金鳳大餐廳

营业中

休息中

古舊的裝修和暗暗的燈光，仿佛回到幾十年前一樣回想當年鋸扒西餐是一件十分隆重的事，女的要穿裙子，男的要西裝筆挺。現在呢? 幾乎街頭巷尾都可以食得到~ 或許~ 就是要到這類懷舊餐館走一趟，才能令食客尋回失落的感覺........言歸正傳~ 晚餐跟餐飽、西湯及飲品同女朋友點左 招牌牛柳及 燒羊燒廣島蠔上碟時候問到要咩汁，黑椒燒汁二揀一，自己對扒餐向來沒有什麼研究，係今晚先知道蒜蓉汁等如燒汁加蒜蓉今晚真係獲益良多~牛柳~ 叫左六成熟，切落去略帶血紅，大概都係七八成左右，火侯算係掌握得幾好! 牛味是有的~評價與以往食評所提及的一樣~ 汁比較稀疏水多，好明顯同煮完的椰菜無隔水有關燒羊 ~ 少騷，羊味幾乎欠奉 燒廣島蠔~ 又係太多汁 唔似燒，不過食落都幾多汁 又唔會腥...整體用料算不上靚，但份量絕不吝嗇旺區鋸扒而言，價錢絕對合理!

因為可能星期一, 同埋早到(6:45), 所以都吾算多人.以前大學天地堂同一班同學仔去過旺角果間(haha天地堂美食團), 呢次第一次黎灣仔呢間.感覺上旺角果間既湯好飲d, 同杯野飲大杯d.呢間好處就係坐位比較寛, 舒服好多.不過佢上菜真係好鬼快. 如果個扒可以遲dd上就perfect啦. 同埋佢個汁比較稀, 可能因為薯菜有椰菜既關係, 佢煮完無去掉d水就放落去,令個汁稀左, 無咁濃, 有減到分.以呢個價錢食到咁既野, 都算ok了, 佢又吾會趕你快d食完快d走咁, 都係吾話得啦.下次試第二種牛先, 或者有無人可以介紹食邊隻好d比我參考~~

見好耐都無去過就提議同事一齊去食返個LUNCH雖然我地都唔係就鐵板但我也覺得份量不是少的紅湯我真的喜愛這間比一般的濃, 料也很多, 用餐飽送一流吃的是牛扒意粉, 當然不是鐵板那些的厚, 只是薄薄的一塊不過一D都唔"孩"口, 也很淋意粉用茄汁煮過, 不是米黃色一條條的但煮得過火, D意粉太淋, 一叉就很易碎掉因為都已經幾飽, 吃到最後根本不想再同意粉博鬥, 就放棄了食完走人, 見出面牌$31.3一個餐但有加一服務費, 所以好似收左$35只是想知道點解唔寫明$35一個餐呢?寫$31.3會多D人覺得平D, 會去食?咁得意既

包偏甜, 奶味略重, 但有烘底值得一讚羅宋湯雜菜豐富, 有點Tabasco味......也許你會說 在銅記花$75 吃個扒餐, 有包有湯有餐茶, 還要求甚麼?...可是...過了數分鐘, 湯還未喝完兩份鐵板牛扒隨即上桌侍應倒燒汁黑椒汁, 兩口子連忙拉起盾牌-----"餐紙"歡天喜地聽著鐵板沙沙聲, 看著香噴噴煙雲升起..咦..? 為甚麼總覺得有點不妥?"嘩!!!!!!"君不見鐵板之汁板上來 奔流到袋不復回!!!說時遲那時快, 我看見腿上手袋正在「品嘗」桌上流出的黑椒汁心灰了半截, 幸好旁邊搭桌的太太送上濕紙巾即時狼狽地搶救手袋... 這時, 侍應不為所動, 見慣不怪狀閃掉了= =招牌牛柳還不錯, 有點牛味, 配上熱騰騰的汁也挺好至於西冷牛, 除了過量鬆肉粉導致太稔無味之外, 也沒甚麼不滿...又是未食完一半便問飲品... 一來..又是大開眼界, 冰檸水而已用不著那麼小杯吧....全程服務極快, 沒有任何溝通/交流...將fastfood文化發揮得淋漓盡致是好是壞, 大概見仁見智吧

一共叫左兩個餐：招牌牛柳餐 (六成) 和 蘇格蘭牛扒餐 (六成)。招牌牛柳 好軟林林，好好食，可以再 encore。蘇格蘭牛扒 脂肪比較少，所以比較有咬口，不過圍邊有筋，呢一點略為遜色少少。同時，生蒜 0既 aftertaste 好好，令到味蕾和食道口在整個進食過程都好刺激。另外，一開始0既餐飽 係熱0既，而 羅宋湯 熱辣辣、好好味。鋸扒0黎講，價錢合理。不過埋單0既時候，我俾 HK$200 現金 (因為佢地只收現金)，當 waiter 哥哥找番HK$54.8 返0黎之後，我地只係隨手拎番 HK54 費事拎毫子，最後 waiter 哥哥一邊行返去收銀機一邊好大聲咁鬧：「... 八毫子....？！」 ..... 佢呢個反應令我地有少少反感。 (註：佢地有加一服務費0既。)

第3次食金鳳,就請1家4口去食有叫2客西冷牛扒同牛柳,仲有個唔記得..有叫白湯同紅湯,我飲白湯,味道都好好紅湯我老豆話唔太辣,幾岩佢飲幾好味餐包泥到既時候仲係暖既..仲好軟淑,唔會凍晒呢間野真係好抵,D扒好食,又有餐湯+餐包,仲有一杯細野飲(套餐)而且食完仲會好飽同我第1次泥呢到既時候感覺都冇咩點變(相隔2-3年)

環境:好古色, RAW 的裝修, 第一之來是一個朋友帶我來的, 原來同太子那一間是一樣的, 怪不得咁親切, 聽講而家仲好多人o係太子等位食, 呢邊我次次都唔使點等, 可能多位 D 啦!!!!服務:好快手, 一入黎即坐, 差唔多食完又問餐茶飲咩, 而家邊到搵?食物:次次我都係食招牌鐵板牛柳加蒜蓉(要加$2), 尋日食唔記得加, 硬是差點什麼的, 後加番, perfect, 記得要食 6 成 done, 因為佢地個鐵板燒得好熱, 會 keep 住熟! 切記!湯:都係飲番基本紅白湯好了, 個龍蝦湯同酥皮周打都麻麻

久違O既金鳳~~~地方依舊, 味道都一樣依舊, 價錢依舊, 飲品亦依舊 什扒, 咩都有O既, 最O岩貪心又唔知食邊樣好O既人, 而且份量都好大啊~~ 最開心佢有火腿添~~~ 好難得, 仲要係厚切, HAHA!!!西冷扒, LEE個反而我有D出奇, 因為我ORDER係6成熟, 但出O黎o既感覺好似全熟咁, 而且D肉質過lum, 似牛柳多過似西冷, 點解呢??? 而且d著條唔知點解佢地要放底, 攪到d著條又係lum哂, 仲一pat pat咁, 乜唔係應該靚靚咁放o向旁邊o既咩?? 唉~~~另外最唔鍾意食佢o既軟身餐包, 如果變成蒜蓉包你話幾好, 十年如一日o既餐包 同埋餐飲真係細杯得可憐, 飲幾啖已經可以KO啊~~~ 不過你亦可以加$加大O既, 不過唔甘心如果大家想食好美味O既扒我相信仲有好多選擇, LEE度O既反而係種懷舊O既感覺多D 所以我都係久唔久去緬懷一下~~~

之前到過太子的金鳳，除比較擠迫外，味道確不錯。今日走經銅鑼灣鵝頸橋，忽然想來個鋸扒，便與朋友試試港島區這一間金鳳。小店位置比太子店較大，裝潢成西洋格局，燈光昏黃，雖然殘舊樣貌漸現，但環境尚算舒適，只是炎炎夏日下冷氣好像有點不夠。 來到金鳳當然要鋸扒，最後把菜牌翻來覆去，也是點了最傳統的招牌牛柳餐。 牛油餐包：餐包上檯時不太熱，但剛好能溶化牛油。餐包質地鬆軟，略帶甜味，以羅宋湯蘸吃最好。 羅宋湯：羅宋湯有甘荀、椰菜、西芹、蕃茄等蔬菜，稠度適中，算不上很香濃，但酸度剛剛好，如果再辣些便更好了。 招牌鐵板牛柳：招牌牛柳以鐵板上檯，燒汁與黑椒汁選了後者（蒜蓉汁要另加 $2），店員灑汁時反應不算太大，證明鐵板不夠熱。牛柳選了五成熟，切開時略帶血紅，但肉質異常嫩滑，似乎加入過多的鬆肉粉，但味道還算不錯。配菜的薯條切得太幼，浸在醬汁中變得腍而無口感，反而滲滿黑椒汁的椰菜較好。 餐飲：餐飲選了凍檸茶，以家用小型玻璃杯盛著，小得差點連檸檬片也放不入（加大則要另加 $5）。 質素與一般茶餐廳相若，茶味不算太濃，有幸沒有檸檬的苦澀味。服務態度比太子店為佳，但食物質素則稍遜。數十元來個扒餐不算貴，但以此

每次都去太子或者山林道間金鳳, 從來未幫襯過香港區這間, 今次決定去試下!這間同太子一樣, 裝修很古舊, 但這裡坐位比較寬敞, 沒有太子的壓迫感!餐包 – 微溫, 夠鬆軟羅宋湯 – 好夠味, 足料, 微辣, 非常之好飲主菜 –美式什扒配黑椒汁加蒜蓉: 有兩小塊牛柳, 一塊豬扒, 火腿, 腸仔, 少許雜菜, 同薯條鐵板不夠熱, 淋汁時的 "沙沙" 聲很微弱, 牛柳夠淋, 豬扒不過不失, 薯條太幼, 而且太少, 黑椒汁加少許辣味會比較好, 蒜蓉完全唔得, 青BB無咩蒜蓉又多油, 上枱時以為比碟薑蓉 (我落單要求加蒜蓉, 但上菜時師傅居然忘記加, 要之後補上)荷蘭豬扒配黑椒汁: 有一塊煙肉, 兩大塊豬扒, 少許雜菜, 同薯條豬扒唔入味唔知邊樣味精重, 食完好口渴.題外話 –這區食客真的好特別, 話說有一家4個人被分派一張6人枱, 我地2個侍應叫我地同他們搭枱, 本人當然沒有問題啦, 因為其他分店都是這樣, 當我們坐下來, 那家人自已傾計說, 他來到佢地應該食完走左, 無所謂啦! 為何你們攞枱時不早點出聲? 假若你的朋友來到, 我們未食完怎麼辦? 我唯有代他們出聲, 才分派另一張枱給我們

來銅鑼灣辦事便找兩老吃飯。這家金鳳是老媽介紹的, 說這裡的午餐很抵食, 她常常和同事們來吃的。餐廳裡舊舊地的 80 後裝修, 和暗暗的燈光, 我覺得幾有味道。此時店內已坐滿吃飯的上班族, 但枱與枱之間還不算太擠。一坐低, 一籃餐包已「嗖」一聲出現在枱上, 都是那些甜甜的港式衛星包啦, 暖暖地算是這樣子了。是日午餐有 3 款, 均一價 $30 (另加一), 果然好抵喎。我們正好一人點一款然後兜亂吃:老爸的是燒牛肉沙律, 老媽點了焗蝦球肉醬意粉, (肉醬是牛肉) 而不吃牛的我就點了剩下的蒜蓉雞扒。湯照例是紅白大格鬥, 我的是紅湯, 很多油呢。主菜 5 分鐘內已上齊, 很快手, 不過侍應叔叔的動作當然也是鏗鏘有聲的, 連沙律上的蕃茄都飛到桌上了。我吃了燒牛肉沙律的沙律部分, 一般港式大雜燴沙律貨色, 不過用料還算新鮮; 而且沙律旁還有一堆他他醬, 牛肉上也有幾片酸瓜呢, 簡直是超額完成了。兩老吃了牛肉, 說肉比較韌, 但也有兩大塊的, 認真唔講得笑。肉醬意粉上桌時還是滾的卜卜響的, 吃就沒我的份兒, 吃了媽的一隻蝦, 雪蝦基本上跟肉醬是各自成文, 有點畫蛇添足了。我的雞扒也是大大碟的, 可配

同男朋友係銅鑼灣不停搵野食, 突然諗起金鳳, 於是即刻去睇下有冇位.大家都係叫左個鐵板雞扒, 先來個餐飽同餐湯, 食左大半就冇食, 吾係吾好食, 係我要留肚食雞扒..哈哈嘩, 兩大塊雞扒加上燒汁好好味, 之前心諗佢會吾會得一塊雞扒咁少呢, 原來吾係...薯條好幼細, 我反而覺得不錯, 因為我吾鍾意好粗果種波浪薯條. 餐飲得細細杯, 令我覺得吾夠飲.總括呢餐都算幾好, 但吾會成日食, 因為食扒實在太heavy了...

想起來，之前還有一堆食評和逸記沒有好好的寫，這回待1月2日什麼事都沒發生時在家好好的寫，籍此分享給每一個人。就黎聖誕，成班朋友，叫埋灣姐同耀哥一齊去，約好左聖誕假前一星期去呢間有我咁古老既金鳳大餐廳 食扒好好慶祝，當然唔少得就係交換禮物啦!!因為無得BOOK位，所以晨咁早6PM就去左坐位，十幾個人，居然有8個同我例遲(真係唔好意思)，點呀大佬?好彩WAITER個哥仔好人，仲問我地駛唔駛加橷，咁時今日咁既報務態度真係值得加分!黎到重點部份食個扒!!黑椒蒜蓉牛柳鐵板，好味XD睇到下面佞評話鬆肉粉落得好勁下，其實我覺得還好啦，叫七成熟質感都ok，未至於太淋->用叉切得開個隻，黑椒汁係熱既，食落都係熱既(噴心呀)係唔知點解成個鐵板凍得咁快，食到尾塊牛得番蒜蓉同黑椒汁支撐我既食慾 o者 (話說個日比耀哥話我食得超快)話時話...呢間同太子倨間邊間好食D?寅係要搵日試試。不過我個人覺得比係皇后飯店既扒好食d最後係餐廳玩左交換禮物，好幸運咁抽到灣姐個份禮物............唉，係咩就唔好提喇。

己有一段時間無幫襯, 真估唔到面目全非, 伙記己唔同晒, 連食物水準都下降晒…<服務>D伙記真係唔多掂, 有D又用唔咸唔淡既廣東話同我哋講嘢, 根本就唔知佢講乜, 有D就無帶手套玩麵包, 見佢之前整其他嘢, 跟住就去玩麵包, 手根本就無洗過, 將D麵包翻嚟翻去, 唔該衞生D啦, 用個鉗都得啫 <食物>1) 紐西蘭牛扒 - 叫咗5成熟, 嚟到應該變咗7成熟, 一D牛味都無… 好失望 ! 2) T 骨牛扒 - 有牛味, 仲大大塊, 可惜薯條少咗好多同幼咗好多二人共消費 : $140

見到西冷賣60蚊, 但午餐的黑椒牛柳成個餐都只係29蚊, 都知道會係咩結果, 但好奇心駒使下, 最後都叫了29蚊餐....哥哥仔都冇問我幾成熟, 心知不妙....先上個羅宋湯及包, 個包好熱好鬆軟, 好好食湯幾濃, 一d 都唔水, 也不錯.之後上個牛肉, 黑椒汁不算多. 切一片, 嘩, 入口即溶, 隻牛中左化骨棉掌咁.用個叉的邊係可以 切得開塊肉架....叫了個熱啡, 想落糖, 嘩, 個匙羹 有成大舊糖痴左上去既???都係用自己的匙羹算了! 要改善呢~29蚊真係29蚊! 唔到我唔信!