金船長餐廳 (已結業)

兩人食左BBQ ribs煙三文casear salad清湯羅宋湯凍檸茶埋單$230, 仲貴過前兩日去california pizza kitchen一砌好一般, 唔值呢個價salad $48, 同前兩日去california pizza kitchen $58 比, 份量少得可憐, 而且只得生菜羅宋湯個feel 太似礶頭貨, 唔掂

店員真係好細心，推介得獎招牌菜"黑松露菌醬意式馬斯卡普芝士夾心比薩"，上枱時介紹食法，提議第一啖唔點嘢，試下佢原味，之後就可以點佢哋特製嘅提子汁；而且又提醒甜品製作時間要三十分鐘左右，最好先落單，會幫我哋預時間上甜品咁。四個人食咗：晚餐兩客（主菜：羊架併青口& 肉排）-- 肉唔熱又勁乾身，完全唔掂呀。芝士肉醬焗薯皮$28 -- 好味，但又係唔熱。黑松露菌醬意式馬斯卡普芝士夾心比薩$88 -- 好重芝士味，極力推介，必食！！朱古力心太軟$35 -- 又係必食！！原味梳夫厘$32 -- 大大份可以２個人食，正(我覺得好味過"甜ｘ蜜"）。不過，店內地下好滑呀~大家小心小心

話說當初我苦無吃的頭緒，便去open rice查看300大最多累積好評餐廳，發現了「金船長餐廳」，不少人對這間餐廳印象良好，於是決定與貓仔在那裏「落腳」。進入店內，燈光比較暗，有好幾張餐桌已放上「留座」的標記，幸好我們訂了檯，才不用排隊等位。(按:第二次光顧時沒訂位，須輪候20分鐘，但店員說我們可出外逛逛，因有位時店員會call我們，真體貼。) 而店內的服務員，態度亦一流，我俾足一百分。好，是時候入正題。小食拼盆:蜜糖雞翼幾入味，炸洋蔥圈外鬆內軟，恰到好處。炸魚柳是此拼盆的皇牌，應該是鱈魚，外邊脆口沒油，內裏滑到不能咬，比fish & chips還好吃! 唯獨咖喱角水準一般。意大利肉醬薯皮:金黃色的薯皮軟硬適中，再看芝士溶在肉醬上的美態，簡直令人胃口大增。這道菜賣相真的一流，大家看看吧!「車仔意粉」:「金船長」其中一類特別菜式，便是即如我們平日吃「車仔麵」一樣，只是選擇的材料不同。據知，老闆覺得很多餐廳的意粉都是「set 好晒」，於是他嘗試讓客人自己mix & match。事實上，他們的意粉比較出名，我記得自選的項目有義大利麵、汁、芝士、配菜、主要材料(海鮮類、肉類、素類...)...

星期五夜晚8點左右想去金船長食飯，因為太掛住個金船長芝士漢堡。點知太多人full booking，唯有叫外賣。忍唔住係架車度食，我諗都過左20mins，但係個包仲係熱既，而且佢地好細心咁將chips分開裝(用可以叮得既膠盒裝個包&chips)，仲剪左個孔透氣。漢堡我叫左medium，好juicy，加上mixed左既洋蔥、半溶芝士，真係食過番尋味。比起專買漢堡包既連鎖店好食好多，甚至我覺得好食過mos burger。但係d chips 就"lum"哂。除左漢堡包& chips之外還有一些生既菜，原本我嫌就咁食會好dry&冇味，但基於不浪費食物原則下就食埋佢啦，咦?!點知食落去發覺佢地已經加左d 沙律醋(應該係醋掛)!酸酸地好好味。不過都有改善既地方，就係可以唔洗用膠盒裝，一來個膠盒都俾佢剪開左，之後都唔可以裝食物周圍走。二來d chips都"lum"哂，不如參考Mc記用包漢堡包既紙包住then再可以用recycle paper bag袋住d chips & burgers丫，起碼拎出剩周圍行都冇咁肉酸&順便宣傳下嘛。ps.外賣加一蚊(每個外賣盒計)

復活節假期前夕，兄弟姊妹想吃一頓豐富的晚飯輕鬆一下，充一下電，選了連續多月高踞十大的金船長。預約了九點。甫一到達，便見門口的店員，正忙於向致電查詢的食客耐心描述前往餐廳的路線，充分反映店員待客的熱誠。餐廳的面積雖然不大，但在柔和微暗的燈光下，播放著經典英文情歌，既舒適又有格調。（如果能播放只有純音樂的版本就更顯寧靜）一行四人，點了以下菜式：兩客晚餐‧忌廉汁燒三文魚跟意粉‧肉眼扒（五成熟）跟白飯‧跟忌廉南瓜湯及羅宋湯煙三文魚凱撒沙律薄餅肉醬薯皮小食拼盤（洋蔥圈、咖哩角、炸魷魚鬚、蜜糖雞翼，跟甜辣醬）金船長芝士漢堡橙味梳乎厘心太軟整體而言，食物水準不錯，熱食端上來的時候都很新鮮熱辣。湯方面，忌廉南瓜湯味道清甜，口感香滑幼細，女士們很喜歡；羅宋湯夠稠厚，不過卻沒有羅宋湯應有的微辣，感覺像飲罐頭的羅宋湯，顯然較南瓜湯遜色。小食拼盤：洋蔥圈很有水準，外層不會太厚粉，又不會太咸；蜜糖雞翼亦不錯，外皮微微焦黃，肉質嫩滑，蜜糖的甜味和雞肉的鮮味剛好平衡；不過，炸魷魚鬚外皮不夠酥脆，咖哩角跟超市急凍貨色沒有太大分別，餡料太薄太少。薄餅：蔬菜和煙三文魚很新鮮，薄餅底夠薄夠脆。主菜：大家都很喜歡燒三文魚，肉

星期六,同個朋友去食dinner, 4個人(2男2女) 選左金船長啦, 佢地未食過, 打去book位,想book8:30, 但佢都叫我地預夜少少,要8:45~9:00左右.....8:40去到, 仲未有位.....個女待應佢好有禮貌講左好多句"唔好意思", 叫我地行一陣,有就立即call我地(but, 果頭有乜野行呀..)等到9:15, 有位了~ 一入去D待應又講左好多句"唔好意思"..哈哈~ 一坐底就立即點野食(因係門口已選定)點左:椒蝦凱旋沙律黑松露菌醬意式馬斯卡普芝士夾心比薩金船長牛肉漢堡自選車仔意粉(兩款芝士+蟹肉+白菌....)set dinner 紅酒汁肉眼扒薑汁梳乎厘朱古力梳乎厘朱古力心太軟餐飲Total : 540.00** 本來我地仲order左個薯皮,但經過男待應提議,我地叫左上面咁多都夠了, 所以無要. <<-- 加分!!Order 左咁多樣野食, 真係樣樣都好好味~ 低佢咁多人推介. 唯一要改善的係上食物的timing..因為我地太多野食,未食完個芝士夾心比薩個意粉已經上,攪到食意粉時d意粉已經凍左d d.....臨走,d待應仲講多幾次對唔住要

見到咁多食評，諗住黎試下但沒有book位。晚上八點去到，待應同我講walk in要等三張枱四十五分鐘左右。好啦！八點四十分再去等，見到有三張枱的客人已進入餐廳。我便走過去問待應係咪下一張枱到我，佢竟然話又要我再等多四張枱，有冇搞錯！！！同時另外一位客人亦跟我一樣的遭遇，見到餐廳內有張四人枱，佢堅持唔肯比張枱我們，九點十五分我再問佢仲要等幾耐，佢完全無諗過比張我們，叫我們繼續等，。實在離晒譜！！！最後，我惟有去其他餐廳食飯，浪費了我個幾鐘頭時間。這樣的服務態度及安排實在太差，不如好似d壽司店咁攞飛咪算囉，又要搞咁多野。

在一月剛去完南極.所以昨天約了幾個團友去食pizza.和睇相.叫了一個蕃茄芝士pizza.黑松露菌醬夾心pizza.牛肋排晚餐.羊膝晚餐.野菌忌薕湯.大蔬乎里(羌味)意大利奶凍.每人都食得很開心.還大讚我好介紹.食完之後就開始睇相.回憶起南極的雪和企鵝.真開心.

見到甘多好評, 於是星期六就同友人黎呢到食...叫左個車仔意粉(有煙三文魚, 巴拿馬火腿, 同cheese), 黑松露pizza, 心太軟....全部都好好食...service又好, 係唯一個意粉我覺得"林"左d...一定會再去過

果然無介紹錯!!!之前睇過d食評話好好食，於是上星期六(1/3)就同左男友去食位置有d偏僻，但好彩唔難搵七點半左右到達，要等位，大約等左2個字就有位了座位好迫下，同隔離枱得好少好少距離(同枱位姐姐係度講鬼故，一路食飯被迫一齊聽，好難頂)叫左下面的野芝士肉醬焗薯皮$28好味，份量夠，但如果芝士多d會仲好特色車仔意粉$58我地要左佢set好個個，青咖哩汁個款，味道辣辣地幾開胃，有d蜆肉，但配鴨胸就唔太match芝士漢堡$40呢個包好大個，X記同佢真係無得比，面包鬆軟，牛肉有肉汁，真係即叫即製的美味，仲配有一D沙律菜同熱辣辣即炸薯條，必食推介!!!香蕉梳乎厘$35都係即焗，好香香蕉味，有D香蕉粒但唔係好多我地仲加餐$30要餐湯(匈牙利牛肉湯)同餐飲(榛子咖啡)比起主菜，但湯同飲品就失色左D了，但咖啡幾好飲，但榛子味不太濃，唔講真係飲唔出囉，加上加30元的話就有點兒貴…不過呢間野就係稱得上好食抵食，我一定會帶埋屋企人去食多次!值得一提係呢度的服務態度更好，雖然好忙，但仍然好招呼，很週到，加油!!

夜晚都想食番餐好的，由原目標飛鷹餐廳升級至金船長餐廳。由信和中心行到去奧海城，再行多幾條街先到，事前好在有睇下個地圖，因為真係幾偏僻難找。成功來到，仲要唔駛等位，真幸運。隱約記得之前飲食男女的介紹，便叫了黑松露Pizza、車仔意粉(天使麵、卡邦尼汁、xx利娜芝士、白菌、墨魚仔、煙三文魚)、芝士焗青口及心太軟朱古力布甸。先來車仔意粉，由於我地叫的配搭都很正常，所以賣相、味道都很正常。芝士味易令人接受、卡邦尼汁夠Creamy，不過稍嫌墨魚仔不夠新鮮，和煮得稍「林」。黑松露Pizza，甚麼東西也不加下吃第一塊，上面的芝士脆口及少咸，中間軟芝士都幾滑，整體感覺不俗。隨即轉第二食法，加上果醋，嘩，立即提升了胃口，亦消膩，很快又完成第二塊了。到第三塊的第三個食法，加有機沙津兼果醋，一來沙津口感很脆，增加了整體口感，加上有果醋，是最對我口味的食法了！芝士焗青口都算不俗，首先不會一味得芝士味，起碼不會搶走青口的味道。不過青口稍熟(生一點其實也怕多菌...)，但總算覺得幾新鮮，難得。心太軟的水準不錯，不過唔覺得同其他地方食到的有何大分別了...服務當然是超級讚，有禮貌及主動的表現令人留下不錯的印象。不過

今次已經係我第2次去食~服務態度仍然係---好好~而去到當然要食皇牌既burger同黑松露菌pizza~水準還是很好~ 今次用手拎住個burger食,大啖大啖咁咬住個burger,唔'un'又厚既牛排與熔左既芝士一同放入口中~~~yummy呢~但係個pumpkin soup相對下,就麻麻地lu,可能'傑'得滯~之後甜品叫左心太軟同橙味梳夫厘~熱呼呼既朱古力+凍冰冰既雪糕一齊食~好特別又幾好味!而梳夫厘也還好,不過本人較愛心太軟^^大家如果想食,記住係order main course果時叫定,因為製作時間都要成廿幾三十分鐘~今日最特別係由於有朋友尋日生日,咁今日就同佢食飯補祝生日,問船長有冇candles可以插係個甜品到,點之佢比支candle我地之餘,仲同我地一齊唱生日歌同影相~佢真係好nice呢!總之今日好多謝間餐廳比左個歡樂既晚上我地^^

專登黎食~因為太多好評了~三人叫了cheese burger,salmon 凱撒salad,黑松露菌芝士夾心pizza,一個車仔意粉,羊西冷配薄荷汁,香蕉味梳孚厘,心太軟~全部清曬~waiter service好~burger會話幫我地切三份~for 我地share食~要了7成熟~肉好淋,冇渣~好味~薯條係粗薯條~好味~好好好抵食,黑松露菌芝士夾心pizza特別,面頭芝士好香~waiter會教你食法~有兩種的~加了他們的果醋~好fruity...車仔意粉要了卡幫尼汁,墨汁麵,調味料除chili外,全選,再加白菌,龍脷柳...焗得好香~waiter必定會跟埋芝士粉同辣椒仔俾你~gd service~大家都好欣賞甜品~香蕉味梳孚厘,竟然真係有蕉肉~做得唔太甜~好味道!!!!而心太軟~一义落去,好驚呀~漏晒出黎喇~哈哈~正~一凍一熱~總括而言~抵食,好食,要book枱...

之前係度睇好多食評,已經好想去試,終於尋晚有機會去到,先講地點,都唔係易搵,不過電話入面個哥哥好好人,教我地去,我地去到果陣,佢都係度教緊人點去我地去到時未有位,但侍應哥哥就俾左幾粒puff我地食,都幾好食架,之後有位就入去,開始左我地既晚餐la我地叫左:南瓜飯,辣肉腸pizza,意粉,漢堡包,樣樣都好好食,意粉個汁好香,好cheese,同埋d野菌味好香,呢個好好食,南瓜飯都好食,唔太濕,又係好多cheese,但又唔會太滯,漢堡包都好食,不過pizza既辣肉腸就少左d,食落唔多覺跟住就到甜品喇,我地叫左心太軟同蘋果批,心太軟好食呀,一食入面d朱古力漿流晒出來,連埋雪糕一齊食好正,不過我覺得個蛋糕面可以厚d同埋焗耐d,anyway,都好好食,蘋果批都唔錯,又脆又香最後侍應哥哥仲送左個疏夫厘俾我地食,好大個呀,已經係細size呀,見到隔離台果d真係成個蛋糕咁大,個疏夫厘好軟心,好香蛋白味,一陣就食晒了呢度真係好好,包括食物,服務同價錢,同埋我鐘意呢d小店既環境,好有家庭既感覺,下次都會再去~~

第一次去食金船長食dinner, 有d期待......叫左一個肉眼扒, 餐湯係牛尾湯,芝士漢堡, 黑松露菌pizza, 心太軟同疏乎厘. 肉眼扒5成熟, 係細左d, 但入口有融化既感覺, 牛味亦濃, 非常正!芝士漢堡仲正!! 個姐姐推介7成熟, ok, 就7成啦!一試, 真係好鬆軟, 好juicy, 加埋芝士, 洋蔥同酸瓜, 滋味到唔識形容!男友一住食, 一住話好味好味~個湯幾清,不過不失.黑松露菌pizza 個look 幾意想不到, 原來係八塊疊埋既" pizza". 個面鋪滿芝士粉. 中間係黑松露菌. 芝士味非常濃, 不過食左2件就有d"漏", 結果係男友啃晒.心太軟等左好耐, 上檯賣相唔錯, 叉落去, d 朱古力醬"擠"晒出呢, 不過我地都覺得佢甜左d, 食完幾"漏".疏乎厘ok.服務好好, 個個服務員都有禮貌又勤快, 開頭我地諗左好耐食咩, 個女服務員同個相信係老闆既男士俾左幾多意見(但唔hard sell). 總結呢講, 好滿意!