金金日式燒肉店

营业中

休息中

今日兩口子撐枱腳， 去左銅鑼灣食燒肉， 上網揾到英光大廈嘅 "金金日式燒肉店" 有日本產和牛供應， 咁就一於去馬。餐廳環境優靜， 放工Happy Hours 嘆返2杯就最爽。簡單叫左極上盛宴二人前， 佐賀產A4黑毛和牛， 入口即溶， 牛味香濃， 油花分怖均均勻。蔥蒜牛舌簿燒卷， 燒一燒就可以卷埋食， 蔥蒜味道足夠， 但搶唔到牛舌味。鹽燒角切牛舌，粒粒牛舌肉， 味道更濃， 燒得燶燶地更野味。燒汁牛肋骨， 又軟又林， 入口即溶。梅子味噌黑豚腩， 黑豚腩要燒焦少少， 野味香口。意大利香草雞腿肉， 超濃香草味， 雞肉嫩滑， 有肉汁。櫻花龍蝦沙律豆腐， 凍豆腐超滑， 配上櫻花龍蝦肉， 非常匹配， 加上一粒粒蝦子， 卜卜聲， 前菜一流。金目鯛刺身沙律， 第一次食沙律配金目鯛， 沙律菜爽口， 金目鯛新鮮彈牙。有機蔬菜， 有紅蘿蔔片， 南瓜片， 洋蔥等等有蔬菜， 新鮮鮮甜。黑松露和牛炒飯， 已經食到飽飽地， 再加上鑊氣夠嘅和牛炒飯， 粒粒分明， 好香口。自家制焦糖牛乳凍，好濃嘅牛奶味， 香滑， 配上焦糖，食完燒肉， 加個凍甜品， 呢d真係享受。值得一提， 每位店員都好有禮貌， 介紹每款菜式，食法。 每

Looking for a Japanese Yakiniku place in CWB? Check out Kin Kin Yakiniku! Conveniently located right across from Sogo, CWB - super convenient location! Highly recommend ordering their wagyu beef 🥩 they supply it all the way from Japan 🇯🇵 😋 it was super tender and delicious. We also ordered their pork - I love wrapping it with the toasted rice and lettuce!! Added lots of texture to the meat and it was suuuper good 😍! We went on a weekday, and loved how we were able to sit as long as we want. Ther

兩個女仔👯去到銅鑼灣唔知食乜好...見到有間樓上燒肉店🍃趁天氣涼涼地，食燒肉最啱！ 餐廳有提供二人套餐，五百幾蚊又唔太貴，有齊前菜、主菜、甜品，唔夠飽仲有個炒飯。座位寬敞大部分係卡位 好有日式風味 感覺好似去咗日本旅行 最開心係明火網燒。❤️頭盤先嚟櫻花蝦沙律豆腐，櫻花蝦配淡味嘅豆腐，清新中帶點鮮味， 再嚟一個金目鯛刺身沙律，酸酸甜甜開胃口，為燒肉極上盛宴 晚餐展開序幕！❤️主角燒肉拼盤上枱，有佐賀產A4黑毛和牛，油脂豐富，入口即溶。鹽燒角切牛舌好厚切，燒完都唔會韌仲好入味。燒汁牛肋骨肉味鮮濃， 如果配白飯就正啦 梅子味噌黑豚腩，梅子味道好fresh，入口不油膩。意大利香草雞腿肉充滿濃濃青醬味，帶點西式煮法！❤️除左主食燒肉，海鮮都有三款：帆立貝，大蝦，鮑魚，燒完新鮮爽口另外有機蔬菜盛合，中和返d燒肉飽滯感。❤️最後即叫即炒嘅黑松露和牛炒飯，好有穫氣而且粒粒分明，師傳手勢唔錯，呢個份量嘅炒飯真係無敵。要食返個焦糖牛奶布甸作結！🥰呢個極上二人餐原價$698 宜家特價$538好抵喎，兩個人都未必食得晒。越夜越多人，記住訂立位👍

人均$200早割宵夜50%off😍高質燒肉配啤酒🍻💰9:30pm後asahi生啤塔🍺都係$198🥳🤣金金真係好啱飲下啤酒食下燒肉同frd吹係水嘅好地方!!!親身體驗半價肉肉都高質不馬虎🫡38cm鎖鏈牛板翼$198（半價$98）超長！除左啱曬打卡之外！味道都讚👍🏻 吃起來軟嫩適中，油脂分布均勻，醬汁醃製食落juicy惹味，食完勁想encore！大滿足燒肉盛合$298（半價$149）有齊和牛，一口牛，牛舌，雞翼，豬腩肉🤩睇落份量就唔大，不過樣樣都好食，加上油脂豐盈所以好易就濟🤭做下酒菜就啱曬🔥🕙半價時段早割7:30前結帳宵夜sun-thu 9:00後入座fri-sat 9:30後入座金金日式燒肉店 (銅鑼灣)銅鑼灣怡和街2-6號英光大廈3樓

天氣轉涼，朋友提議去銅鑼灣怡和街英光大厦三樓金金日式燒肉店吃燒肉，佢話金金好食抵食。朋友話金金有日本產和牛供應，每日有不同激安優惠，星期一至四不限用餐時間。早割及宵夜時段有些食物半價，套餐也是豐儉由人。朋友既然是識途老馬，便由她發辦。金目鲷剌身沙律清新，魚肉結實鮮甜，椰果夾味。日式厚切豆腐燒微微燒熱好味道，豆味香濃，抵食。大皿至尊牛肩肉激安價抵食，一份十幾片，牛肉味濃脂肪香口。鹽燒走地雞腿肉肉質不錯，雞肉連皮燒，香口多汁，彈牙肉味濃。角切西班牙黑䐁肉爽彈，油脂香，滑漏冇渣。豉油，小辣甜味辣醬，檸檬汁隨你點燒肉。温泉蛋紫菜飯有少少甜豉油，蛋香滑，紫菜味鮮，飯粒柔軟Q彈。熱日本茶幫助消化。兩個人吃得又飽又滿足，人均消費$200左右，性價比高。店食物服務佳，推介! 星期五，六，日好旺場，要先訂位。

平時經過銅鑼灣見到一直未試，今次終於同朋友行完街食! 金金日式燒肉店有日本產和牛供應，如果星期一至四去 係不限用餐時間!!! 每日有不同激安優惠，突然想食燒肉都有著數~. 午市套餐包湯、沙律、小食、白飯，可以任加!!燒汁牛五花 $88: 牛五花肉質嫩滑 而且肉汁豐盛😆 用燒汁去調過味道，非常香口😍/厚切岩鹽沖繩黑豚燒 $88: 厚切黑豚燒口感豐富，燒過嘅脂肪令油脂逼出☺️ 湧出陣陣肉香味👍🏼.大皿至尊牛肩肉 $138: 牛肩肉較少脂肪，令肉味更突出👍🏼 牛肉夠濃味😋 份量多而抵食!

食物一般！冷氣嚴重不夠！一邊食一邊流汗！焗到暈！食🔥肉呀😫😫牛肋條砌到碎曬！向職員投訴佢哋都無動於衷！愛理不理！好差嘅餐廳！唔會再幫襯！🙅‍♀️🙅‍♀️🙅‍♀️

呢晚去銅鑼灣行街買野，去咗渣甸坊附近嘅日式燒肉店食飯。位置好方便，啱晒行完街過來食飯。餐廳裝飾好日式，座位好寬敞，餐牌入面好多選擇，仲有日本產和牛供應。因為已經係宵夜時段，唔係太高戰鬥力，我哋單點咗幾款食物，再加埋一個宵夜時段嘅半價小食。壼漬牛肋骨肉28cm ($138) - 打卡一流，淨係賣相已經夠吸晴，先將整條牛肋骨肉浸入醬汁，再放落去燒。入口勁juicy，肉味香濃。澳洲M9和牛柳（$168）- 餐牌上呢個新品價錢好吸引，和牛肉質好鮮嫩，牛味出色。鹽燒牛舌（$88）- 分量唔少，牛舌入口好煙韌，有咬口，抵食之選。日本甜番薯（$48）- 甜番薯連蒜蓉牛油上，燒一陣，番薯好甜，配埋有蒜蓉牛油香，好味呀。日式厚切豆腐燒（宵夜時段半價：$29）- 上餐已經燒得熱辣辣嘅豆腐，質地有少少似臭豆腐。如果想再香脆啲，可以自己再燒多一陣，點埋辣醬，好惹味。餐廳抽風做得好好，唔會話油煙好勁，食得舒服，食物質素唔錯。星期一至四仲不限用餐時間，啱哂同朋友一齊食飯傾偈。

好耐無去銅鑼灣喇🤭好耐無試過咁夜返屋企🤣約咗表弟去食肉就無計啦🤤金金日式燒肉店有日產和牛供應❤️星期一至四無限用餐時間，可以盡情咁吹下水環境寬敞，店內無油煙味👍🏻✨燒肉2人前set B盛合。柚子岩鹽燒虎蝦、北海道清酒黑松露帆立貝、七輪燒活蛤、特選澳洲M9和牛、極上日本A4黑毛和牛、五色胡椒一口牛舌、秘製燒汁牛肋骨、厚切貴族黑䐁、柚子胡椒雞腿肉、香草牛油粟米燒🌽海鮮鮮甜爽口🦐特選澳洲M9和牛肉質軟腍；秘製燒汁牛肋骨惹味軟熟；柚子胡椒雞腿肉口感嫩滑🍗前菜。櫻花玉子伊勢海老、醋松葉蟹腳紙米卷玉子香滑；紙米卷味道清新沙律。和風牛舌沙律有好多牛舌，落足料👍🏻沙律菜新鮮碗物。黑松露和牛炒飯好香嘅黑松露味，炒飯粒粒分明，口感豐富甜品。自家製牛乳凍一望以為係雞蛋糖🤣牛乳凍入口如滑梯🛝✨嚴選厚切鹽燒牛舌口感爽彈，咬落好juicy✨芝麻阿波雞軟骨香脆惹味，鍾意食有咬口嘅食物，見到都必點嘅，順便俾表弟送啤酒🍻

這次已經第六次光顧疫情復業首次光顧,原以為質素會下降依然保特高質食品今天柯打了二人套餐十一客和牛計里加一777蚊,除咗帶子過細之外及份量一般之外,食品質素好會定期再光顧。

銅鑼灣出名多美食，但如果想搵間坐得舒舒服服傾偈嘅餐廳唔多，同行嘅朋友想食燒肉，但又唔想食放題，想食高質素嘅和牛，上網見到呢間食評唔錯，食物質素好吸引，就一於過嚟試吓呢間餐廳除咗有普通牛肉，仲有澳洲和牛同日本和牛俾你選擇，見Menu餐廳做緊好多優惠，熊本A5和牛肉眼做緊特價，只需要$168 一塊，十分超值，另外仲有兩個二人燒肉套餐，滿足到大胃王需要✨牛肋骨肉五品盛合$198分別有四款牛肋肉同鹽燒一口牛（各4件），牛肋骨牛肉味都特別濃，牛肉嫩滑，色澤粉嫩，油香十足，油花分佈豐富，分別淋上燒汁同鹽燒，一口牛大大粒，燒完肉汁好豐富超juicy✨厚切牛舌$98一碟有6塊，長方形嘅形狀，非常厚切，燒完好爽口，同好有肉汁，唔會燒完好乾，同一啲腥味都無✨味增豬腸$78豬腸上菜嘅時候已經喺廚房炆好左，再去燒爐燒到兩邊金黃就食得，豬腸洗得好乾淨，一啲腥味都無，肥膏唔會太多✨生菜盛合$48有六片生菜🥬，蒜片，京蔥，可以用嚟包住燒肉一齊食，減低油膩感✨柚子讚岐烏冬$88食咗咁多肉，都想叫返個主食，叫返個冷烏冬就最適合，烏冬真材實料，超級煙韌彈牙，配合柚子汁一齊食，酸酸甜甜好開胃

銅鑼灣真係有不少食肆，但心癢癢想食日式燒肉，細搵下就搵到怡和街一間名叫「金金日式燒肉店」，而且不限用餐時間(星期一至四)，又有日本產和牛，就上到來試下。一入店內，發現地方闊絡，位與位有一定距離，仲要不限時燒烤，傾計真係一流。金金日式燒食每日仲有不同激安優惠，而且午市定食更有20%OFF優惠，都咪話唔抵食。香蔥網燒活鮑魚既然咁抵食，都加料食番個活鮑魚，活鮑魚已預先幫助切開成不少片，自行放入牛油、洋蔥盤內，慢慢香燒一下，香噴噴嘅味道即時傳出，鮑魚口感彈牙，又保留到其肉汁鮮甜嫩口。燒汁牛肋骨肉拼鹽燒牛舌2款燒牛來到時都勁吸引，其肉質富光澤，而且油花滿滿，只需輕輕火炙一下，即可食到肉質柔軟，味道濃郁的牛肋骨/牛舌，配上粒粒米飯，真係啖啖滋味。特上燒肉五點盛盒五點盛盒中已有：肉眼、里肌肉、角切牛舌、單骨雞翼、豬頸肉各三件，午餐食到咁豐富，好似都有點過份…🤤。牛肉雪花滿滿，口感油質兼備，軟嫩香濃；角切牛舌口感彈牙，肉汁豐富；單骨雞翼燒至金黃色，外皮香脆，內裡嫩滑，不愧為特上燒肉，令人食得津津樂道！

若果唔係朋友介紹我食依間燒肉我真係唔知道原來銅鑼灣有一間咁出色嘅日式燒肉！餐廳位於sogo對面(美珍香旁邊大廈)係銅鑼灣心臟地帶食到高質素燒肉真係無得頂！👍🏻入到去餐廳環境，其實都幾舒服，座位寬敞更設有卡座，無限時，可以同三五知己一路燒肉一路飲酒更加暢快🍻🥗前菜叫咗個櫻花龍蝦沙律豆腐味道清新開開胃口😊🥩到主菜一定唔少得和牛！🤍A5和牛西冷朋友一早打定電話叫師傅留定塊靚A5和牛扒俾我地！金師傅一拎俾我地睇就知道係正丫！油脂分布好平均🤤🤤切成八塊俾我地燒，話明A5和牛，燒完入口即溶非常香口！🤍網燒雞腿肉🤍鹽燒牛胸腹🤍38cm 鎖鏈牛翼板🤍鹽燒牛舌同特選厚切牛舌真係好好食！每塊肉都有醃製過，絕對唔係咸死個種，係有調味過！厚切牛舌真係好好食！(同連鎖餐廳燒牛舌一塊塊圓形個種唔同）🤍黑松露和牛炒飯一上枱已經聞到黑松露香味，炒飯粒粒分明，唔會太乾or太淋，非常好👍🏻今次全部我地都係散叫，無叫到套餐。我睇過啲價錢都好抵！雖然依度唔係任食放題，但係質素係對得住價錢！所以我強烈推介依間餐廳俾大家認識！👍🏻❤️

前幾日東奔西跑咗有一日 覺得好需要補補體力~所以 就食個肉肉！食日式燒肉店🥩銅鑼灣中心點 🥩金金日式燒肉店 地鐵站過黎好方便~餐廳環境大部分都係卡位！慢慢燒慢慢坐！兩個人點了一個🍱VIP二人盛Set A HKD538加一一個套餐 有齊曬，前菜 海鮮 肉肉 炒飯+甜品！ 🥗前菜櫻花龍蝦沙律豆腐（香滑 龍蝦肉都幾多）金目鯛刺身沙律（清爽 解膩）🦐海鮮有長腳蟹換左做鮑魚 大蝦🦐同帆立貝～帆立貝+切片鮑魚 同香草同牛油燒🧈 大大粒有鮮味⋯幾彈牙～🥓燒肉拼盤有A4黑毛和牛🥩 牛舌 牛肋骨 黑豚腩肉仲有香草雞肉～🐂和牛 入口即融 油脂分佈得好靚 👅角切牛舌 燒到微微焦香入面仲係好嫩滑好正🐮薄牛舌 卷住蔥花超香🥬有機蔬菜盛盒有茄子🍆粟米🌽翠玉瓜洋蔥🧅🍚黑松露和牛炒飯🍲一碟咁上 份量都唔少！🍮自家制牛乳果凍🥛

TGIF! Lunch要食好d，就去左銅鑼灣一間木系裝潢的日式燒肉🔥店 「金金日式燒肉店」，環境闊落，和朋友都燒得好爽🥳叫左一個午市的二人燒肉餐，包味噌湯，白飯和兩杯飲品。🔹大滿足海鮮燒肉二人前 $318🔸黑松露牛舌沙律薄身的牛舌，加左黑松露係面，黑松露味突出。🔸韓風温泉蛋豆腐豆腐配上芝麻醬和温泉蛋，入口順滑。🔸岩鹽清酒燒帆立貝 / 七輪燒活蛤帆立貝大大粒，海鮮都好鮮甜。🔸貴族黑毛和牛肩胛 / 牛板翼 / 鹽蔥一口黑豚牛肉味濃郁，有好多筋絡及油花，入口軟嫩適中。🔸鹽燒牛舌口感爽口，簡單用鹽調味已足夠。🔸意大利香草雞腿肉綠色的雞腿肉，初初有d驚，點知入口嫩滑，仲有陣陣香草味🔸飛魚籽玉子燒一大盤的玉子燒，放係爐上面燒，蛋液滾起便可以攪拌，用黎送飯一流。