金羅寶韓國料理

营业中

休息中

係香港食過咁多間韓燒, 總係對呢間金寶羅念念不忘, 特別係佢地既烤肉, 肉類醃得入味又夠林, 而且餐廳內抽油煙設備做得相當好, 就算附近食客都韓燒緊, 都唔會有太大油燒, 而且大部分卡位, 坐得舒服, 岩哂約埋三五知己一邊燒, 一邊傾下計。今次已經係唔知第幾次踏足金寶羅, 雖然價錢較高, 但食物質素係有保証, 間唔中食一次都可以接受。落order後送上8款韓式前菜, 果然跟韓國一樣款待, 很地道每次來到金寶羅, 定必會Order幾款牛肉: 【調味牛肉】HK$128呢款牛肉主要為較碎既牛肉, 被醃得甜甜地, 沒有根連帶, 口感較林【調味牛肋骨肉】HK$168已被去骨, 牛肋骨肉被切成一小片一小片薄薄的, 肉味比上面果款較重, 口感相對重一點, 但唔會難咬開【牛脷】HK$148份量都幾多, 牛脷厚薄均一, 呈粉嫩色, 烤後點一下麻油鹽既調味, 味道更昇華【魚柳】HK$148魚柳幾嫩, 啖啖肉, 被醃得帶少少鹹味【海鮮煎蔥餅】HK$138煎餅表面唔算油膩, 煎至金黃, 幾香口, 入面有蔥、蝦、紅椒、魷魚等...【橙汁】HK$25最後送上甜品 --- 芝麻雪糕作完美句號

睇完呢輪韓劇又入晒腦, 想食韓國菜嘅指數爆晒燈, 心動就不如行動, 今晚放工後又上黎呢度開餐鍾意佢呢度環境坐得超舒服, 就算2人都可以坐到卡位; 抽風系統又做得好, 食完都唔會一身燒肉味道有其他韓式菜式, 如鍋類, 麵/石頭飯/煎餅等, 但今晚主打食燒肉, 肉類有牛/豬/鷄/羊及海鮮類, 仲有D係內臟部位, 真係可以各式其色!點餐後, 侍應一次過送上呢幾碟前菜, 每款都好味道, 好快已經放滿左半張枱!  其中有一碟係生菜和洋蔥絲, 侍應話係用黎夾住肉一齊食會仲好味!  (果然又真係喎, 多一種食法)呢客牛脷 ($148)份量豐富, 肉色吸引, 每片都有相當厚度, 唔係薄切架!  牛脷味濃, 口感軟滑得黎又帶點嚼勁, 點少少鹽食又係好味喎, 再唔係唧少少檸檬汁又可以中和下個膩感!對於烤肉, 個人黎講一定要叫牛肉啦, 呢到供應多款牛肉部位, 想食得輕鬆D就叫左呢碟調味牛肋骨肉 ($168)每片大小適合一啖食, 或者用生菜包住食!  兩邊燒一燒就食得, 入口肉質鬆軟, 無需點醬汁已經有味道, 牛味都幾香濃, 正呀! 配埋個烤紫菜 ($35)包住一齊食, 係咪好韓國人食法呢?!  肉汁加烤紫菜

今日同老公仔專登去銅鑼灣食韓國菜～嘻嘻!本來都驚唔夠食 一開始大家都諗住叫三餸一湯～點知叫叫下先發現⋯原來係呢間鋪都係唔適用㗎!一入到去發現門面非常之闊落，而且好靚！裝修充滿韓國風味之餘⋯⋯旁邊亦都有好多不同的擺設點綴! 首先我哋叫咗牛肉炒粉絲黎試吓！牛肉炒粉絲粉絲彈牙而且牛肉量多～無筋之如！炒得乾身又啱啱好，粉絲非常入味！好味牛骨湯簡直必食～配上大量嘅蘿蔔芹菜煲牛骨，湯底非常鮮甜牛骨冇＂蘇＂之餘大大嚿，容易咬開，一定要點下秘製嘅醬汁食～簡直一試難忘⋯⋯而且份量足料得令人感動！八種配菜覺得好食～基本上食完呢啲都有少少飽！最好食一定要推介醬煮薯仔～甜甜地之餘薯仔又夠入味！好味好味~最後就叫多咗個石頭鍋飯!!嘻嘻~飯桶夫妻當然始終要有飯到肚！一想到枱就聽到令人興奮嘅熱辣辣吱吱聲~侍應哥哥會即刻幫你炒呀炒~當堂香氣四溢！配上紅蘿蔔絲香菇絲牛肉飯等等炒在一起！一啖飯飯多方面滿足～而且調味啱啱好！與喜歡辣的朋友更可以叫侍應加辣醬~飲品方面人妻決定做養生達人所以叫咗紅棗茶紅棗茶䁔粒粒甜絲絲，入口嘅時候非常順滑！凍柚子清涼又解渴，啱晒消暑嘅夏天最後餐廳會奉上甜點作為這一餐畫上最完美的句號人妻就揀咗雪

韓燒永遠是我平常外出用餐想食既頭幾位今次與友人相約金百利這間韓國餐廳用餐之前曾到過舊的尖沙咀分店用餐對它的食物念念不忘這次再來一次環境舒適 寬敞 不會有什麼油煙味抵讚 坐得舒服點餐後先來的是8小碟全部都很惹味 光食都飽左一節小妹最喜歡其中的泡菜 薯仔 蓮藕我們點了調味牛肋骨肉$168小妹最欣賞店員非常勤力經常主動幫我們添水/換鐵板牛肉質鮮嫩 厚薄適中調味好味道已經足夠不用再添醬汁味道非常好冷湯面$128冷面夠涼浸浸 已經加了醋味道酸酸的 很醒胃降溫一流煎蠔餅$148略嫌粉有略多 但煎得金黃香脆蠔仔份量亦不少 3人以上點會比較合適香口野 食停口最後有紅棗茶/紅豆雪糕選紅棗茶味濃 不過太甜了 淡一點反而更好朋友的紅豆雪糕也不錯～非常滿足的一餐期待下次試下其他肉類

喺銅鑼灣金百利有得食韓燒呀！就係金羅寶韓國料理！呢度食韓燒都有好多選擇不如先睇下個Menu先有唔同種類嘅燒物可以選擇，當然唔少得有牛肉，豬肉同雞肉，仲有魚，蝦，帶子同蔬菜可以做韓燒👍🏻👍🏻食韓國菜唔少得有鍋物當然唔少得仲有人蔘雞可以選擇同埋好出名嘅豆腐湯食燒肉當然唔少得要飲返個清酒🍻🍻未食主菜已經有好多配菜啦，可以清清腸胃👍🏻呢個就係辣鱈魚湯煲，味道都唔錯，啲鱈魚好滑，同埋有好多配菜，令到個湯底都幾鮮味😋當然唔少得嘅係燒肉，呢啲係牛胸脯肥肉好有牛肉味，肉質唔錯，不過本人就覺得肥咗少少仲有甜品食每人可以選擇雪糕或紅棗茶😝😝整體來講係一個豐富晚餐

工作辛苦後當然要對自己好一點啦，於是一早就相約好同事放工去大吃大喝啦！金羅寶是比較傳統的韓國料理，令我對佢的期望很高呢！！餐廳除了有燒肉外，亦有多種韓式小食、粉麵及鍋類等！食韓國菜其中一樣我最喜愛就是餐前前菜，總共有八種提供給我們呢，味道絕對有誠意，特別是泡菜為餐前開開胃呀！五花豬腩肉🐖肥廋分明，是最愛的豬肉部位，用來做韓燒絕對油脂甘金，又不會過鞋！調味烤牛肋骨肉🐂牛肉預先醃好，吃落更有肉汁，牛肉軟腍，油脂足夠，很重牛味！不需點太多醬就可以啦！到現在還回味著燒肉的香味！覆盆子酒吃燒肉配韓國地道的酒是必須的！聽就覆盆子對女性有養顏效果，此酒酒味有一點重，但有淡淡的果香味！煎蠔餅一向都是蠔的愛好者！此韓式蠔餅的粉漿有一點軟棉棉中帶一點QQ的，口感很好！一件蠔餅內已有兩至三粒大大的蠔，內裡還保持軟滑，真的比一般海鮮煎餅更好味！韓式豬肉什菜炒粉絲一上枱就開噴噴，粉絲十分彈牙，不會過油膩！紅豆雪糕完餐後餐廳還送上甜品，雪糕甜度適中，剛剛中和主菜的飽肚感！金羅寶真的是高質的傳統韓式料理，地理又十分方便，鄰近銅鑼灣地鐵，放工約朋友的好選擇！

小秘書 每次嚟「金羅寶」食飯，唔多唔少都因為想食佢哋嘅韓式Gimchi，五顏六色細細碟🥣單係擺喺面前已經夠吸引👀 佢哋嘅🐮炆牛肋骨係我嘅至愛，辣豆腐湯🌶都好正呀💨💨💨不過特別一提係餐後果杯 #紅棗茶，濃度幾乎係70%紅棗肉😍 飲完一定好好瞓啫！

韓國菜，比起燒肉，料理更吸引我，款式多，健康，變化更多前菜更是吸引，有辣有唔辣，酸甜清，咩口感都有，真係好鐘意人參雞湯一放底已經陣陣香味，侍應亦好貼心幫手剪開成隻雞，糯米隨雞流到湯中，吸收精華，飲落一樣都係咁正，雞都好滑韓式什錦炒粉絲味道適中，抵讚位係唔油，肉絲整得比較細，有d難夾蛋拌生牛肉什錦飯非常喜出望外！！出黎個味道好清新又好足料，牛肉質地容易咬開，完全同成個飯融合起黎海鮮煎蔥餅十次有九次我都叫佢呢個，呢間餅底比較軟同好咬口，海鮮種類都多，夠厚身鐵板牛肋骨肉好甜但又幾好食，如果肉更軟身就更好喇套餐附送埋湯，甜品，特飲，令呢餐更完滿滿足整體黎講都好味又抵食，會再黎試其他野！位置地方都大，坐得舒服，服務亦好好

剛剛去完韓國旅行回來，已經開始掛住韓國既美食。 如果人有兩個胃就好了🤡，今晚約左Buddy 食韓國餐止住癮先。朋友話之前黎過銅鑼灣依間韓國餐廳，食物質素好，有最愛既燒肉，又有多款韓國料理😍當晚七點黎到，餐廳挺大間，環境座位寬闊，坐得舒服。 -⭐️韓式前菜食韓國菜的時候，一坐低一定會有幾小碟的前菜最先奉上，除左必定出現泡菜外,仲有涼伴波菜、芽菜、蜜糖薯仔、小魚乾等涼拌前菜吃來爽口開胃每款味道獨特，送酒送飯一流-餐牌選擇多，我們點了幾款韓式料理😋⭐️煎蠔餅 傳統中式蠔餅吃得多，韓式煎蠔餅還是第一次食。 圓圓的小蠔餅，表面金黃香脆，賣相十分吸引。內裏煙韌，質感亦帶點軟滑。加上蠔的鮮甜味，魷魚的咬口、令人難以抗拒還加入了紅青椒碎，提昇味道-⭐️高麗人蔘雞湯 韓國美食眾多，最深入我心的，是人蔘雞湯餐廳既人蔘雞裡面有軟綿綿糯米、仲有補身紅棗熱騰騰的燉雞湯賣相滿分雞骨煮到用湯匙可以輕易分離雞肉入口即化，不用沾任何調味料已經夠鮮甜每一口雞湯都很清甜、不油膩養顏補身滋陰養顏-⭐️韓式豬肉什菜炒粉絲 可選牛、豬或者雞肉韓國粉絲用蕃薯製作，口感特別煙韌伴入經調味的豬肉絲及雜菜口味帶甜、炒得乾身不油膩-除左韓國料理，

今日放左工 就約朋友去食韓國菜~~ 銅鑼灣韓國餐廳甚多 佢自己偏向想食正宗一點那些 所以最後選了在金百利這家 金羅寶韓國料理  一上去人未算太多 店員就帶我地坐在卡位 一坐低店員就奉上十碟前菜! kimchi 甜薯仔 嘩好多款選擇呢! 由於朋友唔想食得太熱氣所以就沒冇叫到烤肉只係叫咗最傳統嘅韓式食物 石頭鍋牛肉飯$128 牛肉烤過再配上醬汁 超級惹味～店員每碟菜都會親自料理 服務很好 ! 之後要講經典當然是人蔘雞湯$160 人蔘味完美跟雞肉融入 雞肉軟稔加上湯 真係好補!!!再黎既就係呢個海鮮炒年糕$170  海鮮份量多 有魷魚蝦青口 再加埋年糕炒得煙靭 醬汁傷味 全部材料配合得宜 讚!!  最後就黎到甜品 我地一人揀左紅棗茶一人食雪糕 呃好滿足的一餐!

新式韓國料理如雨後春筍，但傳統料理正慢慢消失。自己幫襯多年的家庭式料理小店突然結業，實在有點傷感，很懷念傳統美食如炆牛肋骨、石頭鍋飯及人參雞湯。金羅寶韓國料理這個名字知道了一段時間，餐廳既有傳統料理，又有韓燒炸雞，既然很久沒有嚐過正統韓式料理，不如一試此店。金羅寶佔據金百利廣場一整層，坐位多為闊絡卡位，空間感很足，坐得很舒適。韓餐必備的前菜有八小碟之多，除大路泡菜外，尚有大豆芽、薯仔、蓮藕、蕨菜、西芹、海帶等。泡菜醃得酸酸的，發酵得很好，薯仔及蓮藕均粉腍帶甜，其餘的爽脆又帶有麻油香味，每樣都做得剛好。豆腐湯上枱時非常滾燙。豆腐湯內的軟豆腐十分滑溜，其他材料有鮮蝦、蜆肉、翠玉瓜、雞蛋等，辣湯味道帶有鮮味。牛肋骨煲件頭十足，大概有十件八件大牛肋骨，牛肋骨炆得很軟腍，一咬即開，肉味鮮甜濃郁。紅蘿蔔白蘿蔔盡吸牛肋骨的鮮甜味，湯底帶有甜甜的味道，十分滋補。辣什錦撈麵作為凍食十分開胃，辣醬汁混上冷蕎麥麵，上面鋪滿菜絲、蘿蔔絲、番茄、雞蛋，再加點麻油，吃時帶有香濃的麻油味與及韓式辣椒醬的甜辣味。餐後可以喺紅棗茶或雪糕兩選一，我地每樣各選其一，兩樣都可以嚐試。紅棗茶茶色對板，茶內有大量紅棗碎，紅棗味道

Been coming to this restaurant for 18 years as it always had pretty decent food. Came for lunch today, we each ordered a set lunch. The food is still ok. However, the restaurant no longer offers refill of kimchi. Instead they now charge $10 per plate. I guess business is tough. But they’ve just lost a royal customer over $10.

老實講金羅寶呢個名真係吸引唔到我,但無意中發現佢有我一直懷念既味道,就一於上去試試!地方勁大 好闊落 而且無燒肉既油煙味! 唯獨冷氣有點強二話不說就嗌左我一直懷念既 < 牛肋骨煲> $188 夠3-4個人SHARE 牛肋肉超淋 超入味 , 仲有蘿白 , 佢個汁甜甜地送白飯真係一流! 對於呢個牛肋骨煲真係無挑剔既地方🤤另有傳統8小碟 其實食哂都飽左一半煎蠔餅 蠔仔都幾大粒 , 阿熊勁鐘意食勁大碗既水冷麵,食極都仲有 有芥茉比你自己加埋落去食最後仲有甜品送,有雪糕或者紅棗茶,而呢個紅棗茶係非一般既濃!

前菜-傳統韓國8小碟 好肚餓既時候可以頂頂肚👌🏽個蛋卷無乜味 其他都夠韓🤪食韓國野點少得真露-有韓式紫菜花生作下酒菜滋補人參雞湯-好重人參味😋飲一啖 就好似係韓國咁🤤雞內有糯米 糯米都勁入味 d雞肉仲食得番ga軟軟的一d都唔似煲完中湯d乾爭爭既肉🤤辣海鮮年糕-年糕份量可以多番少少 個人比較中意食煙煙韌韌既野同埋可以再辣d入味d就更好👻泡菜煎餅-推介一定要嗌🤗🤗個人好愛 唔粉,足料,唔會太燶但又有脆邊🤤🤤🤤牛腸海鮮鍋-得小小牛腸加一大條8爪魚 味道普通,材料得菇同菇同菇 有小小上海年糕 湯味唔夠濃 唔值488$ 🤭最後埋單前有雪糕或甜湯揀 我就揀左紅棗茶 熱熱的 冬天飲暖身 女人飲都滋陰 未飲齋聞都好香好香紅棗味 我飲左第一啖 覺得成個人潤晒 依杯野 出色呀 ！係煲到成粒紅棗爛晒咁入味🤣

五一假期前夕, 放工後一早諗好要食餐好, 打黎呢間訂左位先喜歡佢呢度嘅寬敞卡坐, 二人開餐坐得相當舒服, 難怪入座率咁高呢度有燒烤/韓食, 通風系統做得唔錯, 無論用餐中/離開時, 都唔會一身油煙味道!食韓餐指定動作, 坐底無耐就送上前菜幾碟, 呢度都送得幾多, 泡菜, 甜薯仔, 咸魚干仔, 大荳芽菠菜呢D當然唔少得, 另外今次食到佢嘅蓮耦片, 甜味爽口, 前菜水準唔錯!上次黎講呢間食過佢嘅套餐(星期一至四供應), 覺得佢嘅燒肉類都幾得, 食過番尋味, 今次散叫呢碟牛肉拼盤 ($388), 份量相當對眼, 肉色靚仔, 目測有3種款式!爐夠熱就可以開以燒, 肉嘅厚薄適中, 況且係牛肉, 無需燒太耐已經食得牛肉基本上已經調左味, 無需額外點醬汁已經好夠味道, 牛肋骨及牛肋骨肉肉質相當腍滑, 肉味偏濃又唔會好肥膩, 確係好味道!呢個時候配埋送嘅餐湯及白飯, 嗚.........就咁用牛肉做餸已經相當滿足!天氣熱就想食D冷麵, 呢度嘅冷麵類都有幾款, 有辣有唔辣, 呢碗係辣什錦撈麵 ($128), 見到橙紅色醬汁, 撈均後就食得!什錦材料原來係蘿蔔薄片, 食落相當脆口又有些少甜味; 另外仲有青