得來同個黑椒汁超夾，個西冷扒熟都係剛剛好，肉質較有質感，牛肉味較香濃，但係鍾意軟腍腍嘅，我都係鍾意牛柳，另外我最鍾意佢哋加兩蚊有一大堆特製香蒜喺牛扒上面，令到個牛扒味道更加昇華，香蒜味辛辣再加埋獨有嘅香氣，令到個牛扒更加刺激，加埋香港地道特飲檸檬茶，佢個茶底一啲都唔苦澀，清香得來加埋檸檬，超正，雖然都要等5分鐘先入到座，但係呢個等待真係絕對值得，塊扒都好大塊，呢個價錢，相同質素都算得上係牛扒中嘅天花板，食完真係超滿足，但係每次隔一段時間都會又想再嚟

今朝同兩個女補完習，就落咗去荔枝角D2 Place金鳳大餐廳醫肚。門口睇落似傳統港式扒房假期免加一午市呀女叫咗一個白汁芝士煙肉吉列蝦意大利粉，包湯同飲品，免加一真係抵到爛！忌廉湯飲落夠晒熱佢哋個餐加咗$8飲凍檸檬利寶納 我自己就叫咗黑椒牛柳 $134叫咗六成熟果然冇失手！牛柳厚身，切開仲係靚靚粉紅色🔥。表面煎到微脆，咬落嫩，個黑椒汁啲粒粒椒碎勁香辣，仲要係傳統鐵板上，吱吱聲仲噴到成枱煙（記得拎紙巾擋呀！） 再加生蒜 +$2撈落牛柳度邪惡度爆燈💥

假日去香公行下順便食Lunch，想去果間餐廳太多人即轉場，網上見到有金鳳，好耐冇食一於照了。餐廳位置係D2都幾方便，紅色的門面好顯眼，假日Lunch時間都幾多人要等位，10分鐘到有位。餐廳面積中等，一目了然格局。假日午餐，揀了A餐，懷舊一番。牛油餐包，好大個。羅宋湯，雜菜份量十足，酸中帶甜少許微辣。鐵板西冷牛扒拼豬柳漢堡扒，$80，要了蒜蓉汁配薯菜，鐵板燒，先以餐巾遮擋避免彈汁整污糟，在熱騰騰鐵板牛扒淋上醬汁，滋滋作響，滿滿的儀式感(童年回憶)，大件的西冷牛扒，5成熟，肉厚口感爽滑鬆軟，唔算好有牛肉味，但係懷舊港式西餐的味道，仲要有塊豬柳，好飽。凍檸茶，爽。食物正常水準，係幾抵食。

金鳳大餐廳係香港老牌港式扒房，主打平價鐵板餐同懷舊西餐。裝修保留舊式扒房格局，木枱木椅配暖黃燈光，坐得幾舒服。晚餐人均$200左右，呢個價錢嚟講，肉嘅質素算係幾驚喜，係抵食嘅港式西餐體驗。 .今次試咗美國牛小排餐🔥 叫6-7成熟啱啱好，表面煎到焦香，切開肉汁鎖得實，唔會乾柴，火候好精準，而且咬落有嚼勁得嚟又唔韌，油脂甘香慢慢滲出。仲有配菜都好驚喜，跟餐薯格炸得脆卜卜，邪惡但停唔到口😂.牛小排火候同肉質對得住價錢，鐵板體驗同蒜茸醬係精髓！性價比高過高級扒房。想平平地食懷舊港式牛扒，呢間可以一試。👍🏻

之前我其實都試過食尖沙咀個間金鳳大餐廳，今日放工有野做黎到 D2 PLACE ，就簡單食個排餐。美國安格斯肉眼排安格斯肉眼既肉質鮮嫩，我地叫左5成熟，火侯控制得剛剛好，咬落去肉汁瞬間爆發，真係好好味！仲有記得唔好咁快淋汁，因為佢配左薯格勁香脆，好味!牛柳餐牛柳餐雖然價錢平D，但牛柳原來1D都唔細塊，喱個餐係跟薯條，同樣都係好脆身，好味。免費升級紅豆冰今晚最驚喜就是原來佢有免費升級紅豆冰，甜度適中，仲有好多紅豆!!平日晚上大致上都唔洗排隊不失為一個簡單高質既晚餐。

在金鳳大餐廳叫左他們的貴族牛扒，原因係依個配薯格。這道菜的牛肩肉選材上乘，肉質鮮嫩多汁，口感極佳。當牛扒上桌時，散發出的香氣令人垂涎欲滴。烹調得恰到好處，外焦內嫩，完全保留了肉的原汁原味。搭配的薯格同樣出色，外脆內軟，與牛扒的豐富口感形成了完美的對比。黑椒汁則為整道菜增添了層次感，微微的辣味與肉的鮮香相得益彰，讓人一口接一口，食欲大開。

🇭🇰港式 🍽扒房 📺懷舊 🚹1-4人——————心癮起想食港式扒房，見呢間晚飯時間都要等位，就試吓先～😝💯美式雜扒餐$138（牛扒、豬扒、雞翼、香腸、火腿）豬扒最好食👍🏽肥瘦適中，有調過味，食落非常嫩滑，大讚！👍🏽雞翼都ok，煎香兼有醃過🤣腿腸都係正常水準啦～但牛扒嘅肉質食落就麻麻哋🤔美國德州頂級西冷餐$202本身見相係鐵板上，點知落單店員先話呢個會用碟上，港式扒嗰種風味即刻少咗🥲🥩西冷叫五成入面已經無咩紅色，店員真係推介得啱，七成係會韌嘅🤣！其實依家都有少少韌，有啲根位已經咬唔到🤣最like係個薯格！仲要係脆嘅！👍🏽🍽️以上套餐包括湯、餐包、飲品🍴🥖普通餐包、微暖，💯羅宋湯夠黑椒味、唔會太水太淡；白湯係粟米忌廉湯，係麵粉䇜汁湯嚟，正正常常～飲品🥤：凍檸茶都係茶餐廳凍檸茶，普普通通；可樂要+$6，雪凍嘅罐裝嚟，無額外俾杯冰又少咗啲風味🤣環境坐得幾迫，仲遇到少少港式服務態度😂結論：羅宋湯同雜扒ok，西冷唔建議，呢個價呢個質素差少少喎～其實食得港式扒，都係想懷緬吓舊時嗰種港式情懷，🐻🐻‍❄️就覺得各方面都有更好嘅選擇🤣始終間舖喺D2 Place開，目標客群都係年輕人多，可能🐻🐻‍❄️都有返咁上下