金鳳大餐廳 (中染大廈(8咪半))

营业中

休息中

啱啱喺荃灣行完宜家傢俬，見到依間餐廳下午茶都幾多人喺出邊排隊，原來係金鳳。依間同花園餐廳都算係港式扒房老字號，就一於入去試一試。先講環境，間鋪地方算好大，周圍都有人開緊餐，係咁聽到Jar Jar 聲。首先揀咗鑊仔牛柳配意粉，鑊仔牛柳質素唔錯，好淋身，份量又足夠，牛肉唔會煮得好過晒火，下午茶再配埋意粉真係夠晒飽肚。另外揀咗豬仔包配薯格，入邊嘅豬扒好嫩口，再配埋新鮮嘅蕃茄同沙律菜，加埋大大嚿嘅薯格真係令人好滿足。最後比較令人失望係佢嘅全日早餐，份量唔係好夠，滑蛋都唔夠滑，魷魚圈嘅份量比較少，真係唔係咁抵食。