金金日式燒肉店

营业中

休息中

九點後入座，指定餐牌有半價優惠，食物質素好，食物新鮮，不會因為半價而減少份量。兩個人靜靜地飲下啤酒燒下嘢食，是一個不錯的選擇，性價比高。地點方便，下次會來再幫襯。

位置唔太顯眼，但勝在餐廳既日式裝潢私隱度高，座位亦好闊落又有卡位。呢度提供日本產和牛，每日有唔同激安優惠，最重要係好難得地星期一至四有無限時既燒肉食，可以坐低慢慢傾慢慢食。芝士櫻花黑豚 $88最鐘意依款，燒完油脂逼出黎後非常香脆，再加上芝士粉，好好味。極上網燒一口牛（鹽燒） $88第二最推介既係一口牛，油脂感幾重，食到最重既牛肉香，所以一啲都唔靭。香蔥薄切牛舌 $88牛舌肉質爽，加上蒜香，幾惹味，不過個人就較傾向鐘意厚切牛舌啦，會更加有咬口。鹽燒牛肋骨肉 $98呢款肉味最濃，油花分怖平均，稍微燒一兩分鐘，入口幾嫩滑既。配檸檬汁就最夾～芥末八爪魚青瓜 $48青瓜同八瓜魚幾match，八爪魚都幾多，係幾唔錯既一碟前菜柚子讚歧冷烏冬 $88食咁多燒肉，好需要啲清新既菜式，fresh 一fresh 口腔。幾鐘意個柚子醬芥末醬～

見到呢間喺銅鑼灣嘅燒肉都幾多好評，揀黎放工去食~肉類叫左和牛粒、鴨舌、法式香草羊柳，醃得唔錯，肉唔韌，配上燒肉3款醬汁，我最鍾意點檸檬醬汁，開胃d又能帶出肉味。龍蝦豆腐沙律龍蝦肉都唔少，呢個同芝麻醬豆腐好夾。辛口雞軟骨炒飯調味唔錯，飯炒到粒粒分明又煙韌，拌入雞軟骨碎令口感更豐富。𝗣𝗶𝗰𝘁𝘂𝗿𝗲𝗱 𝗜 𝗵𝗮𝗱 📸🍽 極上網燒一口牛(鹽燒) $88🍽 法式香草羊肉柳 $78🍽 川式麻辣燒鴨舌 $68🍽 日式餃子 $58🍽 辛口雞軟骨炒飯 $98🍽 櫻花龍蝦沙律豆腐 $58🍽 零系可口可樂 $25

金金日式燒😋銅鑼灣行街食飯找好吃🥢VIP 2人盛$538一個二人餐好多選擇，個人覺得好抵食，中午份量好豐富🦐究極香茅網走大蝦新鮮蝦肉彈牙，海鮮仲有鮑魚和扇貝🐃黑豚腩，A4黑毛和牛，雞腿肉類都有幾款重點☺️鹽燒角牛舌好爽口🥢前菜櫻花龍蝦沙律豆腐 曾經食過櫻花蝦炸豆腐今次用日式醬汁櫻花龍蝦蓉凍食，清新風味 🥗金目鯛刺身沙律金目鯛肉質柔嫩配沙律可口有機蔬菜盛合🥒🌽食完咁多肉食番幾件有機南瓜粟米消化腸胃🍛松露和牛飯炒得香口，有著松露香味和牛小粒📸除左餐另有很多單點，每日都有激安優惠 🥢壺漬牛肋骨肉28CM $138網燒吾可以燒太耐，5成剛剛好😋🍗網燒雞腿肉$68腿肉香滑🕐由於時間吾夠關係😆最後無食到自家牛乳凍，真係有點可惜🌟日本產和牛🌟激安優惠好抵食🌟三五知己慢慢燒好地方

想食日式燒肉又想經濟實惠💰？好少食燒肉 唔知揀咩部位🤔？呢間新開嘅日式燒肉店有多款肉類、海鮮揀，同行朋友就算唔食得牛/海鮮/刺身，都實有一款啱你🤣環境方面，餐廳座位闊落舒服 燈光偏暗，幾有feel嘅，不過小編果日坐個位嘅冷氣略顯唔夠勁😗🌬。🌟燒肉二人Set A ($538)前菜：櫻花龍蝦沙律豆腐、金目鯛刺身沙律個人鍾意個豆腐多啲，龍蝦肉彈牙🦞帶些少三文魚籽，口感特別之餘，意外地同凍豆腐夾。因為有麻醬所以係甜甜地嘅。刺身沙律fresh嘅，完全無腥味。海鮮：鮑魚(原本係松葉蟹腳)，大蝦、帆立貝小編對海鮮方面好滿意🥰大蝦鮮美，帆立貝同牛油一齊燒🥰諗起都流口水。雖然蟹腳換咗做鮑魚但都鮮甜爽口，好滿足~肉盛：A4黑毛和牛、牛舌、牛肋骨、黑豚腩、雞腿肉雞？牛？豬？小朋友先做選擇‼️A4和牛肉質柔嫩 油香十足😋小編特別鍾意蔥蒜牛舌薄燒卷，快快手燒幾秒 肉質軟稔😚牛舌最高！雞腿肉有用香草調味，唔係單純囉黎做伴碟㗎~其他：有機蔬菜盛合，食到中間可以攞黎中和油膩感，翠玉瓜好味😜黑松露和牛炒飯粒粒分明，重點係超大份 食唔曬🤫自家製牛乳凍，奶味香濃 果醬酸酸甜甜 味道唔錯👍🏻味道：🌕🌕🌕🌕🌘環境：🌕🌕🌕🌕🌑價錢

最近收工都比較晏，突然好想食日式燒肉，見到銅鑼灣呢間有宵夜時段，就嚟食一個燒肉set，非常有驚喜！😍 因為一盤燒肉室入面，竟然有澳洲M5和牛、豚肉啦、大蝦、同埋蠔（正常係蜆，但係剛好賣曬🤣）實在係超值之選，仲要所有材料都好新鮮，件件肉都好鮮甜❤️強推和牛牛排肉、岩鹽青檸豚拖羅同24 cm味噌黑豚腩，和牛入口即融，脂味香濃，拖羅好入味，超好送飯，黑豚腩簡直係亮點，脂肪同肉嘅比例剛剛好，48cm都食得曬🥰 呢排燒得多，技術都好埋😏食燒肉真係唔可以冇白飯，所以額外嗌多兩碗白飯，咁樣食落去先係啱啱好啊！鍾意飲酒嘅朋友仔，呢度都好啱成班friend子啤一啤🍻 cheers!!

.📍金金日式燒肉店 📍香港銅鑼灣怡和街2-6號英光大廈3樓特色野菜沙律(78hkd)裏面有生菜、椰果、紫萵苣和蕃茄仔，都算幾爽脆新鮮，作為starter開胃菜非常合適😗極上網燒一口牛(88hkd)這款要大火網燒四面，再放中間燒多陣確保夠熟，肉汁就可以鎖住在裏面，牛肉完全不會韌，size切得剛剛好，本身的油花都幾均勻，但不會太油膩，給予高度評價👍🏻鹽燒牛舌(88hkd)外面煎至微焦，有外脆內軟的口感，肉質幾有咬口，愈咬愈有牛味，而且無牛膻味，不錯🥰西班牙黑豚腩肉(78hkd)豬肉和脂肪肥瘦相間，而且塊塊都幾大，一啖食哂好滿足，配埋檸檬汁🍋即刻無左罪惡感😂溫泉蛋紫菜丼(48hkd) 蛋漿配上珍珠米，仲有埋紫菜加持，完全無得輸😭好食，可以叫多碗😂#foodiblum日式

個 #38cm鎖鏈牛翼板，食肉獸原條自deal是常識吧？位於銅鑼灣心臟地帶食到呢個價位嘅日式燒肉，我會話係真心幾抵食！餐廳就喺正大家成日經過亦成日錯過(多數都係途經唔會駐足除非等巴士啦！)嘅怡和街，樓上舖比較安靜舒適，好啱想靜靜哋食飯嘅朋友。雖然係樓上舖，不過餐廳喺裝修方面都明顯幾認真。玄關處後有一個獨立大包廂，推門後係日式tatami設計，私穩度高可以容納十幾個人。另外餐廳亦有個超大嘅bar台位放滿唔同嘅清酒。用餐位置坐位亦相當寬敝舒適，昏黃燈光唔太刺眼但又唔會暗到影唔到相。嘢食方面lunch嚟到其實幾抵食，唔想單點咁煩可以直接deal個 #海鮮燒肉二人前，有兩款海鮮同三款牛豬雞，仲包埋三款前菜 —— #黑松露牛舌沙律、#温泉蛋豆腐 同 #飛魚籽玉子燒。套餐計燒肉質素中上，美國Angus #貴族黑毛和牛肩胛、 #黑毛和牛板翼 同#鹽燒牛舌 牛味超濃，另外 #鹽蔥一口黑豚 同 #意大利香草雞腿肉 以醃肉計味道唔係死咸，調味啱啱好。海鮮就係淺嚐，#岩鹽清酒燒帆立貝 同 #七輪燒活蛤 份量唔算多。另外前菜之一嘅飛魚籽玉子燒 有啲似食韓燒嘅爈邊蛋！上枱時係已調味嘅蛋漿，自己玉子燒自己整，

好姐妹生日話想食日式燒肉，同事介紹喺銅鑼灣嘅金金日式燒肉店，以傳統和式裝潢，座位寬躺舒適！menu當然主打日式燒肉，除左招牌和牛之外，仲有多款海鮮套餐，啱哂我地D乜都想試嘅人！宵夜時段仲有特大啤酒搭勁吸引🍻 極上盛宴二人前 $538/2位  前菜： 🦞櫻花龍蝦沙律豆腐味道清新，🥗金目鯛刺身沙律鯛帶有一點酸甜醬汁，好fresh好開胃！🦞海鮮有鮑魚、香茅綱走大蝦、清酒黑松露帆立貝：鮑魚鮮甜爽口，店員教路輕輕一燒已經超彈牙！十分驚喜！大蝦同帆立貝都好新鮮！推介！ 🥩肉盛有佐賀產A4黑毛和牛、 蔥蒜牛舌薄燒卷、鹽燒角切牛舌 同秘製燒汁牛肋骨：黑毛和牛簡直滿分！脂香肉嫩，肉味香濃！脂香同肉質感比例平均！薄燒牛舌及角燒牛舌估唔到咁好味！秘製牛肋骨燒完仲肉汁爆棚！好高質！🍖梅子味噌黑腩肉、意大利香草雞腿肉：層次分明嘅黑腩肉，食落肥瘦均勻肉質勁juicy而不肥膩，燒完更有微微焦香無得彈！香草雞估唔到咁入味仲好軟嫩！好食到停唔倒口！🥬有機菜盛盒同黑松露和牛炒飯🍚： 有機菜可用牛油煮🧈更香口惹味！和牛炒飯飯粒分明，夠晒乾身，好香黑松露唔太over，味道啱啱好！🍮甜品：最後食埋自家制牛乳果凍，又香又滑仲唔算

之前路經銅鑼灣，見到一張poster 寫住$168，就可以食A5和牛肉眼扒，非常之吸引。趁今日可以準時收工即刻同朋友去咗試呢間金金燒肉。一入門口左手邊，有一間VIP房，好有日本庭院的感覺。而右邊入口就係餐廳位置，餐廳採用和式木係風格好鍾意佢啲燈，跟足日本風格，好似去京都時見到嘅古燈。 燈光柔和，好似去咗日本嘅感覺。日本產熊本A5和牛肉眼扒（原價$298，激安價 $168）店主將薄薄嘅肉眼扒切成四片。我哋好快唔夠5分鐘就食完，好唔夠喉。話明A5和牛，燒完後真係入口即溶啦。為咗唔比和牛喺燒嘅其間溶左係鐵網上面，隨碟附送一舊牛脂，比我哋擦喺鐵網上。28cm 壺漬牛肋骨肉 $138叫得呢個牛肋骨嘅朋友，都係為咗想打卡先叫。用個夾夾住真係有28 cm長，喺燒前要將肉浸落個汁上，之後先放落去燒。 唔好看佢好厚，但都好快燒熟。 燒熟後，就用鉸剪剪開一粒粒去食，口感非常彈食，牛味好夠。 汁已在燒嘅時候浸入牛肉內，已經唔需要再點汁，好夠味。日本黑豚肩胛肉$98切到一條條上碟，方便進食。豚肉脂肪比例平均，唔會好似豬腩肉咁肥到只有膏。 燒完之後，非常香口，好有豬肉味。網燒雞腿肉 $68雞腿肉已去雞皮。燒完後

🥢大滿足海鮮燒肉 (二人前) $318-岩鹽清酒燒帆立貝: 大大隻而且唔會好快就燒得好乾身 (偷偷地讚自己烤得好🤣🫣)-七輪燒活蛤: 都大隻同埋無沙-貴族黑毛和牛肩胛,和牛板翼: 肉質好好入口唔會好粗糙-鹽燒牛舌: 好爽口而且唔會太厚仲無腥味-鹽蔥一囗黑豚: 真係一放入口Size, 而且香脆好香油脂但唔膩-意大利香草雞腿肉: 雞肉滑嫩, 雞皮脆脆地唔錯以上定食仲包括白飯、味噌湯、檸檬冰茶或汽水😋: 🌟🌟🌟🌟🌟/5🥢韓風溫泉蛋豆腐 $0 (跟餐)一黎就篤穿個溫泉蛋😂 作為前菜我幾鍾意, 冰冰涼涼咁同一陣燒肉可以中和🫢 😋: 🌟🌟🌟🌟🌟/5🥢黑松露牛舌沙律 $0 (跟餐)少見沙律用牛舌搭黑松露, 不過又幾夾喎, 有啲沙律菜減低罪惡感😂😋: 🌟🌟🌟🌟/5🥢飛魚籽玉子燒 $0 (跟餐)呢個都係自己放係爐度燒, 所以要等自己得閒睇光先好燒😂😋: 🌟🌟🌟🌟/5🥢厚切岩鹽沖繩黑豚燒 $88 (定食)呢個真係啖啖肉😍 就算厚切都唔會韌, 本身就有啲鹹味, 所以唔沾醬都好夠味😋: 🌟🌟🌟🌟🌟/5

今次介紹呢間就係燒肉啦🫡平時想搵到又高質又抵仲要舒服環境其實喺香港真係唔算多㗎但係今次居然比我發現銅鑼灣近地鐵站有間都頗高質的燒肉套餐可以食入到去成個環境真係好有居酒屋氣氛坐低之後唔會覺得好逼好空間侷限望左餐牌之後發現有VIP二人套餐都幾抵不過因為我frd小鳥胃所以冇食呢٩(´ε｀ ٩و～～～～～～～～～～～～～～～～～～～～♪ 牛肋骨肉五品盛合 $198 (9/10)呢份五品盛合有齊Menu牛肋骨四款口味同埋一份既鹽燒一口牛🥹🥹燒落完全就係大滿足呀🥹燒完因為味道好足之餘又可以食到牛肋骨精緻的部位而且每一塊切出黎的肉質顏色都好鮮嫩呢度其實for兩個女仔都好夠食！♪ 嚴選厚切鹽燒牛舌 $98 (8.5/10)牛舌經過特別篩選之後而得出特別矜貴既肉燒完食落咬感十足而且鹽味都好到位雖然得六塊但係每塊都大而滿足！♪ 泡菜芝士海鮮石鍋飯 $88 (8.5/10)入面有一大隻蝦🦐再加上少量海鮮攪拌後好有韓國料理的感覺而且加埋泡菜同芝士又有邊個抵受得住🥹♪ 雜菌盛合 $58 (9/10)實不相瞞其實我都係好鍾意食菇菇尤其係燒烤的時候所以就叫左呢個菇類大全拼盤有冬菇杏鮑菇金菇同埋雜菇每一樣拎去燒都是十

呢間日式燒肉幾高質😍👍🏻 和式設計環境清幽，座位闊落舒適～ 仲有好多酒選擇，飲酒談天好地方😆雞泡魚乾配黑松露沙津醬$68魚乾香口煙韌，咸鮮味道配淡淡黑松露忌廉醬超夾👍🏻 個沙律醬好味到食極唔厭😍壺潰牛助肉(28cm) $138好長嘅一條牛助肉～ 先浸落醬油到吸味然後再燒，牛肉超入味，好juicy又有嚼勁😋 剪開一粒粒來食，食唔停口～ 菠菜溫泉玉子沙律 $78沙律菜好新鮮，又鮮甜，溫泉玉子汁令到沙律菜口感濕軟滑溜溜，幾開胃～熊本A5和牛（肉眼) 100g $168雪花紋勁靚😍 油脂勁香～ 一咬落去油脂就係口中爆發，好大嘅罪惡感啊😭

係SOGO對面既金金日本燒肉店位置方便，港鐵站一出唔駛三分鐘就行到。餐廳係一座商業大廈上面既3樓，全層地方闊落，一入門口會有間私隱度幾高既榻榻米私人房，方便一大班朋友聚會。因為星期一至四無限時，所以我地選擇左平日到訪。.特式野菜沙津 💲78食燒肉通常會比較油膩，叫個沙津菜平衡下剛剛好。呢個特式野菜沙津有芥末醬跟，仲有木魚花同蒟蒻粒，味道唔會太單調。.芝麻阿波雞軟骨 💲58小食叫個炸雞軟骨過下口癮，份量都幾多，估唔到會係辣辣地。.熊本A5肉眼和牛 💲168黎到日式燒肉店梗係要叫日本和牛，餐廳話佢地既日本和牛每日有唔同激安優惠。今日就供應緊熊本A5牛，激安價大大塊都只係💲168，抵食必叫項目。熊本和牛肉眼部份油脂感好重，瞬間燒到火光熊熊。.鹽燒牛肋骨 (8片) 💲98牛肋骨都仲有燒汁同鹽燒不同選擇，餐廳建議先試鹽燒可以試下原汁原味版本，因為檯面都會有燒汁，其他唔夠味都可以再加。牛肋骨油脂分佈較平均，滿口牛香。.嚴選厚切鹽燒牛舌 (6片) 💲98燒肉店必點既牛舌都有好多款唔同厚薄同醬料版本，厚切鹽燒應該會食到佢既最佳風味。牛舌超厚切，有6件性價比不俗。.黑松露和牛炒飯 💲118黑松露和牛炒飯

放工過左港島接朋友收工，順便去行下街搵下好野食。想搵個舒適既餐廳食下飯傾下計，於是朋友提議去食日式燒肉🤩。餐廳位於銅鑼灣F出口對面，真係夠晒方便，而且星期一至四入座無限時，鍾意坐幾耐都得，唔洗驚比人摧交枱🤓。餐廳有多款和牛可供選擇，我同朋友都係選擇困難症患者，所以簡2人餐就岩晒啦！仲要唔貴！包含和牛既二人餐，$538就有交易。😌🥰先上前菜，櫻花玉子伊勢海老 & 黑醋松葉蟹腳米紙卷。2道菜都好surprise，食落帶有一點酸甜，好fresh，非常開胃！和風牛舌沙律🥗，一份有都數片牛舌，牛舌炆到好淋，一d都唔韌，沙律菜很新鮮爽脆，加埋胡麻醬，又係一道好開胃既菜。食完前菜+沙律之後，終於到重頭戲！燒肉併盤！包括：柚子岩鹽燒虎蝦❤️❤️❤️北海道清酒黑松露帆立貝❤️❤️❤️❤️七輪燒活蛤❤️❤️❤️❤️特選澳洲M9和牛，❤️❤️❤️❤️❤️極上日本A4黑毛和牛，❤️❤️❤️❤️❤️五色胡椒一口牛舌 ，❤️❤️❤️❤️❤️秘製燒汁牛肋骨，❤️❤️❤️❤️❤️厚切貴族黑豚， ❤️❤️❤️柚子胡椒雞腿肉，❤️❤️❤️❤️香草牛油粟米燒❤️❤️❤️❤️❤️真係豐富到不得了！食材全部都用料上剩，而且好新鮮，好重牛味，油花極漂亮，輕輕點小小調味已經足夠！雖然已經好飽，但黑松露和牛炒飯都係要