金雀餐廳 (已結業)

今人賀朋友生日佢又鍾意特別既就去左金雀law之前都睇左好多openricer 食評先決定去嫁因為生日所以一早5點幾買左個蛋糕放響佢地到佢地都冇say no ar之後我同朋友成六點半先到冇乜人ar...個個waiter 哥哥姐姐企晒響到...好似我同個friend 既body guard ar我同個friend 叫左個七份扒二人餐有餐湯, 火焰牛, 同餐飲個餐湯ok la火焰牛, 真係好好火ar響你面前燒...不過件牛就麻麻la不過表演都好好睇ar我自己帶既蛋糕佢地都冇收surcharge ar成個都係$231 jar如果係情佀而budget 又唔高...好適合ar因為真係幾懷舊同有情調ar仲有個馬尾姐姐真係極好service

在銅鑼灣返工，故常常選擇金雀作為食飯地點，午餐收38蚊位，以銅鑼灣水準來說已很平，而水準就不能太有期望，相信大部份都已經整定再照單執藥，反而夜市除左個湯外就一定係即整，整體水準比日頭高，建議食常餐而唔好叫特餐，因為特餐除左多舊魚同雪糕多少少什果外，其餘都一樣。典型既舊式西餐廳，因為王家衛效應而多左好多人，食物其實有中級水準，但建議餐湯要加濃D，同埋鍾意飲奶茶的朋友一定要叫熱，因為佢地雖然都係用茶包沖，但就係用左兩款茶包溝出黎，D味寧捨唔同。仲有，一定想應受下花樣年華同2046feel的話，最好忍一忍煙癮，因為非吸煙區全部係卡位！

朋友帶左我去試下佢既2046套餐…間餐廳好懷舊…仲播住D頗舊既歌….感覺唔錯….估唔到都幾多人食….星期四都要等位….原來因為<2046>係到拍過, 所以有個咁特別既套餐…而且個價錢仲係$204.6…不過比錢先發現原來要加一……感覺上好似失左意義~哈哈~ 但其實個套餐D食物冇乜特別…(一)牛油餐包(二)羅宋湯或忌廉雞湯(三)什菜大蝦沙律(四)法式焗田螺(半打)(五)黑椒肉眼扒/西冷牛扒(六)咖啡或茶(七)雲喱拿雪糕餐包同沙律都唔錯….忌廉湯味道比較淡….田螺下面既薯蓉好香….不過味道唔夠濃….我地叫左兩款扒share…西冷牛扒較好味~~總括來說都OK呀~佢地既服務好好….而且上食物既速度調教得剛剛好~食完一樣先一樣….我地仲有個好難忘既晚餐…..當我地食完傾計之際,突然漆黑一片!!竟然全餐廳停電!!哈哈哈哈~侍應們送上蠟燭一支…..成間餐廳頓時變得好有情調~ 不過維持左幾個字就回復正常lu~真係好難忘~~哈哈~

我地叫左「2046 二人套餐」, 首先白湯一般, 紅湯唔夠味, 又唔夠酸, 餐包唔錯, 最鍾意都係舊牛油, 仲係用錫紙包裝, 好少有…沙律一般, 有雪味, 都係雜豆, 兩隻蝦, 兩片番茄青瓜同菠蘿…田螺一般, 不過田螺下面D薯蓉好香好滑, 一個字!正~扒方面: 西冷同肉眼都好大塊, 味道都唔錯, 西冷好正, 肉眼方面, 明明塊扒中間係有紅色, 唔知點解都會好鞋.. 甜品/餐飲: 雲呢嗱雪糕加餐飲~一般服務好好, 好周到…不過明明餐牌寫$204.6, 埋單竟然收$205, 再加一, 有D被騙既感覺…ps除左裝修、牛油之外, 張墊(木台)紙都好有feel, 如果想搵一間又抵食又有懷舊氣氛既餐廳, 不妨一試….

上個月我少少同多多去金雀叫咗兩個帶子拚牛柳同半打青口，帶子好大隻好鮮味，牛柳都幾好味，好腍又唔會有渣，起碼好食過金鳳同扒王之王，不過我哋明明兩個都係叫六成熟，我兩件都熟到唔見血，多多嗰兩件就出晒血，失敗﹗青口都好好食，鋪喺面嘅蒜蓉好香。餐包都唔錯，又香又軟。但有一樣嘢怪怪地嘅就係啲栗米忌廉湯，唔係用雞蓉或者雞絲，而係用豬肉絲，好多肥膏嗰隻，試過幾啖食到幾條白雪雪嘅肥豬肉，好似勁多油咁，飲咗兩啖就唔想飲喇。

一間懷舊的古老餐廳,就連電影《2046》也有在這裡取景。兩個人,要了個「2046 二人套餐」,份量不少,但質數只屬一般。紅湯和白湯也算足料, 但頗淡, 也不夠熱。西冷和肉眼都太熟了,點了五成, 來到至少已七-八成了,有點「鞋」。但來這裡主要就是吃那個feel,也沒什麼期望,食物質數勉強過得去便算了。ps$204.6 是未計加一的

友人介紹之下, 去左金雀食晚餐. 一入到去就俾環境嚇一嚇. 我估唔到外面既門面都ok之下內裡係似旺角花園餐廳. 服務亦真係似茶餐廳咁愛理不理, 食物真係食唔出有咩咁特別. 當晚叫左個鐵板牛扒, 但我本人覺得幾"un"下.真係無下次啦.

適逢lunch時段經過,set lunch只係$38仲唔加一!所以即刻入去食.場內燈光較暗,有懷舊皮卡位,懷舊佈置,氣氛一流,令到個人都好relax.叫個西冷扒餐,塊西冷扒已經全熟,雖肉味濃,但較乾身,食落相當"鞋"口,以食尼講應屬不合格.但以價錢尼講係同區最平,以"花樣年華"o既號召力就點都要食一次,一嘗當"周慕雲"o既滋味.

已經係上個月食了，第１次食，朋友帶我來的。坐落都唔知叫咩好，大家都想食鐵板，女侍應好好人，我哋同佢講話要有鐵板同有雪糕食，佢就介紹咗２０４６餐俾我哋。先上羅宋湯同餐包，碗湯好大碗好足料，好味，不過我鐘意濃味啲，如果酸啲就更好。再上大蝦沙律，係響雪櫃拎出來嘅，都好大個下，兩大球雜菜沙律上面各有開邊中蝦一隻，拌碟的有大大片菠蘿兩片同埋生菜，雖然味道普通，但係就係鐘意茶餐廳口味的雜菜沙律。侍應好留意客人進食進度，食完一樣先上另一樣菜，再之後上的係法式焗螺半打，本人唔好芝士牛油，亦未試過什麼焗螺，唔識點評，雖然有濃烈芝士牛油味，但見熱辣辣好吸引咁都有食，唔知點先叫好味呢？我淨係覺得下面啲薯茸幾好味，不過唔好食咁多，唔係就好肥膩。再上就係肉眼同西冷扒，大大件，叫了７成熟，剛剛好，好味，不過之前都食咗唔少嘢，所以未食晒就見飽喇。個人較喜歡黑椒汁。食完扒，完場前當然有餐飲名雪糕。好豐富同好滿足的一餐，其實呢個２人餐，唔係太大食的話３個人食都得呀我覺得。值得一讚的係服務好好囉，雖然侍應少，但係佢哋又照顧倒晒所有客人喎，又有禮貌又勤快，勁。２０４６餐，埋單多謝＄２０４．６加一添，咁多嘢食，抵！

金雀d野... 食過3樣, 焗肉醬意粉唔錯。中式炒粉麵係hell no! 芝士多士就十分之正斗! 一塊麵包上焗左一塊cheese! 係厚的! 多士脆又香! 芝士唔駛講!20蚊一塊包係貴左d, 不過耐唔耐會諗返起。話時話, service真係麻麻。

廿幾年前已有間中去金雀餐廳，以前的食物和裝修都很好，就像一間頗高級的餐廳。直至幾年前，餐廳已殘舊得很，而食物又越來越差，已覺得不藉得再去。因為要用來拍電影，聽說他們裝修過，所以決定再去一試。入到去發覺他們只是稍為修整過，和以前沒有兩樣，給人殘舊的感覺。替我們落單的是一個滿口大陸口音的女人，很沒有禮貌，又聽不懂我們的說話，很難溝通，幾經艱辛終於落了單。我要了羅宋湯，仍有水準，不錯。粟米石斑，一件沒有魚鮮味的魚塊淋上不太好味的粟米汁，老公要的牛排也不覺好吃，雪糕裡已起了雪粒。價錢一點不便宜，用來比這樣的食物、裝修和服務，真的麻麻。

2005年10月27日去演唱會前要先吃飽肚，來此懷舊一番。小頭點了特餐﹕羅宋湯—香濃好味又足料。黑椒牛柳—黑椒汁幾好，牛柳都幾腍肉質不錯，梳打粉落得唔多，不過唔夠熱。餐牌上寫甜品是雪糕，但來了jelly。x2點了鐵板西冷餐﹕忌廉湯好稀，味道好清。西冷好大件頭，要medium但略嫌生了些。餐飲冷熱同價。餐牌上還有花樣年華二人餐和2046二人餐可選，都幾有諗頭。服務一般，阿姐不是很殷勤，問了x2要幾成熟但又唔問小頭。話時話，容祖兒演唱會好好睇，歌精舞勁，有排紅。

無左周慕雲,無左蘇麗珍之下,金雀餐廳,只係平凡到唔平凡的老香港西餐廳.真係食個mood,味道仲衰過花園.

其實我之前同大學同學都黎過，不過因為男朋友鐘意据扒，又未黎過呢到，所以星期日就黎左呢到食飯。出乎我意料之外係人唔係好多。我地望完彌撒行番出銅鑼灣都八點有多，結果去到都有位喎。不過坐低唔夠10分鐘就見到有人要等。整體服務質素ok，尤其係個女侍應服務態度真係好好，值得一讚。我左叫個西冷牛扒餐，男友選左法國田螺餐。個田螺餐好抵，有6隻田螺加咸豬手。田螺無沙又夠味，可惜個底o的薯茸係用粉開，唔係既話更好。我叫左個紅湯，夠水準。依家好難食到o的咁既水準架啦！足料又夠火喉。我個西冷扒就真係差o的，最主要係我個舊扒都有幾多筋，影響口感。

……………難食喎是日午餐精選：粟米石班、”獲”仔牛柳及焗豬扒，全部配飯，另有餐包、餐湯及餐飲。焗豬扒飯：只係焗汁，配微暖的炒飯底加淋到飛起的豬扒，好難食(所以我的「喊樣」係比呢個飯的)”獲”仔牛柳：試食人地的，好淋，一般粟米石班：睇人地食的，看似不錯餐包似乎是之前叮得過久，因有點硬；全個最好味都係個羅宋湯餐飲轉涷飲不需另加錢，全個餐現金找數38個大洋服務不錯，侍應勤快不過，除非下次有人請啦，否則，唔好預我啦………