金鳳大餐廳 (中染大廈(8咪半))

营业中

休息中

今日小妹約左個好耐無見既朋友係荃灣食飯，咁岩見到原來荃灣呢到都有金鳳大餐廳，之前係屯門食過幾好食，估唔到原來已經開左咁多間分店，今次介紹朋友食一定無失禮！今日六點去到，已經坐滿左人，我地都要等一陣先有位，好彩店員做野好快手、好好禮貌，唔洗等好耐。睇下menu，唔係好貴，唔岩食扒餐都仲有其他飯餐、沙律揀。叫套餐有餐包、紅/白湯，餐包熱辣辣勁軟熟，好正！套餐仲有個蟹籽雜果沙律，咁多野食真係好抵。朋友鋸扒，啲汁淋落去聽到啲炸炸聲真係好正！牛排好嫩滑，勁易切，一啲都唔老。上面仲有大大粒帶子。小妹就唔想食得太heavy，叫左個雞胸沙律，驚喜既係雞胸勁多塊，好抵食！味道亦好好，調味足夠晒咸，正！芝士焗西蘭花，芝士仲可以拉絲，西蘭花焗到好淋好軟身，唔洗好用力咬係小妹中意既質地！

我諗大家對金鳳都唔陌生，一聽到就知係港式扒房😙 平時經過好多人等位，可以係GULU 度拎定飛，咁就唔洗等咁耐😆 但今次好彩放工8點唔洗等位就可以入去了～Menu 唔只有扒類，仲有其他沙律、意粉&飯類嘅選擇～ 仲有個每月特選晚餐menu，同普通套餐相比多左沙律同雪糕，覺得幾抵咁，於是order左呢個同西冷牛扒餐🤭嗌完野食好快就上左餐湯同餐包，個餐包熱辣辣同好軟熟。要趁個包仲熱就塞舊牛油🧈入去😂西冷牛扒餐💰133牛扒嗌左七成熟，黎到淋上自選的蒜蓉汁，「咋咋」聲～～口感非常軟腍，肉汁豐富！好好味😋 下次試下嗌五成熟先🤣每月特選晚餐menu ——西冷牛扒拼北海道帶子💰178都係嗌左七成熟～～ 帶子2粒都幾大粒，入口爽口彈牙😆 多左2粒帶子賣相更吸引！ 啲薯條吸收晒肉汁同蒜蓉汁嘅精華，想食多幾條😂 唔夠喉阿～～～食完仲有個雲尼拿雪糕，飲品又大大杯，捧住肥肚走🤭

同屋企人係8咪半嘅Ikea睇完家居用品,落咗地下嘅金鳳大餐廳食午餐。十二點半正值午飯時間,餐廳滿座,不過等咗十多分鐘就有位！午市套餐都係六、七十蚊左右,免加一！扒餐都有88折🍞牛油餐包~和暖鬆軟,一口餐包,一口餐湯😜🥣忌廉湯~creamy,粟米粒增加口感🥘羅宋湯~色澤鮮紅,酸甜開胃,有好多蔬菜！🍛金鳳皇牌焗豬扒飯~豬扒好腍入味,冇咩肥肉!🍝西西里汁燴一口牛腩配意粉~意粉煙韌有味,牛腩一樣腍,個汁甜甜哋有啲似蕃茄醬汁,幾開胃!☕~個套餐包飲品除咗午市扒餐88折外,全日外賣自取扒餐都有9折,吾錯呀!

每次行過呢間 #金鳳 都見到門口企滿人 呢一日我專尊登預早半個鐘喺 #GULU 㩒定飛🎟 結果去到都仲要等十張 所以就去樓上IKEA 打個轉返落嚟就入得🟡🔵🟡🔵啲扒餐只係$118 可以加$2加 #蒜蓉 🧄另外吸引嘅地方就係有#黑牛 其實佢仲提供紅牛 白牛同金牛 不過我都係揀返傳統嘅黑牛🧊🥤🍨🍫點咗一個招牌#牛柳 餐同一個#西冷牛扒 餐🥩 當然唔少得我好期待羅宋湯 同餐包啦 🍞🥄羅宋湯夠濃亦好多蔬菜 餐包微暖 如果熱啲會更加分👍🏻上扒睇住啲蒜蓉汁倒落 #鐵板 聽住啲 滋滋聲真係好療癒😜食完厚厚嘅牛扒就食下面沾滿汁嘅粗薯條 飲埋杯黑牛真係超滿足 🥰雖然仲點咗個炸魷魚圈 不過個圈竟然係啲魷魚碎砌成一個圓圈拎去炸 真係唔使試 🤭👉🏻招牌牛柳餐 $118西冷牛扒餐加蒜蓉 $120黑牛跟餐加 $14💰金鳳大餐廳 荃灣青山公路388號中染大廈(8咪半)地下G01號舖.

我要滿足食羊扒嘅慾望，食呢個鐵板就岩哂！勁肥羊扒上鐵扒超級油香！粗薯條是我最愛，羊扒與黑椒汁係無敵！軟軟嫩嫩嘅肉，淋上面，鐵板燙熱嘅黑椒帶出香濃嘅肉味，簡直係無得彈！要論無得輸嘅扒系，牛柳多數唔會出事，果然啦！5成熟有肉汁，肉質夠軟，配蒜茸汁，呢度仲可以揀加蒜茸。蒜香爆燈！餐湯餐包加鐵板，周圍佈置裝潢，個種童年回憶返哂黎。尤其是同相識十載以上嘅朋友黎，特別有親切感！餐連野飲百幾蚊，羊扒都唔過2百，唔怪之得分店越開越多！

這晚格格陪我撐枱腳 ...她挑了一個「特選晚餐」，“鑊仔牛扒拼北海道帶子”。餐沙律雖只不過是一般什菜及罐頭雜果，味道也可，且大件夾抵食。跟餐羅宋湯，足料，無得彈。牛扒雖不是什麼頂級貨，但繼續足料，份量絕無欺場， 最欣賞哪那兩粒帶子，它不但還是大大隻的，上面還加了點香草，再加支旗仔，見微知著。我們加了一份“胡麻醬雞肉沙律”，雞肉煎得香，還嫩滑，胡麻醬分量適中，醬和菜撈得均勻，再灑上黑白芝麻，完美。跟餐雪糕，雖不是什麼好東西，但起碼沒有雪碎，證明廚房處理食物夠認真。

金鳳大餐廳：性價比極高的扒餐今天放工突然很想食扒，於是相約朋友到金鳳大餐廳，之前一直都是吃早餐，晚餐就第一次試。今次坐卡位，可以望街景食，又是另一種風味。入到去見到檯檯都叫扒餐，聽到侍應將汁倒進鐵板裡，發出吱吱喳喳的聲音，弄得我很想也來一份，於是我選了帶子牛扒餐，而我朋友剛選了豬扒雞扒餐，套餐還包飲品、餐湯及餐包，都是百零蚊，性價比高。我和朋友都選忌廉湯，忌廉湯裡有很多粟米，味道夠濃。麫包軟熟，沾一些湯吃，又是另一種享受。主角終於來到，侍應細心提醒，倒汁前需要將餐巾拿起，有蒜蓉汁和黑椒汁選擇，我倆不約而同都選了蒜蓉汁，蒜蓉汁與主角簡直是天作之合。牛扒軟稔，非常美味。友人說雞扒和豬扒也非常軟稔，肉味豐富，吃完一塊急不及待再補上一塊。朋友非常滿意，看來很快又會再encore。

原本其實食物唔錯的，其實值得再食，牛扒幾冧味道都唔錯！但係！！全餐廳唯一一個唔著員工制服嘅黑色T恤嘅男人，服務極度差劣。我唔知呢個男人係呢到係咩位置。但係如果恥笑客人大聲又無禮貌完全唔尊重人呢種行為同垃圾都不如！如果你係管理層唔想服務人！我覺得不如你執左間餐廳佢。呢行唔適合你！但如果係員工唔該炒左佢！基本尊重都無學咩人開間餐廳做服務性行業原本食得幾高興，因為呢個人，真係要直接差評！嬲到第一次俾評語

好耐冇去港式扒房，今日就黎呢間位於荃灣既傳統扒房回味一下裝修懷舊得黎好舒適，而且成間餐廳一入去已經聞到勁香既牛扒味真係未食已經流晒口水扒類有分美式同港式仲有唔同部位選擇，價錢應都唔算貴餐包同餐湯不過不失呢到既茶底都幾靚，不論奶茶定係凍檸茶你都會飲到好香茶香食港式鐵板餐最緊要係咩呀？梗係JAR JAR聲啦呢到既鐵板燒到熱辣辣Ｄ汁一淋上去即時昇華晒更令牛扒表面有少少焦香更加正最重要係呢到既牛扒非常之軟嫩食落幾乎入口即溶之餘你會食到陣陣牛香當中肉眼扒既牛脂香係比鐵板燒過之後更加揮發晒出黎，勁正另外仲點左個非常之有驚喜既野菌牛柳唔好以為佢呢個野菌汁只係燒汁加Ｄ野菌就算佢呢個野菌汁真係勁有驚喜勁有誠意炒過既野菌既精華完完全全滲晒落Ｄ汁入面令你每一口野菌汁都好似食左幾百萬斤野菌入口咁再配上比肉眼西冷都更加軟更加嫩既牛柳簡直就係至高享受

入店拎外賣，已給收銀看了一次手機單號，一陣間有個男員工抽住幾袋外賣，我問問是否有我的單號，男員工態度很差大聲呼喝叫我「等陣一個一個黎」，我忍冇出聲回應，當時眼看只有兩單已準備好的外賣，到我的時候更很大聲呼喝叫我比單佢睇，當時我抱住bb，實在很困難再拿出手機，我叫佢問收銀，收銀咪睇左囉，我實在忍唔住佢兩次的呼喝，我回應佢我抱住bb不是我想白拎外賣走唔比佢睇，還有其他員工大聲話我臭當，你地自己員工冇溝通，大聲呼喝我時，你們唔幫口出聲，飯市多人繁忙都唔係用咁既態度。

今日去食佢晚餐，叫左肉眼牛扒$198當個店員落單個時已經出玩神奇情況我同佢講要肉眼，然後佢停左1分鐘同我眼望眼因為我下意識下正常情況店員會問「幾成？」「咩湯」但佢完全無🫣跟著上餐個位年輕人（男仔）一次放湯撞枱倒左小小落地，另一次撞焗飯好彩無倒，但其實最大問佢扮無野，一句sorry都無😵到食物肉眼牛扒，真心我叫五成知未必得，但真心無預到變左9成😵其實做唔到咪唔好問直接限左生熟好過比件柴我😑神奇仲有檸檬茶無野篤檸檬🤔

一行6人8點倒攞位, 9點先有得入,等到變人乾。只試左肉眼同西冷, 我都搞5清邊個係邊個, 只記得有一份係好多筋位, 難切又難趙。2份我都有試, 都係無乜肉味, 得醬汁的味道,不過係好大份囉。唯一令人興奮應該只是淋醬汁果刻, 果D 「芝芝」聲...話哂港式鐵板餐精髓....朋友叫左個炸物拚盤, 又係好大份, 有薯格,炸蝦果D, 睇落幾好食。

星期日 午餐，嗌左煎三文魚 煎雞飯，焗豬扒飯，差過大家樂水準，焗豬扒飯得四舊，煎三文魚太乾，無味道。七十幾八十蚊一個餐，差過大快樂大快活好多。千祈唔好幫襯，唔明d好評點黎。好耐先有店員應。

平時見金鳳呢間餐廳周圍都有分店，唯獨係荃灣呢間分店同其他特別唔同！佢入面嘅裝修非常特色，而且亦都好靚，所以今日決定試吓佢。我同朋友叫咗兩個扒餐，一個係帶子牛柳（$168),另一個係西冷牛扒（$133)! 跟餐已經包咗牛油方包，餐湯同嘢飲！凍飲仲唔使另外加錢！牛柳上面啲帶子大大粒，軟硬度適中，店員會即時在鐵板上淋上燒汁或黑椒汁，即時好多煙冒出嚟😋重點係塊牛柳無咩筋！好juicy! 牛味好重！我哋揀咗七成熟，如果即刻食其實就啱啱好！但我同朋友吹水吹太耐，有part 仔變咗八九成熟😆😆下次我會揀五成熟，咁就應該啱啱好！西冷牛扒超級大塊，牛味冇牛柳咁突出，但都幾好食！呢個價錢有呢個份量同質素真係非常抵！

好耐無食鋸扒啦😋😋之前已經食過幾次金鳳既下午茶，晚餐都係第一次食🍴可能比較夜食，大約等了15分鐘就可以入座。餐廳闊落，枱與枱之間不會太近，坐得舒服。聽店員與客人之間的閒談，很多顧客都會經常光顧「金鳳大餐廳」，大家已把它變成每星期的飯堂。今次小編點了兩份扒類套餐，配牛油餐包、餐湯及餐飲。微暖的餐包，很鬆軟。每次吃餐包都會搽滿滿的牛油，很滿足。羅宋湯- 香氣濃郁，味道酸甜又開胃。西冷牛扒餐 $133👍🏻👍🏻👍🏻+2蒜蓉😍靈魂所在😍大大塊牛扒，牛味特別濃。野菌牛柳餐 $155份量多多的野菌，配上厚切的牛柳。叫了5成熟。薯菜在牛扒底下，薯菜份量不算多，沾滿漿汁很邪惡。凍奶茶和凍檸茶餐牌如下。