金色不如帰 (H Zentre)

营业中

休息中

想食咗好耐既拉麵講到連續5年既米芝連拉麵仲有蠔湯既拉麵滿心期待 終於可以一試食飯時間去竟然唔洗等位同唔滿場香港個市道真係差到無淪😩牡蠣醬油拉麵🍜招牌之選配料 火箭菜 檸檬 洋蔥 蠔醬醬燒牡蠣🦪 豚肉湯底：見人講到好鮮重蠔，但係食落 完全唔係果回事，反而貝汁鹽味個湯仲鮮仲甜 到個拉麵正常太麵 但係就唔太掛湯 麵同湯唔融合 唔夠入味其他主食 醬燒牡蠣 真係好普通 有蠔味 但冇咩特別 至於豚肉又係正常 綜合成碗拉麵真係冇咩驚喜可能期望太高🥲

真係幾難食同預期落差好大好大聽講呢間係米芝蓮一星，所以抱住好大期望去食，諗住伏極有限去到嗌咗個限定拉麵（牡蠣白湯拉麵）個湯底幾好幾濃郁，但係個面冇乜彈性不過因為佢係幼身嘅面底，所以冇彈性都可以理解但係個叉燒過於有咬口，甚至乎街市啲燒味舖嘅叉燒都嫩過佢啲叉燒😔其次個牡蠣味道麻麻哋，有少少腥😭懷疑係已經擺咗一段時間對於一個拉麵深度愛好者嚟講，真係幾失望下不過個剪餃幾好食，算飽滿，多汁唔知其他拉麵係咪都係咁，定係純粹個牡蠣唔好食⋯⋯

🥢貝汁醬油拉麵麵質不彈牙也不腍湯底有醬油味, 但太咸湯面有小小的黑松露醬味沒有蜆味🥢小食的自家製豚肉煎餃跟套餐有6件皮薄味道質感都ok熱檸洛神花茶花茶是淡粉紅色, 顏色比想像的淺很多,有紫蘇葉, 檸檬, 青檸和洛神花味道有D似乳酸飲品紫蘇葉有些黑點, 不太新鮮了Ramen served in Shoyu Hamaguri Soup:The noodle is not chewy or soft. The soup has flavour of soy-sauce with hint of black truflle but it is too salty. No flavour of clam. 6 pieces of home-made Japanese Dumplings are served as snack in the set lunch. The dumpling wrapper is thin. The flavour and the texture are fine. Hot Lemon Roselle Tea:The tea includes Shiso, Lemon

今次去咗食連續4年榮獲東京米芝蓮一星推介嘅「金色不如帰」.牡蠣白湯拉麵🍜牡蠣白湯加上鮮牡蠣油同牡蠣醬令湯底層次昇華😱微鹹中帶陣陣牡蠣鮮味👍🏻醬漬牡蠣鮮甜嫩滑🦪慢煮叉燒特別軟嫩🐖加上火箭菜🥬法國紫洋蔥及意大利蕃茜🧅🍅增添了一股清新😌.煙熏黑椒豚骨拉麵🥢以黑椒作調味🧂令湯底食落帶微微辛香😝三層豚腩肉肉質較腍🐷有油香，配上煙熏豚肉碎同炸牛篣條🥓每一啖拉麵都有唔同口感🤤.京蔥味噌豆腐🤍外脆內軟😆日本秘製京蔥味噌醬惹味又唔會太鹹😋.輕盈蟹籽沙律🥗蟹籽、蟹柳同青瓜呢個絕對係不敗組合🦀🥒.白桃焙茶🍹淡淡香甜白桃味🍑同焙茶好夾☺️

今日同拉麵控吃飯，要試一間東京米芝蓮一星拉麵店，當然想試下其招牌黃金湯頭，自家熬製而且不添加味精，混合了大蜆、豚骨、魚介等食材熬製而成的，最後配製黑松露醬及牛肝菌醬，味道豐富而特別，加入火箭菜於湯底也意想不到店內的裝修一如名稱，金色為主打，比較偏向銅色但光亮這裏的拉麵，當然是主打，也有一些小丼飯及小食🍜 牡蠣白湯拉麵$138這是新口味，牡蠣、豚和雞三合一熬成濃厚湯底，另外配上低溫慢煮叉燒，湯底除了有牡蠣鮮味之外，還有一些黑松露的香味，而且加了火箭菜非常特別，湯底味道濃郁稠杰但不油膩，牡蠣有蠔醬香味🍜 煙熏黑椒豚骨拉麵$115湯底也一樣濃郁，多了一份黑椒味及煙燻的味道🍜 唐揚博多華味鳥$88雞腿肉juicy🍜 自家製豚肉餃子加$38 成套餐有三隻餃子及一杯飲品

🉐連續五年東京米芝蓮一星推介🉐期間限定牡蠣白湯拉麵貝汁醬油拉麵🐚🍜貝汁系列拉麵有鹽味同醬油兩款，將由呢款係連續五年獲得東京米芝蓮一星推介，湯底係以蜆湯、豬骨清湯同埋魚清湯熬成嘅三重湯底，飲第一啖湯已經食得出濃濃嘅鮮味，另外配上黑松露醬、牛肝菌油以及牛肝菌粉，令整體嘅味道更加有層次感，本身拉麵有一塊三層肉同埋慢煮叉燒，亦可額外加配糖心蛋，兩款肉類等等。牡蠣白湯拉麵🦪🍜呢款係期間限定嘅拉麵，一上枱已經比濃郁嘅鮮蠔味吸引住，湯底比招牌嘅貝汁湯較為濃稠一啲，加埋鮮牡蠣油同牡蠣醬，形成強烈嘅蠔香味，而唔少得仲有醬漬牡蠣，調味適中，唔會過鹹，亦有招牌柔軟嘅慢煮叉燒，整體嚟講十分推介！自家製豚肉餃子🥟加$38仲可以選擇一份小食同飲品，自家製豚肉餃子餡料豐富，調味都唔錯！白桃焙茶🍹估唔到白桃同焙茶都可以咁夾，入口有白土嘅果香，慢慢伴隨着焙茶嘅茶香，係一杯有驚喜嘅飲品。

前幾日去開尖沙咀，順道逛一逛日式超市，途經一間來自東京嘅米芝蓮拉麵店 "金色不如帰"，過江龍嚟到香港有4間分店 : 中環、銅鑼灣、尖沙咀、九龍塘，餐廳用上大蜆、豚骨、魚介三種純天然食材熬製而成嘅貝汁湯底，呢度咁有特色嘅拉麵，當然要品嘗下啦！餐廳裝修極具時尚，環境寬敞舒適，落地大玻璃眼睛望出窗外視野廣闊，感覺開揚，平日或週末都適合黎品嘗美食，度過悠閑時光。餐牌裏嘅拉麵有幾款：牡蠣白湯拉麵、貝汁醬油拉麵、白豚骨拉麵、煙熏黑椒豚骨拉麵等等，另有Set Meal、特式碗飯、小食同飲品。依個係 Ramen Set，有拉麵、小食、飲品/甜品  $188～白豚骨拉麵    遠處已聞到陣陣豚骨味，香噴噴，廚師精心烹製嘅豚骨湯底，煲到奶白色，在口裏充滿濃厚嘅香味，鮮味十足，而三層肉一咬即化，口感軟綿，嫩滑可口，拉麵吸入左湯汁，味道特別香濃，無論夏天或冬天都適合食碗熱熱嘅日本拉麵。京蔥味噌豆腐    套餐小食揀味噌豆腐，外脆內軟，豆味濃郁，上面加左蔥粒同麵豉，十分有驚喜！套餐飲品選擇冷泡烏龍茶，烏龍茶茶色清晰，味道甘香，好fresh好喜歡。牡蠣白湯拉麵     $138 依個拉麵牡蠣白湯拉麵有小食同飲品，

同朋友喺尖沙咀shopping完 試吓呢間東京米芝蓮一星嘅拉麵店 果然名不虛傳🤩🍜貝汁醬油拉麵 $1282019-2023連續五年獲獎米芝蓮一星三重湯底包括蜆湯，豬骨清湯，魚清湯食落好重黑松露同牛肝菌味 湯頭濃郁而清爽配三層肉同低溫叉燒 好滿足🥰🍜牡蠣白湯拉麵 $138 期間限定牡蠣白湯拉麵用牡蠣白湯做湯底 飲得出濃厚海鮮味道 而拉麵彈牙有咬口配慢煮叉燒 醬漬牡蠣☺️ 🐟比目魚柚庵燒比目魚為搭配柚子庵燒醬汁烤制而成魚肉肉質鮮嫩 好香油脂味 亦帶有柚子嘅清香味🦑鳥皮烏賊揚外層雞皮炸至金黃脆口 配埋墨魚滑外酥內嫩 香脆又彈牙🍖曹揚博多華味鳥經典日式炸雞 肉質嫩滑多汁 表面烤至金黃酥脆 配蜜糖芥末醬好夾🥰🧀一口芝士脆豚日本直送麵包糠包住豚肉同芝士炸到外層酥脆 內部豬肉保持多汁 每一啖都食到濃郁芝士味🤩🍑白桃焙茶帶有清新桃香同淡淡茶香 飲落清爽解油膩🍵

❣️平時好少去尖沙咀H Zentre 今次去食拉麵先會經過來自東京的米芝蓮 佢既湯頭係走清潤而味道好豐富 食後亦唔口乾播歌如果你係想食一碗出色拉麵 + 坐得好舒服。呢度係你既選擇 加上尖沙咀店有落地大玻璃 【牡蠣白湯拉麵 $138】湯底用新鮮牡犡熬製 但你唔會覺得油膩同腥味 反宜係牡犡鮮味配料有慢煮叉燒同醬漬牡蠣 當然牡蠣唔會比得多 但食落好有蠔味 我個人覺得呢碗拉麵係好值得試另加$38 要了一個蟹籽沙拉及冷泡茶【貝汁鹽味拉麵$128】湯頭更清新一點 以大蜆、豚骨、魚介熬製 再加少少白松露油 同牛肝菌醬 湯頭一樣鮮味而你唔會覺得淡味 低溫叉燒有油香【鳥皮烏賊揚$70】呢個係好好好好好味 雞皮超脆 墨魚滑彈牙

今日去咗位於尖沙咀舊SOGO附近嘅商場見到有一間喺東京攞米芝蓮嘅蜆肉湯拉麵餐廳，見今日唔係好肚餓就去試吓。餐廳以木系裝修，一入去已經有三個比較私隱度高嘅卡位坐，可以兩個人靜靜地談心。再行入啲樓底非常高，可選擇坐落地玻璃或者Bar枱。大根牛筋味噌煮 美食拉麵先嗌個前菜頂下胃，牛筋同牛腩非常新鮮，燜到好腍，非常入味。份量非常大份。背汁醬油拉麵由牛肝菌油、牛肝菌粉、再以煲成的蜆肉、豬骨同魚湯底混合而成。未撈混牛肝菌油、牛肝菌粉及黑松露醬時，蜆肉味非常濃郁、好清甜帶鮮味。撈晒所有醬後，提升了蜆肉的鮮味更加出。再配上三塊低溫煮成的叉燒，非常滿足。牡蠣白湯拉麵套餐 （新出品）比蜆肉湯拉麵更加濃郁，更加鮮味。湯飲落啖啖蠔肉味，喜歡食蠔嘅人絕對要試試。湯底呈白色，加上牡蠣醬、鮮牡蠣油、喺湯底裏面令湯更加出味。再配上火箭菜、慢煮叉燒及醬漬蠔，唔會覺得滯及膩。套餐可選輕盈蟹籽沙律或者自家製豚肉煎餃（三隻）。另外五款飲品，可自選一款。我個人比較健康，就揀咗白桃焙茶。

📍金色不如帰 尖沙咀中間道15號H Zentre 地舖💫金色不如帰 過江龍日本米芝蓮拉麵🍜喺香港都有幾間分店今次我就去咗尖沙咀H Centre分店試試🍜牡蠣白湯拉麵 $138 升級套餐 +$38由主廚由本敦之先生親自監修，首度聯乘牡蠣不如歸推出期間限定牡蠣白湯拉麵🦪夠晒鮮甜嫩滑！升級套餐包三隻自家製豚肉餃子仲有一杯白桃焙茶🍹不過飲落去比較似白桃汁但都唔錯🍜煙熏黑椒豚骨拉麵 $115一上枱已經聞到有少少煙熏味，湯底有淡淡嘅黑椒味道，而且拉麵夠晒掛湯💠一口芝士脆豚 $70雖然只有四件，但佢每一件都熱辣辣即叫即炸，而且能夠保持肉汁，再加上芝士，食落去都唔錯😛。。❤️多謝大家支持 Eyefoodfood喜歡呢個post就記得要like同收藏啦💛。#eyefoodfood#eyefoodfood_尖沙咀#hkfoodie#hkfoodie#hkfood#hkfoodie#hkfoodieshk#hkfoodie

金色不如帰嘅拉麵不嬲都好出名，但一路都未有機會試，今日夜晚想食拉麵，所以就決定去尖沙咀試吓🤓牡蠣白湯拉麵近排佢哋聯乘牡蠣不如帰，推出咗期間限定嘅白湯拉麵，呢碗拉麵有慢煮叉燒、醬漬牡蠣🦪同埋牡蠣醬，湯底用新鮮牡蠣熬製儀式，飲落係好鮮甜濃郁🤤貝汁醬油拉麵貝汁醬油拉麵都算係佢哋其中一碗最signature 嘅拉麵，醬油湯底飲落好清甜，最特別嘅係佢哋加咗貝汁同埋牛肝菌油，令到個湯底更加特別，自己好鍾意呢個湯底🥰鳥皮烏賊揚原來呢個係用雞皮包住嘅墨魚滑，墨魚滑混入木耳，食落香脆彈牙🙂‍↕️自家製豚肉煎餃豚肉餃子煎得香脆皮薄，入面多汁，正常發揮😆唐揚博多華味鳥經典嘅日式炸雞，外皮炸到金黃香脆，肉汁鎖晒喺入面😋

今日同朋友去咗尖沙咀，試吓呢間米芝蓮一星拉麵，望落去好似好吸引，原來開咗喺H Zentre, 我都系第一次嚟呢棟樓，整個商場俾我嘅感覺好整潔，好有日本嘅感覺，選址不錯！🐚貝汁醬油拉麵 $128 （另加溏心蛋一隻+$15）連續獲取了四年米芝蓮一星嘅拉麵，原來湯底是結合了三重湯底包括蜆湯、豬骨清湯及魚清湯。低溫叉燒上面放咗黑松露醬，撈埋落湯底攪拌，增加湯底濃郁度。拉麵麵條彈牙有嚼勁，配上鮮嫩的叉燒和其他配料，味道非常美味😋🦪牡蠣白湯拉麵 $138 （另加溏心蛋一隻+$15）期間限定的牡蠣白湯，加上大大粒的醬漬牡蠣及牡蠣醬，賦予了湯底濃郁的海鮮風味。湯底的口感柔滑，與麵條完美融合，牡蠣的鮮甜味道更提升了整體的風味。另外，提醒大家只有呢個拉麵才可以配餐小食及飲品。🐖自家製豚肉煎餃（三隻） 升級套餐連飲品+$38這款豚肉煎餃是店家的自家製品，每隻餃子都包裹著豐富的豬肉餡料。外皮煎至金黃酥脆，內裡的餡料鮮嫩多汁。🦑鳥皮烏賊揚 $70選用野生紋甲墨魚打成滑，用鮮雞皮包著炸，皮薄而酥脆，肉質嫩滑，有濃濃的墨魚味，可配以調味的沙律醬會更加惹味。🐷一口芝士脆豚 $70優質豚肉釀入大量香濃芝士，豚肉片包著芝

湊完陳皮妹返學🎒速食金色不如帰，入面得兩成客。叫咗新出既牡蠣🦪白湯拉麵🍜（$138）走火箭菜，有醬漬牡蠣🦪、牡蠣🦪白湯、鮮牡蠣🦪油、牡蠣🦪醬同慢煮叉燒，轉餐$38有自家製豚肉煎餃🥟三隻同冷泡烏龍茶。牡蠣🦪拉麵🍜賣相一般，牡蠣🦪比想像中💭細隻，但食落都好有蠔味，但湯好入味好濃，唔似蠔但皓想係咁飲，面🍜同叉燒一般，但pat牡蠣🦪醬就冇特別點，自己沉咗入湯度。餃子🥟好好👍🏻食，好爽口。烏龍茶好清涼。

星期三係H Zentre睇醫生，上去前已經見到開11點，睇完啱啱好11點。落到落下就秒衝入去，超肚餓同媽媽一齊叫咗兩碗牡蠣白湯拉麵，其中一個配餐追一客豚肉餃子牡蠣白湯湯底濃淡度適中，唔會太油膩。拉麵偏硬，個人比較喜歡軟麵。份量嚟講正常。豚肉餃子都好食，餃子皮唔會太厚，豚肉混合椰菜餡料。之前聽同事講話麻麻地，但見到有出咗新牡蠣白湯就唸住試吓。咁啱又係診所樓下，時間又剛剛好。個人覺得呢個新出ge牡蠣白湯拉麵可以一試。