金鳳大餐廳

营业中

休息中

lunch唔知食咩好, 有同學提議食金鳳, 反正未試過, 都好, 於是一起出發去也~入到去頓覺樓底極高, 加上其陰暗的燈光及帶點殘舊的桌椅, 頗有懷舊feel帶位途中見到其他食客的肉醬意勁多芝士喺面好似好正, 心裡已暗下決定要叫~一坐落未叫野侍應也不理會我們是否叫set就已拿來了一籃餐包, 1人1個連植物牛油,我地1人叫1個set lunch, 同學們叫了串香骨(一問之下是豬肉來的), 我想叫的原來是帶子焗芝士肉醬意,餐湯我例牌選了較穩陣的紅湯, 因最怕喝到由"麵粉水/生粉水"煮成的所謂忌廉湯,事實上稍後叫了白湯的同學也正明了我的假設......主菜來了, 同學的串香骨緆落好正, 我試了一點都覺好正, 仲有d後悔冇跟佢地一齊嗌tim,不過我的帶子焗芝士肉醬意都好ok, 早就預左係茶餐廳淋"batbat"意粉, 我嗌佢只因上面的芝士, 但估唔到既係竟然有2粒大大粒的帶子喺入面!等我仲以為29蚊一個餐有埋帶子最多都可能係帶子碎tim, 咁睇落佢都幾真才實料~最後大家都食到好飽, 連埋加一呢餐都算抵!p.s. 見到隔離位的男士叫了一個扒餐, 塊扒成隻拖鞋咁又大又厚, 鋪滿整塊鐵板, 好似床褥

上次食見人地個沙律餐靚靚,今次就自己試啦~叫左個公司沙律,其實係什錦沙律,有豬/牛/雞肉片,火腿,香腸,沙律就係著仔沙律~我覺得雞肉片最好味,牛肉有D鞋,豬肉都幾惹味呀~薯仔比較生,我鍾意佢有口感,但係份量好多,食食下都胃痛,但係比牛扒清淡,無咁漏,我下次都會再叫呀!試左男朋友0既牛扒,原來一定要7成熟先好味嫁~上次媽咪叫8成熟太韌喇~今次肉身好淋,好好味!

我都係國慶日黎食，叫左招牌牛柳，全熟。可以整到d 牛柳完全唔un，已經係一個非常值得讚o既地方。有基本o既牛扒味，同埋係非常厚，收$60蚊，真係無可挑剔。唯一唔好係杯野飲真係太細杯，細到好寒酸；另外個鐵板開始有d 舊，令人懷疑衛生o既問題。總括黎講係叫大件夾抵食，比呢60蚊唔會覺得蝕底左。ps 薯角炸得幾好，值得食。

尋晚國慶節同daddy,mummy一齊去金鳳鋸扒,佢地2個食過一次,我就係第一次食,總體覺得ok,唔應該當係好正式0既西餐去食,如果當係街坊扒房/比大家樂專業D0既扒餐就可以收貨啦我地叫左個牛柳餐,蘇格蘭豬扒餐同埋龍脷柳餐,同埋叫多左個白汁西蘭花,仲加左個酥皮湯,逐樣講下:餐包:好明顯係叮出黎,上枱0既時候係濕0既...酥皮湯:個皮唔酥...真係一塊板,無牛油味...大家樂都好過佢牛柳:有少少韌,不過勝在夠厚豬扒:好味!軟身,無怪味,正(而且有2大塊)龍脷柳:有3塊咁多,但係煎得唔夠香,太稔,無乜味野飲:凍飲一定要加大,如果唔係就細杯到得一啖;不過奶茶好好飲好有茶同奶味,如果叫熱奶茶就更正!西蘭花:16蚊好抵食,食扒呢D咁heavy0既野一定要有D菜,白汁好有味幾好食,順帶一提普通炒菜都係12蚊,;抵過茶餐聽我覺得金鳳最好係夠大件,以呢個價錢黎講都算交足功課,如果想食下pro D0既扒(唔想去大家樂)都係一個唔錯0既選擇不過.我從來未見過扒房要搭枱,有D O嘴

前日師傅又再次比同僚相約午膳, 雖然有少少唔想去, 但最後還是去了; 兩個人又是邊行邊諗地方, 最後師傅為免又唔知去邊好, 就提意黎呢間食店, 因為從來都未黎過, 所以師傅都幾期待!入到去都幾多人, 不過兩個人好易有位啫; 一坐底侍應就即刻放低兩個餐包, 師傅心諗係咪就算唔柯打野食都至少有兩個包吃呢? 不過都係唔理咁多, 即刻落單先, 事關師傅喺門口已經睇啱左個午餐, 加上好肚餓, 所以就拿拿聲柯打左個A餐!A餐係免翁牛扒, 而餐湯師傅就揀左羅宋湯, 餐飲就要左凍檸檬茶! 先講下個餐包先, 餐包唔熱但勝在軟熟, 呢一下真係挽回唔少分數; 而羅宋湯都嘅湯料都幾足, 酸酸辣辣都幾開胃, 亦為下一道菜做好準備, 唔錯; 而免翁牛扒賣相都幾吸引, 免翁嘅汁係屬於舊式嘅蘑菇汁 啡啡地嘅汁非常好味, 令師傅非常驚喜, 而牛扒就好鬆好腍, 都幾有牛味加上師傅食唔到有鬆肉粉嘅味道, 可以喎, 但唯一要彈就係冇問牛扒都幾成熟, 如果能跟隨人客嘅喜好, 應該會更好; 凍檸檬茶就幾細杯, 味道不過不失, 可以啦!總括黎講食物質素都幾好, 環境地方就殘舊少少, 如果係拍拖要氣氛就唔好黎呢間喇, 因為一定比唔到

銅鑼灣呢間分店其實無黎好耐,對上個次都6-7年前,無記錯當年係覺得好好食既,而太子分店就舊年試過,都覺得幾好!但係今次再黎就好大分別,,我同老公分別叫左一個招牌牛柳同燒汁羊扒,首先就係上麵包同湯,個麵包係就係熱,不過好硬,因為個包丁完又丁,佢再丁多幾次應該可以好似豬仔包D皮咁硬喇,不過澳門D豬仔包都好過佢,人地係鬆軟既,呢間野仲差,!D湯料都好足,好重番茄味,不過飲完勁口渴!湯飲到一半個扒就上喇,我都唔知點算好,我同侍應講,咁快,我都唔知飲唔飲好,佢話師傅心急噃,咁既解釋都得!攪到老公要揸住碗湯黎飲,而我連繼續飲既心情都無!老公個黑椒牛柳非常麻麻,同大家樂個D差唔多,黑椒又唔辣!而我食個個羊扒就真係差到不得了,個樣同豬扒無分別,最大問題係我一D都食唔出有"SO'味,如果唔係個侍應話係羊扒,我以為自己食緊豬扒咋,燒汁一D都唔好味,同埋我唔知係乜野原固,究竟係D燒汁定係羊扒令到我成個鐵板都係油,我見到都唔開胃,結果我食左唔夠一半都唔想食埋佢,真係好羨慕D食唔出有梳打粉既朋友,食唔出既話咁咪覺得好林,好好食!但係好可惜,我就係食得出個種人,呢間咁出名既扒房最大既功勞都只不過係梳打粉!到我地走

蘇格蘭牛扖回憶水準未降前, 無論你來食幾多次, 味道水準都是一樣, 不過下午茶除外, 牛扖用冰鑿鑿過n咁多次, 牛扖特別軟身, 軟到你唔信, 蒜蓉夠多時, 加上黑椒汁很不錯. 我朋友話佢用梳打粉淹到咁軟, 唔知邊個真, 可能係雙管齊下呢! 愛吃港式牛扖, 呢間係唔錯既選擇, 想吃牛肉既口感, 想吃牛肉既味道, 想吃外國煮法就要找別家了. 因為這家牛扖出名的地方在於煮得不像牛扖呢.

小第久聞金鳯大名，姑且一試!小第點了t骨扒及美式雜扒，牛扒很焾，完全沒有口喊。在上菜時，待應哥哥還把一塊雞扒弄跌在我的褲上，一聲對不起也沒說就走了!一定唔會有下次!

從未試過金鳳出品，於是就跟朋友來，一探虛實自己點了6成熟招牌牛柳，朋友點6成熟蘇格蘭牛扒，再另送餐包餐飲，再追加一碟通菜black pepper sauce是可以的，但牛柳的肉質就非常普通，什至算是鞋口，食唔過通菜就反而可以，雖然不吃腐乳，但食口仍落香口，抵讚要番炒的話，就不再點牛柳了

原本下午茶的供應時間寫住係 下午2:30-5:30 的, 但我5:00去到, 個侍應竟然同我講, 已經開始供應晚餐, 冇下午茶了, 離曬譜! 可能今日係星期六, 諗住一陣多人, 驚我阻住佢做生意掛!

睇番上一位小姐好怒氣的食評，同埋佢講埋係母親節o個日去....先知o個日我就係坐o係佢地隔離枱........其實o個日都ok多人, 我同朋友都係食左30都冇就俾o個位小姐所提及的曲髮女人問埋單未.....咁樣趕客真係唔o岩!!!不過我有一件事都好離譜:我同朋友分別叫左一個蘇格蘭牛扒餐及一個招牌牛扒餐,其實我係想食肉眼扒, then個waiter話蘇格蘭牛扒即係肉眼...點知......出到黎唔係肉眼扒, 一食就知, 只一塊好韌的牛扒, 同埋冇肉味的...朋友的招牌牛扒餐就好D, 起碼腍D, 易切D我覺得可能會因為多人而影響水準, 又會緊張想做多幾單生意先趕客，但都唔應該找一塊冇味的不知明牛扒來充當肉眼扒囉.....大佬, 你主打唔係鋸扒咩？連D扒都唔得, 又點叫人黎食wor......朋友說總店比較好一些, 但我都係唔敢再去了.........

今日係母親節，原本高高興興同媽咪去食扒，我地5個人，叫咗2個招牌牛柳，2個蘇格蘭牛扒及1個羊扒，洋蔥圈、青口及西籣花。不滿的地方:1) 我地未叫完order, 餐包已擺上台，等d湯來李已經凍哂 ! (呢樣嘢都事小)2) 加$25轉個酥皮周打海鮮湯，塊酥皮唔掂，'林'架，湯又冇料，得2塊蟹柳，差!!!!3) 我叫嘅牛扒一食落口，勁重鬆肉粉味，完全冇牛味，同快餐店質素差不多，差差!!!!!!4) 我媽咪叫了羊扒，一d羊味都冇，有d位仲韌到食唔到，差差差!5) 最嬲及不滿係************************************************************************** 我地差不多食完時，有個捲曲頭髮瘦女人(冇着制服)，係我地後面指指點點，又大聲 講話我地差唔多埋單，叫d伙計同我地執嘢，我柸餐飲未飲完，已經收咗，我媽咪及 妹妹仲飲緊，咪傾多陣計先囉，嗰個女人又走埋來，大聲講:「一陣呢度擺10位」叫伙 計做嘢，我地都未走，已經放定d枱紙响度，擺明叫我地快d走。 好啦，我地都諗住今日母親節，唔好阻住其他人，飲

灣仔近鵝頸橋的這間金鳳，由午餐、下午茶餐到晚餐，前前後後都吃了六、七年之久。但是，原來我一直都未替其寫過一次食評。吃得最多當然是其隔一、兩年才會轉換款式的超值下午茶餐。時而世易，由很久很久以前的二十大洋另加一的下午茶餐到約兩、三年前加價到二十二大洋另加一的一個茶餐、由約一、兩前餐廳牆身仍印著幾個英文大字母到近年被重新塗上油漆的餐廳牆身，直到今天，筆者仍然是金鳳的捧場客。惟一不變的，是其下午餐仍保留著堂食免費添飲一杯的優惠。五四運動八十九周年的今天，筆者再次偕一班認識近十載的舊同學，來這裡聚一聚聊聊天，就這樣度過又一個懶洋洋的下午。食物方面，不用多說，奶茶和炒烏冬也是沒什麼可挑剔之處。筆者來這裡，除了喜歡其平、靚、正外，最大原因還是它給筆者一個莫大的寧靜環境去反思和回憶。畢竟，The harder you try to forget something, the more it'll stick in your memory.

昨日金鳳超爆,與男友各要了一份招牌牛柳餐:餐包: 小小暖羅宋湯: 稍甜,不夠酸一份牛柳: 3成碟上(似7成)一份牛柳: 5成鐵板上(ok)食得出一定有落過鬆肉粉,不過尚算可以,牛柳好稔,都仲有D肉味.凍O茶2杯: 超細唔緊要,但一D菜味都無以甘既價錢可以接受.

因為朋友介紹所以尋日去咗金鳯食扒,但係唔係想像中咁好食,未上菜前好期待,因為見到個老闆同蔡蘭影相,應該都唔會差得去邊,点知失望囉!!我同朋友点咗個招牌牛柳同羊扒,D肉都幾林,但係一D肉味都冇,杯餐又細杯,但係以咁的價錢都OK...