金金日式燒肉店

营业中

休息中

汁燒牛肋骨肉咬落去牛味，肉質夠林，而且個汁都好好食，非常夾😋鹽燒牛胸腹，較牛肋肉厚，食落比較有口感，而且牛味都係偏重，好食呀！特選厚切鹽燒牛舌，牛舌我一向都好鍾意食🤭燒肉嚟講係必點嘅，牛舌呢個係厚切，咬落去一啲都唔韌，而且仲幾爽口，好好食☺️A4和牛里肌肉，呢個好大塊，份量都唔少，一咬落去個牛味好香比起其他肉味超凡，咬落去入口即溶嘅感覺，充滿油脂☺️黑松露和牛炒飯好大碟，而且個飯炒得夠乾好好食，入面粒粒飯都有黑松露味，再配有少少和牛，食落去成個飯都非常之適合配燒肉。呢間燒肉價錢唔貴，而且肉全部都係高質，一定會再去。

很久沒去吃過鐵板燒、相約友人到了銅鑼灣的金金日式燒肉大快朵頤！香草牛油露筍 $38 以鋁盤上、可整個放進鐵板上燒、裡面的牛油慢慢溶化、露筍幼身嫩口好香牛油味。香草牛油帆立貝 $68 以慢火燒剛剛好。豆乳廣島蠔湯 $78 奶白色的蠔湯有濃濃豆乳味道、蠔的數量亦不少、亦加入金菇、紫菜等、好足料呢。泡菜芝士海鮮石鍋飯 $68 熱辣辣送上、拌勻芝士、泡菜、海鮮、辣辣地好香。重頭戲來了！熊本A5 和牛正在做優惠、只是 $168、好抵食！ A5和牛果然非常軟嫩、油脂比例剛好、燒過後油份迫出、牛肉香氣縈繞口中、入口溶化😍這裡還可以燒和羊、黑豚肉、雞肉、下次要試試～

同老公結婚一百日，又多個名目同老公食好東西，剛好我Day Off就接老公收工一齊去食飯！當然係揀選我地至愛的日本菜啦～走去銅鑼灣Sogo附近樓上鋪食日式燒肉！這間餐廳主要以日式佈置為主，燈光柔和，座位之間寬敞舒適，也設有卡位！食物主要以燒肉為主，雞、牛、豬等都齊備，也設有小食、飲品及甜品等，種類繁多，也備有二人套餐，這個二人套餐好豐富，而且價錢合理，於是就叫了這個二人餐！前菜。APPETIZERS金目鯛刺身沙律Alfonsino Salad with Crab Roe：先來一份沙律，上面有金目鯛醃有秘製醬汁，上面加了蟹籽作點綴，口感也就豐富了！新鮮的沙律菜內也有車厘茄，醬汁有Wasabi味，微辣的口味好特別，入面仲加左少量椰果，味道口感都特別豐富！櫻花龍蝦沙律豆腐Cold Tofu with Lobster Salad：這個前菜冷豆腐好滑，入口即溶，以芝醬醬汁做底，微酸好開胃，配合埋比較濃味櫻花龍蝦沙律，味道剛好不重口味！有機蔬菜盛合Organic Vegetable Platter：在主角岀場前就先來一客有機蔬菜，有南瓜🎃粟米🌽茄子🍆菇🍄蘿蔔🥕同埋翠玉瓜🥒 它們會附上一個放左牛油的錫

食肉獸又出動🤣鍋鑼灣餐廳就試極都仲有~今日同男朋友慶祝佢升職，請佢黎食好野~特別book左呢間朋友介紹嘅日式燒肉~我地今日都幾早，大約6點幾就到，未升好多人，之後7點幾就開始多人啦，都喺早食啲好~我地2個人都被安排坐4人卡位，所以坐得好鬆動好舒服，姐姐服務好好，好nice, 食野已經幾中意呢度~見到個2人餐有海鮮，唔同肉類，前菜同飯好吸引，但喺男朋友唔太好海鮮，所以都喺散叫~呢度櫻花龍蝦豆腐沙律唔可以睇少呀，上面嘅龍蝦肉同脆卜卜嘅蟹子，加上啲沙律醬，超級夾! 呢個軟殼蟹青蘋果沙律非常開胃，雖然有炸嘅軟殼蟹，但喺沙律菜配黑醋，一啲都唔覺得heavy, 最中意佢加埋個青蘋果，少少酸味味嘅感覺，好清新!果味牛肋骨肉喺我食過冇特別標榜出處中嘅燒肉最正嘅!想油脂多啲可以食呢個鹽燒牛胸腹，睇到個樣唔駛講都知幾正🤭呢個價值我真係覺得非常值! 我寧願貴少少都會叫厚身嘅牛舌，呢個啱晒我!好爽口，要燒4邊，燒到咁上下就剪開睇下生熟程度，我自己覺得呢款反而全熟先最正!廣島蠔喺成個盤一齊放落去燒，好方便好快就熟~最後食個有機蔬菜盛合埋尾，夠多款式有誠意，同埋喺有機，特別甜!

Lunch Time 時間來到銅鑼灣吃烤肉😋雖然我地今次揀左散叫🤭🤭但其實平日的set lunch 幾抵食架。今次我地叫左 #雜錦燒肉盛合，法式香草羊架，牛肋骨肉和一個黑松露炒飯。雜錦燒肉盛盒會包括幾款肉類；香草雞，調左味的黑豚肉，牛肋骨，牛舌和澳洲和牛😍😍一次試晒咁多款。當中最驚喜的是澳洲和牛，輕輕燒下已經半熟，油脂豐富口感不錯。單叫的亦值得推薦，很重羊味而且肉質豐富，不用再落調味料都好正。.🏠金金日式燒肉店 (銅鑼灣)銅鑼灣怡和街2-6號英光大廈3樓全層

話說嗰日weekday早咗放工 所以即刻約埋個friend喺銅鑼灣諗住食好西 個friend話好耐冇食過日本燒肉所以 揀咗呢間試試佢 ! 餐廳位置勁方便喺銅鑼灣地鐵站f出口 正正喺sogo大馬路嘅對面 搭個電梯上去就到, 地方都好大而且如果多人嘅話可以有間廂房 私隱度高, 同一大班friend一齊嚟 可以玩得癲啲添我哋首先嗌咗個自家製白菜泡菜 同埋芝麻阿波雞軟骨做前菜 酸味醃得剛剛好 刺激食慾 略嫌炸得少少乾身 同埋唔夠味道有生菜蒜片同埋京蔥 夾埋啲燒肉一齊食絕對係絕配牛肉入口即溶 多肉汁 嫩滑 推薦 和牛肉眼 我哋係七點半前埋單仲有八折優惠 所以 絕對係性價比一流!

日式燒肉每碟份量唔大，所以人多又得人少又得，非常彈性。今次一行七人去食，多人食最好就係乜都叫，食物無話邊樣驚為天人或者特別難忘，但中規中矩食物質素來說的日燒每人只是三百蚊實在抵食！服務態度不錯，加上喺銅鑼灣區更覺得抵。如果想平平地食日燒，金金的確係好選擇（同埋個名易記都係件好事）上到去見到格局諗咗好耐，呢度上一手好似係盛八？

早前食過金金的午市套餐，幾十元好抵食，今日就試下散點燒物。於吃飯時段前已到，可以任揀座位，靠牆卡座好寬敞温泉蛋配菠菜是穩陣配搭，蛋汁使菠菜和羅馬生菜吃起來更滑；沙律中加入蘆薈粒、麵包糠和開邊車厘茄，整體評價正面。配沙律的芝蔴醬角切黑豚七味芝士燒-黑豚帶脂肪，食落爽口香草牛油廣島蠔-店員話要整盤放在網上燒，溶化的牛油不會令蠔越燒越乾。蠔屬中等大小，燒後仍保留了水份，一咬爆汁。佐賀 A4和牛里肌肉-和牛出名有油脂香，牛里肌肉肉味亦較濃極上網燒一口牛-點了果汁餣製，但果汁味不明顯；燒至七成熟剛剛好，香脆肉嫩香草牛油燒大蘑菇意想不到的juicy,食幾件都不會嫌多

今日本應約了朋友在銅鑼灣逛街，誰不知天越下越大雨幾乎沒辦法再走！剛好我們還未吃東西，就打算在銅鑼灣尋找一間餐廳避避雨和吃點東西, 經過怡和街發現大廈裡有間日式燒肉店。去到餐廳前有個大banner印上9款不同款式午餐定食，夜市更有全店8折，進入餐廳內坐店員非常細心介紹每一個餐牌內的食物同套餐，最後我們點了2人套餐$698，套餐內食物非常豐富，首先有前菜，主食，炒飯和甜品。櫻花龍蝦沙律豆腐豆腐香滑質感滑溜配龍蝦肉加上魚子和芝麻醬，感覺好清新是一道非常好的開胃前菜金目鯛刺身沙律刺身好新鮮魚質彈牙，沙律菜中還有少許蒟蒻增加口感，不會只吃到菜感到單調主菜拼盤種類非常多海鮮有松葉蟹腳 大蝦 黑松露帆立貝 肉類有黑毛和牛 牛舌 牛肋骨 黑豚腩 雞腿海鮮依然一食便知係新鮮有鮮香味，原隻帆立貝帶一點點黑松露好惹味。和牛肉味很燶郁入口即溶，黑豚腩燒得剛剛好吃一口油脂香舖滿成整個口，雞肉肉質夠嫩又多肉汁黑松露和牛炒飯淡淡的黑松露味道，和牛的燶郁味再加上炒飯煮得粒粒很平均不會黏在一起，還有少少蔬菜相伴感覺上炒飯不會太油膩最後還有自家製牛乳凍，微微的牛奶味滑滑的質感配上少許果醬。

新年約開年飯，「金金」店名非常好意頭，合符新年開年飯店內裝修富有日式 ，襯上燈籠裝飾更添日本風味烤肉種類繁多，有和牛、豚肉、雞肉海鮮、蔬菜，另外有小食沙拉、石鍋飯什錦燒肉盛盒 $198$198有齊五款燒肉，有香草雞、一口黑豚、燒汁牛肋骨、澳洲和牛、鹽燒牛舌。好適合兩人食，燒肉望落鮮紅，入口味道新鮮惹味，肉質非常鮮嫩多汁鹽燒手羽 $58單骨簡單雞翼灑上鹽，再燒香已經好好味 豆乳廣島蠔湯 $70廣島蠔味鮮甜，豆乳湯加上滑嘟嘟豆腐，味道好好溫泉蛋紫菜飯 $38溫泉蛋同紫菜加日本飯一定perfect match，飯都幾大碗，足夠兩人食芝麻雪糕 $35最後，芝麻十足雪糕作為晚餐句號

日式燒肉一直都係我至愛~ 今日黎到銅鑼灣呢間金金日式燒肉同朋友慶祝生日! 餐廳環境好闊落，坐得幾舒服。室內抽風唔錯，唔太重油煙味~餐牌好多選擇，最後決定叫個2人餐，有前菜，多款肉類，海鮮，炒飯同甜品，啱晒我地咁為食呀!呢個套餐真心好抵，由前菜開始已經好有誠意。呢個櫻花龍蝦豆腐沙律上面嘅配料一啲都唔少，非常多龍蝦肉，醬汁好夾! 豆腐亦好嫩滑。非常推介金目鯛沙律。刺身份量多，鯛魚經過特製醬汁醃製，好入味，不搶鮮味之餘仲好開胃。呢個主菜拼盤不得了! 肉質單睇賣相已知喺高質。牛肉有牛舌，牛肋骨同埋佐賀A4黑毛和牛!牛舌有薄切同角切。牛舌薄燒卷只要燒單面大約20秒，再燒起食就好香勁惹味! 角切牛舌爽口一啲都唔韌。黑毛和牛建議燒至7成熟就啱啱好，香濃油脂味喺口中溶化! 香草雞腿肉有驚喜，醃得入味之餘肉質保持嫩滑。蟹腳多肉鮮甜，食得好滿足!蝦同帆立貝都幾新鮮，中意食海鮮嘅朋友可一試~炒飯值得推介! 炒得有鑊氣，粒粒都帶牛香同淡淡黑松露香氣~

同朋友去開銅鑼灣行到晚飯時間！講開我話想食日式燒烤,朋友就提意食金金日式燒肉，係銅鑼灣區絕對有驚喜既日式燒肉之撰，講完就決定去試試！食日式燒肉當然要叫牛肉啦！佢地既食才用料好新鮮，無論牛肉，豚肉，海鮮都美味！而佢地有調味過既燒肉都非常味美！我地一行幾人有叫套餐再加其他食品！而其他散叫食品都好多款式！不只有驚喜而絕對係可似一試再試既撰擇。

跟朋友在銅鑼灣逛逛，她說想吃燒肉，處處人滿為患，openrice了一下附近可訂位的餐廳，因此發現了這一家～位置在銅鑼灣百貨過馬路的斜對面，挺好找的，3樓全層都是。裝修比較簡陋，真的全場full了。還好訂了位。有套餐，2人套餐，因為不吃牛舌所以沒有選擇。點了很多，兩個人吃得一乾二淨～我們都很滿意～

朋友帶我到金金燒肉食燒肉。佢話呢間餐廳幾正，所以帶我去，今次就一於試吓佢啦！熊本A5和牛肉眼$168原來係做緊特價，見到佢啲脂肪比例已經好正，平均到不得了，燒嘅時候仲出好多油，油香十足，呢個價錢食到咁高質素嘅A5和牛肉眼真係夠抵食。18cm五色胡椒黑豚鎖鏈$6818cm係咩概念？食過黑豚鎖鏈就知道啦，成條好長嘅黑豚肉係你眼前，仲有五色胡椒味道香噴噴。啲肉仲要好爽脆，真係要一試。岩鹽青檸燒手羽中$58手羽中係日文，中文意思係雞翼，雞翼有時除咗滷水之外，其實鹽燒都唔錯。加埋青檸味道清新好多，即使雞皮有好多油都唔會覺得膩。意大利香草汁雞腿肉$58雞腿肉拼香草汁平時好少食到，提升咗唔少鮮味，而且雞腿肉個部位係特別嫩滑，無骨一口就食哂了。

今晚同朋友經過銅鑼灣，突然之間想食日式燒肉， 上openrice度見到佢啲食評幾好， 就去咗呢一間金金試下星期六8:30嚟到唔使等位， 啱啱淨番一張枱畀我哋坐， 坐得都算舒服坐抵就開始點嘢食 後來見做緊特價嘅 M9和牛壺漬, 準備叫一個試下， 不過令人真係好唔開心! 個侍應同我哋講你要叫夠三百蚊才有優惠我覺得好差囉 !你既然要食夠三百蚊好心你就寫返落個牌度啦! 我想問下大家佢咁樣係咪觸犯商品說明條例呢？問心300蚊有幾難叫呀， 佢咁樣講完即刻冇心情， 試都唔想試食物方面先來過厚切牛胸腹， 賣相不錯， 點知一夾起都係硬嚟嘅， 啲牛肉黐住咗，分唔開一塊塊! 好心你再解凍少少先攞出嚟啦其他後來嘅食物其實都唔差 ,厚切牛舌和角切豬腩肉值得推介， 牛舌咬落係爽口嘅， 唔會咬唔開 另外豬腩肉食落口好滑， 燒香咗亦都不會太肥膩 不過果條黑豚鎖鏈就很一般， 仲有少少雪味最後食多個泡菜芝士海鮮石鍋飯， 就走人每人飲咗兩杯啤酒， 埋單每位300蚊老實說食燒肉嚟講價錢合理 ，質素亦可以！值得一試