金華冰廳

营业中

休息中

食完真係一肚火，個收銀呀嬸態度極差。收多我地錢返去同佢理論，佢淨係識叫我地shut up，話我地阻佢做生意，完全冇諗過要正視問題。佢話咁耐以來得我地係咁，但睇返網上食評都好多人評論過佢態度有問題。。。最後仲叫我地直接去消費者委員會到投訴，唔好晒佢時間。講真，真係唔係為左個少少錢同你爭執，但係唔岩既就真係要講，最後得到咁既回覆態度，真係十分失望。而且食物質素亦十分一般，即使係出名既菠蘿油食落都係凍既。下次一定唔會再幫襯。

和小朋友來吃晚餐，點了豬扒飯（有燴汁、豉油和黑椒汁，最終揀了唔咸唔辣的燴汁，其實即是茄汁）和窩蛋牛肉飯，落單時已講明要「全熟」雞蛋；先來燴汁豬扒飯，個汁真係唔辣，但是件「小豬扒」佈滿黑椒，算吧，人家豬扒的確需要醃嘅；再來窩蛋牛肉飯，一睇隻蛋，已漏出滴滴蛋汁，老實說，大人都唔係個個會吃生雞蛋，何謂是小朋友呢？個侍應亞叔仲串串地大聲說佢地餐廳係咁，做唔到好似你們自己煮嘅全熟，咁既然咁少事都「做唔到」，落單時又唔出聲？最諷刺的是，過了一會，當我們轉要過另一款食物後，突然廚房出了一碟「全熟蛋」嘅窩蛋牛肉飯出來，個亞叔知道後即時叫人收起佢，可能怕俾人見到卦我都知道要「全熟蛋」可能要較多時間，但唔得咪唔得囉，冇理由要客人硬食，何況我覺得呢位亞叔當正自己話事人，廚師煮唔到「全熟蛋」都夠膽死講。呢間野，都係外賣菠蘿包算了，堂食免問。

今次第二次食的沙嗲牛肉通早餐，之前都已經覺得王牌嘅菠蘿包超好味，沙嗲牛肉通都不錯，熱奶茶還可以。但員工就很差，我只是因為皮膚問題唔想食牛肉，叫佢走牛肉，又話唔知點落單，跟住第二位士應就上前幫忙寫，然之後這個人行入去廚房取笑我飲牛汁但唔食牛肉，仲話我癡線我在外面聽得一清二楚。其實做得食市，好多客人都有唔同嘅要求更何況米之連餐廳。

以前細個去旺角補習，上堂前都總會食個金華菠蘿油，幫自己叉叉電先嘛！以前只有一間鋪，無咁多遊客。今日再去食番，發覺係隔離開多咗一間，而且好多遊客，特別係強國人🇨🇳雖然出左名，但質素依然保持到，都算唔話得。金華的菠蘿油出色在於它異常鬆脆的薄皮，就算攤凍咗，都依靠脆口。🐄再係中間夾一塊厚厚的香滑牛油，熱力將牛油溶入麵包夾層中，成個菠蘿包馬上提升咗去另一個層次！蛋撻反而一般！蛋漿唔般嫩滑，皮唔夠脆，相比起菠蘿油比較遜色。奶茶都係我每次必點嘅！茶香奶香，係傳統港式絲襪奶茶，唔係沖Lipton奶茶粉！已家好多茶餐廳都嫌麻煩，唔再肯沖呢種原始味道，難得呢到肯保留傳統，當然成為咗我每次黎嘅必點食物

星期日lunch time 黎到，唔洗等位，呀姐都幾好禮貌，又用到英文同外國人溝通😂😂😂叫左菠蘿油，咖哩豬軟骨飯同凍奶茶，菠蘿油唔夠熱，但都好食既，舊牛油大舊少少就perfect啦！咖哩豬軟骨就好大份，應該有6-7舊，又香又多汁撈飯一流！凍奶茶keep到水準，唔錯😋出左名都維持到呢個水準都算係咁啦😎

聽到金華冰室這四個字，相信大家都唔陌生。喺網上大家都話佢馳名嘅菠蘿油同西多士好好味，又話攞過奬🏅。我同大家一樣都係滿懷希望，慕名去試吓。今次就係下午茶時間去。唔使排隊👍🏼其實好多人話金華冰室服務態度唔好，但係我反而覺得每個員工態度都唔錯，又有笑容🙂食得幾舒服⭐️環境都算幾乾淨⭐️起碼好過其他餐廳：坐久啲，都唔會俾人趕。佢嘅食物雖然唔算太貴。但係因為最低消費係每人一杯飲品，反而飲品比較貴。我就叫了一個菠蘿油，法蘭西多士，一杯熱奶茶，同一杯熱檸茶。奶茶☕️：奶茶＄17，確實幾滑又濃郁都算唔錯，但係來到梗係食物最緊要。菠蘿油🍍：＄10。佢嘅菠蘿油冇人哋講到咁香😐菠蘿油皮唔算鬆化。夾住嘅牛油唔夠厚。其實真係一般般👌🏼麵包唔算特別鬆軟。法蘭西多🍞：$20，🙄最失望🙄，上枱望到佢其實幾好，又好似炸得好金黃，以為好好味😳，點知食落去感覺非常油膩，我食完一碟就已經濟左，入面嘅花生醬少得可憐。同普通食一舊索晒油嘅麵包無分別，一個要＄20。我寧願去大家樂＄21 個西餐仲包埋杯紅豆冰。檸檬茶🍋：＄17，中規中矩啦，同其他檸檬茶一樣。一句講晒。雖然佢唔係難食，質素OK但係我下次就唔會特登去食啦，同其他茶餐廳一樣啦😕

金華冰廳菠蘿包出名，係人都知，揚威海外。菠蘿包食過好多次，今次要試其他食物。牆上有餐牌，有麵餐，有下午茶餐，食物種類繁多。豬軟骨米粉，豬軟骨炆得好淋同入味，不錯。凍奶茶，d茶味香濃奶滑，絕對要試試。當日菠蘿包剛售罄，所以叫左墨西哥包。原來都好好味，包質感十分軟熟香甜，絕對係我食過最好味的墨西哥包。另外，再叫左蛋撻，蛋味香濃，又一讚。另一金牌推介西多士。又是皇牌之一。外脆內軟雙重口感，內層有少許花生醬，提升味道層次，更惹味。

因為星期日食個下午茶，去旺角都知道會好多人好迫人仲要下午茶食TEA , 反正行左好多間都是要排隊就黎到呢度金華冰廳，出面有米之連推介一入到去原來係入面有個位置排隊.當然第一次黎真係唔清楚熱奶茶的確係普普通通，味道錯OK 唔錯酥皮蛋撻叫左件皮蛋撻 真係好熱好熱。一入口辣到個咀飛起咬落去夠鬆化個皮，蛋味好香夠濃滑，一件都已經好飽真係冇下次,就算真係好食,而服務態度真的唔想再幫襯食野都冇心機可能外賣返去食好一點,買完即走又唔洗點等

菠蘿油10不是新鮮岀爐，但皮酥脆，牛油不溶欠奉。西多20炸得金黃，味道ok，夜晚都食到，友人想食，今晚先食茶記炸。芝士西多26首次食，見得多，中間有芝幾不錯，但同糖漿唔夾既，四個角根本無芝，因為只落一塊芝。咸牛治20烘底加2黎到變左咸牛旦治，好彩我食，味道可以，但烘底不掂，價錢不明。金華豬扒餐41賣相普通，豉油不足，豬肉還可。豉椒牛肉炒面4x多彩椒，肉不多但嫩，炒面正常。凍鴛鴦正價19 跟餐加3 咁叫平好多凍奶茶跟餐加3多冰呀，半杯是，不過不失，如果正價就太貴。食後感：老字号，食人情味，唯那個我也認得他的男叔叔侍應懶攪笑，常0質人，受到既人感有趣，接受唔到既人一定覺佢勁無禮貌囉！

When I went to Mong Kok, I dropped in there.I wanted to eat the pineapple bread of the store from before.Takeout items were sold in front of the store.However, since I wanted to enter the store, I decided to eat inside.The interior of the shop was quite crowded.I ordered pineapple bread with butter and lemon tea, my husband ordered French toast and coffee.Many people were eating noodles and chicken dishes etc.The pineapple bread that was being carried was warm and the surface was crisp.Also, in

Boxing day  那天，陪靚女去旺角新世紀睇戲 <擺渡人>！因為她想睇梁朝偉！她建議到太子食下午茶！ 我們行來行去，最終大家都選擇了老字號 <金華冰廳>！原先我們兩個女生被安排到餐廳最盡頭那張卡位，跟一對情侶搭枱！靚女嫌坐得好迫狹！於是，見尾二張卡位剛剛有兩位食客走，調位坐進去，感覺闊一點；我們就坐下來，跟一對中年夫婦搭枱！見他們點乾炒河及蝦仁炒蛋飯，鑊氣十足，香氣撲鼻！ 令我們心大心細，不知點什麼才好？當他們埋單離開後，有一對看似母子的姨姨及大大隻男仔入座，他還跟我們 say hello！聽到他們談話內容，就覺得他的口音是外國讀書回流香港的番書仔！原來這位不是他媽媽，趁他的姑姐行開時，我忍不住是否外國讀書回來？他是來自美國三藩市，今次來香港過聖誕節，到香港之前去了日本大阪，半年前我去過大阪，然後，我們便談起來，今年我又會再去大阪，他推介一些當地食店給我！餐牌咖哩牛肉炒飯 $44加入咖哩粉的炒飯，咖哩香洋溢， 炒至金黃色又夠乾身！炒飯入口香而不辣！牛肉軟腍程度…不排除加了鬆肉粉！ 如配飲品只需半價！下午茶：菠蘿豬扒包 & 香滑熱奶茶菠蘿豬扒包 $2

Visited this place with my sister to try their famous butter polo buns, but the true highlight of our meal ended up being their club sandwiches. Also called 公司三文治, I guess it's meant for a speedy office lunch catered to the hectic lifestyles of many Hong Kongers.Generously stacked with lettuce, ham, egg and cheese (to say the least), it is one of the more balanced and comforting sandwiches I've had here. The sauces evenly coated each layer and the bread was nicely toasted as well, allowing the e

繼續我的奶茶探索，今次光顧出名的金華。其實以前試過數次，印象一般。今次為了再試其奶茶而點了下午茶餐。眾就所知一般茶餐廳的食物大同小異，多士通粉類等亦看似簡單。但其實越簡單的食物越考功夫，可以吃得出有很大分別。今次亦點了「簡單」食物，本人至愛的熱奶茶＋呑拿魚治。熱奶茶：一心「以為」金華奶茶個名響噹噹，水準實有保證。怎料一嚐之下，不香不滑，兼帶茶澀味，完全不是我杯茶！簡直差過很多茶記！失望！吞拿魚治烘底：吞拿魚醬上加了生菜及蕃茄，賣相不差。怎料問題竟出在面包上！烘了的多士不是脆口，而是非常「鞋口」！相信入貨的面飽屬於劣質，其實甚少情況覺得個包很難吃上下層的包都是鞋口，就算內裏放乜也是大大打折扣！食食吓也放棄了。真諗不通歷史悠久，四周貼滿報導及訪問的金華，連最基本的茶記奶茶及三文治竟可如此低質素⋯事實上同枱的也全是「自由行」，相信其他枱也不乏。旅遊書的力量果然無窮大。我都不花時間再寫其服務質素吧，相信各位明眼讀者見之前的食家評語已充分體會了。

假日的下午茶😂$10菠蘿油$10花生醬西多士偽文青去了 #金華冰廳 食三點三下午茶😂雖然多人到癲 店員服務態度😅 但菠蘿油真係好好味 熱辣辣的 超脆 麵包鬆軟 仲有西多士 內有花生醬 都係$10😍😂👍🏻讚！$5酥皮蛋撻😊相反，飲品較為貴$19，差不多可以食到兩個菠蘿包既價錢，茶味較重😄都ok既😆去到冰廳總覺得要飲奶茶，嘆一嘆😍

新鮮熱辣又鬆軟嘅菠蘿包👍🏼特意前來食反個下午茶先😋好好味!!!!新鮮熱辣又鬆軟嘅菠蘿包👍🏼真係好好味!!!皮脆、麵包實得來都鬆軟，啖啖有口感(唔似食大型鏈鎖店的空氣包=_=) 個蛋撻都好好味，蛋漿剛剛好，仲可以見到d蛋餡有少少搖搖欲墜，襯埋個皮真係正啊!!👍🏼如果層酥皮薄少少就更加perfect!雞翼就好一般，目測已經知道太瘦無乜肉，而且炸得太乾，感覺似番炸過，下次都是不要貪平叫餐，分開叫更合適不浪費。而雞批就唔好食😟皮厚，餡少，仲有d乾，食唔到也望唔到有雞肉粒，淨係好似食緊感味光酥餅😑食左2啖已經食唔落lu...合桃酥(忘記影相)一食就知係自家整，好實淨，而且有一陣合桃香，一個真係食唔哂，食左一半，太好味打包埋餘下當宵夜😁仲食西多士，老公話都好好味，食到內裡d麵包...唔會太炸over cook,因我就無食所以無評論啦