金鳳大餐廳 (中染大廈(8咪半))

营业中

休息中

今朝同老公出咗荃灣食早餐，每朝返工搭巴士其實都會經過哩間茶餐廳，成日覺得佢嘅裝修同門面都好有特色，今日終於有機會一試！ 我哋都叫咗鑊仔牛扒餐，只係配搭唔同，我就配咗腸仔同午餐肉，好邪惡呀！不過間唔中一次，無所謂啦。我同老公都一致認為餐包係成個餐嘅亮點，熱辣辣，好香好軟熟，加埋香滑嘅牛油真係一大享受！腸仔同午餐肉都煎炸得好香口，我特別鍾意早餐有粟米粒，令成個餐感覺健康咗，等我食腸仔餐肉嘅時候都無咁內疚（自欺欺人中）。凍奶茶卻有點令人失望，無乜茶香味，奶味亦比較淡，比較似飲糖水。牛扒有點硬，唔嫩同比較乾身，無乜肉汁，不過個黑椒汁好香好濃好惹味。餐廳座位寬敞，坐得舒服，價錢合理，會再光顧！

2022.02.15 是日午餐🌞.久違的另類花園午餐😅.同咗我的親愛老爸去咗荃景8咪半金鳯大餐廳食午餐🍴.我哋兩仔爺都有打疫苗，咁就可以坐到D區用餐了。.今次叫咗《雜扒飯配洋蔥汁🧅》《炭燒豬扒配蜜糖火腿蒜蓉汁薯菜》.午餐份量的確好足料，而且又夠飽吐😂.不過服務態度真係好一般😖😖啲老屎窟又冇禮貌又擺架子希望間餐廳知道就要作出改善.配埋是日餐湯及飲料.夠哂HK Style🇭🇰，如果服務態度有改善的話下次可以再嚟嘅😂

自取外賣收銀員:我叫完三個餐後,從銀包取中染現金卷時,收銀已印好收據比我. 但我未講用咩付款,佢都冇問.見到我拎現金卷,仲話我「下次早d拎出黎」我回應「我都咪叫完野食」其實叫完野,之後拎錢(卷)好正常.係你自己9秒9打張單出黎.哩位員工要培訓下收銀程序同工作態度!午餐:鰻魚雞扒飯 鰻魚好食,汁也好味,細骨多.少大骨.雞扒夠大塊,飯量夠.黑椒汁牛扒拼薯條今次d牛扒冇上次甘「un」. 都冇醃到好鬼林個d扒.但d薯條放係底,變到林bear bear. 應該另用紙袋仔裝好d.外賣冇優惠!

在第五波疫情限聚令之前一日，帶媽媽去荃灣參觀完舊址南豐紗廠現演變成再生能源科技之後去附近交通方便的中染大廈覓食。無意中看到歷史悠久的金鳳餐廳在這裏開了分店，媽媽很想回味一番，於是我們在這晚吃懷舊扒餐。地方寬敞和環境潔淨；擺放一部大型懷舊點唱機在餐廳內，枱面特色的紅色格仔布已經換在侍應的制服上，餐牌上依然有多款扒類選擇，安格斯、牛肩肉、頂級西冷和美國牛扒餐等等…同樣配牛油餐包、沙律、湯、飲品和雪糕。帶子牛柳餐和每月牛扒餐同樣都有兩粒鮮甜帶子襯托在面，嬌嫩粉紅的牛柳和牛扒肉質腍嫩，依然保持已往的水準，還有薦底的翠玉瓜、粗薯條和粟米粒； 吸收了肉汁的精華更加美味！蟹子沙律和甜度適中的雲呢拿雪糕便是我們這晚豐富懐舊牛扒餐的完美終結！

金鳳大餐廳呢間連鎖式嘅餐廳，同其他茶餐廳唔同，佢主打鋸扒同鐵板餐，而且裝修服務都比其他普通嘅茶餐廳好，重點係價錢都唔會比佢哋高，所以性價比係唔錯。今次要咗個特價晚餐，西冷牛扒拼帶子，切菜有雜果沙律，仲有個意大利雪糕做甜品，包埋餐飽餐湯同餐飲，都係$150左右，份量都唔細，非常抵食。牛扒嘅生熟程度處理得恰當，每週三或者太熟，帶子都幾大粒。另外仲叫咗個鐵板豬扒，有兩大塊，每塊都大大塊，一個女仔係唔會食得晒成個餐哈哈。店員會喺林想醬汁之前提醒你用紙巾遮住或者會幫你用紙巾遮住，非常貼心。

呢間餐廳啲卡位幾闊落，同埋樓底夠高！同屋企人過嚟食都坐得幾舒服！牛扒類別都好多選擇叫咗個每月特選扒餐，同埋貴族牛扒（美國牛肩肉）✨牛油餐包同埋粟米忌廉湯啲嘢食都幾夠熱，同埋上菜速度都幾快！✨蟹籽什果沙律屋企人對呢個沙律讚不絕口！話夠晒多生果！感覺好開胃🤪🤪✨北海道帶子拼西冷牛扒仔我哋叫咗五成熟，嚟到嘅時候出乎意外竟然符合到我哋嘅要求！因為港式西餐放喺鐵板上好容易會over cook！牛扒好軟淋淋，帶子都幾大隻！✨貴族牛扒（美國牛肩肉）因為想試啲唔同啲嘅，呢個主菜就唔係用鐵板上嘅！美國牛肩肉真係入口即溶！同樣都係叫五成熟，餐廳廚師都完全符合我哋嘅要求！因為唔食辣所以醬汁都係叫咗蒜蓉汁，其實呢塊牛咁靚就建議下次食就唔會揀唔落醬汁，因為好容易醬汁嘅味道覆蓋左牛肉本身嘅鮮味！甜品意大利配方雪糕味道係隨機嘅 ，抽中朱古力雪糕！雪糕好香濃同埋滑☺️

黎呢邊買家居用品，見到呢間餐廳6點幾就要排隊，上網睇吓d comment唔錯，攞住咁多野就近近地食個晚飯，原來除咗扒之外，佢嘅沙律都唔錯噃！叫左個comment 特別推介嘅貴族牛扒（Medium），醃過美國牛肩肉質感軟腍，肉質纖維好有口感，鐵板上要更加惹味一定要加蒜蓉，加蒜同就咁食係兩種風味～另外，我order左個煙三文魚田園沙律，煙三文魚卷到花花咁，沙律菜夠爽脆新鮮，沙律汁充滿柚子香，大大份嘅沙律🥗，食完都幾飽架～呢度轉套餐加$20就有餐包、餐湯同飲品，好懷舊嘅味道，個人覺得羅宋湯係必飲，料多味濃，非常好味～

今晚即興同朋友去食晚餐，唔想食飯食面，唯有去鋸鋸鋸。。。。。扒🥩🥩！！聽講依間扒房抵食夾大件，質素不錯，一於試下龍與鳳啦！😜😜由於平日晚上關係，等位時間不算太耐，好快就可以入座🎉🎉雖然唔係等得耐，但全場已爆滿而餐廳佈置好有西式既感覺， 後排主要係設卡位, 而近門口位就4人枱為主。menu上設有多款套餐, 有散叫各種扒類、飯類、意粉同埋小食拼盤。不過套餐一定係最抵食, 自選main+ 牛油餐包、忌廉雞湯/羅宋湯 + 餐飲我地兩個分別叫左兩份set餐，先送上牛油餐包, 而兩款餐湯選擇 - 忌廉雞湯、羅宋湯，d餐包好軟熟同熱🌶️🌶️, 再夾埋牛油，一流呀👍👍嘩！！主菜到啦😚😚，熱辣辣鐵板滋滋聲上檯, 可以自選汁醬 (黑椒汁/燒汁)，仕應將汁醬淋上鐵板扒時, 濃濃既香味充斥在👃👃，未食已經加分，哈原本朋友想叫T骨餐，不過太好銷量，賣曬lu😭唯有試下帶子牛柳套餐，塊牛柳好大件，仲有兩粒新鮮帶子點綴令成個餐提升了層次，order 左5成熟，好淋身，肉質好鮮味，一d都唔痴牙，正👍👍另外，order左美式什扒餐，各款既扒都好好味，一d都唔韌，食一啖就停不了口😚😚怕唔夠飽，我地點多左個小食拼盤，估佢唔到wo

今日去開荃灣IKEA買野 中染新城地下有間食扒的餐廳 講真荃灣食扒的餐廳唔多性價比高d可能都係沙咀道個間同埋金鳳差唔多七點去到 已經要等一陣位先入到座基本上鐵板係必點之選 十分九的人都係點鐵板餐上碟另外都有基本港式飲品中西餐湯 檸蜜要加$8 檸茶唔駛加錢美國牛小排餐 上餐個時可以選黑椒汁或者蒜蓉汁 倒汁個下d煙好勁 真係夠晒火喉五成熟剛剛好 易切肉質都夠嫩 唔會老曬食唔到 牛小排都唔會油脂過多 同埋有薯格 份量十足另一個係七成熟的西冷牛扒 配薯條份量都有兩大塊 西冷肉身再瘦同薄d 都一樣易切容易咬口 唔想食得太heavy都可以一選 埋單每人百鬆D 食返個鐵板餐都不失選擇

因為公司附近有金鳳，所以久唔久就會食金鳳一次多數食佢既焗豬扒飯，典型港式焗飯，今日見到有一口牛腩炒河就試下新野炒河係好食既，有穫氣，但係牛腩太乾喇，無晒水份😔

是日冬至，不過做冬都是夜晚的事，日間還是要上班去，午餐時間當然也要醫肚，去到位於荃灣中染大廈的金鳳大餐廳用餐。正值午市時間，輪候人數較多，要取票等候。幸好只需大約10分鐘，便可入座。午市套餐有幾款選擇，此外也有不同扒餐等食物。聖誕大餐也很豐富的說。午市包餐湯和餐飲。我選擇了羅宋湯。雖然賣相不算上佳，但至少用料很足，麵包也熱烘烘的。我點了A餐黑椒汁西冷牛扒。可以配意粉、沙律、飯或薯菜。西冷牛扒和薯菜各佔一半，看起來已夠滿足。黑椒汁把牛扒味道調得不錯，牛扒肉質和香味算是不過不失吧。餐枱已擺放茄汁，配薯條享用就是滿足。菜類是翠玉瓜、蘿蔔及粟米，顏色豐富。餐飲的選擇是熱菜蜜，需另加$5，這方面侍應也有溫馨提示。今年冬至特別寒冷，當然要飲一些又滋潤又令身體溫暖的飲品呢。

細個阿爸成日都帶我地去太子總店間金鳳鋸扒，每次都會早啲去，因為一到左食飯時間就會大排長龍，當時我最喜愛就係加蒜蓉，始創人阿叔就會同阿爸傾下計，而家屋企人喺外國返黎都要去一去金鳳懷緬兒時味道，人情味個味！今日黎到佢既荃灣分店，童年回憶返晒黎，一樣係咁多人，員工做野都勤快有禮，晏晝兩點半就算坐滿人好忙，舉手都好快過黎幫你，亦都會keep住幫你清下張枱啲吉碟。我地叫左兩個午市套餐，量都幾多，啱晒喺附近返工既打工仔。牛油餐包/羅宋湯/洋蔥粟米忌廉湯-餐包係暖既，羅宋湯足料，仲有少少辣味。黑椒汁西冷牛扒配薯菜-兒時味道返晒黎，勁大塊扒，唯一唔同既，係佢而家用左翠玉瓜做配菜，我覺得係加分既。金鳳焗豬扒飯-豬扒碎上，啱晒我呢啲懶人唔使切，飯入面仲有菠蘿粒同蕃茄粒，唔會淨係得肉。餐茶係咖啡-另加$5可以轉唂咕或者杏霜

今晚屋企人唔煮飯，而我放工又有啲肚餓，所以提議去鋸扒🥩 金鳳餐廳細細過已經聽過 今日係第一次試🤪 餐廳環境比我想像中摩登，而且店員為我同屋企人安排咗大卡位，第一感覺不錯😀作為扒房，豬牛羊雞扒當然樣樣齊😋 套餐配上餐湯同餐包😋屋企人不嬲鍾意食羊，就叫左個羊架😎 所有扒類都可以選擇黑椒汁同蒜蓉汁，店員會即場為你倒上鐵板😜 即時出晒煙，大家都要用紙巾墊住🤣 場面好壯觀😎羊架有三大塊，夠哂林👻 熱辣辣，加埋芥末醬，好正😜我就叫咗個牛扒配帶子😋😋叫左5成熟，真係啱啱好😬 呢度+$2可以配蒜蓉，配埋一齊食令味道更提升😃推介！餐廳有啲懷舊凍飲，但我哋今次就冇試喇。反而叫左杯杏霜，都幾好飲，唔係好多餐廳有既😛

呢日放假去左荃灣行街呢幾年荃灣真係變左好多餐廳越開越多 想食咩都有行完愉景新城都2點幾 餓餓地想据扒喺openrice 搵到八咪半（以前叫中染）有金鳳即刻衝去食 好驚過咗lunch time 冇得食xd因為過咗lunch hour所以唔洗等位安排坐喺卡位坐低發現呢到樓底都幾高 又有落地玻璃窗陽光照到入嚟都幾舒服卡位梳化用咗紅色 好sharp亦都有扒房嘅感覺餐牌都幾多選擇除咗有平價lunch set仲有鐵板牛排 分港式同美式亦都有輕食下午茶（2:30開始供應）而家鐵板餐仲有88折 當然別無他選我要咗港式大蝦牛扒$150朋友要咗港式帶子牛扒$150跟餐仲有餐湯 可選羅宋湯或忌廉湯仲有飲品 冷熱同價都幾抵食忌廉湯好大碗飲落creamy 有好多粟米粒餐包軟熱配牛油或沾湯食都很不錯朋友話羅宋湯都不錯蔬菜好多 用料十足到主角登場了非常熱嘅鐵板 淋上蒜蓉汁/黑椒汁時要記得用紙巾擋住呀一淋上去滋滋聲 見到都流晒口水牛扒非常大份 上面有大蝦牛扒切落去好鮮嫩 剛剛好五成熟大蝦大隻得嚟好爽脆牛扒下面仲有薯條同翠肉瓜伴碟 好正朋友話佢個帶子都大大粒黑椒汁有啲辣 唔食得辣嘅朋友可以揀蒜蓉汁呀最後飲埋杯港式奶茶

分配到一滿是漿汁的桌面,請先抹清潔才叫入座吧。期望一個懷舊的鐵板肉眼扒,但牛扒表面一點也沒煎香,如煮出的,五成熟也一點肉汁也只全熟,只有一个大面積尺寸的薄牛扒,如鐵板的尺寸把全部的薯仔蓋住,混入黑椒醬汁後,味道及賣相好失望