金雀餐廳 (已結業)

23號同d朋友搞X'mas party..夜晚book左呢度食飯...我地十幾個人去食..d服務員都好好招呼..好詳細咁講解有咩可以食..我同男朋友share左個2046套餐..有餐包、餐湯、大蝦沙律、焗田螺、西冷扒、飲品、雪糕..除左大蝦沙律同焗田螺之外其他都係兩份...但大蝦沙律佢都有幫我地分開兩份..餐湯我要左忌簾湯..男朋友要左羅宋湯..我飲左一啖羅宋湯..好好味..反而忌簾湯無乜特別...焗田螺好入味..仲有d薯蓉o係底..西冷扒好大塊..但都幾un....雪糕係雲尼拿雪糕...其實食晚飯之前我已經食左其他野...所以我食完個餐包同碗忌簾湯都已經飽飽地...份西冷扒有一半係其他人幫我分...總括黎講呢餐都幾豐富..好多野食....不過第日如果其他人無要求去呢度我都唔會特登去啦

食左金雀已十多年, 我每次都必定食免治牛肉飯(我一定加食窩蛋), 我地成枱人都食佢, 每次隔離枱都會望哂過黎, 最好笑有次連老闆都走過黎問我地點解個個都叫, 我地話佢嘅免治牛肉飯係全城最好味, 佢笑笑口話果然識貨.唔講唔知, 佢地嘅晚餐個主菜可以任改! 當然, 貴價d嘢,如蝦,就要加錢.

金雀係我男友由細個食到大既地方,所以我同佢拍拖後,佢都例必帶我黎,亦成為我同佢每月必到既地方。我地只會食佢個全餐,因每碟都好食。我男友最鍾意佢個羅宋湯加多士(加$2), 成日都話冇地方及呢到,而我都覺得佢好好味。仲有個魚, 要係白汁那個, 因佢有時會轉其他魚, 但呢個白汁係最好食, 佢個魚係用旦包住黎煎, 再加埋白汁, 好滑好有旦味…之後係個牛柳, 每次都幾嫩口, 唔會好重味精, 之後就係個甜品& drink, ok la…普通野。我地成日比較夜黎, 唔會太多人, 最好係佢既Cart位, 坐係Cart 位同bf傾下計, 好GOOD li!~

7點鐘同個中學同學去到哩度，位置仲好鬆動，可以坐卡位。點左個2046套餐，嘩，正呀！1.餐湯2.餐包3.沙律4.法式焗田螺5.牛扒6.咖啡或茶7.雪糕每人1百蚊多D，雖然好似貴左少少，但係真係好滿足、好飽呀！個湯叫左羅宋湯，都幾足料；沙律好味，田螺更好味，d汁撈埋d薯蓉食，真係好正呀！！牛扒建議揀西冷，肉質比較鬆軟。d野食多到係食淨成塊扒咁滯...最後將d咖啡淋上去舊雲呢拿雪糕...嘩~~~都係一個字，正！氣氛幾好~食物仲好~~值得推介!!!

今次又到花樣年華之時間,又係王大導惹的禍.在家中連煲花樣年華加2046兩隻DVD的假日,初戀女友打來約食飯.我衝口而出:金雀!如果唔係王家衛慧眼識新星,金雀一早....(下刪三個字).食物水準大家心知.目的都係吃其的花樣年華的懷舊情懷,所以一直有大量日本遊客慕名而來.早年未同佢拍拖,已經偶然會來個下午茶,一起在金雀吃扒還是首次.一起吃梳打牛扒,都係首次.兩個人,要個全餐.包羅曼有.唔好食都保証食得你飽.餐湯要白,即係忌廉湯.港式口味,由細飲到大.始終有一定感情.個餐飽也算熱."公主"石班,石班就石班,為何係都要加個公主在前?恕我食唔出有咩玄機.西冷扒我要五成,上桌驗名正身就七成.算數,照食.港式口味梳打牛.總之唔係大字頭連鎖貨式就收貨.最尾一道,例牌用鐵碗盛上Jelly或雪糕的甜品,臨尾都算囉番個尾彩.個雪糕吃得津津有味."俗世的愛侶誰可永相戀,談情遊戲我早厭倦,若果這剎那時空隨著我的書本扭轉,那痛快故事必定償素願..."時空交錯,我倆十年後再度到金雀,大家的心境,情懷,已不一樣.昔日男方一廂情願的傾心,女方的還迎欲拒,愛理不理的態度.今日已成桌上的大笑話.哈哈哈."實際景況已無可再更

一間老牌港式西餐廳，時間的確洗去了這裡不少鉛華，一桌一燈一檯一杯、煙灰缸、刀叉、碗碟、已至一牆一木，綠色檯布也與外面的世界脫節了幾個年代，難怪《花樣年華》也要來取影，兩個人各自點了晚餐全餐：1)羅宋湯/忌廉湯最普通不過的兩款湯，新鮮感的確是沒有，羅宋湯的做法跟現今茶記的大同小異，忌廉湯卻幾特別，湯底很杰很濃，舊式做法，當今茶記、高檔餐廳也難再飲到。2)石斑魚柳不錯的，魚柳炸得脆脆，配白汁吃最好，份量不算少，有所交代。3)豬扒/牛扒牛扒非常腍，但沒有牛味，好似吃牛柳一樣，好明顯是醃過，少了鋸扒的樂趣。豬扒適中，不太韌也不太腍。汁是洋蔥汁，薯菜也是港式餐廳的那種，如以鐵板上感覺又會好些。4)雪糕菠蘿幾片，香草味雪糕，味道已經不賴。以幾個年代前的標準計，當然很好。5)凍檸茶還是一杯普通的檸茶，沒有失手。很明顯，這裡吃的是與時代脫節的情調，焦點不在食物，幸而全餐也不太差。甚至比那些乾有裝潢，食物垃圾的偽高級餐廳好。

薑餅人爸爸正日生日, 一行五人在此慶祝.每人叫左一個餐, 互相交換少少吃.我叫左lamb shank, 鐵板上, 淋上甜豉油, 有兩大舊羊膝, 超大份, 肉質偏鞋唔夠嫩, 羊味一般, 伴碟薯條倘算炸得脆.薑餅人要左個田螺併豬手餐, 田螺一貫充滿牛油香, 墊底薯蓉吸收了在田螺殼入面既牛油食當然好食但亦超肥.薑餅人妹妹食牛扒, 五成熟, 幾juicy同嫩wor.薑餅人壽星爸要扒龍脷柳, 是撲粉加蛋漿炸的, texture都算有, 但雪藏貨當然無乜魚味.薑餅人媽媽要乳鴿餐, 乳鴿炸得幾香口, 但偏乾無乜肉汁.餐湯要紅湯, 幾濃唔油, 有牛肉香, 似在喝牛肉湯吧!overall普通啦, 但分量大埋單$5XX, 去一次就夠.

很懷念以往係呢頭返工既日子(未拍花樣時已幫襯)，久唔久就會約同事o黎呢間黑麻麻o既舊式扒房餐廳一嘗佢o地o既鐵板黑椒牛柳同飲羅宋湯or 食番個常餐咁(當年鐵板買六七十蚊一客度/常餐好似四五十蚊咁大把)…今晚有一舊同事約飯局，於是又走入到呢間黑廳食飯去。眼見佢o地好似裝修過咁因為光猛o左，本來坐近廁所卡但唔想再轉入另一邊廂坐。因為怕熱氣所以揀特餐食(特既比常餐少o左份石班食)，嘩唉依家特餐都要成七十幾銀喎！講番個紅湯先，料同以前食既差唔多，但就冇o左以前果份獨特既味道！？而份黑椒牛哩…厚就同以前一樣，但size好似細o左咁重有個汁怪怪地又係唔同o左味！？連原本跟餐既雪糕甜品都變成jelly？唉原來亞lam隻歌係真o既：從前曾共我一起的，像時間總未逗留！？不過去呢度既唯一好處係可以慢慢傾計，雖然係晚膳時間我o地都坐o左幾粒鐘。其間重有waitress幫我o地添水，有個老闆既物體又無想趕我o地走，走個陣個個都同我o地講bye-bye添！

今日一早就約出黎行街街了。都行左好耐了，手腳都攰，係應該搵啲野食下。周圍都多人又唔知食咩.. 最後去了一間有少少懷舊氣色既港色西餐廳- 「金雀餐廳」由於都有好多選擇，最後選了「2046 - 2人套餐」(一) 牛油餐包(二) 羅宋湯或忌廉雞湯(三) 什菜大蝦沙律(四) 法式焗田螺(半打)(五) 黑椒肉眼扒西冷牛扒(六) 咖啡或茶(七) 雲喱拿雪糕大蝦沙律好多薯仔好好味，但有埋雞蛋仲好。焗田螺好好味道，啲田螺汁撈埋薯蓉就冇得頂。因為我怕食有血汁既牛肉，所以叫左要熟少少的。肉質就算熟但都好滑、好淋。但薯條得幾條，太少了。今餐大家都好滿足。8點半了，係時候回家睇「美女廚房」。

叫左個2046套餐...e家加左價lu...唔再係$204.6 而係$220 個餐裏面我地揀左要西冷扒wa...塊西冷扒都幾厚下ga~差唔多有2cm厚又整得好好喎岩岩好7成熟~ 好好食!!冇哂左塊扒~ 值得1去試試...又可以感受下d懷舊feel

D卡位有少少迫，叫多少少野食都唔夠地方擺呀。...不過佢地好好人，見到你唔夠位會幫你轉張大D既檯，waiter都好好傾，服務好好~2046套餐，焗法國田螺有朋友話好好食，又有朋友話唔好食，真係要自己試過先知鍾唔鍾意。...不過田螺下面D薯茸一致認為好好味~ 至於扒類，做到想要既七成熟，西冷扒好食過肉眼扒，個沙律一般喇，甜品雲呢拿雪糕好好味~ 今日既忌廉湯對我來講有少少鹹。...另外叫左串燒沙爹牛肉，牛肉一D都唔韌，沙爹都几香，又係一致認為好食過九龍城某D比較出名既泰國餐廳~ 金菇牛柳卷D牛柳都唔韌。...仲有一碟咖哩雞飯，普通~有機會會再去既~

我從細就己經好鍾意呢間架喇！唔係明星效應架，我一直貪佢\夠暗有情調，羅宋湯好香好好味，牛扒整得好有肉味，唔似得其他餐\廳搞到d牛扒肉質罧晒，最重要又唔算貴，六十幾至八十一個餐\，中價餐\廳黎講都平啦！正！

而係羅宋湯~我好鍾意飲呢度既羅宋湯呀,甜甜地,又足料,超正~叫$69既餐,主菜既牛柳一般啦,不過佢portion唔太大,呢個餐女仔食就岩岩好甜品如果你唔叫佢比雪糕你,佢地就會比jelly你架喇,千祈唔好食呀,因為呢度既雪糕係用鐵杯裝,好有風味架~我會再為羅宋湯而黎架~

My friend I went there for lunch and the sofa is really "lam" so that we can't sit comfortably. The food is ok.But I want to try 2046 at dinner.

講真,都是慕2046之名而來的~食落,又ok喎~總之抵食啦~不過d位太窄坐得唔太舒服law~但懷舊味搭夠~~