金西南米線

营业中

休息中

今日去試左金西南認真第一次黎之前已經睇到香港米線關注組好多谷友講佢地出名啲餸係得好少如圖片所見少到都吾記得自己叫左啲咩😆因為男朋友同我都係第一次黎佢話叫我幫佢揀佢嗰碗係牛丸，豬肚，腩肉我嗰碗係谷友推介牛肝菌，墨魚頭，豬腸先試湯底個鹹其實冇想像中口渴酸度就麻麻地我有叫多酸但湯底兩碗試落好似差吾多而我嗰碗目測係多左啲啲酸菜純粹個人口味，牛肝菌吾係幾岩我食豬腸鹵水味夠，好腍，有肥油喺入面墨魚頭爽但冇味再加上佢細舊食得幾粒完全滿足吾到我食慾米線份量都算多我結果係食吾哂添。。但我諗我吾會再食下一次了因為佢啲餸份量真係太少同埋個湯底我都吾覺得好出色反而上次都係第一次試嘅成都小巷比佢好味純屬個人意見如有得罪請多多包涵🙇‍♀️

我係一個好鍾意食米線嘅人，平時因為就腳多數都係食連鎖米線，不過嚟到銅鑼灣食梗係食登龍街一間好出名嘅良心小店💛一坐低梗係嗌返個酸辣米線，多酸多芽小辣，如果鍾意食酸菜嘅朋友都可以嗌多酸，佢會比好多酸菜你㗎🤣 今次嗌左松茸同埋紅腸～其實以前最鍾意嘅餸係牛肝菌，好酸好開胃～不過好似因為來貨嘅問題已經差唔多半年冇牛肝菌食喇，如果鍾意酸酸地嘅菇菌類都可以嗌松茸，不過識落嘅口感就冇牛肝菌咁好食～仲嗌左個麻辣青瓜做小食，亦都係非常之開胃好食😋喺金西南食米線，兩個人兩碗米線一個小食兩杯嘢飲，唔使$120就可以落樓，真係冇得頂👍

外賣拎走時 個膠袋條繩突然斷咗 成個外賣跌咗落地下 個底爆左連湯爆曬出嚟 拎返去鋪頭個員工係咁質問人 我解釋咗幾次個原因 係佢個白色膠袋兩邊條繩 其中一邊拎拎下斷咗 所以跌落去 都要係咁質問人點解拎到跌落地下 講咗咁多次佢哋都唔明 個心真係好唔舒服 態度極差 員工黑面 連一句唔好意思都冇 吾會在幫襯

作為米線關注組既一員🎗，除左熱門既米線店，我當然唔會放過大大小小街頭巷尾既隱藏米線店，特別係良心舖頭💛！今日就試下哩間屹立銅鑼灣多年既米線店。涼拌米線(熱) 竹笙﹑腩肉﹑豬皮﹑蘿蔔 $56涼拌米線本身有炸醬﹑酸菜同花生🥜，涼拌醬汁酸酸辣辣🌶，加埋炸醬令米線整體香啲，食落去就惹味啲，如果可以有埋芫茜同蔥就更加分。至於餸菜方面，腩肉瘦肉🥩部分比較多，有啲鞋口同咬唔開；豬皮就似係泰式處理，甜酸辣咁，好似泰式鳳爪既味，入口都偏爽身；而竹笙同蘿蔔就正正常常，後者咬落無渣❌，但就唔算好清甜，味道淡啲。因為天氣太熱無心機試湯米線🥵，下次試埋再介紹俾大家喇。

幫襯呢間米線好多年 上菜快 好食 推薦腩肉老闆態度好👍🏻 有禮貌 但係女職員態度好差 聽到話其他客人阻住哂 勁無禮貌 仲有碗米線都未食哂 就想收走😓😓駛唔駛咁急呀？🙄🙄

本身鍾意食米線同薯粉，但紅薯粉比米線更加罕有，難得路過銅鑼灣search到呢間評價都唔錯嘅良心小店就決定試下。可能因為假期又撞正lunch hour，間鋪都好逼坐滿曬人。好在啲店員都冇要我等，好快就安排咗我去搭一張卡位嘅枱。不過雖然佢地準備咗張黑色卡紙板做間隔，成塊板都好唔穩陣，郁嚟郁去，如果有啲blu tack會好啲。我叫咗碗三餸酸辣紅薯粉（蘿蔔、豬紅、牛筋丸，$47），小辣。食慣譚仔小辣會覺得呢度嘅小辣完全冇辣味，搞到豬紅都覺得有啲淡茂茂（但口感都算滑）。牛筋丸都比想像中好食，唔會有種我食親丸類食物都好怕嘅粉味。薯粉比較幼身，我就比較鍾意粗啲嘅，不過口感上呢啲幼薯粉都依舊留有嚼勁。見有其他人話份量唔夠，我都覺得唔係幾夠飽，不過之後睇返menu似乎有得吖多麵，最衰我唔知。

登龍街真係好多嘢食，我今次揀咗金西南，正值下午茶時段，凍飲熱飲都唔使加錢😊我叫咗兩個餸分別係腩肉同埋大腸，我覺得個腩肉無論味道同質地都好好食，而且份量仲唔孤寒添！但啲米線兩端有啲硬，好似未熟透咁😅

今日同 同事lunch hour 去食金西南本身係九龍人 係米線關注組見到 好多人話係港島力推既米線鋪一去到 門面似係 賣牛腩粉麵多過米線閒日 Lunch hour都未有太多人價錢黎講 係登龍街30-40蚊一碗米線 🍜算係性價比好多 唔知道係咪自己鋪我就叫左 小鍋米線 中麻辣 豬腸辣度比較 相對同譚仔小辣差不多米線份量都夠 男人一碗都夠飽但係豬腸既份量 真係少左d 叫一個送 豬腸又薄又細舊 圍落都係得6-7舊到 影相 直程影唔到 但鑑於佢係登龍街 咁既價錢都可以原諒既味道方面 同一般雲桂香既小鍋米線 差不多不過味精感無咁重 如果經過又想食d 相對上 平少少既 金西南都係一個唔錯既選擇

睇香港米線關注組睇到好想食米線🤪第一站同朋友黎到銅鑼灣金西南!·🥘金獎腩肉松茸小鍋米線（$43）🥘豬大腸竹笙小鍋米線（$43）🍵飲品（+$7）·小店生意太好，要豆漿無豆漿，要牛肝菌無牛肝菌😿湯底同朋友一樣點左小辣，唔辣既但唔知點解我地2個食到係咁咳😂食完一啖，講句野都有困難，喉嚨勁痕😂真係幾驚其他食客以為我地有事😂😂😂湯底唔酸，我仲癲到要落醋🤪最過分係米線好似未煮熟？中間硬硬地....腩肉還好，但整體麻麻地～食譚仔好似仲滿足d·What’s next·📍金西南米線銅鑼灣登龍街41-51號金龍大廈地下D鋪

銅鑼灣有好多嘢食可以揀，但又要平價又要食得快選擇唔算多，登龍街出咗名多嘢食，就揀左去金西南食個快午餐。平日午飯時間當然坐滿人啦，好好彩好快入到座。今日食酸辣腩肉雞肉湯米線，呢間米線舖出名細碗，而又有啲肚餓所以叫咗多米線，個味道好似日日都唔同，今日都幾啱我食，佢唔係屬於濃湯米線，偏清淡啲，叫左中辣多酸都仲覺得可以再重味啲，米線煮得偏硬，反而好啱我口味，腩肉係瘦腩肉，個餸本身都已經係辣，怕辣嘅人慎重考慮啊。

喺登龍街依條貴租街，仲可以賣平民價錢，仲要生存到咁耐，我都真係好好奇依間米線雖然員工態度好好🍜雲南小鍋米線 小麻辣 $29＋🥩腩肉 $7＋雞絲 $7🥩腩肉我見到好多好評，但我唔覺，自問過唔到自己嗰關🙂我食麻辣，覺得變左鹹辣咁，自問平時食野已經好重口味，本身有諗過比多次機會佢，但我睇openrice嘅差評有10幾個，都係同我一樣話好鹹、就連清湯都話好鹹，咁我覺得我嘅味蕾應該係正常，明明金西南依間米線咁出名，點解會咁鹹🤔雞絲我食過覺得太子新川嘅好食好多🥤凍飲 凍奶茶 - 幾大杯，味道正常

唔值得一試的店。今晚想係米線就特意過來支持一下，但講真不可一不可再。 首先，店員態度問題，由你一入舖到點嘢食到賣單。都好似好唔耐煩咁， 又好似好趕你走， 但其實一啲都唔滿座店舖唔算坐得好舒服， 同一般米線舖差唔多， 有啲迫， 枱面細， 清潔一般，但可接受。好， 唔理會其他方面， 講食物方面我自己好耐無食過米線， 又見佢有涼拌米線，所以把心一橫， 點了佢個涼拌米線加黑木耳（大麻辣，多酸菜）上菜後， 心諗啲木耳咁少？ 多酸左？不過算， 因為知啲店員態度「和藹」， 一陣又話我， 費時又要一肚氣， 就算但佢個酸菜唔酸， 大麻辣得少少辣，又唔麻，麻香都唔夠，木耳都無味。成碗嘢靠啲肉碎先有少少味。最出事係啲米線， 好似未煮熟咁， 中間硬硬地。 第一次食米線我係會食到啲麵差唔多係原封不動。 友人那碗燕餃雞翼松茸米線，小辣佢唔係好食得辣， 都話一啲都唔辣仲要問我借辣😂😂😂😂我飲左佢一啖湯， 少少辣都無， 有啲啲酸味， 但整體得甜味， 我哋估計啲甜味來至松茸至於佢啲米線係熟嘅， 正常，無話特別淋， 又唔會話爽。雞翼正常無特別燕餃不是佢想像中的福建燕餃，似係菜肉雲吞同水餃的口感松茸， 幾特別，滑捋捋，

本身鍾意食辣平時食開數字哥3小辣得閒都會周圍搵下唔同地方既麻辣米線試下今日見早左收工就落左銅鑼灣食米線一望餐牌就見到呢間米線有d好貼心既選擇可以比人多酸、多芽、多米我叫左多芽但感覺上都唔係真係多左好多🧐我叫左松茸雞翼米線 (多芽、小麻辣)見到有得叫松茸幾特別就叫左黎試下個樣子係菇狀但顏色、口感(微微爽脆)就似木耳味道就帶點酸 帶點甜 反而辣味可能比湯底掩蓋就唔係幾岀 雞翼就比較失望口感尚可不論係雞翼皮定肉都淡而無味估計醃得唔夠好 湯底方面味精少許偏重 (但可接受)辣味分開左兩種小麻辣同小辣估計小麻辣應該係多岀了花椒油所以顏色上都相對橙一點整體湯底配合酸菜、韭菜、芽菜及米線都算好食 小辣唔算好辣適合平時食唔到辣但又唔想食清湯嘅人食朋友叫左個腩肉豬膶小鍋米線 (小辣)我係食我個小麻辣前試飲左一啖呢個小辣湯底感覺接近無辣味🤔鍾意食辣人仕建議選擇小麻辣或中辣以上 呢個腩肉一試有驚喜喎平時好怕淡而無味又鞋但呢個醃得好入味好食👍🏻 豬膶就不過不失煮得唔鞋已經ok! 原先想叫牛展、豬肚但夜晚七點半左右就賣曬 總括來講係銅鑼灣呢個貴價地段賣咁既價錢算抵食湯底雖然無乜驚喜但都好食選擇餸

我記得10年8年前，喺銅鑼灣白沙道食過一間米線，有牛肝菌，佢執咗之後，唔知搬咗去邊，我又唔記得間米線叫咩名，咁以為佢冇咗！上網見到有人介紹銅鑼灣金西南，先發現原來係同一間，我成日去登龍街搵嘢食，呢間舖頭好唔顯眼，經過左10年都唔知係佢！多謝你哋俾返啲童年回憶啊我！講返嘢食，湯米線一定要食牛肝菌，多酸小辣，另外，我叫左熱伴！佢哋個湯都唔錯，你叫多青佢真係比好多你，今日發現個熱拌仲好食，少咗腩肉豬肚、同埋冬菇！冬菇認真麻麻哋，但腩肉同豬肚都好好食，尤其是個腩肉，又入味又唔係好肥！另外再加多一份牛肝菌，未放入湯前試食一下，原來佢本身酸酸地，老闆同人情味都仲喺度，呢幾年食親米線都係食連鎖多，因為懶因為唔想搵，呢排清閒小小可以認認真真去搵嘢食！

自從喺銅鑼灣返工，要諗食乜都好煩，今日Lunch 想食薯粉又近登龍街嗰邊，徘徊一陣，見平平地就食金西南，叫左雞翼大腸小鍋薯粉，攞返公司一打開，完全唔係我想食嘅野，得大腸是對的，變左做大腸腩肉小鍋米線囉。當我打電話同個呀姐講我啱先買嗰碗野唔啱，我叫薯粉唔係米線，個呀姐重話係溝通問題，完全好似員工佢永遠是對的，顧客就永遠是錯的，之後叫我攞返碗野去換返，我心諗你出錯，又要我由四層樓梯再落返去再行過去換返，乜唔係應該你送返碗野俾我咩？我行到去換，個呀姐重問我有無食過，質疑我，我已經成碗原封不動俾返佢啦。我問佢你唔係煮過碗俾我咩？佢態度差到話，緊係煮過碗俾你啦，點分番開啲米線呀。我心諗而家你俾錯我，你重要鬧人，咩服務態度呀？攞碗野返到公司已經一肚火，飽哂，真係當時早知叫佢退錢俾我算，重有碗野愈食愈鹹，好難食。經過今次，唔會再食，真係貼錢買難受。如果大家想試下貼錢買難受嘅感覺，不妨可以一試。