金鮨 (已結業)

今天中午想吃廉價板魚生飯，找到金鮨來。說他便宜也未算，但份量材料絕不呃人。點了一個海膽帶子三文魚子飯，跟餐有個湯，湯是有三文魚肉鮮煲的，湯頭很甜，面豉不會太咸，加12蚊真的很抵。魚生很新鮮很多，可惜海膽略微遜色，飯也酸了點，但整體上也不錯。

在長沙灣突然好想食日本餐, 於是就誤闖了小店, 支持一下! 原來小店已經開業兩年, 平時都要booking先可入座, 幸好時間尚早, 可以一試點了一客魚生飯, 真係即叫即造, 三文魚塊塊厚切, 而且新鮮, 色澤亦亮麗, 入口雖然唔係即溶, 但係個口感係嫩滑, 而且唔會有骨, 的確係新鮮的! 反而蟹捧就略遜一籌, 可以儲放太耐, 色澤暗, 而且有點散, 但味道仍有鮮甜蟹味值得一試

今次好開心揾到間質素高價錢又實惠的餐廳。店舖大約只可容納七至八人左右，但營業期間接受外賣的。今次食左火炙三文魚帆立貝丼，而hubby就食左海膽三文魚三文魚籽丼。有趣是，老闆問火炙三文魚要全熟定半熟，之前食火炙未試過有得選擇生熟程度，問清楚老闆，原來半熟就只燒一面，全熟就兩面皆燒。聽取老闆建議，可以食生嘅就只燒一面。兩款賣相都好吸引。好滿意我碗丼，燒過嘅三文魚，襯暖食真係有入口即融嘅感覺。帆立貝大粒肉厚之餘，仲好有鮮味。hubby亦分享了海膽俾我試，都算係鮮甜，無腥味。食材新鮮，份量豐富，價錢公道，可以再encore!p.s. 餐廳不設加一服務費

今日落雨 仲要行錯路兜咗個大圈為左美食 吾緊要終於到左 間鋪細細間 位置有啲迫 簡左好耐食咩 因為樣樣都想食 最終簡左 三文魚蟹柳魚子丼 黎到 ！ 三大塊三文魚 好新鮮蟹柳 正正常常魚子 加埋啲飯一齊食 好正呀！友人 叫左 三文魚帶子海膽丼 三樣食材 都係好好好新鮮海膽仲有好大舊 吾腥加左12轉定食 有湯同配菜 個三文魚面豉湯 好好飲 吾係味精湯喱個價錢 性價真係好過好多大型連鎖店

有日同事講開話呢間金鮨好好食!好新鮮!原來地點仲要好近我 所以收工決定試1試！去到門口發現店鋪好細 難怪一直唔小心忽略左佢！哈哈！夜晚8點半 等左10分中就有位～鋪面好細 放左1張4人台 1張2人台 同3人bar台。由于同事極力推薦海膽 話份量都唔少！咁我就叫左個海膽三文魚吞拿魚丼。加十蚊可以升級做定食 姐係有三文魚味噌湯同1個前菜中華沙律/味付螺肉我就加左十蚊 點知湯已經賣晒所以俾左2個前菜我～師傅係入面新鮮即整 等緊既期間聽得出其他客人都係食開 相信小店係做熟客生意。我仲叫左罐asahi！黎到發覺唔夠凍～店員俾左冰同水我冰震asahi!!好正牙！當堂覺得好貼心 仲好好玩！講番個丼 真係好大舊海膽！好滿足！海膽新鮮 無苦味～三文魚大大塊 好香油脂味！相比之下三文魚係好食過吞拿魚～見隔離食客點左燒鵝肝壽司～我又忍唔住想食！開口問食客哥哥好無食～佢話唔錯！哈哈～咁我又來一客！鵝肝好大舊！燒完既鵝肝唔會乾，好香好好味！少少油但唔會漏～總之成餐飯超滿足～無唸過100蚊就食到咁大份滿足晒我3個願望既魚生飯！最正係雖然鋪仔細細 但店員,食客同食客之間多左份交流 好有人情味！相信好快我又會再黎食！

改用了膠食具，買相失色了不少。又不是很環保，沒有了以前日本小店的風味。雖然食物是好吃，三文魚腩金香肥美， 壽司飯的醋味恰到好處， 麵豉湯是自家三文魚製的十分鮮甜， 但是用了這些現代食具總是有點格格不入。希望能用回以前的陶瓷碗和木筷子， 回復以前風采!

位處於深水埗近長沙灣地區一帶是藏身了不少出色的小規模食店。今天小弟就到訪了其中的一間....若不是在地圖找過一下的話，真是不知道"兼善里"是在哪兒....幸好這裡距離港鐵站只有約六至七分鐘的腳程，而且地方也算位於當眼的位置，所以亦不會太難找....舖位實在少得很，一不留神便會走過了。還好她的招牌也非常的大個，故此最終亦沒有錯過....一走進去，發現座位總數竟不到十個。好在時候仍早，還剩下一個自閉面壁位，小弟當然馬上老實不客氣的將之佔據了....這裡主打的是一系列的日式海鮮丼。最重要是她的價錢收費是相當的公道 ---- 像我今天叫的這一大碗的特上拖羅丼，吃得飽飽又滿足也還只索價一百六十多大洋而已。以如此材料的陣容的丼而論，在外頭的正常日本料理店就要收您兩三百塊了....飯舖面滿滿是一大堆新鮮的三文、拖羅、牡丹蝦及我最愛的uni，材料是多塞得連下面的米飯也看不到....三文採用的是厚切近腩位，入口有咬勁又令人食至滿口肥油，口感滑溜得很；拖羅望上去就有如一塊半肥的豚肉一般，一放進口便差不多溶在嘴了，肥美豐腴非常；海膽可以蠻清楚的看到它的顆粒，吃下去雖少了一份源自海水的氣息但仍尚算鮮甜沒見苦味

喺香港想食個似樣啲嘅日式魚生丼，閒閒地都一二百。而小妹同朋友某日行行下街，就搵到一間食乜魚生丼都唔使過一百嘅日式小店。小妹當然唔會放過呢個機會去試試。入到去，間鋪就細細間，有四人枱、二人枱同吧枱各一張，加加埋埋坐到10個人左右。牆身掛滿哂相片同埋日式仿木價錢牌，再加上間鋪循環播放日本歌，叫做有番幾分似喺日本食嘢嘅感覺。店方話所有食材都係即叫即整，不過成間鋪其實得一個人看門口，又要兼顧廚房又要做埋樓面，所以就等咗比較耐先有得食。飯未到之前，廚房好得意地問使唔使要wasabi，先提番起我哋本身張枱無，同埋佢亦強調wasabi係生磨，唔係就咁俾包嘢就算，呢個位feel到多一點嘅用心。首先嚟到嘅係海膽三文魚籽帆立貝丼，另外再加拖羅。先講個拖羅，本身個飯冇跟，要額外加$50，但比較失望嘅係原來拖羅只係得一小塊，而且食到有少少根喺入面，食落個feel係唔值呢個價錢。海膽就夠新鮮同鮮甜，份量就相對較少。三文魚籽有番咁上下大粒同咬落粒粒都多汁，正！帆立貝亦都係比較大粒，食落亦溫度啱啱好鮮味出到嚟。飯就可能睇相睇唔到，其實就好大碗。。。跟住就係海膽三文魚丼，同樣都係另加拖羅。拖羅就一樣都係咁細舊，唔得，

搬家以後，很久沒有來這邊吃飯。這天跟寶寶一起放假，突然想起這家久違了的日式海鮮丼專門店。已經很久沒到這裏了，這裏的裝修變得繽紛了一點，而且海鮮丼的選擇也變多了。我點了期間限定牡丹蝦帆立貝三文魚丼($98)，賣相超級吸引，牡丹蝦大隻而且很新鮮。帆立貝跟三文魚都厚切的，同樣鮮甜！當我傳這照片給朋友時，朋友話問我是不是到了日本呢！寶寶點了三文魚八爪魚龍蝦沙律丼($68)。八爪魚完全不靭，而且帶有海鮮的甘甜。吃得十分滿足！

極少來長沙灣的我，因為探望朋友而來到這一區，小小的一間日本店，很不起眼，但吃完卻有大大的滿足！我們堂食時有不少人進來叫外賣，而且店主跟客人都有親切的對話，相信這小店在這區應該挺受歡迎！我們點了三文魚帆立貝丼（$58）和海膽三文魚丼（$68）。大大碗的丼滿載著新鮮肥美的三文魚，完全沒想到小小的一間店會提供這麼高水準的刺身，而且飯真的是日本米，軟硬適中，真的不是間間日本食店都能做到，吃完非常滿足，真是一間十分驚喜的小店，大愛！總括來說，分量大，價錢相而，刺身厚又新鮮，如果再來長沙灣一定會再來吃這個丼！

首領又到左應酬嘅季節，今日拋低我去左鯉魚門嘆海鮮，雖然佢食到厭，我又聽到厭，但我聽到始終都係恨到牙痕痕😾😾😾既然佢去左食好野，我都吳執輸:> 基於平時首領吳肯食魚生嘅關係，我自己一個食通常都會食日本野過飽癮長沙灣日本餐廳吳少，但暗總是藏不少伏！今次係我第二次泥金鮨，兩次都係食呢個三文魚海膽帆立貝刺身飯，今次我豪過上次，三文魚轉腩，每塊加3蚊，亦加多左10蚊轉餐跟三文魚面豉湯同辣味螺肉。除此之外，仲要求走蔥同要暖飯，師傅細心地滿足曬我所有要求不特止，仲幫我將丼飯拆開如圖，估佢係怕暖飯嘅溫度加速魚生嘅退鮮程度，好似係。三文魚面豉湯：很多三文魚肉，面豉味不濃，反而讓三文魚的鮮味更加特出。三文魚肉連著魚皮，是有有較多魚脂的部分，因此入口肥美，且新鮮非常，特意伴著飯一起吃，喝到最後一口湯時溫度已經下降不少，卻沒有一點鯹味。讚！這個$10加得很值得喔！若然大家吃的是冷醋飯配冷刺身，這更能夠幫大家暖一暖胃喔！螺肉：一般貨色，同出面食開嘅無分別，勝在很能下飯:3三文魚腩：看著不肥，吃落卻很對味，有著三文魚腩足夠的油脂鮮甜，亦有濃郁的三文魚味，雖然每一塊要加3蚊有啲貴的說:-/帆立貝：size普

兩口子見是晚天氣寒冷，加上happy friday，「咁就去《大XX》打邊爐啦～」，於是從深水埗步行到長沙灣，可惜無論是打邊爐抑或是大牌檔，皆說「冇兩個人位」，似乎都是做「大檯（多人）」生意，豈不是歧視二人食客？！？「估唔到星期五兩個人出街食嘢係咁困難～」絕望之際，兩口子路過這間名為《金鮨》的壽司店，見門面正路，於是走了進去。全店只有九個沒靠背坐位，挺街坊式的感覺。而兩口子則坐在店子最入的吧檯位置，亦剛好把店子坐滿了，看來主要是做外帶生意吧。裝潢不花巧，而是善用不同的小裝置如竹簾等遮蔽不漂亮的牆身。店子以麻繩作天花的裝飾，既特別又可修飾喉管，還可於上面掛上小物耶。很喜歡掛在牆上的特大「魚仔豉油」啊！menu一頁兩面，主要售賣壽司、刺身及魚生飯…竹造的筷子筒…（看來是原個竹筒來的啊）男友加了$10轉定食，包括辣味螺肉…還有三文魚麵豉湯，的確很「魚味」，但又不算很特別（幸好我沒有轉定食耶！！！）…男友的海膽三文魚籽帆立貝丼（$98）…我的海膽三文魚帆立貝丼（$88），海膽鮮甜、不會一夾即散，我跟男友說「上次阿信屋嗰啲同呢度真係冇得比～」，帆立貝（即帶子）及三文魚均很肥美，個人覺得最讚的是海

本來想encore牧羊，行過去時經過了金鮨，感覺好似幾好，就變卦試試看！ 店內堂食位置不多，只有9個座位，亦有人外賣自取。看到剛有兩個位置就坐下喇，裝潢很日式，播著的都是蠻熟悉的日本歌曲，這就是bar檯及櫃檯的位置。牆上都貼滿不同海鮮丼的款式還有季節限量的食材，貼滿圖片其實跟日本某連鎖式魚生飯店很像， 希望連質量都似吧！桌上的餐牌，有很多不同食材配搭的丼，價格亦算合理，總有一款合你心水吧！如不喜歡碗飯(丼)的食法，還有壽司手卷等。碗飯可以加十蚊轉為定食，即是會多個湯及前菜，湯是三文魚味噌湯，自家用三文魚煮的，沒有坊間那麼咸，至於前菜，可選擇中華沙律及螺肉，我們選了螺肉，還不錯。這是我的上五色丼 HK$98，有三文魚，甜蝦，帶子，八八魚及蔥粒吞拿魚腩碎，還有芥末，酸薑等伴著。牆上有提示應該將豉油倒入飯中和飯的醋味，而不是壽司般點食。先就三文魚，有兩片，上檯卷成花形似的，看似很普通，還以為質素都是一樣，又不是喔，都好鮮，而且有少少油份，不錯。甜蝦有4隻之多，雖然比較細隻，但仍很鮮甜。八爪魚有兩片，是全碗最普通。帶子同樣是兩片，size都幾大，一食超鮮甜！邊食邊讚。最後就是蔥吞拿魚腩碎，坊間

長沙灣，荔枝角是一個覓食的好地方！是一個很有人情味，很多用心小店的地區。這間金鮨大約２個月前開店，開在這個有點殘破的舊區小街，有點格格不入的感覺。不過跟寶寶試過幾次都覺得它不錯，是很有誠意的小店！金鮨以海鮮丼專門店作旗號，也有壽司刺身。店面很小，只有 9 個座位。雖然店面很少，可是以木為主的裝修還是讓人覺得很舒服，不會有太侷促的感覺 (也有可能是我們去的時間比較晚的關係)，不過買外賣的人也不少。推介/ 限定的菜色。師傅就是在這後面主理刺身飯。一坐下，店員哥哥很禮貌的送上熱茶，不會追問我們要點什麼，由我們慢慢細仔看。這次我點了海膽三文魚吞拿魚丼。海膽蠻新鮮很甜，以 $78 的價錢真的物有所值 !　而且刺身飯加 $10可以轉定食，會有碟小小的前菜和三文魚麵豉湯 (雖然我們都沒有加錢轉定食)。而寶寶則點了五色丼 $68 (三文魚, 蝦, 八爪魚, 蟹棒, 飛魚子)。我跟寶寶點的丼裡都有三文魚，我們都覺得它的三文魚雖然稱不上是十分肥美，但很鮮甜。基本上刺身飯最重要的 2 個元素：飯和刺身都做得很好，刺身很新鮮份量很足，飯的味道和口感也很好。由於金鮨就在我們家附近，放工後去食個美味的刺身飯才回家