金船長餐廳 (已結業)

今次與老婆前來, 與上次相隔一個月左右, 聖誕關係, 最低消費每位$100.跟上次一樣, 每人order一個主菜跟餐然後share食, 今次再加一個小食炸洋蔥. 主菜分別是海鮮意大利飯及焗三文魚墨汁面.先上的湯保持水準, 忌廉湯creamy之餘亦滑口, 老婆的洋蔥湯十分香濃也不錯. 緊隨上檯的炸洋蔥圈炸得脆口, 內裡的洋蔥香甜保持水份, 合格有餘, 可惜份量較小.主菜之一意大利飯跟上次的一樣, 材料包括魷魚, 蝦及青口.不過對於不喜愛芝士味的事頭婆來說就不合胃口, 吃上兩三口已覺滯膩. 可憐其後的焗三文魚墨汁面又係以白汁調味, 令到事頭婆大呼無癮, 不過這個白汁的調味又的確係重手左, 芝士及奶味都有點過濃, 比較漏. 不過面身煙韌彈牙, 三文魚亦新鮮, 而且份量十足, 都幾抵食.來過兩次, 食過意大利飯, 焗意粉同漢堡飽, 都係覺得漢堡飽最出色!

海迪同彼德去左金船長餐廳～～～～～９點幾去到等左一陣位．．．之後就入座了～！　首先我地叫左兩個自選車仔意粉～　１．忌廉香草汁＋其他配料＋煙３文魚＋白菌＋蜆肉闊條麵．．．２．忌廉香草汁＋其他配料＋辣肉腸＋龍利柳＋白菌意粉～！另外加左＄２０轉左餐～！有多兩個湯ａｎｄ　ｄｒｉｎｋ～！　雖然等左ｄ野食好耐，可能今晚多人啦～但真係好好味，份量又大！食完個意粉都已經好飽了～但見到隔離枱 既心太軟太吸引了～所以都忍唔住叫左一份～！　又係制作需時～不過冇所謂啦．．．因為唔趕時間～！心太軟唔太甜，好易入口～　ｖｅｒｙ　ｇｏｏｄ　！！　ｄ　ｓｅｒｖｉｃｅ　都好好～！　ｓｔａｆｆ　都好ｎｉｃｅ～　如果大間ｄ就好了～！　下次一定會再黎的！！

當日中午book 位, 都book 到. 一到步有個女職員就叫我們盡量8:30 埋單, 我地book 7 點, 當時仲有3個人未到. 心中有點難受, 因為book位時都冇提到. 我地只好盡量啦...食物都算唔錯, 都係叫set dinner 肉眼扒. 肉質就幾好, 但係個SOURCE 好喊. 甜品: 焗蘋果批, 朱古力疏乎喱, 心太軟都好味...同意, 有位男職員服務態度很好. 我會再幫襯嘅...

昨晚幸好早一步到達，坐低不久便開始人潮湧湧，walk-in 客要等成半個鐘。與男友近來熱愛漢堡，亦一心為其漢堡慕名而來，但我同男友都對其得獎漢堡失望呢。男朋友吃完一口的評語: 好似食緊魚餅咁我吃完兩口的評語: 好似窩蛋牛肉飯的蒸牛肉估計他們可能將牛肉餅蒸完才煎，不過如此的烹調方法，似乎將漢堡扒應有的質感都破壞了，即使是用上新鮮的牛肉抑或是手打的，亦吃不出來。餐\酒方面，只有1紅1白選擇，不過一杯house wine 要$55，在大角咀區如此價錢，收費似乎略高呢。不過，他們的海鮮意大利飯又ok 喎，芝士味頗濃而且海鮮料亦足。另外，service 都不錯，即使多人都會自動來添水，而其中一位男職員對客人亦相當有禮。

早一個月前黎過此餐廳漢堡包- 因為唔係用一般既肉,係肉眼位,味道.......我唔係咁喜歡!!肉醬闊十麵- 麵就"林"左少少,幾好味夏威夷Pizza - OKEY

其實, 小弟覺得這間餐廳所吃的, 的而且確比在其他的美國餐廳平得多...今天一行六人打完羽毛球後, 入了這間餐廳, 六個人被編至八個人的位置..., 誰知, 隔了一陣, 個侍應跟我們說, 可否轉為另一邊的六人枱, 還願意送一些甜品給我們作補償, 雖然最後個甜品未必太好食, 小型包夫一個, 但起碼這叫做服務態度.講回食物, 我和女友叫了牛眼扒晚餐和自選意粉.- 牛眼扒, 六成熟, 我都係鐘意食十成熟, 生食有點吾知點的, 但我都覺得好食. - 薯菜, 係麥記那種貴價薯條連薯皮, 雖然普通, 但好食- 自選意粉, 要白菌, 鴨胸肉, 三文魚, 羅絲粉, 蕃茄汁, 芝士(兩種都要), 洋蔥, 蒜溶, 好味, 味道配得好好味. 值得再試.下次會試下個漢堡飽, 好似話好正, 賣相都吾錯....

平安夜本想平安地跟澱粉王靜靜度過，點知佢約咗designer响個日下午奧海城傾嘢，我就順勢話想食聖誕大餐，Christmas Eve前一日當然度度都fully booked，既然佢响大個咀區，我提議再去金船長，哈，點知真喺仲book 到。食物: 聖誕set dinner + 無聊聖誕禮物包1.頭盤: 個名好長，通常我唔會記得呢D形式嘅菜名，總之碟左旁有一小堆雜菜沙律(沒有或可能極少dressing，不覺有olive oil，正合本人心意)，正中是類似蟹肉tartar，加入芒果粒，面上放有蝦及蟹籽，碟右邊是一小塊crispy的薄脆及sauce decoration，整體味道及presentation都very nice。2.龍蝦湯: crabfish頭在湯碗旁做裝飾，小garlic bread今次我沒吃，但根據澱粉王report，依舊偏油及很韌，而湯個人認為太多cream，而且頗咸(味道濃同咸我都仲分到嘅……)，呢個麻麻。3.main course: a.三文魚扒配水瓜欖白汁，伴南瓜蓉及雜菜: 呢個我食，三文魚扒奄得好好味，面煎得微黃，難得無煎到全熟，中間仲生，可以食到滑滑帶魚油嘅三文魚

神廚館客似雲來,多走幾條街找金船長好了;門口餐牌很多款都對胃口,即時推門而入,想不到這間座落舊區的餐廳,在下午時間也如此昏暗有情調。店內位置頗為逼狹,幸好有禮的侍應安排我坐在單邊位,月巴人出入才如此平安。餐牌裡有心太軟,那就選一個味道比較清新的蕃茄雞肉螺絲粉($24)再配一個心太軟吧。螺絲粉上桌時熱氣騰騰,好熨口!螺絲粉煮得不錯,個人認為烹煮時間再少一點,令質感更彈牙更妙,現在也算很不錯;蕃茄汁有不少鮮茄茸,微酸的茄汁配合甜椒,味道很不錯;雞肉有一點點雪味,稍為失色。心太軟加雪糕送上時間剛好,這要稱讚一下負責飲品的年青男孩的細心,桌子位置剛好對著水吧,當我完成螺絲粉後,他就提醒負責甜品的同事:x號檯心太軟可以上喇!心太軟($35)份量不少,上桌時已經流了一點朱古力漿,證明是流心的哦!只是外皮不夠脆,薄薄的外皮是軟軟的,內裡真的充滿朱古力漿,現在不太像吃蛋糕,反而像吃朱古力漿伴雪糕。幸而朱古力也頗濃味,配合脆脆餅乾碎和雪糕同吃,也算不俗的甜品,個人認為再焗多一會,讓蛋糕挺身一點會更好。吃完濃味的心太軟,最後以青檸梳打(+$10)作結,好滿足!由於坐近水吧,看到店方提供的清水,原來有薄荷葉

由奧海城行至此原來頗近，環境很「街坊」，與相像中的有差距。餐牌食物也沒有什麼特別之處，反而留意到有白酒供應。朋友與自己都不太餓，只點了一個晚餐加一客主食。晚餐$98，包餐湯，主菜和餐飲餐湯（青豆忌廉湯）－－朋友喝了，味道不得而知，但至少賣相不錯，湯碗的樣子呈樹葉形，很特別龍脷青口卷配意粉－－意粉居然是港式煮得淋淋的，以這點來說大快活做得還比較好。很有期望的龍脷青口卷只有兩件，和朋友一人一件分了，青口算是肥美，但包在外範的龍脷魚肉煮得過火，大大影響了整體質素。外加的主食($8X)－－南瓜雜菌意大利飯，份量很大，三至四人分也可以。但味道和口感都不合格，首先南瓜本身已經夠甜，但再加上忌廉，甜膩得很，而且質感變得黏稠稠的很快就吃不下了。再吃意大利飯煮得淋淋的，吃有爽口的口感，有點似吃”糊仔”的感覺。兩個主食都得失望，估不到連餐飲都不合格。檸檬茶的紅茶像是泡了一整天的紅茶，苦澀顏色帶黑，每天喝Twinings的我實在吃不消。埋單$178，雖然不算很貴，但整體都很失望。

見到朋友的blog寫過呢間餐廳, 咁橋我又0係旺角學完"煲仔飯"班, 所以提議老公車我去試新野。間餐廳都幾難搵, 我地9點前去到大角咀嫁啦, 但係唔識路, 0係d橫街dull了幾個圈都見唔到間餐廳, 於是好好釆咁有咪錶泊低車, 落車搵! 9點半先去到!唔係有車都幾難去...餐廳環境唔錯, 食物選擇都多, 我地兩個人叫了:小食: 蜜糖焗chicken wing ($28)招牌漢堡($40)精選意粉($53)我地每人都+$20轉餐, 有湯同普通飲品。埋單$176我老公好鍾意食chicken wing, 都鑽佢地整得唔錯, 我都覺得幾好食。個漢堡包都真係好多汁, 我同老公share, 但係都好大份, 我本人就食唔哂, 不過就好欣賞連埋漢堡包的粗薯條, 好crispy, 好味! 至於餐湯牛尾湯就一般, 無surprise!其實意粉可以自由配搭, 但係我有"選擇恐懼正", 所以精選意粉唔駛唸! 材料: 墨汁面, 三文魚, chicken, mushroom, 配白汁, 好creamy, 不過幾好食!但係真係好大份, 兩個人share都食剩三份一!總結0的0野食唔錯, 侍應態度好, 價錢合理, 如

親眼看見金船長餐廳開張，當時有點擔心.... 晚餐差不多$130 元，想落餐廳老闆不是信心十足就是『搏懵』，大角咀這個區域不是沒有人花得起，問題是捨不得花... 結果證明我『杞人憂天』!金船長的晚餐我去了多次，但還是沒有吃過，過不了心理關口，雖然知道味道不會差到哪裡...每次必吃的反而是Pizza 和小食，Pizza 不是『甚麼乞』的厚批，而是薄脆那款，味道雖不是最好，但已經是記憶中的5 位以內( 包括在外國吃過的) ，小吃Fish & Chips 和Fried Onion Ring 有水準，Caesar Salad 也不錯( 食物可參考其它網友的照片) 。這裡的咖啡不錯，夜一點來吃可以和朋友談天，不用顧慮在等位的人，這裡長期爆棚，必須訂位。

D 漢堡包即叫即做, 好fresh同juicy, 仲可以揀幾成熟, 仲好食個Triple-O's侍應服務態度算幾好, 只係間鋪細左少少, 要等好耐位

我上兩次帶左9個朋友+1位老師去食佢地個個食完都話正我地食左4個burgers,黑松露pizza,seafood pizza,幾個自選意粉肉醬闊面飲香蕉coffee黑牛...etc全部都轉左餐湯好味, 味道足夠且配bread一流香蕉coffee唔落糖都夠sweetburger d肉汁必晒出黎配埋french fries一絕仲有d沙律菜食完今次之後,我發覺我d朋友and老師都分別帶佢地既朋友去試個個食完都話好好味,而且價錢合理自始以後,我地如果放學放得夜都會約埋老師去食一直都係repeated customers因為everytime都有唔同野試啦最好玩就係可以自選意粉,螺絲粉做得非常好有汁包住個螺絲粉,excellent最近得知出了一款牛扒叫1855佢係比angus高少少級數因為我去唔到,但聽老師同同學既comment係船長prefer 4成佢地覺得3成都係可以而且異常咁juicy 好tender佢地係食牛食到出神入化相信應該非常好味道下次我都要試1855

20071202此店早前獲不少雜誌垂青, 據聞要大排長龍, 但最近可能稍為冷卻, 八時多去到不用等位.格局在大角咀區來說已算是高檔, 但價錢也算相宜. 兩丁友叫了一個海鮮意大利飯($68)同一客七成熟漢堡飽($35)share, 轉餐加$20有湯有飲品, 值得一試.忌廉湯相當creamy, 無論賣相, 材料及份量都沒有令人失望, 更令我覺得轉餐的$20是物有所值的. 意大利飯比較少食, 難以置評, 但整體味道及口感都不錯. 另一主菜漢堡飽亦相當精彩, 漢堡扒是免治鮮牛肉, 七成熟煎得恰到好處, 肉嫩而且肉汁得以保留. 醬汁亦調配得很得宜, 味道雖然都是平常的酸酸甜甜, 但與牛肉出其地配合. 伴碟的薯條熱辣辣亦不容錯過.總括來說食物質素不錯, 還見餐牌入面有自選配料的焗意粉, 都不過是三十多元, 下次再來要試一試!

朋友仔話佢嘅漢堡包一絕,於是專誠去食,那塊漢堡肉好多肉汁,唔會太硬,d汁好鮮味,唔會話d醬汁喧賓奪主搶哂,唔錯唔錯!