金船長餐廳 (已結業)

上星期exam完同一班同學一齊入去左大角嘴食金船長!我地叫左好多野大家share食,,可以試多d..我地叫左果個得獎gei黑松露pizza,一個有哈密瓜蜜瓜巴馬臣火腿gei Pizza,煙三文魚配千島汁gei Salad,金船長Burger同埋自選車仔意粉..個黑松露pizza係必食,因為真係好yummy!佢脆脆地又好香,再點d提子醬又係另一種食法,甜甜酸酸好得意!另一個pizza都好好味,佢個底係普通pizza樣,但上面就有舊蜜瓜/哈密瓜再加塊巴馬臣火腿,一啖一齊咬曬3樣野,超正,甜甜地咸咸地又多汁,無唸過pizza可以感食法,可能我本身鍾意食蜜瓜同哈密瓜,所以特別鍾意!佢個底都好脆好香口..不過有少少麻煩在如果用手拎住咬d瓜汁係會流落你隻手度!煙三文魚salad唔係話有乜特別囉,但好好食呀,,d煙三文魚岩岩好好新鮮,又夠多,唔會得丁屎2,3塊,,下面d水果竟然又有我鍾意gei蜜瓜!感覺好fresh,其餘果d水果都係新鮮gei,,無d奇怪物體(平時食salad成日有d唔知咩離gei野)或者罐頭野,d沙律菜又好新鮮好fresh好健康,都唔明點解好似淨係咬果d菜都覺得好好味感,唔知係咪加

朋友仔話佢嘅漢堡包一絕,於是專誠去食叫左一個漢堡飽餐,漢堡扒是免治鮮牛肉, 七成熟煎得恰到好處, 肉嫩而且肉汁得以保留. 醬汁亦調配得很得宜, 味道雖然都是平常的酸酸甜甜, 但與牛肉出其地配合. 伴碟的薯條熱辣辣不容錯過. 才賣$40的確抵食!有位男職員服務態度很好. 我會再幫襯嘅...

今日終於食左喇,,睇左OPEN RICE就走去試下,,不過,,因為我係香港島的人,,結果搵左好耐好耐,,去到已經2點半..可以食TEA<<結果同男朋友一人叫左1個set,,再加1個burger...我食左個雜菌天使面,,good啊!!個面好香,,跟住叫左個夏威夷pizza,,細細個..但係都唔錯啊,,因為本人鍾意芝士,,佢芝士好勁,,正!!跟住到碟burger..首先,,薯條熱lala的,,好味!!到正餐個burger..我地叫左6成熟,,d汁咬落去係會bi晒出黎..哈哈!!good!!!咁多樣最正呢個!!!最後食左個甜品"心太軟"整得好靚牙,,不過好似細個左少少,,但係都好好味,,隔離擺左舊雪糕!!真係幾好*

今日終於去屋企附近個間金船長食下午茶, 佢個下午茶實在太抵, 唔食唔得。好鍾意食薄底pizza同芝士,所以叫左一個芝士蕃茄pizza, 落重芝士, 蕃茄又唔係太酸,正~既然個pizza又平又好味, 決定叫多個黎食,係menu到見到一款好少見的pizza ,叫做燒鴨pizza, 叫左個黎試下, 好特別,開頭以為, 燒鴨會油淋淋, 但係唔係喎, 一d都唔油,食落好似北京填鴨咁,唔錯。野飲方面叫左一杯mocha同一杯佢地的特色飲品(唔記得個名), mocha 幾好飲.但係杯特色飲品就中左招, 好怪味,希望各位人兄去叫時要清楚先好叫啦。最後係個甜品,叫左心太軟和梳乎里,心太軟真係..食到我心都軟埋..一流..入面d朱古力流出黎真係好好味…見到隔離抬個薑汁梳乎里好似好正, 又叫埋黎食, 焗得好大.好鬆軟, 大到好似會跌出黎咁, 開頭唔識野仲問waiter點解會大到好似會跌出黎咁,佢話咁先係正宗, 咁又好似係,食落去唔會太甜, 味道剛剛好,值得一試。

昨晚唔知去邊度食飯好... 突然諗起食評好多笑的金船長餐廳, 就決定一試. 7:00 去到, 因無訂位, 等左25 mins . 其實我同bf 都唔知呢間餐廳有咩出名, 所以隨自己喜歡叫左意式焗雞扒意粉(因我唔食cheese, 所以走cheese) + hk$20 轉套餐(是日餐湯+飲品). 點了羅宋湯同熱檸蜜. 而男友選擇羊架(7 成熟) 跟飯+ hk$38 轉蟹肉南瓜湯+即磨咖啡(加hk$10改湯& hk$8改即磨咖啡).一小碗羅宋湯+ 一片蒜茸多士: 湯底很唔稠亦唔濃, 唔多材料(大部份係西芹, 死得, 因我唔食既) 湯真係好酸... 蒜茸多士就幾脆同好有蒜茸味.一小碗蟹肉南瓜湯+ 一片蒜茸多士: 湯底稠度適中, 都有幾多蟹肉... 整體上ok 啦.意式焗雞扒意粉: 可能係我唔要cheese 吧,唔多汁, 汁只係係雞扒上面而已. d 意粉軟硬適中, 不過d 意粉撈唔到d 汁, 所以很乾同無味, 雖要落tobasco sauce 頂擋.羊架(7 成熟) 跟飯: (2支) 羊架過熟, 至少8 成至9 成熟, 所以有d 韌, 個汁唔多有味. 熱檸蜜: 一般啦.即磨咖啡: 唔香

真沒想過一間處於大角咀既餐廳，星期六到夜晚10點幾都竟然可以full house!!!! 大家想食呢間野都最好先打去訂，不過只可以留15 mins兩個人放棄左當晚的set dinner，反而散叫，因為加錢係唔係都可以轉餐::黑松露菌醬芝士夾心pizza:::: 第一口咬落去都幾似食緊芝士包，好香芝士同菌味。個提子sauce好特別，點左會好食d龍利柳白菌意大利香草醬墨汁pasta::: 味道略淡，分量都ok，但食到底既時候先發現碟底有好多油...減分減分原味梳乎厘::: 甜度適中，但唔夠鬆，冇好似食緊一陣風既輕盈感覺overall都ok，服務態度一流，只不過與之間太迫...

網上很多人盛讚此店, 今日終於"的起心肝"到此一遊。本身是"香港人", 絕少到大角咀，於是上網尋找一番, 知道大約方向後便開車前往。店子在橫街內, 不太好找。花了十分鐘，問了兩個街坊終於找到了。由於到埗時巳差不多三時，午餐巳停止供應，看見隔枱的紅酒燴牛尾, 真的想偷吃一口....結果點了一個羅宋湯....來了一小碗、真的很小也幸好很小....湯底很濃, 充滿蒜味但酸得要命！喝了兩口, 放棄了！太座要了一碟肉醬意粉, 我試了一口, 意粉太軟了, 肉醬還是可以, 起碼厨子懂得加了一些bay leave 做香料。主角的漢堡飽來了，侍應生提議是七成熟, 來的是十分熟。當然比起麥當奴的漢堡飽是好不知多少倍, 但絕不是又多汁，又好吃得"天上有、地下無"那種。再多一個salami pizza....料很豐富但不覺得如何特別!侍應生的服務態度是十二分有禮貌。真的值得一讚！茶餐廳般水平的食物放在一個比茶餐廳好的地方, 加上非常好的服務及極為便宜的價錢, 我只能講一句: 物超所值但絕不是美味得令人難忘。結賬是115 元正....只是比我來回隧道費及兩小時停車場費多35 元。究竟是店子收費極為便宜還是香港開

試過幾次, 朋友至愛招牌漢堡, 份量肉汁味道都好滿足! 煙三文凱撒沙律十分不錯, 有新意!個人則喜歡柚子沙律, 有少少Thai味8P可以邊食邊歎酒就更加好喇~

過去的星期六特別忙碌，早餐後就穿梭於元朗、圓方、旺角、奧海城之間；最後還是趕不及在奧海城的五點場，不過剩下來的時間就剛好可以去金船長食返餐休息下，都算不錯。　金船長的名字「娘娘地」，環境倒是不錯的，靜靜的暗暗的很舒服。我們叫了三款食物：　招牌漢堡包($40)-雖平製作都幾認真，店員還會詢問你成數；我們要了五成，成品卻是少有不足五成，嗯，一好一壞打個和吧!撇開成數不足的問題，漢堡配菜新鮮，店方奉上的英式mustard很夠香，伴碟薯條又好味，才賣$40的確抵食!　6"夏威夷pizza($27)-時值還有下午茶，我們可以平價淺嗜薄餅香：6吋的pizza都相當足料呢，沒有將貨就價，唯一要彈就是餅底，似euro gogo的一般乾乾的，沒有動人油香~　心太軟($35)-心太軟其實是我來訪的主要目標，落單前同店員討論過，知道下午茶的心太軟是迷你size，難以令人心足，所以都是決定散叫。大大隻的心太軟上檯了，很可惜朱古力醬已流出，但令人失望的還不止於此：蛋糕本身不夠熱，是此甜品的死症；另外朱古力醬又不夠可可味，更似是糖漿味，符合不了朱古力迷的要求；最後雪糕加上木糠粉，本來是我所好，但與心太軟格格不入，

今日係旺角周圍搵食都搵唔到一間一睇就好想入去食既店, 終於就諗起金船長,去到因為無訂枱,所以等左成20分鐘左右, 因為唔係好餓所以堅持到,我地點左兩樣野食. 1. 漢堡包(HKD4X)漢堡厚&JUICY,并有薯條(炸得好乾身好好食) & 一點點DRESSING伴菜(非常新鮮好食) 2. PIZZA(HKD7X )千島海鮮pizza, 唔咸, 芝士好味, 千島醬再濃少少會更好, 批底脆脆好正總結:咁既価錢,咁既質素,係其他地方一定食唔到,可以番單,如果係中環OR尖沙咀可能要貴多一倍先食到

星期日下午近2時仍然好多人,好彩立即有位但真係好逼.見到4人座位坐6人都唔知點坐.叫了肉眼扒午餐($40),湯有清雞湯及忌廉湯,兩種都好淡,唔知係無落味精抑或溝稀.肉眼扒叫了7成熟及well done,7成熟個塊係凍可能係預先煎定,因為well done個塊係熱,兩塊都OK,最低限度唔係梳打牛.飲品叫了咖啡,味道幾好.平心而論,以材料及味道只屬OK而己,仍有好多改善空間但以$40這個價錢來衡量就覺得好超值,快餐店都要呢個價錢,但呢度肯定好食好多.

今天和朋友相約晚飯,便想起金船長,之前來過幾次都覺得食物唔錯,所以再來,今晚点了自選車仔意粉,黑松露菌醬Pizza,還加$2O元轉歺有湯有飲品,黑松露菌醬Pizza我第一次食,得知它曾經攞獎便想一試,上菜的時候,買想已經吸引,仲有好香濃的芝士味,有禮貌的侍應姐姐仲細心講解嗰Pizza的制作過程和食法,原來有兩種味道,好得意好好味,令我覺得好幸福,今晚好開心可以和好友分享美食,令我覺得好滿足。PS:下次再來要再叫那個長髮姐姐介紹我食D好嘢!

Tried there 2 times, the service was good and taste not bad. Burger was good. Will come again!

最近又來過兩次，一次晚餐，一次午餐，因晚餐吃得很飽，吃不下我的至愛--心太軟，所以心掛掛的再吃午餐，為的是心太軟。先講晚餐，吃了白汁意粉配煙三文魚及磨菇，一個Pizza，一柸紅洒(Merlot)。想講的是個白汁，焗過的芝士很好味，很過隱，份量適中。Pizza的餅底是近年較流行的簿餅底，亦是我一向喜歡的類型。不過，對我來說，這個餅底太脆，但整體都很好。餐洒剛放下時喝不錯，有黑色果實的香味，可是半小時後力有不遞，一般而已。想講的是午餐，星期日walk in來到，十二時許來到剛有位，遲五分鐘都要等，好彩。叫了一個西冷牛扒午餐，再加一個茄汁螺絲粉配芝士、三文魚、紅椒，後加我的至愛，也是今次來的目的--心太軟。午餐的西冷扒味道其實一般，但比一般什麼扒X之X的午餐好得多，但想想四十元一個午餐，有湯，有飲品，絕對超值，還有薯菜份量不小，亦有質素。螺絲粉真的不錯，頗煙，茄汁很鮮味，但配芝士及三文魚不理想，最好還是配辣肉腸那類食物。當日吃的海鮮清湯亦不錯，有小魷魚，小青口。心太軟不多言了，上一次講過，個人而言，這是我夾此店的最大原因，當然其他食物亦很有質素。整個午餐二人用，只是$130元左右，開心到不得

今晚第一次去金船長. 有少少失望! set dinner 肉眼趴, 但有用鬆肉粉. 失去了應有質感. 只係淋同滑唔係牛趴應有的質地.餐\盪係好行貨既cream of pumpkin, 可取係夠熱...又係好行貨的蒜容飽. 唔夠香. 唔夠蒜.人人都讚的漢保飽, 可能因為咁, 有expectation, 但唔似食僅漢堡飽. 雖然塊漢保趴夠厚, 但太淋, 可以握實一點. 冇食homemade漢堡飽既味道. 可能主理人以為淋同滑就係一切. 塊漢保趴如果燒instead of煎，可能會好少少. 焗snail, 我冇食, 唔評.煎鵝肝, 煎得唔夠香. 但中心又唔夠滑. 應該滑既就唔滑. 意式侷牛俐飯, 牛俐唔係唔夠鹹, 而係冇肉味......souffle, 食完souffle, 都應該會有種開心, 滿足既感覺. 但今次竟然冇. 唔知點解, 就係唔似食僅souffle. 叫左朱古力味, 原味, 同姜味. 唯一可以讚既係姜味夠...整體來說, 其實都真係幾失望...