金雀餐廳 (已結業)

我同fd去過好多次，發現愈黎愈差，除左食物方面有所退步外，服務態度更加不值一提。牛柳好硬而且好細件，頭幾次去，都唔係咁，果時d牛柳感覺好鬆軟，有入口即溶ge感覺，但而家應該食唔番，仲差過人地$25一個扒餐。上次有個男侍應態度超差，雖然忙但都唔洗咁ar，講野呼呼喝喝，又企係你隔離度，睇住你食完一碟就即刻衝埋黎收，好似好怪咁囉。果個侍應仲係幾後生果隻黎tim，唉....

和女友已經不是第一次光顧金雀餐廳了~ 幾乎每個月來一次, 每次都盡興而歸~ 一來服務一流(雖然唔係個個伺應都咁親切, 但整體上都好周到), 二來環境幾有格調, 三來食物價錢合理, 味道又幾好~ 所以今日慶祝十五個月紀念都特別開心!餐廳由花花綠綠的牆紙到牆上的油畫, 由深啡色的卡位到薄荷綠的台布, 都係保留住七八十年代o既色彩~ 我頭上佈滿燈飾~ 但燈光柔和而昏暗, 很有情調~ 當時還播著八十年代o既英文歌: Kool and the gang 的Cherish, 懷舊得很!這裏的伺應都有番咁上下年紀~ 幫我地落單同上菜O既係一個眼大大的阿叔~ 佢O既態度幾親切, 而且服務周到~ 係度不得不借個機會讚下另一個束起髮髻的女伺應~ 兩個月之前係度用膳, 我同女友想交換個扒餐食~ 佢見到我地雞手鴨腳咁, 連忙走埋黎關切地同我女友講:"MISSY~小心呀~ 你快d放低先, 個鐵板好熱咖, 等我黎幫你~" 佢幫我地換完之後, 又主動問我地個扒夠唔夠汁, 洗唔洗加汁~ 我地話好, 佢瞬即就將兩個扒餐o既醬汁送到台上~ 哇~ 我去五星級酒店食野都冇咁好服務呀!呢位女伺應o既笑容仲特別親切友善, 我覺得

都係靠住2046但唔太得又貴,D扒又冇肉味,又硬好難想去第2次

上星期六晚來這裡，我叫了個牛柳餐，麻麻地la。

昨晚約了朋友行街買衫,之後就來了這裏,八時左右,幸好還有卡位坐,環境暗暗,侍應全是阿姐阿叔的,十分懷舊feel.叫了2046餐.餐包不錯.羅宋湯第一口較淡,之後越飲越好味.大蝦沙律只有數隻細蝦仔,是舊式的整法,味道只屬一般.焗花螺有六隻,調味可以,不過螺肉有些梅.扒要了肉眼和西冷各一客(七成),兩者都不錯,肉眼比西冷較好,唯一美中不足是扒下的配菜只有紅蘿白仔,我較喜歡粗薯條.雲尼拿雪糕很好味,奶味夠重,很久沒有吃過這種味道了..雖然沒有特別的服務,不過當我們看見有隻菌蟲飛上大蝦沙律上而要求更換時,他們都有求必應,又說不好意思.整體上都幾好,不過略嫌份量不夠,兩女食完只是剛好,相信和男友來吃會不夠.但這間仍會是我平價据扒的首選.

早陣子去食過2046餐,味道無咩特別,不過不失,但以份量黎講,就好豐富!一男一女去都食唔晒,之前睇過食評話service 差,所以去到無咩期望,不過竟然比我地遇到一位勁nice o既阿姐(當日長頭髮with 馬尾)佢係我地去完金雀後,記得最深刻o既!因為佢既service我地會再去囉~

d 羅宋湯好好飲,好耐都冇飲過咁足料既湯,雖然一定有味精,但都唔會好似其他餐廳咁罐頭

來銅鑼灣行銜，常常在此吃下午茶，因真是又平又正。茶餐$25起，值得試的有肉醬意粉、大蝦沙律、蝦多士、焗田螺、焗蟹蓋。很懷舊的食物﹗

從沒有想過自己會有一天坐在黃大導曾取景拍電影的餐廳用膳，感覺唔多自然。而且阿叔輩侍應眼甘甘咁望住你食，真係好唔自在，差想問佢︰你望夠未？ 說回餐廳o既食物質素，都不錯o既。是冕要了芝士焗龍餐和青豆牛。餐湯羅宋湯好鮮甜，微辣，料極多，不過唔夠熱；而芝士焗龍賣就真係好得，伴碟薯蓉極滑，但友人嫌芝士味不夠濃；青豆牛個汁好香肉味，但唔知點解食落口又覺得頗涸喉，可能因為過濃，牛好口，但勝在炆得夠腍，總括來說，不過不失。此類餐廳，真係來一次已夠，因為食這一餐期間，真係極不自在。

響門口見到是日晚餐有「C.炭燒羊扒」，只不過六十六元正，本來諗住去沙爹王的我倆，毅然殺入去幫襯。一入去原來個環境係咁...特別既～（我唔係王導演fans，我冇睇2046！）好多人呀，好彩咁o岩唔駛等位，跟住入唻o個D都起碼等十幾分鐘。叫左兩個C，點知「秋生」突然出現，佢問我要全餐定特餐！我呆左幾秒，笑左一笑先識俾反應，學麥乜問佢有咩唔一樣啦，好彩佢答得出，話全餐原來係...「多舊魚」喎！係呀，多一小碟龍利柳，只係貴十蚊。咁試一個吧...紅湯係幾好，好多料，好香；女朋友個白湯就唔多掂，湯還OK，但o個一點點雞肉，硬到咬唔入！個飽又係硬硼硼既，又唔暖，winning 牛油唔香，唔掂。羊扒有三小件，跟左薯菜，又唔係好食，又唔係差，算係不過不失，咁既價錢，可以啦！最後仲有雪糕and tea... 咁就一餐o勒！

因為男朋友係王家衛fans, 所以就去了曾拍攝過"花樣年華" 同埋"2046" 的金雀食dinner. 點知勁難食, 牛扒上枱時係凍o既, 叫佢再拎去整熱, 再拎o黎已經柴皮食唔到. 而我的雞扒就完全冇味, 好似白烚, 燒汁似滾水, 又係食唔到. 同個待應講, 佢淨係識笑住話 扒唔靚呀? 埋單都要$198, 男朋友嬲到震同我講話以後唔去!奉勸各位不要去啊, 否則一定失望!!

尋晚，我去左金雀餐廳食扒，果度係２０４６既取景場地之一，但佢一ｄ都唔張揚，外面一ｄ都睇唔出，只係有二張poster同一張劇照係入面，而且無話用射燈照住，總之好含蓄。不過，如果係２０４６迷，佢都有一個２０４６餐黎滿足閣下朝聖既心理。２０４６餐係for 2 people既，食物都好豐富，每客仲收＄２０４.６，等你毫無遺憾。但我只係為食貓，唔係２０４６迷，所以以上既野同我無關。金雀餐廳明顯已經有多年歷史，食物自然有返咁上下水準。我食左個”七打扒餐”，其實即係牛扒餐for 2，不過佢會拎出黎你面前煮，比起普通牛扒餐貴＄２０。以上都係個waiter同我講既，我見佢咁老實，貴＄２０都要試下。一黎，當然先有餐湯，我一向飲開白湯唔飲紅飲，但由於之前睇食評ｄ人話紅湯好正，咁就要試下ｌａ！果然，材料豐富，開胃得黎唔太酸，我成碗飲晒，不過ｄ餐飽就唔夠鬆軟，略微失色。跟住上牛扒，佢燒紅左個錢板係隔離煎，臨上前淋酒再點火，即時香氣四溢，吸引全埸目光，依＄２０值唔值就真係見仁見智喇！每人有兩件厚切牛扒，剛剛好，七成熟，切開ｄ肉仲係紅紅地但唔生，入口鮮嫩多汁，好明顯係出黎煎之前已經封左邊，鎖住ｄ肉汁。食到七七八八，

下午出街做野, 去完金鐘再去銅鑼灣, 成三點幾四點都未吃飯. 到呢頭, 原本諗住食天樂, 不過好鬼多人, 咪走過去隔離街搵定, 見佢地下午茶$25 包飲品, 唔好煩, 就呢樹!見有幾款揀, 全部都係炒粉麵類; 我要肉醬意粉, 同事要肉醬通粉, 在場有幾檯客都叫呢味, 睇幾受. 碟意粉賣相唔得, 好肉酸, 不過肉醬又幾好食喎, 好香濃, 而且肉醬份量好多, 唔怕唔夠撈! 不過意粉就唔係咁得, 腍晒又唔爽口彈牙, 敗筆!論環境, 餐廳絕對係拍得住茶記, 唔鍾意佢隻綠色牆身, 要有2046個feel, 除非熄燈啦! 而服務就一般般, 侍仔懶懶閑咁囉!

怎樣才算是花樣年華？只要那時那刻過得精彩，無論是短是長，都會是花樣年華。昨晚約隻麻雀腳在這裡晚餐，談談天、說說地，品嘗下美酒，看下牆上的電影硬照，偷看一下坐著附近的兩個歌手，時間雖短，已足夠讓我感受那刻的「花樣年華」。食了一個咸豬手餐，紅湯料足但略為稀了一點；咸豬手size 不算十分大，但卻足夠給我裹腹，不算太肥，可接受，外皮豬毛清理得乾乾淨淨，肉汁不算多，勝在還未出現太乾的情況，一邊吃著，一邊喝著朋友帶來的Zema Estate Cabernet Sauvignon ，幾好。以這樣的價錢，這樣的晚餐算是抵食。

2046 套戲的故事就麻麻地, 但都好有興趣試吓金雀lee個2人套餐.一入去金雀, 發覺而家的金雀燈光好似光咗好多, 所以好唔Romantic!但食物就fantastic頭盤有大蝦沙律+ 田螺, 一個冷盤, 一個熱盤, 好正.然後2個招牌蘿宋湯, 好味情度唔使講啦.再來就係一人一個牛柳/扒, 已經好飽啦!重有d 好懷舊的雲喱拿雪糕+ 咖啡/茶.都只不過係204.6, 超值呀!