金羅寶韓國料理

营业中

休息中

以前韓燒一向都係好多朋友既首選, 以前我的朋友們十之八九都好喜歡食韓燒來個聚餐。好多年前, 由韓燒放題到現在的優質版韓燒, 一直都好盛行。但是最近食韓燒, 都會有限時...限時個半鐘, 限時兩個鐘...講真的, 好掃興。一群人好不容易才約得到, 想說多聊會天都會被人限制...所以朋友們都漸漸不以韓燒為gathering 之選。今次同肥膏來到「金羅寶」, 令我又再一次想約朋友仔們再食韓燒gathering! 因為這裡沒有限時, 而且最重要的是, 坐得好寬敞舒適! 在銅鑼灣這個鬧市, 環境大真的是一個大優勢, 客人坐得舒服, 食物也當然會加分。點完菜之後, 店員會送來幾碟餐前小食, 最好味是甜薯仔及南瓜, 兩樣都好好味, 我一個人食晒! 另外新鮮的泡菜也好好味, 因為新鮮做的, 所以菜還很爽脆, 辣味又適中。小魚乾, 肥膏說好好味, 他一個解決了一碟。其他小食不難吃但就一般。五花豬腩肉 HKD 148.00韓燒又怎少得五花腩!? 這一盤的五花腩, 有一定的厚度! 我們都好驚訝, 因為之前去別的韓燒店食, 都好薄的, 這裡厚厚的, 份量好大! 突然就覺得好抵食! 原本五花腩最好配生菜, 可是

*小碟前菜韓國菜有大量的前菜；最愛就是牛舌這一碟。*鐵板烤肉套餐 ($85)這個相比起其餘兩個菜普通了一點；不過烤肉有豬、牛和雞真的很夠；每一種肉都用上了不同的醃製方法，但全部都很夠味。*紅炆牛肋骨煲 ($88)牛肋骨和蘿蔔都炆得超淋和入味；味道帶點甜甜的，拌飯都不錯。*燒鰻魚石鍋蓋飯 ($120)很耐沒有吃過有飯焦的石鍋飯了！這個石鍋真的超夠熱，整個飯底都是飯焦；放了一會飯都很夠熱；鰻魚真的很矜貴；有紫菜、蘿蔔絲、菜和洋蔥等的配料拌飯。*熱紅棗茶 (+$12)不太甜，不錯，不過份量少了一點。*凍柚子茶 (+$15)朋友點的

已經好久沒有吃韓國菜了，上網找找好評的韓國餐廳，决定試試銅鑼灣記利佐治街1號金百利廣場6樓的老字號金羅寶韓國料理，餐廳非常寬闊，坐位多又夠大十分舒適。韓國餐廳最正就係先來8款前菜小食開下胃先：泡菜、芽菜莧菜、薯仔、辣荀、翠玉瓜、魚仔、年藕、海藻人蔘雞（半）$168熱烘烘的雞湯非常鮮味，而且香濃不油膩，喝完之後不覺得口乾。雞骨頭都被煲得軟化了，一咬即碎。雞肚位置釀了糯米在裡面，糯米腍身而且吸了湯和雞的精華令味道帶蔘香和雞的鮮味，非常傳統的做法。紅炆牛肋骨煲 $188份量好足，每件牛肋骨都骨肉相連，牛肋骨好夠腍而且好入味，湯底帶微甜，好食到汁都撈埋。牛肉石鍋雜錦飯 $128職員會附帶韓式辣醬並且加入飯中拌勻，但因為筆者不吃辣，所以還是自行添加好了。如果想吃到有飯焦的效果，就最好每1-2分鐘就輕拌石窩飯幾下，可以使飯不會太濕之餘飯焦又不會太乾硬。牛肉很香口，飯拌勻後又惹味又有口感，一窩足夠3-4人分享食用。薑茶 $25紅棗茶 $25甜品雙重朱古力雪糕

今晚要與兩位長輩吃晚飯，不想再帶他們吃中或西餐，知道他們平時比較少吃韓菜，於是決定帶他們去吃間正宗又坐得大方又舒適的，所以筆者今晚又再次來到金羅寶。8款前菜小食：泡菜、芽菜、薯仔、辣荀、翠玉瓜、魚仔、年藕和海藻。由前菜起，長輩已經吃得津津有味，讓我覺得安心而且卻沒有選擇錯誤。吃韓菜應該一試它的燒肉，而且長輩喜燒吃肉，所以點兩款肉作韓燒。《調味牛肉 $128》燒的時候你會看見肉汁溢出，令人涶涎。牛肉無筋，調味剛好沒有過咸，味道亦帶點甜。《雞肉 $128》雞肉嫩肉又入味，所以無須蘸太多醬汁都已經好惹味。但食韓國燒烤又好難不去蘸醬，附上的韓式辣醬辣中帶甜，很惹味。正宗韓燒是不用加油的，只要將肉放在爐中心位置兩面燒一會就可以，燒燶了鐵爐的話職員都會替你更換。《鮮生菜拼盤配豆醬 $75》內有生菜、生蒜和紫蘇葉，用生菜包著蘸了醬汁的燒肉令整體多了一份鮮味，而紫蘇葉令食物入口增添了一份特別的香，更有感低燒肉油膩感的作用。《紅炆牛肋骨煲 $188》牛肉湯濃郁帶甜，牛肋骨份量足，大件有肉，而且肉燜得好嫩，半肥瘦入口更覺軟腍。甜品（附送）：紅棗茶 雙重朱古力雪糕

金百利位於銅鑼灣鬧市 美食集於一棟大廈內揀左好耐食乜好 最後決定試試依間韓國料理平日都唔算多人 唔洗點得位 可以選擇韓燒 鍋 小菜 包覽韓國既地道美食 上菜速度都幾快 服務都幾周到 會幫你剪下野 落下野 韓國菜唔少得前菜幾小碟 小碟既味道偏淡 然後下酒既紫菜用番韓國原味紫菜年糕可以再辣d 個汁唔夠味 年糕有口感人篸雞湯 係好香好滋補 雞肉唔會煲完而好乾身 湯水夠清 人篸味唔會太濃太甘 溫和易入口泡菜煎餅係唔少得架一定 煎餅既粉剛好 泡菜份量都足夠 可以唔沾醬汁都好食個鍋麻麻 反而個甜水幾出色 紅棗茶係送既茶連杯都好燙手 要等等先飲 已經好香紅棗味 紅棗係煲到好溶 好濃味 好天然既甜

今晚想吃韓國菜，這家餐廳數年前光顧過，菜式很地道，口味偏辣。餐廳裝潢傳統，以樸實的木紋為主調，木質地板配簡潔的沙發座椅，乾淨舒服。有不少地道的韓國菜，例如牛肚鍋、炸醬麵、烤肉等。點餐不久，便送來八款前菜，有薯仔、西蘭花、醃蓮藕、白飯魚、泡菜和芽菜等。最好吃就是馬鈴薯，微熱，入口軟糯糯的，又甜又好吃。⭐️石煲烏冬$120湯底清淡而鮮甜，配菜很豐富，有芽菜、魚板、蜆、雞蛋等，味道清淡。⭐️美味安康魚湯$220湯頭有甘甜的鮮魚味，非常順口！魚肉爽口彈牙，不過要注意骨刺喔！還有各款蔬菜和豆腐，味道不俗！⭐️白飯$12⭐️燒紫菜$35白飯配香脆的燒紫菜，軟糯糯的米飯配搭微鹹的紫菜，簡單卻是人間美食呢！⭐️柚子茶$28吃完飯後，原來還會奉送紅棗茶和雪糕，雪糕香甜可口，奶味濃重，很不錯呢！

不是第一之到新羅寶吃飯了，因為這裡相當就腳，地鐵站一出就是，加上好記得他們前菜的八小碟，免費且種類繁多，完全不hea，這晚和好朋友慶生，一於再吃！ 贈送：前菜 點餐之後，餐廳即送來我最愛的八小碟，除了大路的泡菜、大豆芽菜之外，還有好多特色美食，例如是我好喜歡的南瓜、牛舌、豆腐卜、泡菜煎餅等等，單是吃這幾碟已半飽，哈哈！ 豆腐煲 ($135) 朋友點了豆腐煲，心裡暗忖：「不用這麼清淡吧！」來到卻是十分驚喜，因為裡面有大蝦、雞蛋等等，湯底相當鮮味，充滿了蝦的精華，石鍋上桌，熱辣辣，真的喜出望外。 韓式牛肉雜菜炒粉絲 ($138) 粉絲炒得相當入味，內裡藏了好多牛肉碎片，味道是不錯的，可惜油膩了點。 煎蠔餅 ($148) 中式蠔餅吃得多，想不到韓式都有呢！八小塊，每塊上面都有一粒小辣椒，蠔頗鮮味，蠔餅質感較實淨。 贈送：紅豆雪糕 結帳之後，店員送了我們雪糕，有抹茶和紅豆味選擇，朋友果然是好姊妹，大家都選了紅豆，清新甜美，讚！

今日行開銅鑼灣，決定去我最愛的韓國餐廳食飯！呢間野唔止經濟而且交通方便～就喺地鐵站上面😆裝修非常舒適寛闊，首先一上來會俾咗八小碟我先～多元化得來，樣樣都好食！最好食一定係薯仔，甜絲絲得來薯仔又入味😍😍😍😍只係個薯仔都值得嚟多次。炒米粉亦都係其中一個傑作⋯⋯俾老婆仔兩啖扒晒呢個牛肋骨湯係每一次同老婆仔去呢間鋪頭必叫的💕湯頭用白蘿蔔芹菜牛肋骨煲成，香氣十足，口味濃郁，而且十分鮮甜！再加左啲蛋花～～正！而且湯入面中加入了粉絲入晒味之餘又增加了不同的口感～飛魚子石頭鍋飯：分量十足。上面鋪滿晒魚子😍賣相10分吸引！真係個樣都贏曬～撈勻食～粒粒都粘晒魚子！每啖都有脆脆口感。魚子的汁液都流了出來，帶點鹹鹹香香的感覺⋯⋯想不到效果是這麼匹配😍😍而且仲有我最鍾意嘅紫菜鋪面幸福就係如此簡單鹽燒鯖魚：燒得金黃金黃😍非常香口，外皮酥脆肉質滑滑，又含有豐富油脂，配上檸檬汁，完全勾起條魚的鮮味！味道非常好！而且只有中間一條大骨～粗心大意嘅朋友都可以放心點嚟食～真係好鮮㗎最後仲有清涼消暑的雪糕贈送，超級開心😃雪糕是士多啤梨味，軟滑之餘，甜絲絲柚子特飲清涼舒適又唔會過甜，最啱攞嚟消暑解渴而且杯子嘅非常精緻見到都開心

女生愛shopping，又到銅鑼灣買化妝品去呢！攜著戰利品不忘吃個午飯再搏殺。前菜八小碟，這邊做得到家，當中我最喜歡吃🥔蓮藕，十分軟糯。辣豆卜和魚羔也做得不錯。紅炆牛肋骨煲88牛肋肉每口都香鬆，也保留嚼勁還有🥕白蘿蔔做配料，所以肉有甜味呢。高麗人參雞湯98真材實料的雞肉很入味，人參更是條條可見，雞味道濃郁，喝得人不能欲罷。白灼八爪魚238擺得精美，八爪魚加上海帶沾辣醬吃好鮮味，並帶幾分脆爽。凍人參茶28少了冰後喝下一樣順喉，蜂蜜分上可自行控制份量。食後感：環境寬敞，食物吸引，會再來啦！

上星期一，放工約左姐姐去銅鑼灣食韓燒；今次佢book左金羅寶韓國料理，因為上次食過亦同樣不錯，所以今次再次看看食物質素是否一樣呢！環境方面，差不多坐滿食客；可以知道金羅寶既味道一定吾差，場面十分熱鬧，而座位舒適啊！多款前菜以供食客食用！調味牛肋骨肉：牛肋骨已被師傅除去骨，以一片片牛上菜，令食客更為方便！牛肋骨因已調味，味道juicy外，不需點醬汁已夠味道！牛脷：師傅將牛脷切成一片片薄的，令食客易燒又除，食落不會覺得太硬。牛脷燒後依然軟軟的，不會覺得消化不到。而且還滲出不少肉汁！魚柳：本身朋友order叫魚柳既時候好抗拒，但當食起上黎，完全令我驚喜。首先魚柳亦相當易燒，吾易散晒。燒後，魚柳為金黃色，口感嫩滑，咸味剛好，個人推薦大家食用！炸醬麵：為左更加飽肚，我們特意order左韓國必食炸醬麵。依度既炸醬麵份量足夠，如二人食用足夠有餘！麵質彈牙，但吾會一夾就斷。配合帶有鮮味既醬汁一齊食用，咸度剛好，味道配合啊！Cola light：可解解渴呢！還有雪糕甜品送添。

之前聽朋友介紹話銅鑼灣間金羅寶韓國餐廳好好食，所以今日就同朋友放咗工去試下。本身諗住嗌個石頭飯同麵share 試下就算，突然諗起朋友介紹話呢度韓燒啲嘢醃得幾好味。所以嗌咗個牛肋骨嚟試下，睇佢價錢好貴，原來呢到都好大碟㗎喎。牛肋骨醃得好入味又唔會好銀。我覺得唔使點個醬汁都已經好好食，點埋就更加錦上添花。鰻魚石頭鍋飯同炸醬麵都好大兜，兩個女仔食其實食唔曬。我就好鍾意食石頭飯因為食極都唔會凍，熱辣辣 好正。下次再嚟我會主打食燒肉，佢啲燒肉醃得真係好出色，我第一次食到咁好食嘅韓式燒肉。我食過咁多間韓燒都冇呢間做得咁好。推介！！5**!!

之前聽朋友介紹話銅鑼灣間金羅寶韓國餐廳好好食，所以今日就同朋友放咗工去試下。本身諗住嗌個石頭飯同麵share 試下就算，突然諗起朋友介紹話呢度韓燒啲嘢醃得幾好味。所以嗌咗個牛肋骨嚟試下，睇佢價錢好貴，原來呢到都好大碟㗎喎。牛肋骨醃得好入味又唔會好銀。我覺得唔使點個醬汁都已經好好食，點埋就更加錦上添花。鰻魚石頭鍋飯同炸醬麵都好大兜，兩個女仔食其實食唔曬。我就好鍾意食石頭飯因為食極都唔會凍，熱辣辣 好正。下次再嚟我會主打食燒肉，佢啲燒肉醃得真係好出色，我第一次食到咁好食嘅韓式燒肉。我食過咁多間韓燒都冇呢間做得咁好。推介！！5**!!

金百利有好多間餐廳，所以有時間諗唔到食咩就係去睇下有咩好食😆想食韓國野所以揀咗金羅寶，呢啲傳統啲既韓國菜會有埋啲前菜，又有泡菜又有菠菜等。叫咗2個湯，豆腐煲 ($135) 少少泡菜味，應該係大醬湯既味道。豆腐好嫩滑，同一個辣辣地既湯一齊食落，特別暖胃又開胃。入面仲有蝦同蜆~人參雞湯 ($160/細)都係必叫既食物，好大舊雞成隻咁上，雞肉好嫩滑，一啲都唔會覺得又乾又鞋。人參味都食得岀，但味道比韓國食到既會冇咁濃烈，湯飲落都幾清👍🏻燒鰻魚石鍋蓋飯 ($168) 估唔到韓國餐廳既鰻魚食落都唔錯噃，幾肥美。最愛底下燒脆卜卜既飯焦😆 撈埋少少韓式辣醬味道更佳。最後原來仲有甜品。。係紅豆雪糕同紅棗茶二揀一

同朋友去銅鑼灣Sogo買野，之後朋友帶我去附近的金百利廣場食晚餐，上到6樓，入左一間叫金羅寶韓國料理，朋友說好喜歡這裏，可以食到正宗的韓國菜，而且餐廳地方大，座位寬敞，今天專程同我來食，讓我試試這美味的食物。侍應送上食韓國菜必有的前菜，數小碟韓國漬物，精緻又美味。朋友介左牛肉，所以我們點了豬肉拼盤燒烤，數款豬肉擺設整齊，大大碟上枱，有些醃製過不同部位的豬肉，燒熟後食落都好入味，有口感但不會硬，有一樣五花腩沒有醃製過，有原汁原味的口感和味道，也可點些醬汁提升味道。羅白湯清甜韓式炸醬麵，炸醬夠味，與口感滑溜的麵撈匀食，甚惹味！美食當前少不少啤酒！每位客人食完晚餐後，都會奉送餐後甜品------雲呢拿雪糕。好貼心。

今天有朋友從韓國來港旅遊，並約我食飯聚一聚，我就帶她往銅鑼灣的金羅寶韓國料理，之前我老板請客時，我有一同食過，正宗的韓菜館，食物質素和招呼都不錯，而且餐廳環境雅緻，座位寬敞舒適。入座點菜後，侍應送上八小碟前菜，這是食正宗韓菜必有的，味道有辣和不辣。朋友喜歡食烤豬肉，就來一個燒烤的豬肉拼盤，有已調味的豬排骨、豬頸肉、豬肉，肉質不硬，味道調較得入味，沒有調味的五花豬腩肉。食到豬腩肉的原味，有口感，也可點些醬汁提升味道。羅白湯好清甜！海鮮石鍋雜錦飯，用熱騰騰的石鍋盛載上枱，侍應會將韓式辣醬加入伴匀，好惹味喔！材料有海鮮，我最喜歡是爽口的蝦，還有石鍋底部的金黃色的飯焦，十分香口。高麗人參雞湯，上枱時已清香撲鼻，份量足夠二人享用，有半隻雞，內藏有糯米，湯內還有人參、紅棗等。侍應會為客人將雞剪開，糯米會使湯更濃郁，味道香甜又滋補。最後還有甜品送，雪呢拿雪糕又滑又甜，好味！