金西南米線

营业中

休息中

自己一個簡單食飯，去咗銅鑼灣金西南米線，已經幫襯咗好多年，之前仲有謠傳佢要執笠，好彩唔係真！叫咗最鍾意嘅涼拌米線，可以揀凍撈或者熱撈，凍撈就係煮熟個米線再雪凍先攞出嚟撈，熱撈就正常煮熟再撈豉油，兩種都好好食。今次揀咗熱撈米線，再加埋腩肉，腩肉夠晒入味，米線醬汁好多，撈到成個米線都好均勻，十分滋味。而米線亦唔會煮得太淋，啱啱好，配菜仲有肉碎、酸菜、花生等。涼拌米線本身都係$30 ，加個腩肉$7 ，都係$37 ，性價比好高加多杯凍檸樂， 十分爽！

Keep住有幫趁好想介紹比大家既米線鋪！佢既熱撈米線都好惹味！係銅鑼灣呢個價錢呢個質素真係好抵食！麻辣米線控必試🔥🔥！🍜雲南小鍋米線麻辣中辣配蘿蔔 金獎腩肉 菜肉雲吞 ($49) (🍚8/10) 推介❗️蘿蔔超入味清甜又淋又無渣，金獎腩肉係本身醃好咗，又辣又惹味，份量超多，偏厚身肥瘦均勻肉質一d都吾靭同亦吾會食落好油膩，一咬落去肉汁出哂黎，吾係平時d五花腩肉！菜肉雲吞好大隻係韭菜餡不過浸左落湯d皮就淋哂同散哂，推介燕肉餃多d！最後，鍾意食米線嘅你一定知道米線最重要係個湯底！呢度既麻辣湯底夠麻夠辣！而且飲落係味道有層次既湯，一入口係惹味然係麻辣味慢慢滲出黎，係真係用花椒八角個d慢慢煲出黎，吾係平時就咁清湯加d麻辣調味料既hea湯底。本身都大碗但肚餓底既朋友仔仲可以免費加米底，一個字，抵！

今日又去銅鑼灣崇光掃貨，行完覺得有啲肚餓就去咗登龍街搵嘢食，本身想食嘅沾面都仲係有人排緊隊，於是試咗呢間米線。見到價錢好吸引，同譚仔差唔多。仲有啲特別嘅餸加，例如牛肝菌、松茸，我就知道一定要叫黎試吓！！首先叫咗一碗金牌腩肉米線清湯，加松茸、雞翼。腩肉一開頭有啲鞋同硬，之後浸耐啲湯就好好食。再嚟一碗叫咗酸辣，牛肝菌、豬大腸、豬潤。勁濃味，配埋酸菜口感幾爽，超正。Addressss:金西南米線 (銅鑼灣)銅鑼灣登龍街41-51號金龍大厦地下D舖

今日放早好肚餓，去食這間良心米線地方唔大，但也做了防疫隔板，都幾多客人幫襯下午茶點米線送飲品，我點了魚腐腩肉（微辣）雲南小鍋米線（小辣）都算大碗，唔會好咸，多配菜（芽菜、韮菜、莞茜）米線都幾多，香軟滑溜唔會好散呀，小辣好惹味，配搭了配菜一齊食好正腩肉唔會好肥，微辣好入味，易咬的口感唔錯魚腐如魚蛋，形象是正方小塊，彈牙的口感，我覺得可以的飲品是送汽水、凍熱飲或豆漿，我點了凍豆漿，甜度剛剛好，好多客人點豆漿，最後賣晒了

以前讀書時期，返PartTime搵嘅錢有限，於是除左帶飯之外，就唯有食米線做lunch，平夾大碗啊嘛～大個左，久唔久都會好掛住米線，唔食唔舒服咁。以前好鐘意食某兩間連鎖米線店，慢慢覺得佢啲味精太咸，食得多都驚生腎石，於是乎我慢慢開始轉食小店。今次去位於銅鑼灣嘅平民米線－金西南米線。對於有得揀餸嘅米線或車仔面，我都會揀蘿蔔，因為蘿蔔索曬啲湯。其實今次除咗嗌蘿蔔之外仲有嗌咗腩肉同牛肝菌，腩肉就正常水準，但牛肝菌...我就唔係好識欣賞。湯底嗌左麻辣湯中辣，佢嘅麻辣湯真係唔係敷衍你，堅係辣！一碗三餸米線加豆漿 埋單$50幾蚊，係銅鑼灣邊到搵丫仲？

對上一次食金西南米線可能已經係4年幾前, 撞啱最近返返黎附近返工, 一於再黎試下先😁記得對上一次最深刻嘅就係牛肝菌, 因為呢樣係米線鋪比教少有嘅餸😎 所以今次一於再試一試佢!!今次叫嘅係牛肝菌腩肉米線 中辣多酸 米線煮得夠爽口, 十分之好牛肝菌嘅味道同上次係一樣嘅, 不過就少左dd 🤣 肝肉就厚切, 又腍又入味! 大家唔好睇個湯咁油, 其實都只係好表面薄薄嘅一浸, 底下嘅湯都係好清嘅, 同埋食完又唔係好覺口渴, 唔錯唔錯 🤗喺銅鑼灣旺區, 50蚊碗兩餸米線, 連野飲都係50蚊, 無投訴啦 💁🏼‍♂️💁🏼‍♂️

睇網上面介紹嘅💛店太耐冇食過雲南米線，今次終於比我搵到一間值得一試嘅舖頭💛。4點去到舖頭唔係好多人，所以唔使等！呢度嘅小鍋米線全部都係$29起，好抵食！🤩下午茶時段兩點去到六點仲有凍熱嘢飲送，真係好難喺銅鑼灣搵到咁平價嘅嘢食！！我哋嗌左一個小鍋米線（小辣）同一個涼拌米線（麻辣小辣）然後有雞中翼，腩肉，腐竹，蘿蔔做餸一齊Share。包埋飲品$85埋單🥳兩兜野賣相一般，睇落真係唔係好吸引，但係食落去就好滋味。小鍋米線小辣對我哋來講啱啱好，入面嘅肉碎，蔥同芽菜都好足料。成兜米線份量亦都好足夠！腩肉不過不失，蘿蔔相當入味，腐竹都好夠食。😉令我哋驚喜嘅係個兜涼拌米線，估唔到麻辣味咁好食，雞中翼亦都冇得彈！😋服務態度唔係咁好，不過當係一般茶餐廳都可以接受嘅。💛

《灣仔》作為一個米線控兼荃灣居民，基本上我好少食荃灣區外既米線😂但小編經常要去灣仔上堂，時間緊湊+想食得平+想幫襯黃店，就揀呢間金西南米線！而事實上我都食過好幾次重慶酸辣紅薯粉$29 +牛肝菌$7+凍檸茶 $7個湯酸度都足夠😳小編我比較嗜酸，我就幾鍾意個湯底～個紅薯粉係比較幼身既質地，唔會煮到太淋，都幾有咬口幾彈牙～牛肝菌係招牌菜😳係食落有點酸酸辣辣既菇😂😆我覺得同個湯都幾夾～老實講佢分量唔算多，我一個女仔都食得哂成碗既，但由於牛肝菌同個湯個味有點點太夾（類近既味），其實食落有點寡🤔建議大家可以叫多個餸/唔好揀酸辣粉配牛肝菌😂凍檸茶我叫左少甜，正常凍檸茶水準！雲南小鍋米線$29 +腩肉$7 +松茸$7+凍奶茶$7呢個係近期d 10月頭食既～個湯底都係酸辣湯（小辣），實際上味道同重慶酸辣差不多～我係被逼揀松茸既因為牛肝菌無哂😂話就話浸味有點寡，我都係想再叫牛肝菌翻嗒😳侍應哥哥話松茸差唔多味，食落都真係好似，除咗我覺得牛肝菌口感實D～佢個腩肉係「金牌腩肉」，凍上！d汁醃得好入味，酸中帶點微辣，我個人覺得比一般浸湯上既腩肉更特別，更入味，更有口感～凍奶茶少甜都係正常發揮唔突出～額外評下呢間餐

今日星期日係希慎行街有啲攰 記得好多年冇食過金西南米線 就特登黎食個下午茶😘叫左一個#金獎腩肉小鍋米線（$36）麻中辣🔥 36蚊係CWB絕對係抵食之選😋下午茶時間送一杯野飲 要左杯例排凍檸茶 仲可以唔洗加錢添我最愛既酸菜～呢度出名節奏快上菜更快 基本上你嗌左嘢食之後2分鐘內就已經有野食 ✅講下碗米線先 呢度既米線份量係比其他市面既米線店係少啲 但係味道比其他餐廳優勝 尤其係佢嘅麻辣味好出🥵 米線偏軟吸晒辣湯 我唔算係食得好辣既人 食緊時真係出晒汗架💦腩肉係比較厚切 而且煮得好淋好入味 敗筆係湯底太多油 想健康既人就未必岩食‼️

行去登龍街食晚飯，見呢間米線鋪平平地就入去試下啦！😍😍店內約坐左2/3客人，我同🤴🏻自覺咁行去二人枱到坐，但老闆（？）見我地身型都唔少野，好主動叫我地坐4人枱鬆動d，係呢個疫情餐飲業嘅寒冬期仲願意為客人設想，好感動🥰🥰我就叫左～～～麻辣小鍋米線（小辣）+大腸+雲吞+ 凍檸茶$50麻辣湯底好特別,飲得出係有少許辣味但麻感就係零，可能係少辣關係！佢特別之處係帶有啖啖嘅薑蔥味，又同麻辣又幾夾，唔會搶走兩邊嘅特色😘😘大腸‘淋淋地’有嚼口，雲吞好大隻好足料😚😚🤴🏻叫左～～～麻辣小鍋米線（中辣）+雞翼+魚皮餃+腩肉+零系可樂$57湯底冇分別只係辣多左d但都係冇咩麻口感🤣🤣腩肉同魚皮餃正常水準，雞翼就太‘淋’，欠缺彈性🤨🤨口水雞🐥$45呢個雞不得了，非常重口味真係又麻又辣，我就辣到流鼻水，🤴🏻就話好好食辣得好過癮！😂😂但可惜係辣味有少許蓋過雞味，仲有汁醬內嘅醬渣有d‘吉’口，幾次以為係雞骨碎！如果改善到會更加分😃😃

當日慕名而來，除了是黃店，亦是朋友推薦的💛💛💛點了一碗雞絲小窩米線，多酸菜小辣，味道剛剛好，反之男友的腩肉魚腐小窩米線，腩肉很入味，但不知是否無多酸菜，湯底比較鹹。整體來說不俗，但走左之後發覺下午都比較口渴，不知是否味精尚重。當日餐廳環境麻麻，不知是否有關疫情原因，非常擠迫。2人要對面坐，如果4人枱靠外一邊有客人，入面的食客若吃完要走非常麻煩。而且餐牌都有黑邊污積，希望可以更新下🙏🙏食物味道⭐️⭐️⭐️⭐️服務態度⭐️⭐️⭐️環境舒服⭐️⭐️

💛黃店🔱今次要介紹嘅食物就係位於銅鑼灣！📜”金西南米線 (銅鑼灣)📌 地址:銅鑼灣登龍街41-51號金龍大厦地下D舖🕐營業時間: 上午11:30至上午12:30🍽分店地區:銅鑼灣📝評價💬📢1️⃣豬腸腩肉小窩米線$432️⃣重慶酸辣魚腐紅薯粉$35登龍街出名多嘢食係人都知🤚🏻要喺登龍街搵到平嘢食仲要係黃店真係好難得😝💛💛💛👍🏻呢間嘅小窩米線真係好正🤩彈牙有爽口👍🏻👍🏻而且湯底做得非常之出色好好飲呀🤤🤤食完碗麵都忍唔住要飲返幾啖先走😋😋米線嘅份量都算適中但係配料就比較少真係得兩舊😳😳😳所以唔叫兩個餸嘅話真係得好少嘢食😖紅薯粉就覺得麻麻地😣可能食開嘅紅薯粉都比較粗身🥺呢隻比較幼同埋好難咬 所以都係米線比較好味但係湯底真係麻辣湯底好味啲🤪🤪🤪🤪 呢度係小店都比較迫人咁啱下午茶時間去所以有位😆但係好快都好多人嚟到所以食嘅速度都唔可以太慢😣🏆KS評分🎈 (5分最高)🏵環境指數:⭐️⭐️⭐️⭐️⭐️🏵味道指數:👅👅👅🏵抵食指數：💰💰💰💰🏵回購指數:❤️❤️❤️❤️❤️歡迎餐廳合作/試食🥰 可DM聯絡📩#美食推介 #銅鑼灣美食 #銅鑼灣黃店 #黃色經濟圈 #黃店推介 #黃店 #黃店系列#foodhk #hkfoodie #美

諗住支持吓小店人哋評論話$29蚊一碗米線,份量好多當我一打開嗰外賣盒,份量太少了........完全以為兜嘢係咪食剩😑真係未試過食一間米線份量係可以咁少...可能銅鑼灣租金貴...加$7腩肉同墨魚咀味道oK但5會再幫襯嚕

喺銅鑼灣想搵平價嘢食？又或者你喺銅鑼灣想食米線，又唔想食連鎖野，可以試吓呢一間！叫咗一碗普通嘅小鍋米線（唔辣）同埋一碗雲南腩肉小鍋米線（小麻辣）🍜整體來講，ok la, 喺銅鑼灣以呢個價錢食米線，可以話算係咁。唔好expect好好食，但唔會難食，不論係湯底、米線，定係餸，都係正正常常普普通通咁，因為大部份嘅餸都係打邊爐嘅丸類/普通米線配嘅肉，無咩特別，不過不失咁啦！而環境就有少少迫，尤其是依家肺炎爆發，就更加覺得坐得有啲太密。至於服務態度就差啲，問完你叫叫下，問完你飲唔飲野1秒就轉身入機，怪怪的🤨食物質素：7/10環境質素：7/10 服務態度：6.5/10

成日都過嚟呢間金西南食米線，佢啲腩肉好食過好多食腩肉米線嘅地方，啲肉都燘得幾淋，我覺得佢個牛肝菌可以爽口少少就好啦，米線個湯底有肉碎、芫荽、芽菜、酸菜，每一啖米線夾雜着呢啲菜都好爽口，對於鍾意食米線嘅我來講，覺得呢間嘅米線幾好食，已經嚟過好多次啦。