金雀餐廳 (已結業)

近來喜歡懷勉過去的日子, 最好不過是和朋友找一間老牌餐廳談談食說說酒; 星期一的晚上, 和好友相約在這老牌餐, 點了一客鐵板餐, 餐湯比較清淡, 麵包亦是一般, 肉眼扒份量不小但肉味一般, 肉質比較複雜, 有韌, 有腍, 亦有爽口, 正是一塊牛扒三種享受; 和好友對飲著自携來的Zema Estate 古納華拉赤霞珠, 口感柔順味道中庸, 很容易的飲了大半瓶; 到了九時左右, 客人開始多了, 唯有識趣的和朋友轉轉地方, 再傾談一會, 散散酒氣, 亦散散心情~

7號晚與朋友到金雀吃飯,之前未來過,一直都想試一試,看看這兒究竟有何魅力令黃大導一次又一次到此取景。我與朋友都叫了當晚的set dinner, 一是鍋仔牛柳跟意粉(+$3),另一是吉列魚柳跟炒飯(+$4),其實有得揀跟焗飯,但我地問侍應焗飯會點樣上時,佢竟然答:「焗飯即係炒飯」0下? 一樣...佢既然咁都答得出,我地都唔知可以點回應...等左唔夠5分鐘,個晚餐就唻喇,可能因為唔係好多人啦..個時只係8點幾,但我諗成間餐廳都唔夠4成客。講番食物,其實都唔錯,牛柳好腍同入味,我尤其欣賞個意粉,幾重茄汁味；至於個吉列魚柳都唔錯,魚柳好香口,重有俾左好大兜沙律醬,不過炒飯就無意粉咁好味..整體其實不過不失,服務都不錯,只係冷氣太大囉,出面17度,但我肯定裡面室溫一定低過出面。而成間餐廳個氣氛係與2046套戲裡面唔同,我諗要有人打住燈俾你食飯,你先feel到2046個mood 囉!

又再一次到金雀是因為很想飲羅宋湯和焗蟹蓋,十年如一日我是叫一個全餐另加焗蟹蓋(下午茶時間焗蟹蓋只係$22).羅宋湯依然香濃,足料.不太酸而肉味足.鑊仔牛柳也是我常食的,伴著2個會笑的薯餅.成個人都放鬆了!!焗蟹蓋$22,我覺得很抵食,亦很好食.份量有權頭般大,滿滿的芝土被焗至金黃色.為免會肥,都係和人分享吧!!

一行5人來,起初都找了一段時間,不過都唔難搵。其實都是抱著與金鳳差不多的心態來吃.....由於人數關係,我們不能坐卡位。侍應的服務不俗,我們幾個坐下來數個字喧嘩良久,侍應叔叔埋嚟好幾次我地都未ready 落order他都是好聲好氣。叫了4個set din:黑椒牛柳,牛仔骨,乳鴒+焗海鮮飯,鹹豬手。要飯+$6,不過凍飲就唔洗加$,我們叫左4個set din,所以只可以叫4個餐飲,不過個waitress好好,送左一個餐飲俾我地,人人都有得飲。鹹豬手唔夠汁,牛柳就真係幾好,而milk tea不論凍熱都好滑!環境唔錯,5個人total $400埋單都算ok喇!

暗暗昏黃的燈光﹐綠色靠背的梳發﹐牆上掛著張曼玉和梁朝偉的劇照。還有一個“2046”套餐﹐價錢是$204.6。遺憾沒帶相機﹐拍下週遭的佈置﹔真的很遺憾﹗

來過這裡兩次,但並不是什麼王家衛電影效應,那麼高層次的電影,自問不懂欣賞,不過就知道曾在此處取景,而兩次惠顧的日子,相距日子甚遠,慶幸味道也沒太大改變,始終是有番咁上下年資既老店,那麼保留了很多舊有東西,而不作太多改革,是理所當然的,店內陳設維持陳舊氣氛,侍應也不是十八廿二的年輕小伙子,有時某些顧客,會不屑於這些年資較長的侍應,認為他們大多態度囂張,不可一世,不過,我就完全唔覺囉,相信也是大家心態不同吧!說回食物,首次光顧時,叫的是牛柳餐,湯方面,大部分西餐廳,通常只有兩款選擇,不是羅宋,就是忌廉,但本人某程度上,對於後者,可謂敬而遠之,可能是知道它的製法,而心存恐懼吧,所以羅宋湯,是必然之選,湯和餐包,先後上檯,包是熱的,湯亦是,湯的料很多,真的多得很,而且味道也好好,濃中略帶點點辣再加少許酸,再加上吃了半個加入牛油的包,點點飽肚感覺,油然而生幸好喝完湯,吃罷包,主角也是隔了一點點時間才上檯,否則都害怕不能完成.主角~~牛柳是也,鐵板上,汁夠,而扒本身也算是做得幾好,內裡還有一絲絲粉紅,並未是完全熟透,可能是此原因,所以手起刀落,也不會太費力,當然,加了梳打粉是必然的了,話無加就呃你

普普通通啦. 叫了牛仔肉. 田螺and 牛柳set 同fd share. well. 普通啦. 好過金鳳好多. 起碼唔會落咁多梳打粉. (hehe) 最impress 係個羅宋湯. 好味. 多料. Yeah ~

牛柳好正....羅宋湯都正, 好好味

我有試過都O.K.架,唔算太肥亦唔太咸,但係真係要多D人一齊分享,如果唔係會食到無心機,好漏!!除非你好鐘意食.

我都幾常去...其實去親都想食佢地個德國豬手..不過怕肥,所以一次都無食到...人地話好好食...妳有無吃過呀...

依間鋪頭由細食到大,28歲嘅我至少20年每隔1-2個月幫襯一次.今日我同媽媽要咗個下午茶餐($25)芝士焗肉醬意粉跟餐飲.O.K.架!一定好食過大家樂.全餐($68)羅宋湯,我好鐘意飲依到個口味,唔太酸又多菜,好飲過好多地方.粟米石班,唔試將會係你嘅一大損失,至於主菜,我要咗鑊仔牛柳(如果你唔鐘意可以'簡'另外嘅)肉質幾好,跟雪糕,餐飲.仲要咗個焗蟹蓋($22)因為係下午茶特價,正價要($47).好多蟹肉,芝士又多焗到香噴噴,正!雖然由細食到大,但係水準keep 唔到,有時好好食,有時普通會失準!!好似Yellow cat 講"服務開始老化..環境亦開始破舊"講D八卦事,王家衛有兩部戲都係依到拍架,一部係'花樣年華',一部係仲拍緊嘅'2046',除此之外仲有一部'福伯'不過可能無人知(唔係王家衛拍架)

由細食到大的一間西餐廳...保持到水準..但不境都有好久的history..服務開始老化..環境亦開始破舊....不過都仲看的下的...食物亦可以..特別是豬手同牛柳...價錢同區來說,不貴啦...二個人$200落樓

塊扒太細，薯菜不認真，餐包唔好食，下次都唔會幫襯！

因為效應.所以去試. 完全唔掂, D侍應有著60年代既水準--惡過你,又慢又老屎忽!野食方面-- 西餐廳既價錢, 茶餐廳下午茶不如既享受.竟然仲有咁多人等位食, 呢鋪真係俾王家衛累死!

This is an old restaurant. The food is of ordinary standard. The price is within the acceptable range. The decoration is of old fashion.