影片
更多
2017-03-15
685 浏览
事緣係咁既，我同我朋友一行四人去旺角東 金華冰廳 食下午茶咁我叫左一個菠蘿油 $10+蛋撻$5朋友A嗌左西多$20朋友B 西多$20朋友C菠蘿油$10+麵餐$36咁個侍應落單時問C飲乜，我地問係咪跟麵餐送，佢話係，所以要左個熱奶茶。到埋單時，我地發覺無啦啦多左$17，同店員問清楚，原來係奶茶錢，佢話我地達唔到最低消費，所以要將個麵餐拆開計黎，$28（麵）同$17（奶茶）。但其實熱奶茶理應係跟茶餐送既，餐牌寫到明加我地問店員佢都話係送。但佢就收多我地錢，其中一名店員解釋緊時有另一個大約70歲既燥底店員就話收多我地錢既原因係因為每人最低消費$25，但呢個最低消費$25係無無餐牌寫明的。由於佢一黎態度惡劣，我地未反應得切，而又唔想阻人做生意就比左錢。但後來諗返佢餐牌係寫每人最低消費一杯野飲，而一杯熱奶茶係$17，即是每人最低消費係$17，並唔係燥底店員所講既$25。就算真係佢講既$25，我地本來既人均消費都已經係$25.25，所以金華折開杯奶茶錢黎計係極不合理。我地後來返多去一次問清楚，呢位燥底店員態度係極為惡劣，係咁叫我地shut up，又係咁話我地食左野落肚比返錢好fair，當朋友拎部手
事緣係咁既，我同我朋友一行四人去旺角東 金華冰廳 食下午茶
咁我叫左一個菠蘿油 $10+蛋撻$5
朋友A嗌左西多$20
朋友B 西多$20
朋友C菠蘿油$10+麵餐$36
咁個侍應落單時問C飲乜，我地問係咪跟麵餐送，佢話係，所以要左個熱奶茶。
到埋單時，我地發覺無啦啦多左$17，同店員問清楚，原來係奶茶錢，佢話我地達唔到最低消費，所以要將個麵餐拆開計黎，$28（麵）同$17（奶茶）。但其實熱奶茶理應係跟茶餐送既，餐牌寫到明加我地問店員佢都話係送。但佢就收多我地錢，其中一名店員解釋緊時有另一個大約70歲既燥底店員就話收多我地錢既原因係因為每人最低消費$25，但呢個最低消費$25係無無餐牌寫明的。由於佢一黎態度惡劣，我地未反應得切，而又唔想阻人做生意就比左錢。但後來諗返佢餐牌係寫每人最低消費一杯野飲，而一杯熱奶茶係$17，即是每人最低消費係$17，並唔係燥底店員所講既$25。就算真係佢講既$25，我地本來既人均消費都已經係$25.25，所以金華折開杯奶茶錢黎計係極不合理。
我地後來返多去一次問清楚，呢位燥底店員態度係極為惡劣，係咁叫我地shut up，又係咁話我地食左野落肚比返錢好fair，當朋友拎部手機出黎計清楚，呢位燥底店員就話「你唔洗影相喇」，一）我地根本唔係想搞大件事，由頭到尾我地都無用部手機隊住佢地黎影，只係想搞清條數。由一開始我地態度都好好，係佢不斷覺得我地係食左野唔想比錢而瘋狂叫我地shut up 二）由頭到尾佢根本都無諗住聽我地講，亦無諗住解釋清楚點解收多我地錢，以「食左野落肚就要比返錢」為由打發我地走。最後叫我地搵消委會，同「唔想同你地班候生講野」然後唔出聲叫我地走。
我地對於呢位燥底店員態度固然生氣，但態度為其次，重點是此食店有欺騙食客之嫌，前後不一，最低消費任由店員亂up，打開門做生意，如此不誠實實在是香港之辱，不能縱容。
张贴