金鮨 (已結業)

今日同朋友係荔枝角附近搵野食朋友介紹我去他的飯堂喔仲說這裡的質素好高添~難得我今日無帶飯，當然出黎試下啦因為係朋友既飯堂，問下佢有咩好介紹佢推介了「三文魚帆立貝丼」我諗都唔諗就照跟第一係因為相信我朋友第二就係兩樣都係我最愛午市有味噌湯送喔份量完全好有誠意喔帆立貝厚厚的，好有口感而三文魚都是厚切真的好好味新鮮價錢$79 食倒咁高質的日本菜難怪會成為我朋友既飯堂好快就會成為我既飯堂嚕等我下次試埋其他野先

喺長沙灣工廠區附近嘅小巷發現呢間食新鮮魚生丼的小店，經過門口已經俾佢個門面吸引嘞，忽然令人有出遊日本的感覺。門外的裝修很日式，彷如置身日本旅遊，讓一眾未能外出旅遊的食客多一份親切感。店内的座位、擺設均是日本風，看出店主對小店的裝修花上不少心思和時間。雖然店内的面積不算大，但座位擺放得很整齊，地方也打掃得雅潔。此外，座位之間的距離亦足夠，不會令食客感覺很擠逼。店内主要提供新鮮的魚生丼，價錢約由$70至$200不等，豐儉由人，任君選擇。而一般的壽司、手卷及刺身都有提供。呢款三文魚龍蝦沙律丼$69，成個飯面均被魚生覆蓋，四大件嘅三文魚非常肥厚，師傅應該係用腩位附近的位置，油份適中，唔會過瘦。而龍蝦沙律較為特别，配合魚生丼食用，非常夾配。另外，龍蝦的份量也很足，真材實料，物超所值。由於疫情的關係，自今年三月起小店提供優惠給食客，只要惠顧任何魚生丼，小店會送一客自家製新鮮三文魚麵豉湯。筆者認為此湯很值得一試，因為麵豉湯沒有死咸的感覺。而且湯內的三文魚很新鮮，應該係加入魚頭及魚骨餚湯，使湯頭入味後，再加入新鮮的三文魚肉食用，所以湯内的魚肉仍很有咬口和肉味，並不是湯渣般的溶爛。此外，湯内附的昆布也很

今次又嚟到食魚生飯呀 真係好鍾意佢鋪頭嘅裝橫 好似去到日本咁 一入到嚟就聞到好香嘅飯未 仲有好多款丼飯可以揀㖭疫情期間 我哋一坐低就畀濕紙巾我哋消毒雙手 3月份仲有每人一碗麵豉湯餸添紅鯛三色丼上次食咗海膽 今次試下其他嘢 揀咗個紅鯛三色丼 上菜嘅時候 服務員話中間嘅紅鯛可以唔點豉油同 wasabi 就咁試下個鮮味 果然好味 好容好清新嘅魚香味 除咗紅鯛之外就係帶子同三文魚上三色丼飯$79朋友叫咗呢個飯有三文魚龍蝦沙律同埋八爪魚火炙三文魚帆立貝丼 $92竟然有朋友係唔食生嘢 但係就嚟咗呢度食日本魚生飯 好彩 有啲全熟嘅魚生丼飯可以畀佢揀 睇落都好好食 佢話未到好好好一定會再嚟食

同事今日問我 lunch想食咩 我答佢日本嘢 佢就搵咗呢間隱世小店 雖然喺公司附近 但平時唔會經過 所以冇發現到 鋪頭面積細細 得幾張枱 但裝修真係好有日本feel 好似居酒屋咁 一入到去就聞到好香日本醋飯味 睇睇menu佢主要推介食丼飯我叫咗海膽三文魚丼$89一睇就感覺到佢啲食材好新鮮啲海膽真係好厚肉 甘香美味 仲帶有啲海水味添 入口會慢慢融化 三文魚好大塊 肉質緊實及鮮甜 魚味濃厚分量非常足夠下次一定要再嚟食 因為佢有好多不同種類的魚生飯 非常期待

都好耐冇嚟過依度食嘢啦，今次再訪，發現新增左好多菜式。我自己嗌左個熟嘅三色丼，個北寄貝幾好食，加埋火炙三文魚同埋蟹柳，仲有獨特嘅醬汁都幾好味。朋友個三文魚海膽丼就普普通通，冇乜特別，食材都係新鮮嘅。另外叫咗個鵝肝，分量多就係多，不過煎得一啲都唔脆，做到好稔身，我覺得味道一般，都係食返魚生飯穩陣啲。另外加咗$15有三文魚麵豉湯同埋一個小食，可以選擇中華沙律或者螺肉。其實依間鋪頭都開咗好耐啦，味道係我預期來啦。

第一次係長沙灣呢間金鮨食飯，覺得非常喜出望外。佢店面好細，星期五八點左右經過咁啱無咩人就同朋友入左去。佢店入面既裝修好有日本居酒屋既感覺，氣氛唔錯，入到店內聽到佢播緊pretender就突然覺得店主品味唔錯！不過D凳就係無得挨果種，唔算特別舒適，想座得舒服既人可能唔係特別適合。佢主要食丼飯，選擇好多，我揀咗上三味刺身丼，朋友揀咗原條鰻魚丼。我個刺身飯包括有兩片三文魚，帶子，八爪魚，六隻甜蝦同吞拿魚蓉。全部刺身都非常有水準，三文魚厚身得黎又大片，帶子鮮甜又大隻，八爪魚係好難得完全唔硬而且鮮味，甜蝦有成六條都好有誠意！吞拿魚蓉係我既最愛，更加唔使講。我食刺身丼最怕溫度太凍未融雪或者太暖食落好怪，但呢個丼飯完全唔會！醋飯味道都調教適中，非常唔錯！而份量黎講就絕對超值，雖然我比較細食，但個丼飯真係好夠份量，我奮鬥到最後都係食唔曬！以呢個價錢食到咁有份量又好食既刺身飯，真係大滿足！（仲唔收加一服務費，抵！）要留意係只收現金，記得帶錢。最後值得一提係朋友個鰻魚飯先上佢等埋我先食，到我個飯上既時候店內既姨姨主動問我地要唔要整番熱個鰻魚飯，見到朋友個袋唔知擺邊讀度又提醒我地枱下有勾之類，雖然一開始覺得

見佢呢度啲丼飯賣相不錯，約埋朋友一齊試吓，這裡丼飯有多款選擇，賣相十分不錯，魚生亦很新鮮，魚生很大片，但不太厚，丼飯除魚生之外，其實飯亦十分重要，這裡的飯應該不是用日本米，醋亦不夠，不太煙韌，雖不算難食，但絕對稱不上好食，這方面應該可以有更大進步，如可改善，生意定必會更好，這店是一間很港式的丼店，我覺得算是不錯，起碼用料新鮮，份量亦足夠，另外，侍應姐姐招呼不錯，加水很殷勤有禮，店鋪約有十多個座位，繁忙時間預約會好啲。

好耐以前同朋友食過一次，個時已經覺得好好食。今日同同事食Lunch既時候，佢地提起話未食過呢間，因為Lunch黎講價錢的確係比較貴，但最後都係黎左食呢度既魚生飯唔怕無野岩食，因為佢提供左好多唔同配搭既魚生飯，我最後就叫左個海膽三文魚帆立貝丼。海膽三文魚帆立貝丼，有3大塊厚切三文魚，兩隻好厚肉既帆立貝，同埋好大堆海膽。厚切三文魚咬落口連埋少少既油脂，再加上好鮮甜既帆立貝，重點係，呢度既海膽係用左加拿大海膽，食落口入口即溶，好新鮮，完全唔會有苦澀味，真係超高質！雖然呢個丼定價係HKD118，但呢個質素係值得既~

今日一行六位同事去食lunch，因為侍應比錯左個飯我同事，以致我食吾到自己叫果個，「我同事有問係邊個既，佢比我同事話係佢叫果個」，侍應仲話d客食錯左！anyway吾緊要，當知道錯左之後我問可吾可以轉反我叫果個 ，個廚房痴左線咁沖出黎問責，又話自己做事好有原則，攪左一大輪我先有飯食，可以食反自己叫果個！我同事第一次黎呢間店，可能店員比飯佢時大家都誤會左，但我覺得個廚房定老闆吾洗咁火爆，我地黎食飯吾係玩野吾係問責，吾知你地兩個關係咩問題，吾好發洩係客人身上，我地都好有原則，食lunch一個鐘係想開開心心，吾係睇你面色，其實冇下次啦，吾會再黎，幾好食都冇用！

喺荔枝角返工既朋友都知道，大部份日本料理餐廳都會落場休息，換句說話講 14:00 左右就會截單，有啲甚至更早......金鮨呢間小店同樣有落場時間，不過今日 14:30 入門口，餐廳依然接生意值得一讚。(確實係我唔好既咁遲先去，多謝店主。)店舖環境好細，有2個鋪位但估計只可以坐到 10-18 人。餐牌內見到好多款式，但細看會發現係唔同刺身既配搭，都算容易搵到心水食物。另外餐牌上亦有火灸丼、散叫壽司、壽司盛合，近期新增鰻魚飯、牛舌飯等全熟丼可供選擇。今日揀左海膽三文魚帆立貝丼 $119有3片厚身三文魚刺身，3片帆立貝刺身，一堆加拿大海膽 (如圖)刺身新鮮肥美，飯碗唔大但份量正常，同行男士都食得飽。雖然店鋪細細，但某程度上係配搭自由既丼飯，性價比高值得一試。

今日去左朋友屋企附近食晚餐，係日本野黎，我就叫左海膽三文魚丼，朋友就叫左三文魚腩丼。一睇食材已經覺得好新鮮好足料，三文魚好大塊，食落肉質細嫩、口感爽滑，非常鮮嫩。然後到海膽肥厚，濃郁甘甜，帶有海水的氣息，在口中會慢慢溶化。至於三文魚腩肉質細膩，厚厚的魚腩，肥而不膩，令人想一食再食，再加上啲飯應該加左醋，會覺得酸酸地幾開胃。呢度可以話麻雀雖小，但五臟俱全，地方唔大但食物選擇多而且新鮮好食，仲唔收加一，值得一試，如果唔想等位可能要比正常晚餐時間早啲或晏啲去食。

值得一試！ 因為食材堅係新鮮每次去長沙灣食壽司 都必去呢間！ 已經好耐無試過入口即溶既三文魚～佢呢間就試到！首推既係火炙三文魚腩～～其次 三文魚 舌拿魚、帶子同甜蝦都好正不過去既就要注意 佢非每日都開門 要留意佢營業既時間 仲有建議唔好好餓果陣去 因為佢整好耐先有得食～就算少人果陣～吖完都要等20-25分鐘多人果陣就更加耐～～～所以唔想餓到胃痛 就建議早啲啲～有小小餓感就去拎位 吖完到碟野上台 你就剛剛好了食得喇～所以我次次都早啲去 6點幾左右

這是一間在公司附近的隠世小店、大大小小慶生、諗吾到想食咩既時候、第一時間就會想起佢、最主打係日本丼飯、我自己就有啲變態、差不多每次去、都係食果一款😂、同事每次都問我、你悶吾悶架🤦🏻‍♀️、因為這一款丼飯其他地方吃不到、所以我吾想side左可以吃到既一次quota、所以每次都係食果一款、最搞笑既地方係、每次帶未吃過既同事去食、佢哋試過之後、每次去、大多數都會叫番呢一款😂。所以、如果朋友們、你地有機會去、就試下啦😅、佢就係👇👇👇自家秘製醬燒三色三文魚脂丼有咩咁好食：燒過既三文魚脂好滑、好甘香、完全冇「溜」既感覺、醬汁是自家製、跟三文魚脂好match。師傅話：三文魚脂係三文魚皮、同三文魚肉中間果一層魚脂，但如果想知清楚一點、不妨去問吓師傅、他很好人、有問必答。其他的丼飯都很好、海膽、帶子、吞拿魚腩碎都很新鲜。另外、加$16會有三文魚湯+螺肉或中華沙律最後、溫馨提示、因為真係小店、位置不多、最好是book定位、如果去到冇、掃興就不好喇😉。

長沙灣返工之選首推呢間隱世日式丼飯店，即叫即製，真係有日本風味！三文魚脂三色丼飯 $99等左十分鐘，終於有野食啦！賣相好吸引，流曬口水！呢個丼飯最吸引就梗係唔少得三色啦，主要包括燒三文魚脂，燒蟹棒和北寄貝！面層仲有生蔥和薑等等！燒三文魚油脂比例剛剛好！三文魚油的感覺好正，而且燒得外表好靚。當然唔少得我最愛的燒蟹棒啦，淡淡蟹肉，真係想encore！不過溫馨提醒，記得下次黎小店食丼飯之前要訂位先啦！尤其多人時段！

約左朋友食飯，佢提議去長沙灣食，我就即刻去搵下有乜嘢好食，喜歡食日本菜的我，又點會錯過日本菜的選擇呢😝一打開餐牌，見到樣樣都好想食，魚生刺身梗係首選啦，最後我都係選擇左食刺身飯，新鮮不在話下仲要件件好大舊，食得好滿足，海膽好新鮮，三文魚子卜卜脆，帶子鮮甜，仲有少少海葡萄做裝飾，呢一個係好少可日本餐廳都會有嘅嘢👍🏻，餐廳環境及服務態度好好，感覺好舒服！其實長沙灣原來都有不少美食，不過我絕對推介大家可以試吓依間！一定唔會令你失望！