金羅寶韓國料理

营业中

休息中

今晚同朋友去SOGO 入貨，血併完後好肚餓，就即刻去最近嘅金百利搵嘢食，大家都想食韓國菜，於是就揀咗金羅寶！餐廳都幾大幾多位，裝修都好有韓國餐廳feel！侍應有大部分都係韓國人，都幾有去咗韓國嘅感覺！兩個女仔就叫咗三個菜，由於我哋血併完好攰，所以無叫任何燒肉！食韓國嘢有八小碟係指定動作，呢度有泡菜、蛋餅、辣蘿蔔、薯仔、魚干仔等等！好適合我哋宜家咁肚餓又可以即刻食嘅時間！先嚟一個辣泡菜湯，入口熱辣辣咁好惹味，原本仲怕又辣又咸，點知味道又剛剛好！裏面除咗泡菜同豆腐之外，仲有啲豬肉片同京葱，所以感覺唔會太齋，而且份量又夠多，我哋兩個每人都飲咗兩碗半！另外仲叫咗一個鰻魚石鍋飯，上枱嘅時候石鍋熱辣辣，侍應會問我地需唔需要加韓式辣醬，食得辣嘅我哋當然需要㗎啦！侍應亦會幫我地炒埋，都係幾貼心嘅服務！鰻魚好淋身，有種甜甜嘅味道，而鍋飯份量又係好足，每人都食到兩碗！最後我哋叫咗牛肋骨煲，係我哋食韓國嘢必食嘅牛肋骨！牛肋骨炆得好甜好淋淋，而且好有牛肉味！除咗牛肋骨，仲有紅蘿蔔白蘿蔔嘅配菜，都一樣炆得的確好入味，係唔可以忽略嘅配菜！

今日小編去左銅鑼灣覓食，話說同事話呢度既韓國嘢唔錯、又即管去試下囉我地一行4人大約12:35到、金百利已經超多人排梗隊等lift，不過都好快等到lift上去一坐低小編我都知自己想食咩，梗係must食石頭鍋飯啦，我要蠔仔石頭鍋飯叫左少飯不過都仍然好鬼飽囉，蠔仔好新鮮又乾淨。食完冇肚痛夠飯焦、同埋個server會幫你撈勻個飯、熱辣辣出曬煙咁，食物夠熱真係好重要味道唔錯、85一個石頭鍋飯，銅鑼灣黎講算係抵食既，遲d天氣再凍d仲好味d呀

隔了一排沒吃韓燒，近來又心癮起想燒燒佢，但朋友又同時又掛住人參雞湯好啦～就去間兩樣都有嘅餐廳地點好就腳，就喺金百利個𨋢口上去我們一行4人，卡位雖滿座，侍應給了我們有屏風的6人桌，感覺同隔離桌有私人空間，食都食得開心啲。先來了免費8碟小菜，韓國小菜是我很喜歡的一部分，樣樣都有啲，但香港好多餐廳都冇，所以有免費小菜的確加分。續小菜要加錢，但此份量已夠我們4人慢慢食住等主菜。其中薯仔是我最喜歡，微微的甜味好夾，菠菜與荳芽也是我心水。烤牛肉拼盤$428眼見我們有4人，其中3個都是大胃王，於是叫了一個拼盤份量勁多，由開頭食到尾，價錢唔平但多人食嘅話除開係抵食，因為真心份量多。肉質量唔錯，其中牛肋肉最為淋身所有肉都有微微調左味人參雞湯（小）$190一個小嘅已分到4碗雞肉要快點趁佢剛上菜就食，仍會保持到嫩口。否則個湯嘅熱力會令雞肉慢慢變鞋，早食早享受啦味道幾正宗喎因爲韓國食嘅都係呢種味，但人參味可以再重番啲就再正啲喇每碗都分到一大舊雞石頭鍋飯$138等佢撈完先記得影⋯有牛肉及配菜，4人分每人有大半碗，好香口，辣醬唔夠可以自己再落侍應仲送左個紫菜俾我地～我就用黎包飯食啦甜品有：紅棗茶-朋友話好濃雪糕-

最近天氣涼涼地，又是食火鍋或食韓燒最佳的季節，今晚約了幾個同學去銅鑼灣（金羅寶韓國料理）食韓燒，餐廳設計帶有点韓國風，卡位都好寬敞，坐得好舒服，三幾個同學一面暢談一面食燒烤，大家傾番以前讀書的往事不經不覺已到十一點了，時間過得真是快，因明天大家都要返工所以要走了，大家已約定下次有時間會再來這餐廳食飯同見面。多款前菜，紫菜同花生兩樣都好香脆。不要小看這碟餐前泡菜，酸酸辣辣好惹味，泡菜好爽口，好有咬口， 十分有水準。牛肉拼盤，鮮紅嫩滑，肉汁豐富。牛肋骨，油脂分佈平均，好滑，輕輕燒過，一件牛肋骨肉，不用再點任何醬汁，就已經好快地在我們的口中。燒後的牛肉，肉汁豐富，肉質鬆軟， 越食越滋味，一定要叫碗白飯先至得。

傳統韓國料理最吸引應為各式各樣的前菜，大多數的韓國餐廳最多只會免費提供兩至三款前菜，難得金羅寶不論人數，就算只有兩位，都會提供八款前菜。前菜除了最大路的辣泡菜外，尚有海草、小魚、薯仔、豆腐、四季豆、菠菜大豆芽及豆乾，不怕營養不均衡，兼且食完已有半飽。金羅寶以韓藉女侍應居多，感覺烹調口味傳統正宗。紅炆牛肋骨煲金羅寶的炆牛肋骨有大約十件大牛肋骨，牛肋骨帶點肥膏，炆得鬆化軟腍，肉味鮮甜濃郁。紅蘿蔔白蘿蔔盡吸牛肋骨的鮮甜味，湯底帶有濃甜的味道，滋陰補身。辣泡菜 燒紫菜辣泡菜偏酸少辣爽脆，又因韓式泡菜經過發酵，所以會產生相當多的乳酸菌，活化腸道，幫助消化，減輕肉食的飽膩感。燒紫菜韓式燒紫菜表面帶有一層油及鹽粒，輕薄酥脆，就算淨食亦不會寡口。石煲烏冬原鍋烏冬以石煲上，熱得滾燙，烏冬配料豐盛，有不少沙白蜆、鮮蝦、龍蝦丸、雞蛋、日式魚片、車厘茄及雜菜等，烏冬煙韌彈牙，湯底清甜鮮味。韓式醬爆豆腐此菜豆腐外層煎得香脆，淋上大量肉絲及酸甜汁以鐵板上，香口得來亦不乾身。紅棗茶紅棗茶內有大量紅棗碎，紅棗味道非常濃郁但又不會太甜，秋冬滋補佳品。

早前去左韓國餐廳--金羅寶食韓國野。金龍寶金百利樓上,一出地鐵就係，位置好就腳。2人台都好寬闊，聊天一流。點完餐，侍應就捧上前菜。係八碟小菜，款式幾多，泡菜撈入我後點既石頭鍋飯幾正。香辣雜錦海鮮烏冬煲：有足料海鮮，大海蝦、大青口等等。面線近似烏冬，好彈牙。湯底都好飲。牛肉石鍋飯：職員幫我地撈埋，幾貼心。個石鍋夠熱，有超多飯焦，正。紫菜、牛肉等等配料撈勻令到個飯好香好惹味。紅炆牛肋骨煲：我既必食至愛。份量好多，每件都好厚肉好在舊，但肉質好綿軟好腍滑。不過2個女仔食可能食唔晒XD～甜品我揀左紅棗茶。好多紅棗蓉，好濃好香甜。乾燥既秋冬飲夠晒滋潤。

很久沒有吃喜歡的韓國菜了, 今次跟朋友來到一家較傳統的韓國餐廳, 地方大, 座位以卡位為主, 坐得舒服。先來四小碟前菜, 泡菜對我來說太辣, 魚乾比較濃味, 菠菜芽菜比較清淡, 我最愛是甜甜軟軟的薯仔。韓式什錦炒粉絲$148比較油膩, 蔬菜的料也不夠多, 主要是牛肉絲為材料,份量頗大, 夠飽肚, 粉絲彈牙, 價錢略貴。高麗人蔘雞湯$190湯上來後店員幫忙把雞剪成小塊方便進食, 人蔘雞湯香味撲鼻, 在有點秋涼的天氣下喝熱湯, 確是一絕。店員多次提示有胡椒鹽, 不夠味可以加, 可能太多人投訴味淡吧, 但我又不覺得淡, 味道清甜有足夠雞味, 也有人蔘湯, 很好味呢, 投訴不夠味的該是較重口味的人, 糯米飯吸收了雞湯的味道, 份量剛好沒太多, 而雞隻口感不很粗糙, 仍可吃, 吃著還發現原條人蔘呢, 也可一併吃掉補補身。煎餃子$128和我想像中的韓式餃子有點不同, 無論外型或內餡, 我印象的韓式餃子是長方形, 皮薄, 餡料以粉絲為主, 這個是圓形, 皮較厚, 餡是韮菜豬肉及有辣。埋單前送上紅棗茶或雪糕, 揀選了雪糕, 是抹茶味, 茶和奶味平衡, 不錯。

朋友牛一, 當然請她食至愛韓國料理,並來到她堆介金羅寶韓國料理慶賀生日。 店環境寬敞潔淨舒服,而且坐位闊落。* * 首先送上八小碟開胃韓式前菜。* 起動燒燒吧!** 點了以下食物來韓燒【調味牛肋骨肉】$188 醃製紮實無骨的牛肋骨, 燒烤出來, 四溢肉汁鮮味口感,牛味濃郁,比較有咬口。** 接下來就燒【豬頸肉】$138 已醃製豬頸肉好厚身帶甜,口感十足,不會變得過分軟腍, 尤其豬頸外層香脆可口。*燒烤時免費送上辣什菜 食燒肉配上辣辣什菜同食,可減低肉類肥膩及開胃感,又可食多幾口肉呢!** 【石頭烏冬】$128 這烏冬用上石鍋盛著,真的超級足料豐富,當然有煙韌烏冬,配料有蝦、蜆、 白菜、蛋、魚蛋片等,湯底鮮甜,味道不錯。**最後,免費送上熱熱紅棗茶。

金羅寶韓國料理上次一試難忘，終於抽到時間再黎食，今次決意再試多d野！最後都係忍唔住再食嘅海鮮煎蔥餅，真係好好味，餅底一樣咁好咬口，海鮮種類都係咁多同咁厚身辣雞肉炒年糕雞肉好滑，年糕好好咬，最驚喜係個腐皮，估唔到咁配搭係咁好食，仲有洋蔥同三色椒balance番飽膩感，全部都好入味又唔會過咸燒黃花魚成日聽到大家話好滑，好好食，今日終於食到，原來呢度都有好多款燒魚揀，咁多樣野食呢樣我地係清得最快，加d檸檬，配上甜酸汁更帶出魚嘅鮮味薯仔豬骨湯始終都係想飲番啖湯，比起重味辣湯，今次更想食食材嘅魚味，無令我失望，清得黎都好出味八小碟照舊好快掃曬，款或同上次又有d唔同，有新意！

入韓國餐廳一定一坐下就會俸上一碟一碟的泡菜前菜，其實我不是間間都會食的，有些太咸、有些太辣，但三人行來到這裡，居然清了差不多十碟的泡菜，我自己都覺得誇張，那種辣度剛剛好的滋味而又不會嗆喉，愈食愈滋味。蛋拌生牛肉，這是在韓國會食的菜式，生牛肉加上生蛋，滑上加滑，一入口就sir入喉嚨，味道清甜。平日食韓國菜，吃的喝的都是辣的，如要老少咸宜，可試試銀鱈魚湯，鍋內加入了銀鱈魚、蜆肉、豆付、蘿蔔、芽菜等，湯奶白色，有清甜的海鮮味，有魚有蔬菜，而且銀鱈魚只是中間幾條大骨，去骨也方便，食得有型至好味。炆牛肋骨，這個用來送飯最好不過，牛肋骨炆得夠火侯，放底的蘿白也炆得入味，充滿醬汁甜甜的，份量頗大，足夠4人分來吃。最後仲有紅棗茶，好滋補

昨晚突然想吃烤肉便跟朋友去了吃韓式烤肉。到了銅鑼灣隨便找了一間在金百利的韓燒餐廳，我們一行三人被安排坐卡位，座位非常寬敞舒適。我們特地點了沒有醃的牛排骨, 試試原味, 另外還點了牛舌。牛排骨端來看賣相已吸引非常。紅白雪花梅花間竹，平均分佈，令人不禁眼前一亮，待應細心地把原塊牛排骨剪成小塊。至於牛舌也呈現雪花狀態，端上來時已被切得薄薄的，亦很吸引。我們把肉放在熱碢上烤，那清脆的聲音早已令人其待不已⋯⋯牛排骨烤好，吃起來肉質鮮嫩而不油膩，肉味濃厚。慶幸是點了沒調味的才吃到真正鮮味。至於牛舌也很香，一啖一塊，囗內充滿啖啖油香，牛舌比牛肋骨煙韌，更有口感。至於熟食我們則點了豆腐鍋和豬肉炒年糕。豆腐湯很鮮甜，豆腐很滑，而且用料十足。有蝦和蜆。年糕醬則偏甜，但也十分好吃。豬肉也很稔。最後還贈送甜品，可挑雪糕或紅棗茶。整體來說，這間烤肉店水準不錯，熟食也ok，價錢中規中矩，值得一試。

在金百利樓上, 一出地鐵站就到, 地點非常方便~餐廳是卡位,坐得很舒服,金羅寶除了燒肉,其他韓國菜也一應俱全,每份菜也很大碟,本來想吃豬手,但太大碟一定吃不完,如果有半份就好了,由前菜開始,味道十分高質,泡菜不太辣,味道剛好,款色很多!鹽燒生牛排骨$210, 脂肪分佈平均,一吃就知道不是下等貨,有牛味,份量很多~今天沒有我最愛的醬油蟹, 點了生牛肉$205,生牛肉加雪梨超級無敵好味道~店員好熱心,主動問我們要不要攪拌,紅炆牛肋骨$198,白蘿蔔紅蘿蔔也很甜,牛肋骨很軟,甜甜的很好味,每次都是點泡菜豆腐湯, 今次點了銀雪魚湯,味道像媽媽煲的魚湯,材料很多,很鮮甜,最後有甜品送,我們選了紅棗茶,濃濃的紅棗味,很養生~~~金羅寶的食物比TST韓國街的更好味,選擇又多,坐得又舒服, 100分!!

朋友就黎嫁去外國，臨出發前，我們相約在一直蒲開的銅鑼灣食飯Gather, 打算請佢食餐好既～見網上的評語也不錯，呢排韓國風又好行，於是我選了在交通最便利，在銅鑼灣核心的金百利內的金羅寶韓國料理。一入到去，估唔到空間比我想像中大，餐廳是全層的！！而且裡面很多檯都係大張的卡位，私隱度高，適合談心，坐得都幾舒服。餐牌內的選擇很多，有韓燒類的，也有不用燒的！貪心的我們，當然兩樣都試下啦！點餐後，Waiter立刻送上幾款餐前小食！估唔到有8款咁多，剛好圍成一個圈！小食有酸有甜有辣！本來唔係好肚餓的我立刻都開胃番！哈！跟餐先來兩個牛肉湯，味道很清很甜～ 牛肉料也足～烤牛肋骨肉比我想象中大碟，個調味教得好用心，燒完吃很香口，肉質很淋～燒豬頸肉好香肉味，調味好特別！很好的爽肉！！石頭鍋飯熱辣辣！未食已經聞到香味！！Waiter還貼心的怕我們燙到，主動幫我們搞好！辣醬是另上的，自己喜歡幾多落幾多！我怕辣，所以落少少啦～最後的飯後甜品還有雪糕和紅棗湯選擇，我們就揀左雪糕～ 作為一個完美的完結～唯一可惜的是，我們只有兩個人，而菜的份量又比較多，不能試太多東西，唯有下次等佢番黎香港再戰啦～哈哈！p.s. 餐廳

今日出左銅鑼灣搵個朋友，佢話想試下呢間就去啦😀😀全層都係佢地呢間餐廳，好闊落，裝修格局感覺有啲似中式高級餐館😁我見好多檯客人都食燒肉😯但味道唔會好勁我地一落左單之後店員就奉上8個前菜😂 朋友話個泡菜整得唔錯，辣度適中，偏脆口，似係自家出品😀薯仔甜甜地，夠淋魚仔鹹左丁丁，不過都唔差西芹就好爽👍兩個女仔食得唔多所以叫咗一個炆牛肋骨煲(白飯另外叫) 同埋泡菜煎餅😁牛肋骨都幾大煲，啲牛好多，炆得好淋，啲肉離曬骨，夠入味😋😋泡菜煎餅唔會好辣，都好足料，煎得幾脆，亦唔會好油膩，不錯😆最後仲送埋甜品，有咖啡雪糕或者紅棗茶，我哋淨係要咗一杯紅棗茶😅佢嘅紅棗茶反而唔似係市面一樽樽就咁沖出嚟果啲，似係自己煲，有渣同埋好濃烈嘅紅棗味😯😯有誠意！店員服務態度都好好，唔錯既一餐😁

雖然呢排冇煲韓劇，但係久唔久都會突然間好想食下韓國野🤪今朝心血來潮想食辣泡菜餅，就那那林訂咗枱今晚去食呢間金羅寶🤗金龍寶位於金百利樓上，地點十分方便。雖然比起新興嘅韓國餐廳，佢嘅裝修係比較古舊啲，但係我又覺得幾有情懷🤣佢畀我有種實而不華既感覺，最緊要都係乾淨企理就得👏🏼一坐低，店員就好有禮貌咁遞上餐牌同熱茶，點完菜之後，當然就會送上小食。呢度預備嘅小菜有八樣咁多，泡菜係我嘅最愛，男友就話呢度嘅泡菜比較酸，但我就好鍾意😋😍仲有蛋餅、茄子、菜、魚仔等等都幾好食。男友點左個生啤🍺店員就在額外送多一點紫菜同花生🥜黎佐酒，都幾貼心架。先黎左豆腐湯，好香好多海鮮料😍有兩隻蝦🦐都幾大隻，仲有好多蜆仔去提鮮😍😋店員之後端上蠔仔石鍋飯，亦都好有禮貌問我地駛唔駛分埋。飯既份量雖然唔多，但撈起黎好香。同埋其實兩個人都好夠食，可能因為仲有湯同小食，仲有最後上場既泡菜餅😍😍辣泡菜餅好香好足料👏🏼😋煎香左既泡菜就比普通泡菜少左一份酸酸既味，而且佢亦再加埋D青椒、蔥等一齊開粉整，個味剛剛好，香辣🌶得黎好惹味👍🏼🤤😋雖然今晚冇食肉，不過份量對兩個人好足夠，臨尾仲要送雪糕🍨或紅棗茶🍵我地就每樣要一款試下。果然個紅棗茶好