金酒屋

营业中

休息中

對於唔係喺荔枝角返工嘅我嚟講唔算太就腳🙈出地鐵站之後都要行一段路當日夜晚去嘅時候冇睇清楚地圖🤡喺內街行咗一段路先發現原來餐廳係對住大街😂幸好的是有着商業大廈的大堂可以穿過去整體嚟講嘢食嘅質素非常好🤭而且食物亦非常之新鮮店員嘅服務態度非常之好🙈雖然中途有點兒混亂🙈上錯咗其他枱嘅order而且我哋叫海膽嘅時候誤會咗要細份(我哋想食一板🤭)但老實講一板嘅份量亦比想像中少🥲佢哋好爽快即刻同我哋更換🫶🏻呢樣真心值得大讚

荔枝角近排新開咗間日本餐廳叫「金酒屋」，鍾意食日本嘢嘅我同男朋友即刻book咗嚟食餐好嘅 😋秋田煙薰蘿蔔薯仔脆脆沙律：用脆脆嘅薯片做底好特別，一啖一件size啱啱好黃金粟米天婦羅：天婦羅炸得香脆又唔油膩，冇好厚嘅炸粉，高質 👍🏻三文魚牛油果卷：三文魚片非常鮮甜，上面嘅三文魚籽粒粒都勁飽滿金丼（月見海膽三文魚籽拖羅蓉）：呢個丼只係睇賣相已經非常震撼，啲海膽、三文魚籽、拖羅蓉份量超級之多，而且非常新鮮月見宮崎和牛卷：宮崎和牛刺身、香蔥，加上爆漿月見蛋，三樣嘢加埋冇得輸安格斯牛肉鰹魚湯稻庭烏冬：安格斯牛肉有好多片，稻庭烏冬有咬口自家製雞皮蝦：串燒蝦外面包咗脆脆嘅雞皮，蝦肉爽口彈牙巨蜂乳酸梳打、柚子乳酸梳打：梳打夠氣，又唔會太甜

呢日喺荔枝角上完堂 約咗friend食飯佢話新開咗間居酒屋唔錯 帶我過去一試門口裝修別致高尚 好多日本燈籠 映襯住藍天白雲 好似真係置身日本咁入面樓底好高 感覺好大 中間仲有bar枱位 可以睇到師傅準備餐點中午時間去到都幾乎坐滿晒 Lunch set選擇都好多 魚生、天婦羅、丼飯、鍋物一應俱全先上沙律、小食同麵豉湯食完好開胃點咗極上丼$298 有超級多款嘅魚生赤蝦新鮮鮮甜 食落爽口有大量三文魚籽 大大粒又彈牙松葉蟹肉伴蟹膏份量都唔惹小 蟹嘅甘香出晒嚟 撈飯食一流三文魚、真鯛、海鱺魚、白旗魚、深海池魚王、金槍魚赤身、油甘魚款款顏色都好靚食落去魚油湧晒出嚟 鮮味可口朋友要咗銀丼$238生和牛、三文魚籽、拖羅蓉擺得好靚 勁igable仲有稻庭烏冬 佢都話好滿足

我冇咩特別野想講，只係呢個食物質素，呢個價錢，呢個環境，呢個服務，我以後都唔會再揀呢一間。當日夜晚一行六人，一家人開開心心去食餐飯，其實menu上選擇唔算多，但係我哋抱住對一間新餐廳嘅「期望」，所以咩都叫黎試吓。全餐飯六個人都讚既係支清酒，同埋其中一位男侍應靚仔。由刺身、壽司、串燒、天婦羅再到熱身，全部冇一樣野合格或者對得住價錢。樣樣野碟大但枱細，阻住晒！食物味道只係比大喜屋好少少🤏如果大家想去睇靚仔侍應，可以試一次。完！

同哥哥踩完滑板，唔覺意搵到一間超高質嘅日本餐廳，估唔到荔枝角都有間咁靚嘅餐廳，而且價錢合理食物質素仲要超高，呢一餐令到哥哥愛上咗海膽😅 帶小朋友食日本嘢其實一碗烏冬已經搞掂，所以好多時都係其實佢陪我食，所以呢碟前菜就點俾佢陪我嘅獎勵，薯仔沙律再加薯片，有邊個小朋友唔鍾意？海膽刺身平時小朋友唔食得，但今次叫咗海膽天婦羅，佢第一次食海膽已經即刻愛上，海膽炸起上嚟雖然冇刺身咁Creamy，不過依然好香好滑，難怪小朋友咁鍾意。仲有大人細路都鍾意嘅粟米天婦羅，咁方便食粟米，加上粟米又甜，天婦羅做法，外邊脆入面一咬粟米爆開，大人細路都鍾意。我嘅重頭戲來啦，吞拿魚蓉海膽飯，見到賣相已經非常吸引，大量嘅吞拿魚蓉再配埋海膽，仲有多到滿瀉嘅三文魚子同埋雞蛋一齊食，幸福嘅感覺寫咗喺我面上，真係非常好食，忍唔住俾小朋友試咗幾啖，佢竟然同我爭住食，因為真係好新鮮好好味，完全冇腥味，連啲飯都係好友醋香味，成個飯真心非常精彩，我絕對會因為呢一個飯再次幫襯呢間餐廳。

最近同家人去到一間新開的居酒屋，位置在荔枝角站附近。金酒屋是一家高質素的居酒屋，走低調奢華的風格。一進入餐廳，見到右邊是包廂。我們坐在左邊，在料理席前，可以欣賞師傅料理。晚市時間漸漸多人，氣氛很好。✪ 秋田煙燻蘿蔔薯仔脆脆沙律 ⌫💲78一道好特別的前菜。薯片上擺上薯蓉，香口脆脆地，好好味道！✪ 海膽天婦羅 ⌫💲138海膽天婦羅的海膽鮮美豐富，搭配酥脆的天婦羅外衣，好吸引。✪ 月見宮崎和牛卷 ⌫💲168和牛卷上有一顆橙黃的蛋黃，非常吸引。和牛肉質粉嫩，口感好好。戳破蛋黃，蛋漿更增添了豐富的口味層次。✪ 月見薄燒宮崎和牛飯 ⌫💲168薄薄的和牛上擺了白飯同蛋黃。整個包裹著一起吃，感受到濃濃蛋漿在嘴巴中流動，而且每一口都帶來濃郁的牛肉風味。✪ 自家製雞皮蝦 ⌫💲58用雞皮包裹著鮮蝦，十分有嚼口。✪ 安格斯牛肉鰹魚湯稻庭烏冬 ⌫💲108一大碗豐富的烏冬，配料很多，鰹魚湯湯頭鮮美。【 金酒屋 】📌荔枝角長沙灣道909號地舖

臨近中秋，部門食飯慶祝。 因為人多關係，往時一定會選擇飲茶，不過同事今次選左呢間新開既日本餐廳。 可能過節關係，今日餐廳全滿，lunch只有set, 因為師傅做唔切， 不過我地差唔多食晒既時候，可以幫我地做多個刺身同手握壽司。 整體食物質素尚可，不過價錢略貴，新開張可能有可多野仲未磨合到，看看下次有機會再會試多次先。

話是話，喺金酒屋食“月見簿燒宮崎和牛飯”，我將厨師即場灸燒和牛段片擺上社交媒體，竟然有5000+的view數，好犀利，現場睇都好好睇吖，仲有瘋狂爆漿嘅月見蛋都好好味。“宮崎和牛海膽刺身”，和牛鮮甜味美，海膽軟滑鮮甜，超治癒，我都係第一次係咁樣食；“三文鱼牛油果卷”，三文魚和牛油果，都係我平時喜歡的食物，兩者結合帶來的層次感，啖啖帶來多層次的風味。“安格斯牛肉鰹魚湯稻庭烏冬”，湯底勁甜，烏冬滑滑捋捋，好享受；“自家製雞皮蝦”，都係第一次，够特別够香口够爽彈够酥脆，好新奇又好食；“金丼。月見海膽三文魚籽拖羅蓉”超大碗，2個女生食好飽。早排食咗西班牙式沙律，而今日的“秋田煙薰蘿蔔薯仔脆脆沙律”，两者有D類似，薯片的鹹香和香脆則為薯仔沙律帶來了豐富度。

路過見到荔枝角有間新日本餐廳，walk-in去試一試。點餐時店員好有耐性，仲主動提議先上刺身，熟食後上。金丼。月見入面有海膽三文魚籽拖羅蓉，蛋黃攞埋個飯配合魚籽嘅咸香，絕配👍🏻要記得撈均個月亮。金。時令壽司盛有十二件時令壽司，有驚喜。櫻花蝦天婦羅炸蝦卷賣相靚靚，味道都不錯，蝦肉彈牙，外面包住脆脆嘅櫻花蝦厚燒鵝肝飯糰，飯糰兩邊飯焦香脆，配位合鵝肝非常好食又唔膩😋😋😋😋原條白鰻兩邊燒得香脆，唔點鰻魚汁都已經好好味。☺️

金酒屋係一間日本居酒屋，專注於宮崎和牛料理。他們以精心挑選的食材和獨特的烹飪技巧。招牌菜包括和牛海膽刺身、和牛卷和和牛飯，以及令人驚艷的海膽天婦羅。和牛海膽刺身結合了鮮嫩的和牛肉和鮮美的海膽，每一口都散發著豐富的風味和口感。和牛卷則以嫩滑的和牛包裹著新鮮的蔬菜，讓人一嚐即明白宮崎和牛，每一口都帶來了滿足感和美味。另外，金酒屋的海膽天婦羅是酥脆的天婦羅外層包裹著鮮甜的海膽，每一口都充滿了令人愉悅的口感。不僅如此，金酒屋的裝修也呼應了日本的傳統風格。

今日老公去完荔枝角做野，話想食好啲，咁啱附近又有新開嘅居酒屋，仲有lunch食，所以就去試下先❤️一入到去，裝修企理，雖然地方唔算好大，但有吧枱仲有榻榻米房，麻雀雖小，五臟俱全。我地被安排坐喺吧枱，可以睇到師傅手切魚生之餘，上菜都快啲😝我地一坐低，服務員就為我地送上熱茶，一飲先知原來係白桃茶，夠晒誠意👍🏻之後就上沙律，麵豉湯同漬物，然後我地就叫野食喇，老公叫咗個銀丼，係月見生和牛三文魚籽甜蝦蓉飯配稻庭烏冬，而我呢就叫咗個赤海丼🍱好喇，上菜喇，我嘅赤海丼分別係有中拖羅，大拖羅，金槍魚刺身，金槍魚魚蓉，赤貝同赤蝦嘅丼，每款魚生都好新鮮，大拖羅入口即溶，赤蝦爽口，赤貝亦好鮮甜，實在回味無窮🍣而老公嘅月見生和牛三文魚籽甜蝦蓉飯，刺身級和牛加上三文魚籽，三文魚籽嘅新鮮程度係連我呢個唔食三文魚籽嘅人都話好味，而刺身和牛加上生蛋黃，令到和牛更加滑身，仲有甜蝦蓉喺飯中間，雖然睇落分量唔多，但係都夠晒食，加埋稻庭烏冬，大滿足🥰搵日帶埋芷娸嚟食晚飯，我唸佢一定鍾意❤️

早兩日放工去左荔枝角食日本野，一入門口見到餐廳差不多坐無虛席，食物質素應該有一定保證。一自家製雞皮蝦用雞皮包住虎蝦嘅串燒，入口份外酥脆，吸收左雞皮嘅精華，唔會太乾之餘。蝦肉更香口彈牙。秋田煙薰蘿蔔薯仔脆脆沙律薯片上鋪滿香滑薯蓉和煙薰蘿蔔，入口綿密，口感脆口豐富，幾新鮮嘅配搭。金丼。月見海膽三文魚籽拖羅蓉有大量嘅三文魚籽、拖羅蓉，再上面加上雞蛋和海膽，賣相吸引，材料上乘新鮮。安格牛肉鰹魚湯稻庭烏冬安格牛肉份量都幾多，肉質唔會太韌，配上鏗魚湯烏冬，令味道更突出。月見薄燒宮崎和牛飯一上枱已經要相機食先，之後店員就即時用火槍燒熟，再因應自己喜好加配海鹽、黑胡椒或燒汁，再包起來一起食，入口有滿滿嘅蛋醬和肉汁濃濃嘅肉香，真無絕配。海膽天婦羅一客兩件，內裡有滿滿的海膽，入口外脆內軟，海膽鮮甜。三文魚牛油果卷(六件）三文魚入口新鮮肥美，配牛油果真係勁夾，一客有六件。都幾抵食。

朋友話荔枝角新開左高質日本野呢晚去到坐無虛席，非常熱鬧秋田煙薰蘿蔔薯仔脆脆沙律以煙燻蘿蔔混同薯仔打成蓉，加上魚子作點綴口感特別，好睇又好食自家製雞皮蝦即叫即燒，用雞皮包住虎蝦，幾新鮮嘅配搭雞皮燒得脆口，唔會太乾簡單用上鹽調味已經好好食海膽天婦羅炸得香膽唔油膩，絕對滿足味蕾金丼。月見海膽三文魚籽拖羅蓉大量三文魚籽、拖羅蓉，仲有雞蛋同海膽幸福感滿瀉月見薄燒宮崎和牛飯店員即場火炙，燒出陣陣香氣和牛充滿油脂，入口即溶加埋蛋同食更加滑溜可以自行加配海鹽，黑胡椒及日式燒汁

荔枝角的金酒屋是一家高級日本居酒屋，以宮崎的頂級和牛料理聞名。近日，我有幸造訪並品嚐了他們的幾道招牌菜，包括和牛卷和和牛飯，還有海膽天婦羅。這家餐廳以其精心挑選的食材和日式的裝修風格，為客人帶來了一場真正的美食盛宴。首先，是月見宮崎和牛卷。嫩滑的和牛包裹著新鮮的蔬菜，口感豐富而美味。每一口都散發著和牛的獨特香氣，細緻的口感讓人回味無窮。而他們的月見薄燒宮崎和牛飯更是一絕。熱騰騰的米飯上鋪滿了切成薄片的和牛肉，肉質鮮嫩多汁，與米飯的香氣完美融合。這道菜給人一種滿足感，令人難以忘懷。除了這些精彩的菜式，金酒屋的海膽天婦羅也值得一提。酥脆的天婦羅外層包裹著新鮮的海膽，每一口都充滿了鮮甜的海洋風味。這道菜展示了餐廳對於細節的關注，每一口都能感受到他們的用心。此外，金酒屋的裝修風格營造出充滿日本氛圍的用餐環境，木質的家具和簡潔的設計讓人感到舒適和放鬆。服務員提供專業友善的服務，使整個用餐體驗更加愉快。總體而言，金酒屋是一家值得推薦的高級日本居酒屋。

荔枝角難得開了一間高質居酒屋，金酒屋。金酒屋的服務和環境也相當舒適，感覺到用餐體驗非常完美。他們的菜單提供了多種選擇，無論你是喜歡和牛、海鮮還是串燒，都能找到合適的選擇。餐廳主要提供宮崎和牛，宮崎和牛的品質非常出色，給每道菜品帶來了獨特性。⭐️月見宮崎和牛卷宮崎和牛包裹在卷狀壽司中。配搭上青瓜和乾辣椒。宮崎和牛肉質鮮嫩多汁，脂肪分佈均勻。這道卷壽司的製作精細，每一口都能品味到和牛的豐富風味，口感極佳。⭐️月見薄燒宮崎和牛飯這道菜以宮崎和牛切成薄片，鋪上熱騰騰的白飯。職員會在我們面前將和牛炙燒。燒烤過的和牛帶有獨特的香氣，入口即化。飯粒蓬鬆，和牛的肉汁滲透其中，讓整個菜品更加美味。⭐️海膽天婦羅新鮮的海膽裹上酥脆的天婦羅炸製而成。海膽的鮮甜和脆皮的天婦羅形成了絕妙的味覺對比，帶給人純粹的享受。⭐️雞皮蝦串是一道獨特的串燒菜品，結合了雞皮和鮮嫩的蝦肉。雞皮經過烤制後，外表酥脆，有嚼口。蝦肉則帶有鮮甜的海鮮風味，與雞皮的口感形成了完美的組合。📍金酒屋 荔枝角長沙灣道909號地舖