金華冰廳

营业中

休息中

剛看到某雜誌網站介紹韓國旅遊節目中韓國人理想的香港旅遊行程，當中第一站吃的早餐，正是地道風味港式早餐中的代表「餐蛋麵」、「奶醬多」和「奶茶」。其實，港式早餐的經典又何止這些，就好像這間我剛在最近才幫襯過，早已遠近知名的「金華冰廳」，便以新鮮出爐美味「菠蘿包」吸引得不少食客慕名而至。不過這天我吃的不止是「菠蘿包」，而是它的邪惡進化版「菠蘿油」，再加上另一港式經典咖啡 + 奶茶融合而成的「熱鴛鴦」，雙劍合璧，就似金庸先生筆下的楊過與小龍女一樣，即使未必天下無敵，能與它倆匹敵的早餐組合，我覺得也並非太多。其實，這兒的「菠蘿油」，亦即「鮮油菠蘿包」，我都有兩三年沒吃過了。一來是為了它確實邪惡，那塊其實都不算太厚的牛油不知埋藏了多少卡路里，二來，之前的一次吃，那「菠蘿包」也有點失準，菠蘿包皮不夠香脆，所以一直都沒有再來光顧。幸好，這天的「菠蘿油」沒有失準，包皮好，包身甜，配以鹹味重，口感滑的鮮牛油，兩者絕對如魚得水，如虎添翼，確是港式的經典，邪惡的美味。配角「熱鴛鴦」這香港始創的特色飲品，結合了奶茶和咖啡兩大飲品的優點，只要沖調比例得宜，味道隨時可比單純的一杯港式「熱奶茶」或「熱咖啡」更勝一籌。

記得從上次到金華吃菠蘿油已是兩三年前了，還記得上次剛出爐熱騰騰的菠蘿包夾著一片冰涷的牛油方塊，那種冰火交融的感覺還深深浮現在眼前。鮮油菠蘿包今次來到吃這個菠蘿包，只可說中規中矩，第一麵包不夠熱，第二牛油方塊好似薄咗，第三就是上面的酥皮有點脫皮。菠蘿包如果可以熱些我會給他5個讚。西多士（$20）這個是煉奶西多士，夠熱，外面金黃鬆脆，內面的麪包很鬆軟，加上煉奶和牛油，真是百吃不厭，唯一不滿意是不夠煉奶，又不可以自行添加。煉奶份量不足，很多地方都沒有甜味。

一直喜歡到金華買菠蘿包和蛋撻食，覺得價廉物美，但就從未試過進內吃東西。今朝一早就去這裡食早餐，亦是最後的一次。要了沙爹牛肉米粉，配有腸仔火腿煎蛋，一杯熱好立克。沙爹牛肉唔夠沙爹味，牛肉唔鞋，但一堆痴住的。腸仔煎蛋凍的，唔係即煎出來，預先煎好晒，好像快餐店咁。杯熱飲尚可，夠味道，沒有溝淡的。原來這店的新鮮出爐麵包最好味，但早餐的水準就唔得了。

有日去太子聯合廣場行街，之後路經呢間，坊間出名嘅米芝蓮茶餐廳。咁啱有些口痕，二話不說就買些少野食。5蚊雞一個酥皮蛋撻 — 話平唔平，貴又唔係最貴(泰昌餅家賣$6)。餅皮: 咬第一啖，酥皮好鬆化帶些少脆口。食落唔會好油膩。 正餡料:蛋嘅部分都好滑; 但唔夠蛋香同埋唔夠甜。 唯一要彈嘅就係唔熱佢仲扮到啱啱出爐，仲喺個焗盤拎出嚟！

There are cha chan tengs and then there are those are just more popular than others.  Kam Wah Cafe is one of them. Always busy. Popping out those pineapple buns at break neck speed. I've walked by several times but had never tried it. Aghast at this revelation,  boyfriend dragged me inside.Located in Mong Kok, it actually has two shops located side by side. That's how popular it's become. We found a t able quickly and sat down in the super busy place. Menu is in Chinese only. There is no English

每次假日經過金華都見佢大排人龍買菠蘿包，聽聞好好食，今日經過無人排隊，決定買一個試下。阿姐一早已經將一個個菠蘿包入好紙袋，一買，佢就會即刻遞比你。有好有唔好啦，好既咪快囉，唔好就係菠蘿包個皮會淋左啲囉。不過生意可能太好，咁樣做係會快啲既~但顧客既角度，寧願等多陣。攞上手，已經唔暖，相信已經出左爐一段時間。一咬落去，菠蘿皮只可以話微脆，有牛油味。個包好重身，唔似食左陣風既感覺，但唔係好香。只可以話好飽肚，好足料。以佢既人氣，未至於令人一試難忘。但呢個時勢，佢仲係賣緊6蚊，已經好難得，係抵食既，但唔算好食。

新鮮出爐甜甜嘅麵包香氣，每次經過都好大引誘。熱辣辣，隔住紙袋都feel到果種鬆軟，未食只係拎上手，都可以令人有好心情，快樂真係可以好簡單。酥皮鬆脆，但唔會好似西貢那間咁一咬就散。最鍾意係佢舊式甜麵包果種特有嘅口感，夠濕潤又軟軟地黏黏地，而且紮實，大啖大啖咬落去真係超滿足。應該係暫時食過最好嘅菠蘿包，唯一係銅鑼灣翠華可以同佢匹敵，不過翠華同佢比，感覺硬係爭少少。6蚊一個，有齊視覺味覺嗅覺享受，去邊度搵？

平常超級小到旺角的小儀，今天有機會到此區吃早餐便心掛掛金華的菠蘿油～和雨崩黑豚先一人點一份早餐，再一起分享菠蘿油（🙈增磅了是有原因的⋯）沙嗲牛肉通粉配煎蛋腸仔火腿：7/10沙嗲牛肉入味，通粉彈呀不過諗，火腿丶腸仔和蛋則是一般茶餐廳的水準，配上濃滑合度的奶茶，以茶餐廳早餐來說，是合格有餘了！鮮牛油菠蘿包：$10 7/10太失望了，雖然也是脆皮，但不是以往那咔一聲的程度⋯包身不熱，牛油不凍，牛油不單沒有了那清新的檸檬味，厚度比之前少了起碼一半。曾經是金華的菠蘿油令小儀認識到，原來菠蘿油是可以這樣好吃的，也從此提升了小儀對菠蘿包的要求，雖然以一般茶餐廳來說，這個菠蘿包還是水準以上，價錢也合理，但就是驚為天人與不過如此的分別⋯從此又少了一種令人驚艷的味道，小儀難過得想哭哦😭為着以往美好的回憶，下次小儀來旺角，還是會再給他機會，希望吃回那令人一試難忘的味道！

第一次去完食肆忍無可忍要寫出來，以免再有遊客或港人中伏。干炒牛肉河粉質差芝士雞扒撈丁，丁麵太林芝醬沒芝士香，那金聲豬扒飯更不堪，豬扒乾硬，豉汁淡而無味只有央茶ok服務更離奇差，叫了鮮油菠蘿包無來，提佢愛理不理，一幅吾休做本色。

從外地返港渡假，這家茶餐廳離酒店近，又看到OpenRice很多好評所以去試一下，但覺得普普通通。我早上一開門6:30進去，伙記還在慢慢做準備，5分鐘後才叫了熱奶茶、菠蘿油、和蛋撻，但他們連奶茶和蛋撻都未準備好，要等2O分鐘。既然是茶餐廳奶茶是最重要，他們的奶茶味道還可以，但不夠熱。菠蘿包皮挺脆，但包不夠鬆軟，放的牛油太厚，溶化不了，蛋撻尚算不錯。整體來講有些失望，路過吃一下可以，但好像不值那麽多好評。

淨係喺門口唸住買個菠蘿包已一肚氣，排住隊等買一個菠蘿包，但排到時啲師奶係我後面，叉隻手出嚟話買咩，啲伙記就收錢，我買一個就死都唔收，仲話要等陣，經已唔係第一次，啲相熟師奶真係唔洗排隊，伙記態度奇差，以後都唔會幫趁，想一肚氣就繼續去呢間衰餐廳喇

今日又去咗太子睇衫，睇完衫之後有啲肚餓， 所以去咗我最鍾意嘅茶餐廳之一 - 金華 都嘆番個下午茶。因為金華啲菠蘿油係新鮮出爐嘅， 所以成日都keep到水準，估唔到下午5點幾金華都仲有9成滿，生意好好。 我哋其實點咗 一個下午茶餐， 散叫菠蘿油 同埋凍奶茶。好快菠蘿油就嚟到喇，上堂時候仲熱辣辣，真係好正好邪惡， 因為塊牛油真係好大塊 ，上面啲脆脆都係好脆 ，個包就好鬆軟，一食就食得出係新鮮出爐。 而奶茶呢，今日就麻麻哋，杯嘢好甜冇乜茶味，無以前冇咁好飲。下午茶 嗰個餐，其實幾抵食，佢有兩隻炸雞翼 ，係雞全翼，同埋一個酥皮蛋撻。 雞全翼都幾入味嘅，而酥皮蛋撻呢個皮都好鬆化。呢度雖然生意好好，但係啲員工都仲係幾賣力，真係幾難得值得一讚。唔似得某啲火熱嘅茶餐廳， 紅咗態度就不可一世， 希望 金華 繼續 keep住水準。

起左身想食菠蘿油即刻拉朋友去呢間好出名 但係朋友未試過甘就要試下啦-一坐低 就甘岩撞正菠蘿包新鮮出爐緊係睇準時機啦 如果唔係就趕唔切啦菠蘿油($10)熱辣辣既菠蘿包中間夾上凍冰冰既厚牛油菠蘿包外皮好酥脆麵包鬆軟 雖然牛油好肥 但係呢個配搭無得彈-奶醬多($14)煉奶加花生醬呢個配搭無得輸好香口 令人胃口大動因為朋友唔舒服 就叫左個可樂煲薑($19)而我就飲熱朱古力($17)食左甘多heavy野飲下暖野覺得自己無甘肥xd

事緣係咁既，我同我朋友一行四人去旺角東 金華冰廳 食下午茶咁我叫左一個菠蘿油 $10+蛋撻$5朋友A嗌左西多$20朋友B 西多$20朋友C菠蘿油$10+麵餐$36咁個侍應落單時問C飲乜，我地問係咪跟麵餐送，佢話係，所以要左個熱奶茶。到埋單時，我地發覺無啦啦多左$17，同店員問清楚，原來係奶茶錢，佢話我地達唔到最低消費，所以要將個麵餐拆開計黎，$28（麵）同$17（奶茶）。但其實熱奶茶理應係跟茶餐送既，餐牌寫到明加我地問店員佢都話係送。但佢就收多我地錢，其中一名店員解釋緊時有另一個大約70歲既燥底店員就話收多我地錢既原因係因為每人最低消費$25，但呢個最低消費$25係無無餐牌寫明的。由於佢一黎態度惡劣，我地未反應得切，而又唔想阻人做生意就比左錢。但後來諗返佢餐牌係寫每人最低消費一杯野飲，而一杯熱奶茶係$17，即是每人最低消費係$17，並唔係燥底店員所講既$25。就算真係佢講既$25，我地本來既人均消費都已經係$25.25，所以金華折開杯奶茶錢黎計係極不合理。我地後來返多去一次問清楚，呢位燥底店員態度係極為惡劣，係咁叫我地shut up，又係咁話我地食左野落肚比返錢好fair，當朋友拎部手

其實呢間店d伙記態度差, 已經唔係今日既事, 曾經試過新年去無位, d師奶比封利是d伙記, 就即係打尖安排位置!!! d位坐到迫一迫, 真係食完就會趕你走, 點解仲去食係因為佢d菠蘿包同奶茶仲好食。見好耐無食菠蘿包, 今日引起去食, 點知個包上檯已經唔多妥, 睇落已經濃濃地, 食左兩三口, 覺得真係好硬同凍的, d皮好厚同包既質地完全係好un, 我說同佢d伙記姐姐講, 佢就完全無反應, 聽左仲拎轉面。 我心諗會唔會係我個人要求高, 又再咬多兩口, 真係覺得唔掂, 於是又叫d伙記, 我話d菠蘿包好硬, 佢地每一個都當聽唔到, 於是我再大聲講, d菠蘿包點解咁硬, 有無得換, 終於有個好似話得下事既阿姐, 望一望我話, 如果硬就應該第一口出聲, 佢話無得換, 我話之前已經講過, 仲話馳名菠蘿包, 屁。。比錢果時我再投訴, 佢地d伙記同老闆都係無反應, 可能佢地生意唔憂做啩, 反正我以後都唔會再幫襯。