金鳳大餐廳 (中染大廈(8咪半))

营业中

休息中

呢日放假去左荃灣行街呢幾年荃灣真係變左好多餐廳越開越多 想食咩都有行完愉景新城都2點幾 餓餓地想据扒喺openrice 搵到八咪半（以前叫中染）有金鳳即刻衝去食 好驚過咗lunch time 冇得食xd因為過咗lunch hour所以唔洗等位安排坐喺卡位坐低發現呢到樓底都幾高 又有落地玻璃窗陽光照到入嚟都幾舒服卡位梳化用咗紅色 好sharp亦都有扒房嘅感覺餐牌都幾多選擇除咗有平價lunch set仲有鐵板牛排 分港式同美式亦都有輕食下午茶（2:30開始供應）而家鐵板餐仲有88折 當然別無他選我要咗港式大蝦牛扒$150朋友要咗港式帶子牛扒$150跟餐仲有餐湯 可選羅宋湯或忌廉湯仲有飲品 冷熱同價都幾抵食忌廉湯好大碗飲落creamy 有好多粟米粒餐包軟熱配牛油或沾湯食都很不錯朋友話羅宋湯都不錯蔬菜好多 用料十足到主角登場了非常熱嘅鐵板 淋上蒜蓉汁/黑椒汁時要記得用紙巾擋住呀一淋上去滋滋聲 見到都流晒口水牛扒非常大份 上面有大蝦牛扒切落去好鮮嫩 剛剛好五成熟大蝦大隻得嚟好爽脆牛扒下面仲有薯條同翠肉瓜伴碟 好正朋友話佢個帶子都大大粒黑椒汁有啲辣 唔食得辣嘅朋友可以揀蒜蓉汁呀最後飲埋杯港式奶茶

分配到一滿是漿汁的桌面,請先抹清潔才叫入座吧。期望一個懷舊的鐵板肉眼扒,但牛扒表面一點也沒煎香,如煮出的,五成熟也一點肉汁也只全熟,只有一个大面積尺寸的薄牛扒,如鐵板的尺寸把全部的薯仔蓋住,混入黑椒醬汁後,味道及賣相好失望

當想食啖啖肉嘅牛扒時 除左西式餐廳外大家又記唔記得香港嘅傳統扒房呢？今日黎到金鳳 平日夜晚 需要拎飛等位大概15分鐘就入得 如果唔想到場先拎可以用apps my gxxu 拎飛 好方便呢內裡原來都好大 所以人流都快店員安排我地坐卡位 紅色綿軟墊配深啡木色好classic 嘅扒房格局餐牌主要都係鐵板牛扒 有唔同部位亦有配唔同海鮮同扒三心兩意嘅又可以揀什扒餐如果想食美國牛 餐廳都有提供而我今次揀左 帶子牛柳餐 同 美式什扒餐加蒜茸每一個鐵板餐都會配有餐包/餐湯/餐飲餐包上枱係暖暖地 而牛油就係雪凍左軟綿綿嘅餐包 加上凍凍地嘅牛油 冰火嘅口感令我更期待主菜湯有紅白湯揀白湯係忌廉湯 有少少雜菜同海鮮碎紅湯係羅宋湯 有西芹紅蘿蔔 飲落去仲有少少辣味 好有驚喜呢度會上枱時先問你要咩汁再提你打開紙巾遮住先倒汁帶子牛柳餐 配 黑椒汁呢度嘅黑椒汁 唔會辣 但又食到黑椒味加少少甜味 同牛扒好夾帶子仲好嫩 唔會過韌咬唔開牛柳叫左5成熟 連切最邊嘅位 都做到中間紅色 側邊啡色 而且牛柳夠厚 咬落好有質感牛柳淋得黎有肉味底下有薯菜墊住 唔怕燶 但見到有食客會叫薯條另上 咁就唔怕薯條淋完汁淋晒美式什扒餐 配 黑椒

一諗起鐵板扒餐, 就想起兒時回憶, 早幾日經過愉景新城旁邊, 中染大廈見到這間金鳳餐廳, 雖然係閒日,七點零鐘左右, 已經好多人, 好彩早一步,如果唔係就要等位.似乎好多人都想攞番啲兒時回憶打開餐牌, 款式應有盡有, 主要係鐵板扒餐為主, 這裏港式扒餐我哋細細個就食到大, 侍應都會問紅湯、白湯 ？梗係唔少得牛油餐包一件 "貴族牛扒" $188貨真價實, 份量十足, 啱曬我這類牛魔王. 黑椒汁鐵板七成熟, 切開裏面肉質柔軟美味, 微微嫩紅嘅肉汁加上鐵板燒嘅煙燻, 香氣撲撲鼻,格外醒胃.我朋友點咗這款 "荷蘭豬扒餐" $104 真係好抵食!除咗有煙肉, 仲有兩塊巨型嘅豬扒, 足夠兩個人食😊!豬扒好脆口, 十分美味.最後 凍飲係唔需要加三蚊的.這間荃灣金鳳確係水準唔錯,難怪平時都咁多人捧場.

今日我哋試咗荃灣灣依間主打鐵板鋸扒嘅老牌港式扒房 👍🏻👍🏻 一入餐廳已經聽到鐵板嘅滋滋聲 好吸引餐包白湯美國安格斯肉眼扒餐呢款主打美式style嘅扒餐 係跟薯格 並不是跟薯條的🤪🤪我哋特登揀返用鐵板上 另外仲有得揀碟上 肉眼扒牛肉味比較濃 大件好味抵食 完全滿足哂我哋鋸扒嘅慾望😎😎招牌牛柳餐我哋叫咗五成熟 牛柳有兩塊 每塊都係一大塊的👍🏻 連埋底下嘅雜菜同薯條 真係一份大份量嘅扒餐 我食到攬住個肚返屋企😂😂😂 牛柳肉質夠嫩滑、夠冧 食落都幾juicy🤩🤩熱朱古力+凍檸茶我最鍾意就係食嘅前一刻由侍應倒醬汁落鐵板 啲聲已經令人流哂口水😋😋😋 真心讚揚港式鐵板餐嘅風味🥳🥳

金鳳好出名食港式鐵扒餐，諗起細個去食西餐都好想要鐵板，貪佢上枱個陣"咋咋"聲夠型！金鳳的鐵板餐選有好多，落單個陣店員都會推介牛的熟度，希望唔會影響個口感。每個鐵板餐都配一個紅或白湯，咁當然係羅宋湯啦，仲有一個牛油餐包。羅宋湯係最傳統的港式味道，酸味夠，加埋少少辣，仲有少許蔬菜帶點菜的清甜。上枱時，店員會問你要黑椒定蒜蓉汁，揀咗就會即刻淋上去，記得用紙巾擋住，因為啲汁受熱會彈到周圍都係，呢啲就係鐵板的精髓！美國德州頂級西冷餐（五成熟）$177西冷厚得黎好有𡁻口，唯一失敗的地方係有一啲筋位特別難切。5成熟啱啱好，肉的中間帶點粉紅色，一切就肉汁流哂出黎。薯菜用咗比軟濃味的薯格，佢索埋嘅汁更加野味。我地覺得西冷啱配蒜蓉汁，因為西冷個牛味唔算濃，蒜蓉汁加埋生蒜，DOUBLE 蒜令西冷更香濃。帶子牛柳餐（五成熟）$157呢個海陸的配搭正啊！帶子非常厚肉又軟熟，帶少少海鮮的甜味，令濃味的牛柳帶來另一口味。牛柳已經好重牛味同黑椒汁十分夾，係重口味人士的最佳配搭。牛柳超級軟，比西冷更厚，亦易切，薯菜同西冷的唔同用咗薯條，建議落咗汁就要食啦，唔係到最後索哂啲汁個口感會太軟就唔好食啦。跟餐飲品： 熱檸檬茶

啱啱喺荃灣行完宜家傢俬，見到依間餐廳下午茶都幾多人喺出邊排隊，原來係金鳳。依間同花園餐廳都算係港式扒房老字號，就一於入去試一試。先講環境，間鋪地方算好大，周圍都有人開緊餐，係咁聽到Jar Jar 聲。首先揀咗鑊仔牛柳配意粉，鑊仔牛柳質素唔錯，好淋身，份量又足夠，牛肉唔會煮得好過晒火，下午茶再配埋意粉真係夠晒飽肚。另外揀咗豬仔包配薯格，入邊嘅豬扒好嫩口，再配埋新鮮嘅蕃茄同沙律菜，加埋大大嚿嘅薯格真係令人好滿足。最後比較令人失望係佢嘅全日早餐，份量唔係好夠，滑蛋都唔夠滑，魷魚圈嘅份量比較少，真係唔係咁抵食。

平民價錢：貴族質素，性價比極高港式扒房！由我哋爸爸媽媽個代食到我哋呢一代，估唔到仲越開越多，又乾淨又大間！.餐湯係白湯或者羅宋湯，基本上一落完單，侍應轉身就放低個湯，白湯帶有點點奶香味，想香啲嘅有個小秘訣，就係將盒牛油就咁撈落去(*¯︶¯*)不過就肥啲啦～將個包點落去食，一路飲湯一路食，童年回憶！.黎到一定要揀鐵板餐，咋咋聲先係皇道！細個最期待一定拎住張紙巾，等侍應倒汁落去個一下，咋一聲香味撲鼻而來，汁可以揀黑椒或者蒜茸，我哋道揀左蒜茸美式雜扒餐一啲都唔頹，有豬扒、牛扒、雞翼、火腿，舊舊都超級大塊，下面仲有蔬菜同薯條，好夠飽肚貴族牛扒餐有2大塊牛扒，真係好大塊！侍應有建議我哋碟上，因為牛扒比較實，鐵板上容易過熟，最後我哋揀鐵板上，侍應都建議5成熟，咁我哋都有聽取呢個建議

今日去荃灣行宜家傢俬，行之前諗住搵間餐廳食呢間之前都去過咁岩又有下午茶又有午餐食😻於是就叫咗一個下午茶同一個午餐焗豬扒飯排隊入去食要等一等位，門口自助攞票先👍🏼煱仔牛扒餐配薯格啱晒女仔食好食得來又唔會份量好大，黑椒汁勁濃香，加上佢嘅牛扒肉質都係好唔錯😸牛扒肉質鮮嫩佢就冇得揀幾成熟嘅，但熟嘅感覺就啱啱好配上薯格一齊食夠哂飽肚😸薯格亦都係即叫即炸架，金黃色脆卜卜焗豬扒飯佢嘅焗豬扒飯製作需時都唔錯喎！分量較大啱晒男仔食又夠飽肚

好耐冇食過金鳳啦！見到荃灣呢間成日都好多人環境又唔錯，今日見時間尚早就試試下晝有Lunch Set供應，價錢都係 50幾蚊左右，包左餐湯，餐包及飲品餐湯有羅宋湯或者忌廉湯而我自己就好鍾意個餐包，熱辣辣查埋牛油甜甜地好正我同朋友分別叫咗一個黑椒汁西冷牛扒同埋洋蔥汁香煎雞扒拼煎蛋一個配飯，一個配薯菜，上菜嗰陣見到賣相都唔錯牛扒同埋雞扒都好大塊，分量十足，黑椒汁有少少辣， 都幾香雞扒煎到外皮脆卜卜， 整體來講呢個價錢真係幾抵食

這家歷史悠久的本地扒房， 已屹立香港數十年，至今仍能保持專業，確實值得欣賞!🏡🐂早期想吃一餐美味的牛扒餐，都要上百元；相對今時今日，亦是百多元甚至數十元就可吃一頓牛扒餐，真的是時光倒流!🤑🤑🤪餐廳保留浪漫昏黃燈光，皮革座椅，只是少了一塊格仔桌布。不過，侍應一身紅色格仔恤衫，也充滿牛仔色彩。👩‍🌾🐂一個完美扒餐，從餐包及餐湯開始，毫無半點輕率。🔝🔝🔝依然是拳頭般大小的軟熟餐包，加上足料炮製的羅宋湯，可以令你對即將出場的牛扒增添信心!🥖🥣🥩🥤💖🍽 美國牛扒餐🐂🐂🐂👍 女侍應誠意推介：💞 Noble Steak 美國牛肩肉$188及💞 US Short Ribs 美國牛小排$178說這兩款都是近日來貨中比較優質!很喜歡她的專業推介，參考她的提議，我今次選了後者! 🥰✨☝US Short Ribs 美國牛小排(五成熟) 鐵板上$178，加蒜蓉$2，配洋蔥汁。熱騰騰的鐵板上鋪得滿滿，底層是蔬菜及薯格，上面放上兩大件牛小排，加上大量蒜蓉。🥕🥒🥔🥩🧄🧅侍應準備淋上醬汁，我們小心翼翼拿著大大張餐紙擋住。頓時充斥著啫啫聲響及香噴噴煙霧，同時也彌漫著陣陣童年回憶! 😄🔥💖美國牛小排肉嫩彈牙，無筋，調味不太

想平平哋据個靚扒，梗係嚟金鳳啦。價錢平民，質素又唔差，$100多啲就有得食鐵板牛扒餐，我好抵食呀。同朋友一齊去食，叫咗兩個扒餐，一個喺美式西冷牛扒，一個係中式牛柳加蒜蓉。晚餐嘅套餐都非常之抵食，只需要正價加多兩蚊，就可以多一個沙律同埋一個雪糕。西冷牛扒比較有咬口，肉質嘅纖維比較明顯。而牛柳就相對地比較冧同埋軟熟。兩個餐嘅份量都好多。扒餐仲會包一個餐包，餐湯同埋飲品。餐包上枱嘅時候暖粒粒，用嚟點餐湯一齊食，就最適合不過啦。

香港有好多傳統嘅扒房，荃灣就有幾間，不過我之前食過另外一間覺得麻麻地，今次食過呢間金鳳，確定呢個價錢值回票價，份量大之餘，味道仲要真係唔錯。無論下午定夜晚，排隊嘅人都多不勝數，可能因為價錢夠平，仲要夠大份。餐牌上嘅扒餐選擇都幾多，另外仲有好多唔同嘅麵食，如果唔鍾意食扒，可以嗌下其他意大利粉同焗飯，眼見都覺得唔錯嘅。先來就兩個羅宋湯同埋餐包，羅宋湯嘅份量唔需要太多，因為佢嘅扒嘅份量真係太大，飲太多湯會太飽，佢哋入面夾雜好多蕃茄、青椒、蘿蔔同埋洋蔥，甜甜酸酸，好醒胃。叫咗個帶子牛柳扒，帶子本身已經好入味，食落口有少少鹽調味過，牛柳扒好軟身，無論刀切定入口，都係超淋，上扒時有蒜蓉汁同埋黑椒汁選擇，我哋叫咗蒜蓉汁，熱辣辣嘅鐵板加上蒜蓉汁，勁香。另外叫咗份西冷牛扒，唔成熟，同樣地，入口軟身，勁有口感勁淋，好正。最後見到佢有白牛，都只係加$18 ，但係太飽，所以冇叫到，下次可以再嚟試吓佢嘅早餐同午餐，呢間絕對可以下次再黎過🤣🤣🤣

荃灣好多好嘢食，但係都唔及得呢間傳統扒房，香港歷史悠久，近日發現佢仲開咗好多分店，所以今晚專程過嚟試吓，其實以前都試過食過一次，覺得佢啲扒真係幾好食，所以今晚過嚟睇吓水準仲有冇返咁上下。真係好多人，座無虛席，講緊六點幾都已經坐滿晒人，仲要有啲人喺門口排隊。佢哋嘅扒累都幾多款式。先來兩個餐包同埋個羅宋湯，餐包軟綿綿，夾住牛油食好軟熟，羅宋湯酸酸地，裏面夾雜好多蔬菜，唔會淨係覺得食扒好罪惡，食返多少少菜拉返個平衡🤣🤣叫咗個帶子牛柳扒，叫扒時會問你要唔要生蒜蓉，上枱時個鐵板熱辣辣，有蒜蓉汁同埋黑椒汁揀，我哋揀咗蒜蓉汁，蒜蓉汁一淋落個鐵板度，炸炸聲，好正。另外叫咗個西冷牛扒，西冷牛扒五成熟，入口超嫩，一啲都唔韌，仲要勁大塊，飲完個湯，食埋個包，再食埋塊扒真係飽到上心口。

呢間懷舊設計既扒房成日見到周圍都有😜而且成日都好多人排隊！今日終於有機會試一試😆我同朋友去左荃灣中染果間😉餐廳設計係舊式香港style! Waiter個個都著紅色格仔裇衫好有味道😆我地好好彩咁可以坐卡位 好闊落舒服😌黎得呢度扒一定有好多選擇 任我地揀☺️除左扒之外其他野食都有好多！餐湯同個包都好食！😆開胃！我地叫左個安格斯肉眼扒😘揀左鐵板上！仲加$2要生蒜！夠曬惹味😆要左蒜蓉汁！ 加汁果時既”咋咋”聲真係好正😜扒既份量夠曬大！食到Lam Lam 脷！😆配菜都好香！另外加多份焗豬扒飯！又香又夠芝士味！正呀😆加左特飲！係可樂加朱古力雪糕！邪惡但好有舊式冰室感覺好滿足😜