金色不如帰 (H Zentre)

营业中

休息中

貝汁鹽味拉麵🍜shio hamaguri soup ramen $128(拉麵唔包溏心蛋 要另+$15先有🥚)呢間係米芝蓮一星拉麵店 拉麵湯底有蜆 豬骨同魚清湯 個湯唔似平啲啲拉麵湯咁呈奶白色 呢碗湯底比較稀身無咁漏 加上牛肝菌同白松露油🍄同煙肉碎 湯好香帶小小鮮甜同微鹹 我飲哂成碗湯👍🏻叉燒有兩塊 一塊低溫叉燒 一塊三層肉 夠淋唔韌 不過略嫌有啲薄同細塊 拉麵幼身較淋身貝汁醬油拉麵🍜shoyu hamgaguri soup ramen $128呢個碗拉麵同鹽味湯底叉燒一樣 不過白松露油變左黑松露🍄同加左醬油 呢款拉麵比較濃味 菌既香味都強烈啲 不過我就略嫌咸左少少🤏 京蔥味豆腐 Fried soft tofu with miso pasta $65豆腐熱辣辣外脆內軟 但個醬就超咸 個人覺得個醬好唔襯個豆腐🥲

朋友介紹呢間拉麵好食，今日過開尖沙咀，就來試吓。叫咗個SET MEAL $188，貝汁醬油拉麵、自家製豚肉煎餃，再加個海鹽雪糕。先講湯底，湯底清徹帶有鮮味，無味精，醬油味適中，不是死䶢，非常出色，好耐未食過咁出色嘅拉麵湯底，甚至在日本都未必食到。相比之下，餃子就相對失色，雖然肉嘅份量都算多，但單叫價錢$68/5隻，本來有更高的期望，但都只是正常水準，無驚喜。總結：拉麵單叫價錢$128，以呢個質素來講價錢相當合理，相比現在香港好多拉麵店平均$100一碗拉麵來講，呢間餐廳可以講高幾班。

呢日上完瑜珈堂，同男友一齊食個late lunch，唔知食咩好，佢突然之間諗到呢間就去試下。.聽講呢間一開始開第一間既時候大排長龍，小女子見識少未聽過，但成日經過尖沙咀呢間都冇咩人🤨既然聽落咁犀利就去試吓啦！.一入到去我真心以為落場休息，因為冇人係門口，我哋要自己行入去，啲員工先知道我哋嚟。.不過員工的服務好好，因為本人係一名水怪🤣佢哋一見我個水杯淨番一半就幫我裝水👍🏻搞到我都唔好意思😅飲左自己嘅水樽先😅😅.環境方面，坐得都幾闊落舒服😌而且樓底都幾高，完全冇壓逼感。.食物方面，我嗌左個貝汁醬油拉麵🍜，男朋友嗌左貝汁鹽味拉麵。我哋兩個都鐘意自己果個多過對方果碗🤣我個醬油拉麵既黑松露味好香好好味😋而且食完唔會有口渴既感覺，個湯都好飲嘅👍🏻👍🏻不過就未至於驚喜囉🤣🤣.我哋嗌左2個小食，一個鳥皮烏賊揚個一份煎餃，2個都好好食👍🏻👍🏻尤其係個鳥皮烏賊🦑好脆又好彈口😋😋.總結嚟講，嘢食係好食嘅👍🏻👍🏻但又未去到會推薦人去既地埗，如果唔洗等位又唔知食咩，都會再嚟食嘅😂😂

友人介紹下到了聞名尖沙咀的拉麵店，真係無介紹錯！門面店內裝修日式風格，非常乾淨，空間感大，位置亦坐得舒適，店員服務態度仲好好我坐的位置亦見到師傅製作每一碗麵，乾淨衞生我都好放心！食物拉麵款選擇唔多，多數每款均有醬油味和鹽味選擇，仲有幾款小食。最後和友人各選了醬油和鹽味。醬油味很香濃的白松露，非常有層次，每啖麵都索盡松露油夾雜湯，食完麵一定要飲埋湯！喜歡松露的朋友不要錯過！鹽味亦有別於其他店的鹽味湯底，清得嚟唔會好淡，大家都要試！好食吖

係未講個拉麵之前想提提大家如果揸車嚟係到食係無泊車優惠🚘好啦去返正題今日專登去H Zentre因為𥚃面開左個運動電競館去到諗住食少少野先不過餐廳選擇真係好少見到金色不如帰係到開左之前都有Youtuber推介過而且唔洗排隊今日一於試下🙌🏻餐廳signature 貝汁鹽味或者醬油拉麵🍜聽講湯底係用上60斤蜆熬煮而成所以都想試真下個湯因為驚醬油味會蓋過個湯嘅鮮味所以同朋友都叫左貝汁鹽味拉麵另外見商場消費滿$300有泊車優惠所以嗌多咗個唐揚博多華味鳥(即係唐揚炸雞)(不過結尾商場話原來呢間餐廳無泊車優惠😕)上菜好快一黎到已經芬香撲鼻主要因為拉麵加咗白松露油未食拉麵已經忍唔住飲幾啖湯非常鮮甜而拉麵質地都好有咬口整體感覺一流差不多飲晒成碗湯不過份量同所有拉麵店一樣食完大概6-7分飽唐揚雞可能即炸食完拉麵等左一陣先到已經唔記得咗影相炸雞要$88但係得4件😦而且味道只係普通唔太推介叫比我會寧願叫多一個拉麵🤣

今日專程過嚟朝聖，因為佢係米芝蓮一粒星嘅拉麵店「金色不如帰」佢哋喺香港已經開咗三間，中環IFC旗艦店、九龍塘又一城及尖沙咀 H Zentre。貝汁醬油拉麵據說湯底係由大蜆、豚骨、魚介熬製而成，再加上香草、黑松露醬、牛肝菌醬味道果然濃郁，層次非常複雜但不油膩，同平日食慣的豚骨湯、醬油湯、味噌湯湯⋯⋯完全不同，啖啖都係師傅手工，心血結晶。 麵條好煙韌有咬口，細心觀看麵條內有一點點的小麥粒，驟眼睇好似中式蝦子麵 😂😂煙燻黑椒豚骨拉麵味道雖然不及貝湯，但亦有松露配上三條炸牛蒡片，大量京蔥絲、蔥碎、煙肉碎、兩片簿簿嘅三層肉，麵條亦同貝湯拉麵一樣。今日再加三個小食⋯⋯鳥皮烏賊揚手打墨魚滑被雞皮包裹再油炸，入口先脆後彈牙 👍🏼 加上蜜糖芥茉醬，配上柚子味椰菜絲，可減輕炸物嘅油膩感。涼伴黑松露紋甲墨魚墨魚，黑松露醬加上青瓜及紅洋蔥粗絲，除了墨魚爽口有𡁻口，青瓜及紅洋蔥似被柚子汁醃過帶有少少酸味，開胃 😋豚肉煎餃餐牌內寫有笋絲，菇菌，蔬菜及豚肉，咬開只見菜絲及肉絲，但咬落口感有別於坊間一般餃子，餡料不是一大舊，一咬餡料自然散開但反覺清爽，不黏口，調味精準不鹹，而且冇烏賊揚咁油膩 👍🏼除了米芝蓮外，他們標

📍三訪米芝蓮一星拉麵店‼️ · 稍為遜色嘅飯類🍚 -- 金色不如帰🍜======================今次已經係小編第三次嚟金色不如歸🤣先前兩次試咗佢哋嘅招牌貝汁湯頭拉麵～今次就咗豬骨湯底同飯類🙈------------------------------⭐️煙熏黑豚骨拉麵 $115 (6.7/10)呢款比貝汁湯頭濃味好多，飲落煙燻味濃郁，而且都偏鹹🙈重口味人士可以會中意多啲🤫呢間嘅拉麵係偏軟，但食落都有微微嘅咬口～------------------------------⭐️燒豚肉叉燒小碗飯 $58 (6.5/10)豚肉叉燒有好多塊！食落幾有肉香同油脂香😍但因為無汁嘅關係所以食落啲飯都幾乾身🙈------------------------------⭐️白松露油厚燒牛舌飯定食 $148 (6.5/10)牛舌加咗黑椒燒，幾惹味～但就唔算腍～白松露油味聞落幾香，但食就唔太食到個味🙈飯同樣偏乾身，份量亦較少，男仔應該唔會夠飽🙈------------------------------整體嚟講今次食呢三樣都唔係太啱口味，感覺普通😢都係中意貝汁拉麵多啲！💕💕--------------

有日去H Zenter發現有間舖新開張名叫金色不如歸，真係未聽過呢間野，舖頭名係兩本講貴族的日本暢銷小說的名合埋一齊，可能係扮高級唔定。間野啲祝賀花牌堆滿成條走廊. 最鍾意食拉麵的老婆話呢間係米芝蓮入選餐廳, 我聽到立即話米芝蓮都好信預備走人, 但老婆話好想食拉麵而又唔使排隊咪同佢入去 門口有個禮貌周周的經理安排了一個bar枱位, 但隔離有個女人勁咳了, 我同佢講要換位, 佢地都好快地換了一個窗邊位。之後叫咗一碗叉燒麵, 一碗叉燒飯, 以及炸雞. 叉燒飯係好食過叉燒麵好多, 啲豬肉的肥膏香口, 有肉味. 飯係珍珠米, 汁又多. 叉燒麵勝在湯底清甜帶小小鹹味，但啲麵確係平平無奇，又索唔到湯啲味入去。最差係啲炸雞，粉同雞肉分離，有雪櫃味，講炸野點都係廣東菜好過日本菜幾條街。呢樣真係無辦法廣東菜係精於炸野 本來間舖係屬中上，但攞張飛去吸印個位小姐話座大廈唔包金色不如歸只係包谷臣，但個拉麵舖經理明明話可以，希望佢地可以溝通好啲 

為了與同事說是道非而走到尖沙咀，一出地鐵站，就被落地玻璃內的金色不如帰所吸引。其實，我個人不是一個拉麵迷，後來才知道金色不如帰在日本曾於2019-2020年獲得米芝蓮一星的榮譽!環境★★★★簡約型格路線的設計，配上深木系色調，讓整個格調更加提升。採用了落地玻璃的採光設計，亦備有單人的吧枱及多人卡廂，座位與座位間之距離合宜，空間度充足。食物★★★★煙燻黑椒豚骨拉麵 ＄115只試了湯頭，濃郁的煙燻香氣及豬骨味，已叫我下次一定要試拉麵，尤其拉麵其實才是金色不如帰的王牌。白松露油厚燒牛舌飯定食 $148定食包括牛舌飯、牛舌沙律同牛湯，牛舌飯用上大大舊牛舌厚燒，肉質富有口感，更汁多味美，配上加入白松露油及蛋汁的飯，每粒飯都白松露及燒汁的香味，提升了整個牛舌飯的味覺享受；沙律雖以一般牛舌作配料，但配上配合甜酸嘅沙律，是不錯的開胃小食；而牛湯則以豆腐、白蘿蔔加上牛肉而成，但略為清淡，牛味不足。自家製豚肉煎餃 $68煎餃皮薄爽脆，豚肉配上菇菌蔬菜，肉質鮮嫩，汁多香口而不油膩。

第一次去,上一次經過呢條街發現呢間舖頭之後就決定要去幫襯.星期六,五點,兩個人去,唔使等位,個服務員懶醒唔用紙筆電腦,淨係記低叫咗啲乜.跟住唔記得左返嚟問我. 兩碗麵就冇乜特色,冇得揀配料,冇得揀面軟硬. 湯底又唔算好正（亦都唔會成碗湯飲曬）.面都係一般.（可能我唔識欣賞,人人口味唔同,我亦都冇去日本幫襯過,所以冇得比較）,亦都唔會好失望.大家鍾意可以去試下.樓上嗰層有個地方可以打機.值得去睇呀.講到呢度先.

#尖沙咀美食🍽貝汁醬油拉麵💰128⭐️金色不如帰📍尖沙咀中間道15號H Zentre地舖 (港鐡站K出口)==============================📝最近新開的過江龍拉麵店，連續3年有米芝蓮一星加持，當然要試一試。星期日去到，都好好彩唔洗等位，可能新開關係，無咩人知🤣拉麵款式有4款，今次就試左鹽味同醬油味。湯底用左大蜆，豬骨，同雞淆成，海鮮味好鮮甜，即使加了醬油或鹽，都唔會減淡鮮味。每碗拉麵都配上松露醬同牛肝菌露，更為湯底增添層次感。建議先嘗一口湯底，再撈均松露醬同牛肝菌醬，咁就可以品嚐2種層次。依到好貼心，每碗拉麵都有齊三層肉同叉燒。個人就較喜歡三層肉，質地軟腍，相對叉燒就比較薄，唔夠入味。至於麵底，係爽口彈牙既幼麵，我就麻麻地。環境方面，有日本拉麵店既氣氛，用上大量木裝飾，而且燈光比較昏暗。亦係談心既地方。💫⭐️⭐️⭐️可以一試

對於我這種長期寫食評，食評篇幅都是長篇累贅的人來說，遇到最大的問題就是對食品或者飲品裡面的實際構造，跟裡面的主要食材成份。而且我寫食評，都是在光顧食店超過一個月後，才開始寫食評。即使我當時光顧食店，試食時透過味覺、嗅覺和口感，大概了解到食品、飲品裡面的味道和食材來源，但是時間過了一個月有多，感覺都已經打了折扣，難以百分百準備憶述和評論味道。如果有些食店，一開始就在店樓面裡面，放置一些告示板或者介紹板，向食客介紹和講述食品裡面使用的實際食材內容，還有食品裡面的實際製作過程跟味道，對於未光顧過的食客而言，至少可以先了解，後慢慢感受食品味道。恰巧我在位於「尖沙咀」「中間道」，「香港喜來登酒店」旁邊的新商場「H Zentre」樓下大型舖位裡面，發現最近又開了一間新日本菜拉麵餐廳，餐廳的實際名稱叫做「金色不如帰」。論「金色不如帰」餐廳裡面的「拉麵」食品，「金色不如帰」大部分「拉麵」食品裡面使用的食材，都是不外乎使用厚度不弱，肉質軟身的「豚肉」製作變成了「豚肉叉燒」，沒有什麼稀奇。實際上「金色不如帰」廚房拉麵師傅跟店員製作出來的「拉麵」，最大的賣點反而不是來自於「叉燒」，反而是來自於「拉麵」底層裡

轉眼間咁快已經開到第三間分店，位置於尖沙咀中間道，商場地下有一間日本🇯🇵百貨商店，連埋呢間東京米芝連一星🌟拉麵🍜拼在一起，恍如置身日本🇯🇵街道上，主打「黑松露貝汁湯底」加添鮮味😌———————————————————————————🍜貝汁醬油拉麵💬第一次試當然要食招牌拉麵，選用60斤大蜆熬煮湯底，多咗一份鮮味，不添加味精，加入黑松露醬、牛肝菌粉、牛肝菌油等，令味道更有層次，麵質選用幼麵，爽口彈牙，但份量略嫌偏少😌.🍜白豚拉麵💬另一款係豚肉拉麵，少咗份蜆湯嘅味道，但有香濃嘅豚骨湯味，唔膩亦唔黏口，感覺也不錯😎

這是這家拉麵店的新分店。我路過看到便決定試試。好久沒吃拉麵了。便點了煙薰黑椒豚肉拉麵，另加糖心蛋和三層肉。一次過試全所有食材。另外還叫了鳥皮烏賊揚。桌上有一張說明如何品嘗拉麵。好隆重其事。有點搞笑。等待中便看看裝修。因為是米芝連一星，所以是典型日式中高檔風格。拉麵上桌，特別的是加了牛肝箘茸，看起來像肉碎。為拉麵添上一絲香味。湯底濃湯，但不會過濃。合我口味。糖心蛋正常，三層肉不肥，好喜歡。然後便是小吃。雞皮包著墨魚炸香，點上蜜糖芥茉醬。香口但不肥膩。值得一試。最後結賬才240元。米芝連名氣來說不貴。有機會會再試鎮店招牌貝汁醬油拉麵。

今日專誠去試探這間在日本東京獲得米芝蓮一星的拉麵店。店舖設計清爽乾淨，很有日本食店的風味。服務員招呼親切，聲調精神，不錯吧。我們兩人同樣叫了招牌貝汁鹽味拉麵🍜兩客溫泉蛋、一碟低温义燒和一碟鳥皮烏賊揚。最早到的是溫泉蛋和低温义燒⋯⋯我沒有想過這兩樣食物會空口食，所以一直等我們點的拉麵⋯⋯等待的時間相比起其他拉麵店略為長，大約廿分鐘，但店面不算十分繁忙。我們入鄉隨族，跟着他們的方法開始一步步地品嘗這碗貝汁鹽味拉麵🍜湯底的貝汁味很濃厚，但略為偏鹹；拉麵質地是我較喜愛的偏硬身，只可惜是幼麵。至於麵內的䐁肉片，我完全覺得沒什麼可以講😅温泉蛋是蛋味😅低温义燒是一塊薄肉片😅真的嘗不到什麼特別味道，唯一值得一提的是鳥皮烏賊揚，是一塊沒有脂肪的雞皮包著墨魚滑而炸成👍🏻入口的感覺很好👍🏻這午餐為$405.90略為高，可能未能令我回味吧🙂