金鮨 (已結業)

無意中發現了長沙灣都有專吃丼飯的專門店，即管一試！入內看見餐牌，心裡想，嘩！都幾貴喎，反正一場來到，吃左先講囉！我叫的是池魚王限定5色丼，裡面有:池魚，三文魚，海膽，帆立貝，葱粒吞拿魚碎。一試，就物超所值，不單止足料，刺身仲非常新鮮！仲要係用新鮮山葵，真係好好味真係要試👍🏼

估唔到喺長沙灣食lunch都要book枱先有得食！😆真係唔可以睇小呢間店嘅魅力！之前來過但因為沒有book枱，啲餐廳嘅枱燉數量真的很有限，兩個鋪位加埋，不夠20個位😭要等book到枱先有得食！今次Book咗枱，一來到便可以入去就坐，見到個餐牌，真係好吸引，絕大部份都係魚生飯圖片😋我們點了海膽三文魚飯$88丶原條鰻魚飯$148，一件鵝肝壽司$45。海膽三文魚飯，買相好吸引，分量十足，四件三文魚顏色鮮嫩，厚切而且油脂分布均勻，而且海膽都好新鮮份量都算多，食落口感好香滑！至於原條鰻魚飯，鰻魚肉厚而且有咬口（市面上一般的都是香香軟軟的）這個質感亦不錯，醬汁亦好香😋好味！至於個鵝肝壽司，真係好失望，食落比較乾而且香味唔夠👎🏻Lunch 可以加＄15有三文魚頭湯,加一款小食(辣味螺肉或者中華沙律）沒有加1服務費。👍🏼雖然係小店式經營，但魚生品質新鮮，份量足，可以再encore！

上次公司party 係叫金鮨外賣，覺得都唔錯，今日諗唔到食乜就黎左食喇。呢度十二點開門，我地十二點二到，仲有位坐。由於真係好想食海膽，我地不約而同都叫左三文魚海膽丼，無記錯係$88，覺得都幾扺食既，幾廿蚊有海膽食。講反個丼，海膽大約有四瓣，三文魚有三塊厚切，仲有酸彊同青瓜，都算足料。海膽真係幾正，完全無腥味，超綿密，而且份量夠多，真係海膽撈飯。三文魚都幾好，無筋又夠肥，仲想點？我覺得$88係超哂班，但我覺得個醋飯反為濕左D，有少少影響口感。

男人於長沙灣上班，偶爾會接他收工，順道在附近覓食。這天本來是在另一間同區的日本料理等位的，但排了一個小時仍未有位子，加上時間晚了也真的太餓了，而且等的期間感到餐廳在安排入座上有點問題，種種原因下，便決定轉地點。不只一次想吃金鮨，但男人總說店的位置小人又多，不想迫了。這天可能時間有點晚，餐廳都幾乎last order，所以沒太多人。餐廳面積不大，分了2邊，每邊只有幾張桌子，但坐下來又不覺得真的很迫，桌子之間的距離算合理。而内裡佈置很有風味，牆上貼滿食物的照片，很吸引人。就連餐具亦很日本風味。這次沒有點刺身飯，點了一份大拖羅壽司套餐。本來應該有海膽，但剛售罄，以珍寶牡丹蝦替代。換上的珍寶牡丹蝦算新鮮沒腥味，咬下去肉質感覺紮實，咬開後帶微黏，大大隻的肉身填滿了口腔；藍鰭吞拿魚油脂分佈恰到好處，入口後細意咀嚼一、兩下，吞拿魚已經會在口裡溶化，完全不會有點點腥味，只有魚香四溢，不過美中不足是有點筋；三文魚腩夠肥美，脂肪比例剛剛好，入口有魚的鮮味及油香。珍寶帆立貝夠厚肉，而且入口鮮甜不太黏；三文魚籽粒粒通透，又夠脹卜卜，入口爆開後不腥且啖啖鮮味。甜蝦水準正常，北寄貝、八爪魚我沒吃，男人說不錯。而且

today my colleagues and i want to have something good, so we decided to have lunch in KinzushiWe take a way as the shop is not that big enough to take a seatswe bring it back to our office and have this lunch box I had ordered a urchin salmon scallop.the rice and the shashimi  are enough for me to eat,it is quite fresh for the urchin and salmon, but for the scallop i think is not that fresh enoughAnd this cost $88 for one, it is quite reasonable to have this in this district.

長沙灣食日本嘢嘅選擇近排越來越多，好難得地開咗間元氣壽司，但係有時又會想食下丼飯嘅時候，就會諗起呢一間金鮨，佢嘅鋪位唔係十分明顯，有開初食佢哋嘅時候剩係得一間鋪，入邊夾埋都係得10個位左右，睇住佢再開多一間鋪，雖然係加左價但係食物質素依然保持水準。三文魚帆立貝丼飯＄78四大塊三文魚，脂肪分布平均，魚味夠，唔會有雪藏味，帆立貝有兩塊，壽司飯酸度剛好，加埋Wasabi同豉油去食非常滿足。拖羅帆立貝三文魚腩丼飯$198三文魚腩油脂好多，咬落口真係有入口即化嘅感覺，吞拿魚都係，佢旁邊有一條細細的筋，咬幾啖都係會化入口，質素絕對唔會差得過尖沙咀嘅日本店。

今日中午買外賣食，食開頹飯，都想食下好嘢。經過金鮨，見人都多，就買外賣試下。天氣有d凍，叫左個炙帆立貝拼三文魚壽司飯。一打開個盒，香氣四溢。三文魚燒到半熟，魚油香全都出來，配合夠味的醋飯，正丫。

今日同舊同事黎左呢間小店敘舊呢間小店有4張2人枱, 但竟然可以訂枱。由於我地lunch時間有限，當然會訂枱。由於太多刺身都想試既關係, 我叫左個包5樣刺身既刺身飯刺身新鮮, 份量正常見隔離枱叫左個牛舌, 幾正咁, 我地都叫左個黎share. 唔un幾入味, 但味道較普通, 所以唔太記得究竟係味野煮牛舌清完所有野食, 店員仲密密幫我地加茶, 服務態度好, 抵讚!埋單一人$110

尋晚去試左金鮨，訂左位等左一陣，服務態度好有禮貌入到去環境好靚呀好有日本居酒屋feel 食物比我想像中好食👍刺身壽司好新鮮平時食開是日本海膽，今次第1次食加拿大海膽原來都好好味架，又肥美，下次都要再食多D個海膽三文魚三文魚籽丼真係好正，新鮮到好似係日本食緊咁不過上菜是很慢的，大家要耐心等侯呀

出糧總是有點任性。月頭同班同事一齊食好西，首選岩岩擴充左既金鮨。呢度位並唔多，不過擴充後已經易搵位好多。我點左三文魚海膽魚生飯。三文魚如圖所見，有三塊左右，厚切。好新鮮肥美，無筋，唔錢。海膽方面，大約有兩瓣左右，新鮮，不過無咩味，缺少左鮮甜味。壽司飯可以做得好d，今日食既煮得太濕，做反乾身少少會更好。午餐食到似樣既魚生飯已經好滿足，會繼續支持既！

我男友喜歡吃刺身，於是今天我們去這間日式小店吃晚餐。這間店舖只得很小座位，不過晚上8:30左右，還有座位給我們。環境方面，由於是小店，餐廳的座位十分擠迫，不過餐廳的餐具十分可愛。我們叫了鰻魚定食，特盛丼，壽司叫了鰻魚壽司，火炙玉子， 火炙三文魚， 火炙三文魚脂， 火炙三文魚腩和 火炙帆立貝。特盛丼包括三文魚，甜蝦，海膽 ，帆立貝，吞拿魚，三文魚籽 和八爪魚。全部食材都十分新鮮，三文魚十分厚身，海膽咸咸的味道不錯，甜蝦和 帆立貝都十分鮮甜，我男友十分喜歡啊^_^鰻魚定食加$12，送三文魚麵豉湯和前菜，麵豉湯咸咸的味道不錯，而且湯內有三文魚。前菜是辣螺肉，辣辣的味道不錯。鰻魚都有很多塊，而且都十分厚身，不過比較乾了一點，如果多些蒲汁應該味道更好。火炙三文魚， 火炙三文魚脂， 火炙三文魚腩方面，其實我都分辨不出這三款有什麼不同。不過全部都太生了，可能太厚身了，如果熟多一點應該味道更好。火炙帆立貝方面，都是太生了，我比較喜歡熟多一點的，但帆立貝是新鮮的。反而 火炙玉子十分美味，玉子甜甜的味道不錯。鰻魚壽司方面，鰻魚十分長身，而且又厚，而且暖暖的，外表有點脆，味道不錯。惟一美中不足是壽司飯有點凍

主打是平價魚生飯的金鮨，有時平日中午都會過去一食。食左個火炙三文魚帆立貝丼，有得揀全熟或半熟，我就揀左半熟。三文魚都幾大塊，表面有著其橙紅及炙烤完的微焦色澤，食下盡是濃郁的三文魚香，以及微微點焦香。口感十分之嫩滑，幾乎到入口即融地步。帆立貝都大粒新鮮，飯是酢飯，酸度恰好，份量幾大，可以食飽。

此店的食材雖然不錯，味道也達水準，本人已經惠顧了兩三次，一直相安無事，該女士應禮貌也很不錯！但有一次，因為此店只有兩三張枱，本人就坐後，發覺播放的日本歌非常嘈吵，其實其他枱的食客也想投訴，我禮貌地要求可否細聲一點，寫店主竟然以惡劣的態度回應，小姐，「我係咁架啦，如果你接受唔到我都幫唔到你！送客！」並不是食材的問題，而是未受尊重，令人受侮辱的感覺。這一餐飯我當然吃不下去啦！當時食物味道我叫他取消了，以後我也不會光顧這間老玉適合的小店，他現在只是小店，卻比大酒店還要巴閉！我也佩服得五體投地！本人聲明，如果我作大的話俾雷劈

天蓋邊以櫻花佈置，餐牌字體粗獷，頗有日式小店的風味。試左依度既海膽三文魚子魚生飯。 價錢98蚊，以魚生飯同海膽黎講，算係好平。上枱時海膽，三文魚腩，魚子，嫩白蒽絲，青芥末鋪陳得頗整齊， 先每樣一試。 三文魚腩最為肥美，與魚子同食，粒粒魚子以上顎壓碎，融入三文魚腩中，以牙齒揉碎吞下，佐以壽司飯，不俗。海膽差左少少，有微腥; 白飯是正常壽司飯水準總括來說，既想食海膽又想食魚生飯，但又唔想太破費既，可以一試。

今日去左一間叫金鮨既小店度食午餐, 呢間鋪仔小小, 位置唔多, 所以我都醒水, 11:50 就落街趕係佢開鋪時間幫襯. 當然唔洗等位. 呢度大約有10個位左右. 都幾多野可以叫, 有火灸物, 刺身丼, 燒物咁! 我點左個U4 餐, 即係海膽三文魚魚子飯, $98. 無幾耐就到lu! 海膽都ok, 完全無腥味, 幾新鮮; 三文魚好肥美, 我覺得好味過海膽; 魚子都ok, 唔腥又甜! 呢個刺身丼, 我收貨la!